মুরমু পৗরিস রেন হড় কওয়াঃ জানামঃ রেনাঃ বুটৗ কাথা - Murmu Parshi Ren Hor Koyag Janam Rena Buta Katha || Post By - Santali Arichali

মুরমু হড় কদ পিলচু হাড়াম পিলচু বুডহি তৗকিন রেন হালাং ঞাম গিদরৗ ক কানা কু৷ উনকু কদ পিলচু হাড়াম পিলচু বুঢহি তৗকিন রে এব অমন কদ ক বাং কানা।
মুরমু কদ ঠৗকুর নাগা বাবা আঃ ইতৗ-তে মুরুম এঁগা আঃ লাজ খন ক জানাম আকানা।নুকুয়ৗচ এঁগাৎ দয় হুযু়ঃ কানা “মুরুম এঁগা”। মুরমু হড়, কওয়াঃ অনে জানাম অক্ত রেনাঃ থুতি তেৎ দ নঃ অয় নংকা—;
কাদাম দারে বুটৗরে নাগা বাবা দ জাহাঁয় ক মেতায় কানা ঠৗকুর নাগা ধেয়ান
রেয় দুডুব কঃ তাঁহেৎ। আর অনা দারে বুটৗ রেগে মিদ্টাং মুরুম ত্রঁগা হঁয় তাঁহেন তাঁহেৎ। উনি মুরুম ত্রঁগা দ দিনৗম গে হানতে নাতে খন অৗতি ঞ অৗগু বাড়া কাতে অনা কাদাম
দারে বুটৗ রে হেচ্ কাতেৎ এ বুরুম কঃ আ । মিৎ দিন দ অনকাগে উনিদ অনেয় বুরুম। আকানে অক্ত টাটকা গে উনি ঠৗকুর নাগা বাবা দ ধেয়ান খনাঃ মেৎ এ বেঁগেৎ মারসাল কেৎ তায়া। বেঁগেৎ মারসাল কেৎ-এ সাঁও সাঁওতেগে উনরে নাগা বাবায়াঃ মেৎরে
তৗকিচ্ এনা উনি মুরুম ত্রঁগায়াঃ হারা উমের আকান যুওয়ৗন হড়ম। আর ঞেল সাঁও
সাঁওতেগে নাগা বাবা-আঃ মনে রেহঁ সেটেরেনা আচকাগে মিদ্ লেকানাঃ টেটওয়াস । জাঁহা দক মেন এৎ কানা এরা লেকাতে উনি ঞাম রেনাঃ । উনরে নাগা বাবা দ উনি মুরুম
ত্রঁগা দ মনে মনেতে মনে ভিতরি রেয় গাঃ কেদেয়া অৗডি চেহরা মিদ্ বঁগা কুড়ি লেকাতে। আর উনরে উনি দ উনি বঁঁগা কুড়িয়াঃ দুলৗড় দরয়া রে অৗডি গৗহির তেয় উনুম আদ্ মাঁদাও চাবায়েনা। খানগে উনরে উনি নাগা বাবায়াঃ জানাম ইতৗ-মা জরয়েন তায়া বসমতা রে আটেৎ আকান ধূবি ঘাস চেতান রে । আর অনা জর লেন ইতৗ গে উনি মুরুম ত্রঁগা দ মিৎ দিনঃ অৗতিঞ অৗতিঞ তেয় অৗতিঞ ঞাম আন তাঁহেৎ । বৗয় বৗয়তে মুরুম ত্তঁগা—আঃ জৗড় পারচাও অনা জানাম খুলি রে জিলৗৎ জাওরায়েনা অনা ইতৗ, জাঁহা ইতৗ। খনে জানাম লেন তাঁহেৎ কানা মিদ্ দিনঃ উনি মিৎ মৗনমী হপন । জানাম এন রেগেয়,
মুরুম ত্রঁগা হঁ উনি গিদরৗ দ অৗডি দুলৗড় তেগে আদয় হারায় একান তাঁহেৎ। মেনখান মিৎ দিনঃ দ ইড়ি-এরবা জম কুমডুখৗতির পিলচু হাড়াম পিলচু বুঢহি অৗকিন্ রেন গিদরৗ
কদ অনে। সুলৗক বিদ্ কাতে উনি মুরুম ত্রঁগা দক ভঁসা গজ কেদেয়া । মুরুম ত্রঁগায় গজ এনখান গে উনি গিদরৗ মা উনরে একালে টুওয়ৗর উতৗরেনা । আপাৎ মা বাং গেয় ঞেল আকাদে, মুরুম ত্রঁগা উনরেয় গজ এনরেদ উনি দ ত্রঁগাৎ তেহঁ আদয় টুওয়ৗর উতৗরেনা । এঁগাৎ তেয় টুওয়ার আকান উনি গিদরৗ দ উনরে হরি বিকল গটায় রাঃ অৗচুরেৎ অক্ত,মিৎ দিনঃ অনে পিলচু হাড়াম পিলচু বুডহি তৗকিনগে উনি দ টৗটি ঝৗরি। জলা ধারে খন কিন হালাং ঞাম অৗগু লেদেয়া। তায়ম দারাম্ পিলচু হাড়াম পিলচু বুঢহি তৗকিন ঠেনগে উনি মুরুম ত্রঁগা আঃ লাজ খনে জানাম লেন মৗনমী গিদরৗ দ আদয় হারা বুরুয়েনা ৷ পিলচু তৗকিন রেন গিদরৗ কহঁ নতে ক হারা বুরু গদ্  আকানা।উনরে উনকিন দ উনকু-ক পৗরিস ক-কিন হৗটিঞ আক কানা । অনা হৗটিঞ হিলঃ উনকিন দ অৗকিনাঃ
মায়ান খন ক গাড়হাও আকান, উনকু দ গেলবার পৗরিস তেকিন হৗটিঞ কেৎ কওয়া । যে লেকা— হাঁসদা, সরেন, টুডুু, বেসরা কিস্কু, মান্ডি, হেমরম, বাস্কে, চঁড়ে, পৗউরিয়া ডঁডকা আর গেঁডওয়ার ।উনরে আকিনিচ্ উনি হালাং ঞাম গিদরৗ দ উনি মারাং বুরু

আঃ কাথা লেকাতে উনিদ কিন ছৗটয়ৗর হট কাদেয়া “মুরমু” হড় মেনতে ৷ পিলচু তৗকিনিচ্ উনি দ হালাং ঞাম গিদরৗয় তাঁহে কানা । অনা তেগে উনকিন দ বাং কিন বাডায় তাঁহেৎ
উনিয়াঃ জানামঃ রেনাঃ বুটৗ কৗহনি । অকয় গেবাং উনি রেন এঁগাৎ আপাৎ অনাহঁ বাংকিন বাডায় তাঁহেৎ । অনা তে উনি দ চেৎ পৗরিস তেকিন ছৗটয়ৗরেয়া অনাগে
বাংকিন গটা দাড়েয়াঃ কান অক্ত গে, নওয়া দ মারাং বুরু আঃ এম দিশৗ পৗরিস কানা। উনরে মারাং বুরু দ উনি গিদরৗ আঃ জানামঃ রেনাঃ কৗহনি হঁ উনকিন এ লৗই আঁজমাৎ কিনা । উনি কিন হালাংঅৗগু লেদে গিরৗ  যে ঠৗকুর সিরজন বঁগা হপন কানায় উনকিন
দ উনরেগে কিন বাডায় ঞাম কেৎ আ । মারাং বুরু ঠেন খন অনা ক কাথা আঁজম কাতে উনকিন মা অৗডি তেৎ গে আদকিন কুশিয়েনা আর রৗসকৗ হঁকিন আটকার কেৎ-আ।
উনিয়াঃ পৗরিস এম কাতে গে উনকিন দ উনি মু্রমু, হড় দ খেরওয়াড় সাঁওতা চেতান রে চেৎ চেৎ কয় কৗমিয়া,সেয় কৗমি দাড়েয়াঃ আ; অনা ককিন লৗই বুটৗ হট আদেয়া ।
মারাং বুরু উনরেগে আরহঁয় লৗই তরা আদ-আ, যে খেরওয়াল জৗতি হড় কওয়াঃ জৗত চালাও লেন রেদ উনি গে উনকু জৗত রেয় রাকাব রুওয়ৗড় কওয়া । মুরমু হ, বেগর খেরওয়াল জৗতি হড় কদ অকয় হঁ জৗত রে রাকাব রেনাঃ দাড়ে দ বৗনুঃ আন তাকওয়া। মেনখান মুরমু হড়াঃ জৗত চালাও লেন রেদ, টিকৗ মুরমু ক আতে উনকুওয়াঃ জৗত তালাঃ
রে রাকাব রুওয়ৗড় রেনাঃ কৗমি দ চুকৗও হুয়ুঃ তাকওয়া । টিকৗ মুরমু কদ বেরেল মায়াম দ একাল গে বাংক চালাও আ৷ বাডায় রে তাঁহেন মা নওয়া দ খেরওয়াল জৗতি
হড় ক অৗওরি হৗটিঞঃ অক্ত রেনাঃ কাথা কানা ।