বাপলা ইদি কাতেৎ কাথা ক :— দুওয়ৗর বাপলা, টুমকি দিপিল, অর ইতুৎ আর কোডে ঞাপাম | Santali Arichali | Santali Neyam Nemachar | Kherwal Koyah Nagam |

বাপলা ইদি কাতেৎ কাথা ক :—
মিৎ কড়া মিৎ কুড়ি অনে তিরি-পুরুষ লেকাতেক জড়াও মিৎ লেকিন খান— অনাদ বাপলা ক মেতাঃ কানা। সান্তাড় হড় কওয়াঃ বাদ পৗহিল ঃ রেদ পােন আনাঃ হাঁটিতে হাঁটি তাঁহে কানা। অনাকদ হুয়ুঃ কানা— দুওয়ৗর বালা, টুমকি দিপিল, অর ইতুৎ আর কোডে ঞাপাম। তায়ম তায়মতে উনকু দ আর পেলেকানাঃ হাটিক সারসাও কে আ। অনাকদ হুয়ুঃ কানা— ঘৗরদি জাঁওআয় বালা, সাঁঘা বালা আর কিরি জাঁওআয় বাপলা। অনা লেকাতে লৗই গানঃ আ— সান্তাড় হড় কওয়াঃ বাপ্লাদ এয়ায় হাঁটিতে হাঁটি আকানা। অর ইতুৎ হাঁটিঞাঃ— কৗমিদ পৗহিল ঃ রেদ জুরতেক কৗমিয় তাঁহেৎ। অকয় গেক কুশিয়াকওয়া উনকু দ জুর কাতেৎ কইতুৎ আকতে, আরক অর আগুক তাহেৎ। তায়ম তায়মতে অনাদক অরু ফেরাও কেআ অনে নাপায় অকচ্ তে কৗমি তালাতে গান হ-চ রেনাঃ। উনদ ইতুৎ দ বাং কাতে “অ” তেক দহ কেআ। কুশি কুশীল লেন খানক “অ” তে নাপায় অকচতে আগু রেনাঃ অনে সাঁওতারে মিৎটাং নেয়ামক তল কেআ।

বাপলা জড়াও — কোঁডেল ঞাপাম আর কিরি জাঁওআয় বাপলা বেগর এটাগাংক আর মড়ে লেকানাঃ বালা জড়াও লৗগিৎ তেদ—, লাহাদ কুড়ি গিদরীক চিয়ৗ ঞাম কওয়া । অনা তায়ম কাথা ইদি-আঁৗও লৗগিৎ সে কাথা ভিড়ৗও লাগিৎ তে মিটাং হড়ক সাবেয়া, উনিদক মেতায় কানা “রায়বারিচ”। উনিগে বানার পাহটা রেনাঃ কাথা কয় ইদি অগুয়া। অড়াঃ জড়াও রেদ লাহাদ কড়া পাহটা রেনগে পৗওড়ি দক গিডিয়া। অনা তায়ম কুড়ি অড়াঃ রেন হড়-ক জাঁওআয় ঞেলে ক চালাঃ আ। বাহু জাঁওআয় এেঞেন্দ জড় জড়ক চালাঃ আ। জাঁওআয় অড়াঃরে তিন জড়ক চালাঃ আ বহু অড়াঃরেনদ অনা খনাঃ মিৎ বার জড় জৗসতি ক চালাঃ আ, নওয়া গে নেয়াম কানা । অকা চাঁদো ঞেল এেপেল ক এতহবা, অনা চাঁদো ভিতরি রেগে অনা কৗমি দক পুরৗওয়া। ঞেল-ঞেপেল সার-সৗগুন লাগিৎতে চাঁদোদ বাংক বার হাঁটি হচও -আয়া। পৗতয়ৗও মেনাঃআ নওয়া তেদ সৗন ই বৗড়িজ দাড়েয়াঃআ।
-
(খেরওয়াল জৗতি হড় কদ নঃঅ নংকা নেয়াম নেমাচার তালাতে বালা শিকড়ি দক ছাঁদা জড়াওমিদ-আ।)

দুওয়ৗর বাপলা সার সৗগুন কৗমি— নেডা-গটা আকান দিন গন হিলঃ কড়া সে কুড়িরেন আয়াে বাবা আরবাং গীলিম ক সৗন ঞেল লৗগিৎতে ধরম দিশী কাতে মিৎ লটা দাঃ ভিতৗর অড়াঃরে অকারে সরাবরা অনকা বানুঃ আকাদা অঁডেকদহ হট কাঃ আ। লটা দাঃরে বারয়া ডগ বাহা ক চাডাে হট কাঃ আ। উডুকঃ অক্ত অড়াঃ রেন বগা বুরু কক ঞম হট কাকওয়া। সৗগুন কামিরে আল বাড়ে অ-সৗগুনঃ মা অনা কক আঁড়হে হট কাআ । অকয় কদ ধরম্ ঞতুমতে পেরেজ লটা দাঃ দড়ম্ কাতে অনা ফেডরে কৗটিচ সাহা সাহা বারঠেন হােড়াে কক চুরুচ হট কাঃ আ। ওগেল হট কাঃ অনা কদ জাহানাঃ তানাঃতে হৗরুব এসেদ হট কাঃ ই গানঃ গেয়া। আদ উনকিন আয়াে বাবা স্যে গৗলিম কিন ইনৗহিলঃদ অডি ঞৎ ঞৎতে আতােরেন যাঁহায় হড়াঃ মেৎ রে আল-কিন পাড়ামা অনকা লেকা কাতে আতাে, রেনাঃ সীমৗকিন পারম চালাঃ আ। সাঁওতেনক হড় কদ বেড়া কাতেক উড়ুক চালাঃআ। আদ অনে লাহারেগে ক গালমারাও গটা কাঃ, অনা ঠাঁও রে (এটাঃ মৗওজৗরে) ঞাপাম মিৎ কাতে সানাম কগে আদ অনে নাওয়া পেড়া অড়াঃ সেৎ ক মহডাঃ আ।
আতােরে নাওয়া পেড়াক বলন অক্ত দযাঁহানাংক বাংক ঠাঃ ঠগ-আ। লুগড়ি লাপােক সেরে বাংক দহ কাআ। চুলহৗরে সেঁগেল বাংক উষ্ণুরাঃ-আ। এখেন ঠিলি বাংক ঞ হ-চ কওয়া এমান এমান নংকানাঃ; মিৎ কাথাতেদ বাং সৗগুন লেকানাঃ চেহঁগে অনকান অক্তরেদ উনকুওয়াঃ মেৎ সামাং করে আল আধড়াঃ-মা বাড়ে। পােন কাটা আন অনকান গছ জিয়ৗলীক ঞেন্দ বাং সৗগুন রেনাঃ চিতৗর কানা। উনকু গছ জিয়ৗলী লেদ বাং সৗন রেনাঃ উনুদঃ কানা। মেনখান- সৗগুন কৗমি আরিয় অক্তে গম্ মৗনমী লেদ অডিগে সৗগুনা।
নাওয়া পেড়া কদআতােরেন জমৗঝি, গােডে আকেদারাম সাঁবাও কওয়া। পেড়া কক বলয়েনা, আদ দুডুব হচ কাতে লটা দাঃ কক উডুআকতে লাহাদ আতােরেন মৗঝি, গােডে, জগমৗঝি আর অড়াঃ রেন হড় কক গড়জহারা । উনরেগে কড়া হপন পাহটা রেদ সেঁগেল সাকাম দকতা কহঁক সাের আকওয়া। নাওয়া পেড়াক দুডুবক লৗগিৎ তেদ নাপায় পারম্ কক বেল আকওয়া। অনা পারক করে- তে করেই আল এত কমা বাড়ে।অনাক তায়ম আদ বাহু সে জাঁওআয় ক উডুক এয়া। বহু জাঁওআয় উড়ুক অক্তদ মিটাং গ-গড়য়ি এ তাঁহেনা। লটাদাঃ সাের কাতে পেড়াক ঠেকিন— গড় পুরীও লেখানগে আদ উনকিদ অড়াঃ তেকিন বলনা। পেড়া কই গ্রুেল বাড়া কাতে আদ বাহুরে সেরে উড়ুক কাতে আপিন অপিন মুদরে কুলি কুপলিঃ লৗগিৎ তেক জাওরাঃ আ। অনাদক মেতাঃ কানা “কুবা”। অনা কুঁবৗরে কুশিয়েনাক মেন্তে গটায়েন খান আদ দহড়াতে অড়াঃক বল রুওয়ৗড়ঃ আ। হানে সাের-আক তাঁহেক লটা দাঃ উনদ আদ অৎ রেক হিরিজা। ইনৗ খানগে আদ উনকু নাওয়া পেড়া কদ জাঁগা কক অৗরু কওঁয়া-। উনরেদ লটাদাঃ আনতে থৗরি চেতানরে জাঁগাক আঁৗরু ফাৰ্চা কওয়া। পেড়া কওয়াঃ জাঁগা আঁৗরু ফাৰ্চা-করেনাঃ দাঃ দ হাঁডে নাডে বাংক আরে গিডি কাঃ আ। উনকুক অরুন্ তায়ম অনে জতম হড়াঃ জাঁগা কগে আদ গামছাতে জত ফার্চা কাঃ হুয়ুঃ আ। অনা তায়ম আদ উনকু দ দাঃ কক ঞ হ-চ কওয়া। ইনৗ-ক খানগে কুশি কুশীল বাখরাতে কৗমিদ আদ মুচৗদঃ আ।

হরঃ চিন | মালা চন্দন — পেড়া কদ দাক ঞ বাড়া কাতে, কুশি আকাও দেক বাহু সে জাঁওআয় উনদ আদ উনকু দ হরঃ চিন সেক মালা চন্দন হট কায়া। পেড়াক থারে থার তালা রাচারে পটিয়ৗ চেতান রেক দুড়ুব আ। বাহু সে জাঁওআয় যাঁহায়গে অনে মিটাং সাঁওতেনিচ হড় আতেকিন উড়ুক হিজুআ। আদ মিৎ মুচৗৎ খনাঃ উনি বৗহু সে জাঁওআয়-এ্য গড় ইদিয় অক্তে যতম হড়গে উনিক সাব দুডুব এতে হব এয়াক, সুনুম সাসাংক অজঃ এয়া, চঃ আয়াক আর যাঁহানাঃ কক এমায়া। যাঁহায় হানহার- এ্য হুয়ুঃ লৗগিদঃ কানা উনিদ হটঃরে বেল মালা ডাঁডারে ডরা আরাও কাতে কিমিন সে জাঁওআয় গােমকে-এ্য হরঃ চিন এয়া। তি কৗটুপ করে মুদৗম হঁক হরঃ আক গেয়া। নাওয়া লুগড়ি তেক ধুতি বাঁদে হচ কওয়া (আরাঃ পৗড় ধুতি শৗড়ি) । অনকা কাতে যতম হড়গে উনি বৗহু সে জাঁওআয় এ্য গড় পুরীও আক খানগে আদ অনা কৗমিদ ছিডৗঃ আ।
হর চিন অক্ত ক সেরেঞা—

তাঁহা রেতা নানা তারনা
তাঁহা রেতা না-না-না
তাঁহা রেতা না-না- তার- না,
তাঁহা রেতা না-না-না- হাে ।
অড়াঃ লেপে দুওয়ৗর ঞেলেপে
ঞেলেপে ঞেলেপে ভাজান ঞেলেপে,
নাপায় অকচ্ লে কাতে
কুশি মনেতে বাছাও হাতাও পে ।
তাঁহা রেতা নানা
( কড়া গিদরী ক্রেল অক্ত রেদ)
তাঁহা রেতা না- না- তারনা
তাঁহা রেতা না- না- না
তাঁহা রেতা না- না- তানা,
তাঁহা রেতা না-না-না- হো
অড়াঃ ঞেলেপে দুওয়ৗর ঞেলেপে
ঞেলেপেসেয়া জাঁওআয় ঞেলেপে
হেমে হব আতে ঞেল কাতে—
মালা মুদৗম বাড়ে হরঃ আয়পে।
তাঁহা রেতা না- না
হরঃ চিন কৗমিক হুয় সৗত এন খানগে আদ নাওয়া পেড়াক তােপােন ক ইদি কওয়া। বালায়া সেরেঞ তালাতে ইনৗ হিলঃ খনগে আদ বাপলা রমজদক তারকাওয়া। ততাপােন খন অণ্ড কাতে আদ নাওয়া পেড়া কক জম ঞ হ-চ কওয়া। ইনৗ তায়ম আদ পেড়াক বিদীয় ক রেনাঃ ক তােড়জোড়-আ। নাওয়া পেড়া ঠেন চালাঃ রেদ বাংক বাসাঃ আ । বালায়া দংক সেরেঞ তালাতে দমেক রৗস্কৗ রমজতে আদক বিদৗয় কওয়া। বিদৗয় অক্ত তিল কদ রৎ নাকি আর বাহাক হরঃ কাতেক বিদীয় কওয়া। ছাটকারে বানার পাহাটারেন হড় কগে কুঁডলৗঃ তেক তিনা, আদ গড় জহার এপেম চাপাল কাকে বিদায়ঃ আ। জাঁওআয় সে বাহু অনা বিদায় অক্ত রেদয় তাঁহেনা। নঃঅয় জমএ কাথা অলেনদ, পৗহিলদ নওয়াদ বানার পাহটা সার সৗগুন ঞেল তায়মক কৗমিয় তাঁহেৎ। মেনখান নাহাঃ (নেতার) অনাদ সৗগুনক 4াম কে খনগে কৗমি দক ছিডৗও তরায়েৎ কানা।

অড়াঃরে রুওয়ৗড় কাতে সার সৗগুন গটা —
বীহু জাঁওআয় লেরে যতমাঃ সৗগুন ঞেল কাতেহঁ আরহঁ মিটাং সার-সৗগুন-ক লাে, অনাদ হানে দহ হট আকান ধরম তুমতে লটা দাঃরে। লটা দাঃ আঁজেৎ আকান খান সে পেরেজ লটা দাঃ তালা আকান খান অনাদ বাং সৗগুন মেন্তেগেক সাক্-আ। হানে সৗগুন লটাঃ দাঃরে বারয়া ডগর বাহা ফারাক্ ফারাক ক চাডাে হট কাৎ তাঁহে, হেজ কাতে অনা ফারাকরে ক দহ হট লেৎ অনা বাহা কিন জেপেৎ ভিড়ৗও আকান কলে লেখান অনাদ অডিগে সৗগুন স্যে অডিগে নাপায় মেন্তেক মনেয়া। চুরুজ হট কাঃ ভিনৗ ভিনৗ হােডড়া হঁ মিঠেন ভিড়ীও কঃখান অনাদ অডিগে নাপায় সৗন রেনাঃ নিশৗন কানা মেন্তে গেক গটায়া । নিয়ৗ তায়ম আদ গপন্ কাথা ক গাপাল-মারাও তালাতেক রৗপুদ গটায়া। খেরওয়াল সাঁওতারেদ গনংটাকাদ পেটাকা, মড়ে টাকা, এয়ায় টাকা আর গেলবাব টাকা জম্ রেনাঃ নেয়াম সে চ মেনাঃ আকাআ। উইহৗর তাঁহেনমা গনং টাকাদ করে আপাদ এমঃ হুয়ুঃ তায়া; আর কুড়িরে আপাদ গনং টাকায় জম-আ। পে টাকা জম ডুবু, মড়ে টাকা অনকা লেকাগে। অনা বেগর মড়ে, এয়ায় আর গেলবার টাকা জমলে রেদ কুড়িরে আপাৎ তেৎ আজিজ জাঁওআয় গােমকে-এ্য বগা তালায়ে অক্ত জম্ দাকারে মিটাং ধিভু গৗইদ লাগাও আয় গেয়া। নওয়া কদ জম চাপে।
টাকা চাল রেনাঃ নেয়াম:— কড়া অড়াঃ রেন হড় কদ আততা রেন মৗঝি গােডেক্ত সাঁও কাতে কুড়ি অড়াঃ তেক চালাঃ আ। আঁডে সেন কাতে অনা আততারেন মাঝি গােডে সামাংরে গনং টাকা দক চা হট কাঃআ । সামাংরে লটা দাঃ দড়ম কাতে বানার আতােরেন মৗঝি কিন সামাং সামাং কিন দুডুবতে অকিনগে লাহাকিন এপেম চাপালা। অনা তায়ম কুড়িরে আপাৎ-আ তিরে টাকা আদ চাল-গঃআ। সার সৗগুন, গন পন কাথাক রৗপুদ তায়ম গনং টাকাক চাপাল হুয় লেনখানবাপলা রেনাঃ নেডামাহা আদ-ক গটায়া। গটা লেখান অনা রেনাঃ ‘উডৗন গিরৗ” দ কড়া পাহটা খনগে কুড়ি অড়াঃতে লাহা দক কোলা। কড়া অড়াঃ রেগে বাপলা গিরৗদ লাহা তলগঃ-আ। লৗইতরারে তাঁহেন কানা, যাঁহায়ক বায়েৎ কিনা, উনকিন বানারগে ইখৗন এঁগা আপারেন সেঁড়া কিন খান, অনা বাপলাদ বাং নাপায়া । আর মিটাং কাথাই লৗই তরা লৗকতিঃ কানা, কড়া তাম কুড়ি তাম যাঁহায়গে মিহড় এগা-আপারেন মারাং কিন কিন হুয় লেনখান, বেঁটগা রেদ অনা বা কৗমি অৎরিদ একালগে বাং নাপায়া। মারাং কদক মেতাক কানা বেঁটু বেটা আর বেঁঢ় বিটি। মেনখান কৌঁডেল ঞাপাম রে অকা মানা-বাধা হঁগে বীনুঃ আকাআ। উন অক্তরেদ সানামাঃগে সৗগুনা। অনে দুওয়ৗর বালারে উডৗন গিরী কড়া পাহটা খনাঃ আড়াঃ লেখানগে, আর কুড়ি অড়াঃ রেন গীলিম কই অনা মাহাগে গটায়েনা মেন্তেক ঠাড় লেখান উনদ কুড়ি অড়াঃ খনই “সসাই” এনা মেন্তে গিরক কোল রুওয়ৗড়া। অনা দক মেতাঃ কানা “সােই গিরৗ”। আদ বানার পাহটাগে পেড়া পাঁড়হৗ অড়াতে বাপলা গিরা তল্ কাতেক ভেজায়া।

ছামডা তল :— বাপলা এতহব রেদ আতােরেন হড়ক অনা অড়াঃরে ছামড়া-কক তলা। উনরেদ উল টৗওরৗঃ কক আকায়া। নওয়া লৗগিৎতে আতাে হড়ক মিটা হাঁডি টুকুক মা।
ছামড়া লাতার অনে তালা রাচারে মিটাং মাড়ওয়া তলগঃ আ। অঁডেগে বাপলা তুমতে সুনুম সাসাংক বঁগা হুয়ুঃআ। তালা রাচারে মিটাং ঢডা ক তাড়াওয়া। আর অনা ঢডারে মিৎটাং সারজম ঢৗওরৗঃক বি-দা। অনা ঢডারে পেয়া রইলৗ সাসাং, আদওয়া চাও লে, ধুবি ঘাস, মিটাং বা পুইসৗ আর উস্ সাকামক দহওয়াঃ-আ। অনা তায়ম ফেড় খনাঃ খড়তে উঞ সে পেটের আড়াস তে অনা দক বেধ
আর-ক হাসায়াঃ আ। অকয় কদ দৗওড়ৗ লেকা হাসাতেক তেয়ারা । অকয় কদ সারজম ঢৗওরৗঃ সাঁওতে মাতকম্ আর সেকরে হক বিদ্ সালাগা। নঃ অয় নওয়া গেক মেতাঃ কানা বা মাডওয়া” দ। অনা মাডওয়া খুন্টি ঠেনগে তেরে কুড়িক আদওয়া চাও লেক সেটে উডুক্ আ। ছামড়া লাতাররে আপাৎ হড় -দ হাপড়াক তুমতে হাঁড়ি আদয় চডরা। উন অক্ত রেনাঃ বাঁখেড়,
জহার গঁসাই অগিল পুরুধুল ক—
নঃ অয় বাপলা তুম্ তে—
হাঁডিলে এ আপে কান—চডর আপে কান গঁসাই
নওয়াগে কুশি মনেতে চেরে হাঁটিঞ—
চেপে হৗটি কাপে বাড়ে গঁসাই ।
মা গঁসাই এনখান বা কৗমিদ
নাপায়তে বাড়ে পারম্ কঃমা
কৗমি তালা করে যাঁহানাঃ নেয়াও খৗপৗরিক
আলপে সিজাও হচয়, ভিড়ৗও হচয়া গঁসাই,
নায় বাড়েনাপায় বাড়ে গঁসাই ।
কড়া-কুড়িক দং এনে করেক কুশি রৗস্কৗয়া
বৗরয়ৗৎ কওয়াঃ হিজুঃ সেনঃ হর বির করে—
(কুড়ি অড়াঃ রেদ বরিয়ৗৎ কাথা ঠেনদ “পেড়া পৗড়হৗ” কাথা লইয়াঃ হুয়ুঃ আ ।)
অনে উনকু কঠেন লা হাসাে বহঃ হাসােক
আলপে সিজাও হচয় ভিড়ৗও হচয়া গঁসাই,
নাপায় অকতে বাপলা কৗমিদ বাড়ে
সার কঃ সৗগুন কঃ মা গঁসাই,
নায় বাড়ে নাপায় বাড়ে গঁসাই।
উনরেগে আতােরেন কড়া কুড়ি কদ মাডওয়া বেরেৎ বাখরাতে মিৎ আখড়া দং আদ-ক এনেজাঃ-আ।
সেরেঞ:—
অকয় কওয়াঃ রাচারে দাঃ ভঁবু এন্
দাঃ উঁবু এন মানা চাওলে বােহেলেন?
অকয় কওয়াঃ বাটেরে দাঃ ভুঁবুক এন
দাঃ উঁবু এন মানা চাওলে বােহেলেন?
ফারনা কওয়া রাচারে দাঃ উঁবু এন
দাঃ উঁবু এন মানা চাওলে বােহেলেন ।
(ফারনা কাথা ঠেনদ অকা পৗরিসরেন হড়ক অড়াঃ রে বাপলা হুয়ুঃ কানা— উনকুওয়াঃ পরিসক লৗই তরায়াঃ-আ।)
ইনৗ তায়ম বাহু তাম জাঁওআয় তাম বানার পাহটাগে ভৗডি বাংখান পুখরি খন দাংক বাপালা আগুয়তে মাডওয়া খুন্টিঠেন চুরুজ হােডড়া চেতান রেক দড়-মা। অনা বাপলা ও কাতেৎনা বাহু আর বাং জাঁওআয় বানার পাহটাগে খাড়া দাঃ সে তারওয়াড়ি দাঃক জ-র আঁকিনা ।

দাঃ বাপলা রেনাঃ নেয়াম – জগমৗঝি দ বারয়া কুড়ি গিদরী (তেরে কুড়ি ই গানঃ গেয়া ) সৗগুন সুপৗড়িয় দিপিল হ-চ কিনা। অনা সৗগুন সুপৗড়ি কিনরে তাঁহেনা মিৎ পৗইলৗ কাতে হােড়াে। কড়া গিৗ সে – কুড়ি গিৗ রেনি এগাৎ দ মিটাং তারওয়াড়িয় সাব আ। সাঁওতে অনে কড়া গিৗ সে কুড়ি গিৗ রেন মারাং আয়াে হপন আয়াে নংকান সৗগৗই অনকু করেন মিৎ হড়দ আঃ সার এ্য সাব-আ (সারদ পােন তাঁহেনা)। জগমৗঝি দ মিৎ চুকৗঃ তাং ইৗডি আর মিৎ চুকৗঃ বড় হাঁডি, মিটাং ফুড়ুঃরে সুনু সিঁন্দুর, নীটওয়ৗ সুতৗ, পেয়া কৗউডী আর পেয়া তাঁবা পুইসৗই ইদি তরায়া। দাঃ বাপলা চালাঃ অক্ত অনা সৗন সুপৗড়ি কিন দিপিল কাতে তেরে কুড়ি কিন-দ পান্তে তেক তিগু হ-চ কিনা, আর অকিনাঃ অনা দিপিল কাঃ কিন সৗগুন সুপৗঁড়ি কিনদ বাহু কুড়ি লৗগিৎ কিরি কাঃ সিঁন্দুর লুগড়িতে মিৎ সাঁওতেক আরওয়াল এসেৎ কাঃ আ। কুড়ি গিৗ অড়াঃ রেনাঃ অনকাগে বাপলা আওয়-ক অক্ত দনাওয়ানা সাসাংতে গাবাও শৗড়ীতেক আরওয়াল এসেদা । অনকাগে আদ উনকিন কুড়ি গিৗ কিন সুতৗম কৗহডুম্ চেতানরে অনা সৗগুন সুপৗড়ি কিন্ দিপিল কাতেকিন তাড়াম কাঃ আ । অনা তাড়াম রে এগাৎ- হরিদ তারওয়াড়ী হাবাঃ কাতেয় লাহা চালাঃ আ। অনা তায়মরে আঁঃ-সার সাব আকাৎ-এ্য উনি,ইনৗ তায়মরে আদ এটাঃ সানাম কগেক তাঁহেনা। দাঃ ঘাট সােররে মিৎটাং পুখুরি তেয়ার লৗগিৎতে কড়া পাহটা দ সাদম্ আর কুড়ি গিৗ পাহটা খান তোৎতেৎ মিটাং কুডি গঃ হ-চ কাতেৎ ক ইদি তরায়েয়া । দাঃ ঘাট তেক সেটের লেনখান, অঁডে আদ পুকরিক তেয়ারা। জমৗঝিদ অনে তেয়ারেন নাওয়া পুখুরিরে আদ সােররে মেনাঃ আন উৗডি বাংখান মারে পুখরি খন পে লটা, মড়ে লটা বাংরেদ লেখারে বিজড়ঃ মা—অষ্কা লাে রাকা কাতে অঁডেয় দুল-আ। পুব সেৎ সামাং কাতে তেয়ার আকান পুখরি রেনাঃ পে - কঁরে হাসায় পুঁজিয়া। অনা পে-ঠেন পুঁজিয়াকাৎ হাসারে সার-এ বিআ। পেনে গটাংপুঁজি চেতানরেগে মিমিৎ গটাং কাতে কাউডি আর তাঁবা পুইসৗয় দহয়াঃ আ । অনা তায়ম পেয়া সার পে খি নীটওয়ী সুতৗমতেয় আরাও মি-আ। পে-খি পুরৗও লেনখানগে- নওয়া। সুতমি রেনাঃ লৗটি তেৎ অৎ রেয় বিকাঃ আ। সিঞ বঁগা দিশী কাতে পেয়া সাররে সিঁন্দুর -এ টিডৗগাঃ আ। অরে মারাং বুরু, মৗঝি বঁগা আর পারগানা বগা তুমতে পে টিডৗঃ কাতে সুনুম সিঁন্দুর এ্য আঁড়গােয়া। মারাং বুরু এতুমতে তাং হাঁডি, মৗঝি বঁগা আর পারগানা বগা তুমতে বড় হাঁডি অঁডেয় চডরা। ইনৗ খানগে পুখরি থাপন সে ঘাট কিরি কৗমিদ সৗতঃ আ। অনা থাপন কে পুখরি ধারে ধারেতে সানাম-ক পে-দাহাও আদ ক অচুরঃ আ। উন অক্ত গে অনে অনা বেনাও আকাৎ ক পুখরি দাঃ সেৎ আঃসার হক হাবাগাঃ আ।
জগ মৗঝি দ পান্তেতে উনকিন কুড়ি গিৗ কিন অনা সুপৗড়ীরে মেনাঃ আন— হােড়ােদ গছা হ-চ কাতে অনা এখেন সুপৗড়ী কিন আদ অংরেয় দহ হ-চ কিনতে অনারে পে-ফড়ুঃ কাতে দাঃ (অনা তেয়রাকান্ পুখরি রেনাঃ) লাে রাকা কাতেয় দুলাঃ আ। অনা তায়ম পুখরি দাঃসে উৗডি দাঃ তে সুপৗড়ি কিন দক পেরেজ সারেড়তে মিৎ সাঁওতে উনকিন কুড়ি গিদ্রী কিনক দিপিল হ-চ কিনা। দাঃ ঘাট খন দাঃ বাপলা কাতেক অণ্ডলে রেদ অনাকিন সুপৗড়ী কিনদ আদ তেয়ারাকাৎ মাডওয়া খুন্টি সােররে পুব সেৎ সামাং কাতে সাের সােরক দড়-মা। দড়ম্ লাহারে অনে দাঃ লাে অক্ত উনকিন কুড়ি গিৗ কিন অনে গছালেৎ কিন অনা হােড়ােদ মাডওয়া সাের রে বারঠেন পুঁজি হুয়ুঃআ। অনে পুঁজি আকাৎ হােডড়া চেতানরে আদ অনা সুপৗড়ি কিন দ দড়ম্ হুয়ুঃ আ । “খেরওয়াল ধরম” দিশী কাতে জাহের বঁগা সান্তাড় কওয়াঃ বাপলাঃ অক্ত দাঃ বাপলা রেনাঃ নেয়ামদ নওয়াগে কানা।
নওয়া বাপলা রেগে কৗমিরে লাগাও লৗগিৎতে উন্ টৗওরীঃ হক বাপলা অগুয়া।
অনা রেনাঃ নেয়াম তেৎদ নঃ-অ নংকা:— উল দারে-দ পে খি নীটওয়া সুতৗম তেক বেধাওয়া। জাঁওআয় বাবু ঘঁড়া কাতে পে দাহাও অনা উল্ দারে ধারে ধারে তেক আচুরঃ আ। অনা দারে রেনাঃ মিটাং ঢৗওরৗঃ সাঁও জাঁওআয় বাবুয়াঃ জাঁগা কৗটুপ অনে পে খি নীটওয়ৗ সুতৗমতে গাঃ জড়াও হুয়ুঃ আ। অনকা কাতে আদ উনি জাঁওআয় বাবু দ অনা টৗওরীঃ মিৎ সেতাহেঁৎতেআজাঃ জীতি তেয় গেৎ তপাঃ গৎ কাঃ আ । অনা উৗর রেনাঃ সাকামগে তি সােপােরে সাট্র তল, ইতুৎ সিঁন্দুর অক্ত দাঃ ইরচিঃ কৗমিরে অনা ডৗর গেক লাগাওয়া। ডৗর-এ্য গেৎ হাতাও লেখানগে জাঁওআয় বাবু আদ অনা উল দারে সাঁও এ হাপাড়বঃ আ আর-এ্য গডাঃ-আ।
দাঃ আর উল্ ঢৗওরীঃ বাপলা কাতে অগু তায়ম অনা সৗগুন সুপৗড়ী কিন দড়ম্ আকাৎ সামাং রেগে উনকিন বাহু সে জাঁওআয় কিনদ সানা ক ত অকিনা। উল্সাকামরে ধুবিঘাস আর আদওয়া চাওলে রেৎকাতে সুতৗমতে তল গুড়পুলু কাতে কুড়ি গিৗ খান লেগা তিরে (কঁয়ে) আর কড়া গিৗ খান জজম্ তি (এত) রেক তল অকিনা। নওয়া বাখরাতে অনে আদওয়া চাওলে সেটে উডুক কাতে ত-আক রেনাঃ নেয়ামদ নঃঅ নংকা; বাহু জাঁওআয় বানার পাটা রেগে উনি বৗহু সে জাঁওআয় সাঁওতে তেরে কুড়িক অনে মাডওয়া খুন্টি সাে তেক তিও হ-চ কওয়া । জগ মৗঝি পে খি নীটওয়ৗ সুতৗতে উনি বহু সে জৗওয়ায় সাঁওতে উনকু তেরে কুড়ি কওয়াঃ লেগা তি রেনাঃ সিব কৗটুপ অনা মাডওয়া খুন্টিরেয় ছাঁন্দা সালাগা। পেখি পুরৗও লেন রেদ, অনা সুতৗ বাহু সে জাঁওআয় আঃ লেগা জাঁগা রেনাঃ সিপ কৗটুপ রেয় ছাঁদায়া। অঁডেখন লেংগা লুতুরতে অনা সুতৗমদ পে-খি আঁড়গাে রাকাব তালাতে ছাঁদা জড়াও হুয়ুঃ আ। ইনৗ তায়ম জগমৗঝিদ উনকু তেরে কুড়িক আকওয়াঃ লেগা তি রেনাঃ এগা কৗটুপ আর সি কৗটুতে অনে সৗগুন সুপৗড়ী দড়ম্ আকাৎ ঠেনাঃ হােছড়া খন গটাতে পেয়া কাতে আদওয়া চাও লেয় সেটে উডুক্ হ-চ কওয়া। উডুক্ অক্ত গেজে লেনখান অনাদ কৗমিরে লাগাওদ বাং গানঃ আ। হানে বাহু সে জাঁওআয় কিনরে জাগা রেনাঃ সিকৗটুপ খন লুতুর হৗবিচ তি লেন পে-খি নীটওয়া সুতৗম উনরে আদ উঞ মিৎ কাতে, অনা সুতৗমতে অনে পেনে তেরে কুড়িক ঠেনা আরে গটাং আদওয়া চাওলে উন্ সামরে ধুবিঘাঁস সাঁও রেৎ মিৎ কাতে আদ তি-রেক ত অকিনা ।
খাঁড়া দাঃ জ-র আক রেনাঃ নেয়াম— অড়াঃ ছাটকারে– মিটাং। পুখরিক লায়া। অনা পুখরিদ পুরু পছিমতে জেলেদ তাঁহেনা। নওয়াহঁ হানে দাঃ বাপলা অক্ত অকা লেকা লা কাতে থাপন লৗগিৎ তেক কৗমি লেৎ কানা— অনকা গেক কৗমিয়া। মেনখান লটা দাঃ তেৎদ বাংক দুল্ পেরেজা। নডে অনে লা আকাৎ ঘাঁডলাঃ চেতানরে পুরু পছিমতে বারয়া আঁরাড় ক দহয়া। অনা চেতানরে আপাৎ হড়দ পুব সেৎ সামাং কাতেৎ-এ্যতিগুনা, আর মিটাং তারওয়াড়ী বহঃ চেতানতেয় সাব তাওয়ের কাঃআ। আদ অনে কড়া গিৗ সে কুড়ি গিৗদ আপাৎ-আঃ তায়ম সেরে, উনিই অনা চেতানরেয় তিঁগুনা। অনকান অক্তরে জগমৗঝিদ বা আগুয়াকাৎ সৗগুন ঠিলি রেনাঃ মিৎ লটা দাঃ উনি আপাৎ এ সাব তাও য়ের আকাৎ তারওয়াড়ী চেতানতেয় দুলা। উনরে তৎকা সেৎ তিরু আকাৎ তারওয়াড়ীতে দাঃ লিজি আঁড়গােন অক্ত তায়ম সেরেয় তাঁহেন উনি কুড়ি গিদরৗ সে কড়া গিদরৗদ তিরুপ কাতে আজাঃ বহরে অনা দাঃ এ্য আতাংআ। বহঃ খন জ-র আঁড়গােন দাঃতে উনরে উনিদ মেহা-কয় আ আঁড়গােয় তায়া।
[ উইহৗর তাঁহেমা খাঁড়া দাঃ জ-র আক তায়ম খনগে, অনে জড়াও অঃ কান তাঁহেৎ বাপলা যাহান খৗতিরগে রৗপুৎ লেনখান উনকিন কড়া গিৗ সে কুড়ি গিদরৗদ ছাডওয়ী লেকা তেকিন লেখাঃআ। কুড়ি গিদরৗদ আরক লৗই আকাআ হরঃ চিন তায়ম খনগে অনা বাপলা রৗপুৎ লেনখান উনিদ ছৗড়ওয়ী মেন্তেয় সাবঃআ। অনাতে
পৗহিদ সার সৗগুন এেল গটা কাতে, গনং পন বাখরাতে গালমারাও তপাঃ কাতে, গনং টাকা চা আর হরঃ চিন কৗমি হক চিকৗড় তাঁহেৎ। বাড়ায়রে তাঁহেনমা অনা হাঁটিএও ছডিওয়ী কুড়ি হপন দ দহড়া যাঁহারে বাপলা সিকড়িতে আরই-ক ছাঁদা লেন রেদ উন অক্ত উনকুওয়াঃ ইতুৎ সিঁন্দুর কৗমিদ দৗওড়ৗ চেতান রেগে হুয়ুঃআ । নুকুদ বঁগাঃ বুরুঃ সানামাঃ কৗমি রেগেক লাগাঃ আ। মেনখান “বহঃ ছৗডওয়ী” মেনে যাঁহায় অনে মিৎ দাহাওক ইতুৎ লেদেয়া, অনকান কদ এটাঃ রে দহড়াতে আরক গং লেনখান উনকুদ অনা অড়াঃরে বঁগাঃ বুরুঃ বাখরাতে কৗমি করেদ বাংক লাগাঃ আ]
তারওয়াড়ী দা/ খাড়া দাঃ জর আক রেনাঃ তেতেৎ—
কড়া গিদ্রৗ সে কুড়ি গিৗ বানা হড়গে খাঁড়া দাঃ ক জর আকিনা। অনাদ হােয়ােঃ কানা উনকিন অনে ঘারঞ্জ জিয়নরে খাঁডায়েৎকিন লাহা রে আয়াে বাবা কিনদ উনকিন আপাসুলঃ রেনাঃ দাড়ে কিন অরসং আকিন কানা। সিঞ বঁগা সাখি দহ কাতে খাঁড়া দাঃ সে তারওয়াড়ী দাঃ ঊনকিন দ জর আকিন হােয়য়াঃ-আ। খাড়া, তারওয়াড়ী, আঁঃ-সার নওয়া কদ খেরওয়াল জৗতি হড় কওয়াঃ দুক বিপদ খন দোঃ দারামঃ রেনাঃ হৗতয়ৗর ক কানা। অনা অক্ত রেগে অনা দাঃ জর আকিন তালাতে উনকিন চেতানরে এগাত আপাতাঃ থুম দাড়েহঁ এম চালগঃ কানা।
সুনুম সাসাং আর জড় অজঃ— সাসাংদ হড়ময় পহালা, সাসাং হড়ম খন রােগ আজারে সাহায়া, সাসাংদ সৗগুন-এ জিয়ৗড়া। পে মাহা তঁাহেন খন সুনুম সাসাং দক অজঃ কওয়া। বাহু সে জাঁওআয়-আঃ হড়ম-রে সুনু সাসাং এর লেনখানগে আদ উনকুদ আতাে রেনাঃ সীমৗ বাংক পারম হ-চ আকওয়া । মিৎ দিৗ ভিতরি তেই অড়াঃ ভিতৗর আর রাচারে তিয়ৗঃ উডুক কাতে পে দাহাও অজঃ লেক রেহঁ খাট মাছাতে কৗমিদ সিগিলঃ গেয়া । জাঁওআয় সে বাহু সুনুম সাসাং অজঃ লাহারে আয়াে বাবা সাঁওতে মৗঝি গােডেৎ, জগমৗঝি, পারানিক নংকা পে-জড় বাংখান মড়ে জড় অজঃ লাহাক হুয়ুঃআ। জড় অজঃ সাসাং বাছাও কাতেক রিদা। যাঁহা সাসাংক রিৎ হুয়ুঃআ অনাদ ঘেঁদ বুচৗ সে চাঁগড়া নংকাদ আল হুয়ুঃমা বাড়ে। আর রিৎ কাতে দহয় লৗগিৎতে অকা ফুড়ুঃ পৗটি হুয়ুঃআ— অনা সাকাম কহঁ লে হুয়ুঃ আ, অনা করেনাঃ সির কহঁ আল এঁপড়ে কঃমা বাড়ে। তিরি (তেরে) কুড়িক পেনে হড়গে অনে পেয়া সাসাং রিৎ ধিরি মিৎ থাকূতে দহ কাতে, বেড়া রাকা সেৎ সামাং কাতে-সাসাং দক রিদ হ-চ কওয়া। উন অক্ত রেনাঃ মিটাং
সেরেঞ —;
তাঁহা রেতা নানা তারনা
তাহা রেতা নানা যে,
তাঁহা রেতা না-নানা-না যে।
বাছা হুলুদ বাটাইতে—
—শিলৗ যে ভৗঙ্গি গেলা,
শিলৗ যে ভৗঙ্গি গেলা।
ওগাে ওগাে বরের বাপা,
(কুড়ি অড়াঃ খান কনের বাপা)
আনা কড়ি পুইসৗ দেনা
সারইকেলা বাজার থেকে
শিলৗ জো কিনি অ- নি - ব —।
তাঁহা রেতা নানা তারনা
তাঁহা রেতা না- না - যে,
তাঁহা রেতা না -না -না - যে—
সাসাং রিৎ কৗমি চুকৗও লেনখানগে আদ জড়-ক- অজঃ কওয়া। জড় অজঃ লাহারে নায়কে অনা সুনু সাসাংদমাডওয়া খুন্টি ফেডরেয় বঁগায়া। নায়কে সুনুম সাসাংএ্য বগায় অক্ত রেনাঃ মিটাং
সেরেঞ—
নায়কে নে গাঁডাে নে মৗচি
নায়কে মা দুরুব মে।
নায়কে হলা সিঞ মাহাদের দিৗ
নায়কে গাতে তিঞে আঁগেন আকান।
নায়কে গিরু নাই রে |
নায়কে নে সুনুম নে সাসাং
নায়কে দে বঁগায়-মে –
নায়কে গাতে বাড়েয় ওফেলঃ মা গিরু নাই রে ।।
অনকা কাতে নায়কে আদ ফুড়ুঃরে মেনাঃ আন সুনুম সাসাং বঁগাঃ এতহ কেআ। মিৎটাং ফুড়ুঃ রেনাঃ সুনুম সাসাংদ মারাং বুরু ঞতুমতে বঁগায়ায়। উন অক্ত রেনাঃ বাখেড়
জহার ‘সাই মারাং বুরু মা এখান
নঃ অয় বাপলা তুমতে সুনুম সাসাং
এম -আম কান— চাল আম কান গঁসাই,
সুতে সাওয়ারতে আতাং-কাঃ তেলা কাঃ সাই,
নায় বাড়ে – নাপায় বাড়ে গঁসাই ।
মা গঁসাই এনখান নওয়া বাল্লা কৗমিদ
নায়তে নাপায়তে সিরজওিকঃ ভিড়ীওকঃ
সার-কঃ সগুন কঃমা বাড়ে সাই
নায় বাড়ে – নাপায় বাড়ে গসাই ।
দশার ফুড়ুঃ রেনাঃদ জাহের আয়াে তুমতে, উন অক্ত রেনাঃ বাঁখেড় ই অনকাগে। মেনখান উনরেনাঃ বাঁখেড় এতহব রেদ মারাং বুরু কাথা বাং লৗই কাতে জাহের এরায়াঃ ঞতুম লৗইয়াঃ হুয়ুঃ আ। তেসার ফুড়ুঃদ তিনি সিঞ লাওয়ের সি এতুমতেয় বঁগায়া। উন অক্তদ বারয়া তি-তে সাসাং সাব রাকা কাতে, তি- পাটে কাতেয় বঁগায়া। উন অক্ত রেনাঃ
—:বাঁখেড়;—
জহার ‘সাই তিকিন সিএ লাওয়ের সিএ
নঃ অয় বাপলা এগুতুমতে সুনুম সাসাং
এম আবিন কান চাল অবিন কান গঁসাই,
সুখতে সাঁওয়ারতে আতাংকাঃ তেলাকাঃ গঁসাই,
নায় বাড়ে – নাপায় বাড়ে গঁসাই ।
মা গঁসাই এনখান অবিনগে—
হানা মনে নওয়া মনে বাড়ে বিন
তউরিজ, গঢ়ি উরিজা গঁসাই,
হানা অড়াঃ নওয়া অড়াঃ বিন
ড়াও মিস্ ভিড়ও মিআ - গঁসাই,
নায় বাড়ে — নাপায় বাড়ে গঁসাই।
সুনুম সাসাংক বগা বাড়ায়েন খান- আদ জড় অজঃক এতহব আ। পুইলু উতৗরদ উনকু লাহাতে লৗই আকান পে বাংখান মড়ে জড় তালা রাচারে গামছাক আটেৎ তেক অজঃ কওয়া। তেতুরে কুড়িক মিটাং থৗরি রে চাওলে, সুলতৗ সেঁগেল, মিটাং ফুড়ুঃরে আদওয়া চাও লে, মিটাং ফুড়ুঃরে ধুবিঘাঁস, বারয়া ফুড়ুঃরে সুনুম আর সাসাং, আরহঁ মিটাং সাকামরে ঝুরী সিন্দুর সাজাও কাতেক উডুক্ হিজুঃ আ। মিলটা দাঃ দব সঁগে কাঃ আ। কড়া কদ দুড়দাঃ ক র সাডেয়া। উনরে আটেৎ কাঃ গামছারে হানে লাহা সেরে লৗই আকান জড়ক আদ উনকু জড়জড় দুডুবহ-চ কাকে অজঃ কওয়া (তিরি পুরুষ)। উনরে আদ আয়াে হড় কক সেরে
“চুমৗড়া সেরেঞ”
তাঁহা রেতা না- না- তারনা
তাঁহা রেতা না-না- যে.
তাঁহা রেতা না-না- হাে
তাঁহা রেতা না-না-না যাে ।
ধুবি ধৗনী ধুবি ধৗনী—
চুমৗড়া-ত আয়াে গাে
সনে কিরি গিড়ুরী য়ো
রুল কিরি ডালাহে গড় ।।
নতে তেরে কুড়ি কই সুনুম সাসাং অজঃ ক এতহবঃ আ। তি- জাঁগা মেহা গটাক অজঃ কওয়া। বহঃ রেহঁ সুনুম কক অজঃ আকতে আদক নাকিচ ফারচা কওয়া আর বাহাকক(সিঁদুর) হরঃ আকওয়া (নৗকি দ কড়া কদ দেরে নাকি আর কুড়ি হপন দ কাঠ নৗকি)। বাহাদ কড়া পাহটা দ মলংরে আর লুতুররে। অনা হুয় এনখানগে আদ বার তিতে কৗটি তালাং আদওয়া চাও লে আর ঘুবিঘাস সাক্ কাতে তি কিন পাটেৎ কাতে জাঁগারে, তি ঠেন আর তারেনঠেন জপঃ কাতে অনে বহঃ সেৎতে তায়ম সেক চাপাৎ পার-মা'। থৗরি চেতানরে জোলােঃ সুলতৗ সেঁগেল মেশা অনা থৗরিদ বা তি-তে সার্কাতে অৎ খনাঃ এত সেৎ খন বহঃ চেতানতে কঁয়ে সেৎ অচুর কাতে অৎরে দড়ম্ কাতে, আরহঁ অনে কঁয়ে সেৎ খন এত সেৎ বহঃ চেতানতে ইদি কাতে অৎরে দড়ম পে দাহাও দ পুরৗঃআ অনে এত সেখন কঁয়ে সেৎতে অৎরে দহ কাতে। নংকাগে পে জড় বাংখান মড়ে জড় ক অজঃ কওয়া। জড় অজঃ হুয় লেনখান আদ তেরে কুড়ি কদ অড়াঃ তেক বল রুওয়ৗড়ঃ আ ।
সুনুম সাসাং —
বাড়ায়রে তাঁহেনমা জাঁওআয় কড়া অনে সুনুম সাসাং বাংক অজঃ এ্যা পাৰ্য্যাৎ বাহু অড়াঃ রেদ সুনুম সাসাং অজঃ কৗমিদ বাংক এতহব দাড়েয়াঃ আ। ইনৗ হিলঃগে পেড়া পাঁড়হৗ কই বাহু জাঁওআয় “আড়া দাকা” ক জম হ-চ কিনা। রামবড়া মেশা কাতে ইসিন সােড়ে দাকা আজ কাতে জম হ-চ তালাতে উনকিন কড়া গিদৗ সে কুড়ি গিৗ কিনাঃ আভড়া দক ঘুচৗও তৗকিনা। লৗডু কই উন অক্তরে আজ আকদ গানঃ গেয়া। আড়া দাকা সে লৗডু ক আজ কাতে জম হ-চ তায়ম যাঁহানাঃ এমঃ তেনাঃ তাঁহেন খান উনরেগে ক চা আকওয়া।
সুনুম সাসাং অজঃ রেদ অড়াঃ ভিতরি খন হিলিং এ্য তিয়ৗঃ উডুক্ কিনা। বানার পাহটা রেগে সুনুম সাসাং অজঃ অক্তদ হিলিং আতে গেক অৗয়ুর উডুক হ-চ কওয়া। উড়ুক অক্ত হিলিৎ দমিলটা দাঃ জজম তি-তেয় সাকাঃ আ। তাড়াম তাড়ামতে নাসে নাসে অনা লটা রেনাঃ দাঃ উনিদ অৎ অৎতেয় হিরি ইদিয়া। তায়ম উতৗর রেক তিরিওয়ৗও কঃআ তেরে কুড়িক। উনকুদ হানে জড় অজঃ অক্ত অকা লেকা তাঁহে কান সাজাও মিটাং থৗরি অাগে সাজাও কাতেক উডুকঃ আ। উনকুওয়াঃ মিৎ হড়াঃ হব রে তাঁহেনা মিৎ আঁটি চেরাে সাঁওতে মিৎটাং পে পাটি বাংখান মড়ে পটি মুড়য়ৗও কিতৗ পটিয়ৗ (জেলেঞ দ মড়ে মকা)। জাঁওআয় কড়া পাহটা খান, সাঁওতে জাঁওআয় তায়ম রেদ লুমতিয় তাঁহেনা (নডে মিটাং কাথা উইহীর দহ লৗতিঃ কানাজাঁওআয়-আঃ তি রেদ সুপৗরী গেৎ জৗতি আর বাহু কুড়িয়াঃ তি-রেদ কাজা আঁঠি সারে তাঁহেনা)। নওয়াদ হানে সাট্রা তল্ অকিন অক্ত খন বাং রেদ সুনুম সাসাং অজঃ হিলঃ খন দকিন সাক্ কাঃ গেয়া। অনাদ বাপলা কৗমি বাং মুচৗদঃ হবি দ-কিন সাঁও-কাঃ গেয়া। সুনুম সাসাং অজঃ লৗগিৎ অড়াঃ ভিতরি খন উডুকঃ অক্ত দুওয়ৗর রেনাঃ সাড়িম সাতেরে মিটাং গামছা ক আরওয়ালা। উডুকঃ অক্ত রেক সেরেঞা-;
অচুরে বিহরে সেগেলে তিতিরিদ
বেড়ারে মেদ কুইলিগড় অড়াঃদ
দেলাসে কীরমীহি দুডুবদ মেতায়মে
দেলাসে কীরমীহি সিদুব-দ মেতায়মে
গাতে চয় হুয়ুঃদ দুড়বদ মেতায়মে।
সাগাম চয় হুয়ুঃদ সিদুব-দ মেতায়মে ।
কুএ দাঃরে এরেনা সনেগড় শিকড়ি
উৗডি দাঃরে বােহেলেনা রুপেগড় পাহাড়ি ।
অকয় দয় হালাং কেৎ সনেগড় শিকড়ি –?
অকয় দয় তুমৗল কে রুপেগড় পাহাড়ি
......গেয় হালাং কে সনেগড় শিকড়ি
.....গেয় তুমীল কে রুপেগড় পাহাড়ি ।
(ফাকা কিন রেদ জাঁওআয় আঃ এতুমক লইয়াঃ আ )।
এম কাতায় মেতায়পে সনেগড় শিকড়ি
চাল কাতায় মেতায়পে রুপেগড় পাইড়ি।”
হিলিৎ আঃ আঁৗয়ুর তালাতে জত কগে তালা রাচারে সেটের কাতে মাডওয়া ধারে ধারেতে পে দাহাও বাংখান মড়ে দাহাও ক আচুরঃ আ। অনা তায়ম মাডওয়া দ পুব সেৎ সামাংরে দহকাতে জাঁওআয় আর লুমতিক দুডুব কিনা। পটিয়ৗদ হানে মিৎ আঁটি চেরাে অৎরে দহ কাতে অনা চেতানরেক আটেদা। হিলিদ পান্তে রেগে গাঁড়াে চেতানরে উনকিনাঃ এতম সেরে দুডু আয়! বাহু অড়াঃ পাহটা ই অনকাগে। আদ তেরে কুড়িক সুনুম সাসাং অজঃক এতহ-আ। লাহাদ হিলিৎ, উনিদ অজঃ কাতে হানে লাহাতে জড় অজঃ অক্ত লেকা, নাকি বাড়া কাতে বাহা (সিঁদুর) কক হরঃ আয় তেক চুমৗড়া-আয়া। অনা তায়ম জাঁওআয় লুমতিক অজঃ কিনা । উন অক্ত রেনাঃ সেরেঞ, তি রে অজঃ অক্ত -
তাঁহা রেতা না-না- তারনা
তাঁহা রেতা না-না- যে ,
তাঁহা রেতা না-না-না- যে।
হাতে মাখাইতে চিকন নাই
জানুরে তেলাইতে লইতে
জানুরে না নুওয়ৗই নুযে। অনকাগে জাগা খান পায়ে মাখাইতে, দেয়ারে খান পিঠে মাখাইতে অনকাক সেরেঞা আর ক অজঃ এয়া। অজঃ পুরৗও কাতে আদক নৗকিচ এয়া-আরক চুমৗড়া আয়া। অনাক হুয়লেন খান আদ অড়াঃ তেক বল-না। বলন অক্তই দুওয়ৗর চেতান সৗড়ি সাতেরে গামছাক আরওয়ালা।নংকাগে পে মাহা বাংখান মড়ে মাহা আর বাংরেদ মিৎ দিৗ ভিতৗরতে পে দাহাও বাংখান মড়ে দাহাও উডুক্ বল তালাতে কৗমি দক ছিডৗও-আ। নিয়ৗ খানগে সুনুম সাসাং অজঃ বাখরাতে কৗমিদ চিকৗড়ঃ আ।
বৗরয়ৗতঃ উড়ুক চালাও অঃবে - দুল দু বারয়ৗৎ কক সাজাঃ আ। তুমদাঃ টামাককক সাপড়াও-আ। কড়ারে আপাৎ সে গৗলিম দ ভিতৗর অড়াঃরে হাপড়া ক ঞতুমতে বড় হাঁডিয় চডর হট কাঃ আ । উন অক্ত রেনাঃ
—বাঁখেড়—
জহার গঁসাই অগিল পুরুধুল ক
মা এনখান ফান্না কড়া তিঞ ঞতুমতে
বরিয়ৗতঃ উড়ুক চালাওঅংরে—
হর বির করে যাঁহানাঃ তহৎ হাড়াঃ,
আল-গে বাড়ে ঞাম-কঃ মা গঁসাই ।
বৗরয়াৎ কড়া ক হর বির করে জম-আক এয়াক
উনকু কঠেন লা হাসাে বহঃ হাসাে কদ
আলপে সিরজৗও হচয় ভিড়ীও হচয়া গঁসাই
নাপায় তি- জাঁগা তেগে বাড়ে
সানাম কগেক হেচ সেন কঃমা ।
পেড়া পৗঁহড়ৗক সাওই অনে-
যাঁহানাঃ রেগেড় ঝেগেড়ক বাড়ে
আলগে সিরজৗও কঃ ভিড়ৗও কঃমা গঁসাই,
নায় বাড়ে - নাপায় বাড়ে গঁসাই ।
নওয়া তায় গনং টাকা ঠেমা কাতে (লাহা রেগে লৗই মেনাঃ আকাৎ আ সার সৗগুন তায় গনং টাকা চাল রেদ-ক, উন অক্ত জত টাকাদ বাংক এপেম চাপালঃআ। নাসেনাঃ রেহঁ অনাদ সারে তাঁহেনা। অনা সারে টাকাগে বাপলা অক্ত ছামড়া লাতার রেক এপে চাপালা।) মিটাং দৗওড়, মিৎটাং মানাঃ মেরম, অনা সাঁওতে বীরয়ৗত ক লৗগিতে দাকা চাও লে, সিঁদুর লুগড়ি (মড়ে মকা কড়া আর এয়ায় মকা বাহু কুড়ি বিন পৗড়, কড়া এয়ায় মকা আর বাহু কুড়ি লৗগিৎ আরে মকাই বেভার দ গানঃ গেয়া; জগমাঝি সিরপা, মিটাং ধুতি), বালা নাকি, বালা অৗরসি, বালা চুকৗঃ সুনুম, বালা চৗওরি, বার টুওয়ৗঃ কিয়া সিঁদুর, আরই মিৎ বার অনকানাঃ সেরওয়া লেকাতে বাহু পাহটারেক এম দেনা পাওনাক সাক্ সাপড়াও কাতে রৗহি বাংখান—ডাংরা গৗডী জড়াও কাতে বাপলাকে উডুক্ চালাঃ আ। অড়াঃ খন উডুক্ অক্ত জাঁওআয় কড়াদ হেমে ইদি কাতে মৗঝি থানরে গুড় তাবেন আজ কাতে আঁডেখন হেমে বাংখান— সাদম্ চেতানতে কুলহি মুচৗৎ হবি চালাও কাতে গৗড়ীরে বাংখান রীহি চেতানরে দেজঃ আয়। লুমতি দ সাঁও রেগে তাঁহেনায়। বীরয়ৗত্ ক সাঁও সাদম্ হঁয় চালাঃ আ। নওয়া সাঁওতে মিটাং কাথা লইতরারে তাঁহেন কানা, জাঁওআয় কড়া বহু অণ্ড উড়ুষ্কালাওঅঃ অক্ত অড়াঃ খনাঃ অকা হরতে কুলহি মুচৗৎ সেটেরঃ আয় বাহু সাঁও কাতে অড়াঃ এ্য বলন অক্তদ অনা হর বাগি কাতে এটাঃ হরতে উনিদয় বলঃ না ।
বৗরয়ৗতঃ উড়ুক চালারে নেয়ামতেত কঃ — উড়ুকঃ লাহারে জাঁওআয় বাবুরে আপাৎহড়দ মিৎটাকা কাউডি জাঁওআয় বাবু মেনেৎ আজিজ গিদরৗয়াঃ তি- রেয় চা-আ। জাঁওআয় বাবুদ বাহু অগু লৗগিৎতে উডুক্ চালাও-অঃ লাহারে অড়াঃ ভিতৗর সেৎ বল কাতে হাপড়ামক উনিদয় গড় বাড়া হট আকওয়া। অনা তায়ম এঁগাৎ তওয়া দুদু কাতে (অনাদ নংকা, এগাৎ আঃ কড়া তওয়াঠেন মচায় ইদি জপ-গা, যে লেকা এগাৎ পৗহিল গিদরীয় দুদু আয় তাঁহেৎ) উনিদয় উডুক্ চালাঃ আ । অনেয় দুদুয় অক্ত উনি গিৗ-দ এগাৎ-আঃ তি-রে হানে আপাৎ ঠেন খন- ঞাম লেৎ কান মিৎ টাকা অনায় চাল হট কাঃআ। অকয় কদ মচারে কপেরে আঁহেন অনা টাকা দ দুদুয় অক্ত এগাতাঃ তি- রেক উলৗ হট কাঃ আ। ইনৗ তায়ম হিলিৎ সাঁওতে আর বার হড় মিৎকাতে জাঁওআয়, লুমতি আর উনি সাদম্ ক হেমে ইদিকওয়া মৗঝি থানতে। অঁড়ে পটিয়ৗ চেতানরে পেনে হড় পান্তেতে পুব সেৎ সামাং কাতেক দুডুব কওয়া। গুড় তাবেন অঁডেক আজ কওয়া। অনা তায়ম সানাম কগে অনেমৗঝি থান রে আদক গড়আ। মৗঝি সাঁওতে সানাম কগেক গড় বাড়া হট আকতে কুলহি মুচৗৎ তেক ইদি হট কাকওয়া। অঁডে খনগে অনে আদ সাপড়াও আকানক বৗরয়ৗতক সাঁও বাহু অৗণ্ড আদক চালাঃ আ।
বৗরয়ৗত কসৗত সাপড়াও কাতে বহু অগু লৗগিক রেলাঃ আ। রায়বারিদ দৗওড়ৗ দিপিল কাতে অনে বৗরয়ীৎ কড়া কয় আঁৗয়ুর—ইদি কওয়া। উনিগে সানামক অনে বহু অড়াতে চালাঃ হর-এ্য উদুঃ ইদি আকওয়া। বীরয়ৗত্ ক হরতে চালাঃ হিজুরে যাঁহা আতাে ক ক ামা, অনা হর জাপাঃ আতাে করেন তিল্লৗ হপনক হররে পটিয়া আটেৎ কাতে জাঁওআয় দ হেমে আঁড়গাে কাতে গুড় তাবেক আজ-এয়া। অনা দক মেতাঃ কানা “ধাঁগাড়মৗটি”। অনা বাখরাতে অঁডে অনে পে আখড়া বাংখান মড়ে আখড়া দংক এনেজাঃ আ।

বৗরয়ৗত ক বাহু অড়াঃ রেক সেটের লেনরে উন অক্ত রেনাঃ কৗমিক— বৗরয়ৗত ক-ক সেটের লেনখানগে আতাে মড়ে হড় কদ কুলহি মুচৗৎ ইৗবি ক হিজুঃ আ, উনকু দারাম ইদিক লৗগিৎতে। অঁডেখন দারাম ইদি কাতে সানাম বৗরয়াত ক (সাঁওতে জাঁওআয় কড়াই) আতাে রেনাঃ মিটাং নাপায় ঠাঁও রেক ডেরা কওয়া। পৗহিল খনগে খেরওয়াল কওয়াঃ নেয়ামরে মেনাঃআকাদা, বরিয়ৗত ক কুলহি মুচৗৎখন দারাম আগু লৗগিৎ তেক চালাঃ রেদ পটিয়ৗ লটাদাঃ সাঁওতে হাপাক, তারওয়াড়ি কক ইদি তরায়া। আদ অনে দারাম অগু কাতে যাঁহা রেক ডেরা কেক, অঁডে মিঠেন পটিয়ৗ আটেৎ কাতেৎ আতাে হড় পাহটা খন বৗরয়ৗত কক দুডুব কওয়া। লটা দাঃ সাের কাতেক গড় জহার-আকওয়া। দকতা সাকাম, বঁদি সেঁগেল ক ক সাের আকওয়া। নংকা কাতেগে আতােরেন মৗঝি গােড়েৎ-কপাটা খন উনকু বৗরয়ৗত কদ মৗন চাল আক হুয়ুঃ আ ।
কুড়ি আতাে রেক ডেরা-ক বীরয়ৗত কদ দাকা উতু লৗগিৎ টুকু চেলাং আর সাহান দ কুড়ি অড়াঃ পাহটা খনগে এমঃ হুয়ুঃ তাকওয়া । বীরয়ৗৎ কক সেটেরলেন রেগে আতােরেন বাবা হড় কদ তুমদাঃ টামাক আর আয়াে হড় কদ লটাদাঃ আর থৗরিরে তওয়া তাবেন আতে জাঁওআয় দারামক উডুকঃ আ। অনা দক মেতাঃ কানা ‘‘দারাম দাঃ” | দারাম দাঃ হুয়ঃ অক্ত অনে জাঁওআয়ক আজ-য়ে অক্তক সেরেঞা—
—সেরেঞ—
জম্ মেনা— জম্ মেনা ভৗটু
তিনৗঃ তে সাড়ঃ হালে-
– তিনৗঃ তেম বি-য়ঃ ।
ভৗটু দ-না মিৎ থৗরি তাবেন ঘঁনায়
জম্ চাবাকে—
মিৎ ঠিলি দাঃ ইনায় এ চাবাকে,
গটা গাড়া মুড়ু নায় চিডির চাপেকেৎ।
নংকাগে সেরেঞ তালাতে গুড় তাবেন আজ বাড়া হুয় লেনখানগে জাঁওআয়রে আঝনার তেৎ তেক জাঁওআয়-দ আদক তােপাে উমেয়া। তােগাে হুয় লেনখান জাঁওআয় দ পালাটঃ লৗগিৎ নাওয়া ধুতি বাহু অড়াঃ খনগে এমঃ হুয়ুঃ তাকওয়া। আর অনে উনি জাঁওআয় বাবু যাঁহা ধুতিয় লহৎ কেআ, অনায় অজৗড়ি লেনখানগে অনাদ উনকু আঝর তেৎ তেক গে অনাদক হাতাও জংআ । অনা দ-ক মেতাঃ আ “ভিডি লুগড়ি”।
সালা বুহনৗহ — তােপে ফারচা লেনখানগে আদ সালা বুহনৗই কৗমিরেক সাবঃ আ । জাঁওআয় বাবুদ সাদম্ চেতানরে আর বাহু কুড়িরে দাদাৎ বাংখান বকৎ, উনি তেঞাৎ বাংখান কুমৗৎ-আঃ তারেন চেতানরেয় ঘড়াঃ আ। বানাহড়গে রামড়া মেশা আদওয়া চাও লেতে এর এপেরাতে আচুর আচুরাতে এাপামাকিন। এপেরঃ অক্ত ছামড়া লাতাররে পে দাহাও বাংখান মড়ে দাহাওক অৗচুর কিনা । ঘড়া চেতান খনগে সাের সাের ঞাপাম কাতে পান পুঁগিকিন এপেম চাপালঃআ। অকিনাঃ বহঃ রেনাঃ দৗড়ি কিন উচৗড় নাচাড় তৗকিনা, অনা তায়ম হাপাড়ুব কাতে সুলুক সৗগীই কিন হৗটি জংআ । ইনৗখানগে আদ ঘড়া খনক আঁড়গাে কিনা । নংকা কাতেগে সালা বুহনীই কৗমিদ সিগিলঃ আ।
নিয়ৗ তায়ম ইতুৎ সিঁদুর কৗমিক ওগেল লাহায়রে গনপন এপেম চাপাল— লৗগিৎতে বীরয়ৗত-কদ ছামড়া লাতার সেৎ আদক অৗয়ুরঃ আ। উনগে কুড়ি অড়াঃ রেন হড়ক এপেসেৎ সেরে তালাতে বৗরয়ৗত কক এসেৎ ইদি কওয়া। নংকাগে সেরেঞ সেরেতে সানাম কগে আদ ছামড়া লাতার তেক আয়ুর সেটেরঃআ ।
গনংপন এপেম্ চাপাল — নওয়া লাগিৎতে বানার আতােরন মৗঝি মাপাজিক মিঠেন ক দুডুব পামা। কড়া আতােরেন কদক চা-লা, কুড়ি আতােরেন কদ-ক সাক্ আ। তালারে মিৎ লটা দাঃ দড়ম্ কাতে সামাং সামাং ক দুডুব-আ। পেরেচ লটাঃ দাঃ দড়ম রেনাঃ তেতে-তে-দ হুয়ুঃ কানা, সিঞ বঁগা অনে ধরমকসৗখী কেদেয়া। গনপন এপেম চাপাল লাহারে বানার আতােরেন মৗঝি কিন দ মিৎ টাকা সমান সমান হৗটি কাতে অনা তালাতেগে বানা হড় উনকিন দকিন তপল্ মিদঃ আ। নওয়া দক মেতাঃ কানা “জাহের দারে হাটি”। জাহের দারে বাখরা তেদ মিৎ টাকাগে সাঁওতারে ঠাড় তাঁহে কানা, নাহাঃ অনাদ বার টাকা দহ কাতে অনাগে মিৎ টাকা কাতেক হাঁটিঞেৎ কানা। অনা তায়ম এতহবঃ আ আদ গন-পন এপেম চাপা । উন অক্ত রেনাঃ মিৎটাং ক সেরেঞ আকাৎ আ
রাড়া বাবু রাড়ায় মেসে পুঠি লেকা টাকাদ
রাড়া বাবু রাড়ায় মেসে হাকো মায়াম সামানন্দ ।।
চাল বাবু চা মেসে পুঠি লেকা টাকাদ
এমঃ বাবু এমঃ মেসে হাকো মায়াম সামানন্দ ।।
অকয় দয় দুড়ুব আকান পুঠি লেকা টাকা সা কাতে,
অকয় দয় সাক্ এৎ কান হাকো মায়াম সামান
ফারনা বাবায় দুড়ুব আকান পুঠি লেকা টাকা সা কাতে
মাহাজন ক সায়েৎ কান হাকো মায়াম সামানম্ দ ৷৷
গনং টাকা (সান্তাড়হড় কদ পে টাকা, মড়ে টাকা, এয়ায় টাকা আর গেলবার টাকা গনং ক জমা, নওয়া কাথাদ লাহা সেৎ রেগে অল আকানা), পেয়া খাঁড়া লুগড়ি (নওয়া ইদি কাতেই লাহা সেরে অল আকানা), লল দাঃ বাসাং দাঃ পে টাকা, গেল আরে পুইসৗ (নওয়া রেনাঃ লেভাগ কাথাহঁ লাহা সেরে অল আকানা), মানাঃ মেরম, সিঁদুর লুগড়ি, জগমৗঝি সিরপৗ, বালা নৗকি-বালা আঁৗরসি, বালা চৗওরি, বালা চুকৗঃ সুনুম, বার টুওয়ৗঃ কিয়ৗ সিঁদুর, নওয়াক চাপাল হুয় লেনখানগে বানার মৗঝিকিন, তিতি সাপাপকাতে গড় জহার তালাতে অনাকৗমিদ আদক চুকৗওয়া। ইনৗ তায়ম অনাকদ আদ কুড়ি অড়াঃতে অনাদৗওড়ৗ তেক তুল্ সবাও আ। অনা দক মেতাঃ কানা— “মৗডলৗ খৗড়”। ইনৗকৗমি সৗত এনখানগে, জাঁওআয় বাবু পাহটারেন পােন হড় গান বৗহু তুল উড লৗগিতে বহু অড়াঃ তেক বলনা। বহু তুতুল-দ জাঁওআয় রেন দাদাৎ লেকান হড় কক বল-না। বাহু তুতুলক বল আকান হড় কদ অড়াঃ ভিতরিরে দাঃ কক ঞ হ-চ কওয়া। মেনেৎ দ হাঁডি কক এমা কওয়া আর অনা সাঁওতে পেদা করে সাসাং ককলাসরাও আকওয়া। বারে সেরে উন অক্ত বৗরয়ৗত কক সেরেঞা।নওয়া সেরে দ হানে বহু জাঁওআয় বিদৗয় অক্তই বীরয়ৗৎ কক সেরেঞ গেয়া।
সেরেঞ—
দিনি তালে বাহু তালে
গামছা রেলে আতাং এয়া,
ঝিনিক লিপির চাতম্ তেলে
উমুল উডুকে,
কৗপিল গৗই চাঁওয়ার তেলে
এওয়ের উডুকে |
ইতুৎ সিঁদুর : — সিঁদুর লুগড়িতে বাঁদে হ-চ কাতে দৗওড়ৗ চেতানরে দুডুবহ-চ কাতে অড়া ভিতরি খন বাহু দক তু উডুকেয়া। উড়ুকঃ অক্ত দুওয়ৗর চেতান সাতে সাড়িম ঠেন গামছাক আরওয়ালা। জাঁওআয় বাবু সাদম্ চেতানরে দে কাতে সাপড়াঃ আয়, ধুতিদ উনই সিঁদুর লুগড়ি তেগেয় ধুতি কঃআ। বানার পাটা রেগে বার হড় সৗন ঠিলিরে দাঃকিন দিপিলা (কড়া পাহটা কুড়ি পাহটা)। দাঃ ঠিলিরে তাঁহেনা মড়ে গটাং সাকাম মেশা উল ঢৗওরাঃ। বানা হড়াঃ গছা রেগে তাঁহেনা অনে রামড্ডা জাং মেশা চাও লে জাং। মড়ে বেড়হাক অচুর কিনা, উন অক্ত চাও লে জাং তেকিন এপেরা আর সৗন ঠিলি রেনাঃ দাঃ উল্ ঢৗওরৗঃ তেকিন ইরচিঃ আ। (নুইদ হানিয় ইরচিয়ায়া আর হানিদ নুই এ্যা ইরচিয়ায়া)। অনা তায়ম বানাহড় আদক সামাং কিনা। জাঁওআয় কড়া পছিম সেক সামাং হচয়েয়া আর বৗহ কুড়িদ পুবসেৎ। বাহু কুড়িদ অনা
দৗওড়ৗ চেতান রেগে আর জাঁওআয় বাবুদ ঘঁড়ারে তাঁহেনতে ডাঁড়া রেয় রেবেৎ কাঃ সারজ সাকাম রেনাঃ রেৎ সিঁদুর আর মেড়হেৎ সাকম এ্য উড়ুক্-আ। সারজম সাকাম রেনাঃ রেৎ সিঁদুর অরে পে দাহাও সিঞ বঁগা, মারাং বুরু আর জাহের এরা এতুম কাতেয় গিডিয়া । মেড়হেৎ সাকম রে উনকু এম কাতে পে দাহাও এ্য সিঁদুরাঃতে বহু কুড়িয়াঃ লেগা তিরেয় হরঃ আয়া। অনা তায়ম বাহু কুড়িয়াঃ বহঃ টুটরি-লুগড়ি সাহা কাতে সি কৗটুব আর এগা কাঁটুবতে সিঁদুর সাক্ রাকাব কাতে মলং হরাসিরেয় ঘাসাও আয়া। নংকা লেকা পে দাহাও এ ঘাসাও-আ। এনখানগে মড়ে মাপাজি কই “হরিবােল” মেন কাতে পে দাহাও কলৗইয়াঃ আ। ইতুৎ সিঁদুর অক্ত অনে ভেঁড়া উৗর বাংখান দাতরম্ মচংরে বেধাও গেঁরে রে সুলতৗ সেঁগেল ক ধরাও কাঃ আ। অনা সুলতৗ সেঁগেলদ সিঞ বঁগা উইহৗর কাতে সৗখী দহ হুয় এনা। অনা সুলতৗ সেঁগেল দ জাঁওআয় বাবুরে মামৎ তেৎ এ সাত্ কাঃ আ । উন অক্ত রেক সেরেঞা—
—সেরেঞ—
বেড়ায় রাকাব ঝিরি হিরি,
পুবৗৎ সাদরে যুগের তিরি ।।
সারজ সাকারে রেৎ কিয়ৗ সিঁদুর
লাঠা আদিঞায় আঁদুর মাদুর ।।
সিঞ বঁগা মারাং বুরু, জাহের এরা সৗখী কাতে
জুরি শিকড়ি তেগেয় ছাঁদা কিদিঞ ।।
চট রেমা সিঞ চাঁদো
অৎ রেমা দেবালােকে মেনাঃ কদ ।।
মড়ে বাবা সারে সারে দুডুব তিও কাতে
জুরি পৗরি শিকড়িক জড়াও মিৎ কেৎদ ।।
ইতুৎ সিঁদুর কৗমি চুকৗও লেনখানগে জাঁওআয় বাবুদ সাদ চেতান খন আঁড়গাে কাতে বৗহুদ আজগে দৗওড়ৗ চেতান খন- তুল আঁড়গােয়েয়া । বানাহড় সারজ সাকাম রেনাঃ বেনাও পাল্ডারে পুব সেৎ সামাংহ-চ কাতে অৎ রেক তিও কিনা। বৗহু কুড়ি রিনিচ এগাৎতেৎ অঁডেদ মিটাং খরি চেতানরে মিৎতে জাগায় আঁৗরুব কিনা । বহঃ করে সুনামক অজঃ কাতেয় নাকি ফারচা কিনা। সাকারে তাঁহেন ঝুরী সিঁদুর পে দাহাও অৎরে আঁড়গাে কাতে জাঁওআয় গােমকে মলংরে, লুতুররে আর হপন এরাৎ দ নাওয়াক হরঃ আদে মেড়হেৎ সামরে পে দাহাও সিঁদুর এ্যা লাগাওয়াঃ তায়ম মলং হরাসিরে বাহায় (সিঁদুর) হরঃ আয়া ।
উন অক্তগে কুড়িরে এঁগাৎ হরিদ থৗরিরে মিটাং ফুড়ুঃরে মিৎ ঢেলাক সাসাং সাঁওতে পেয়া গুরিচ ডোবাে আর পেয়া হলং ডোবােঃ এ্যা সাঁও তরা কাঃ আ। থৗরিরেদ আদওয়া চাও লে, ধুবিঘাস, সুলতৗ সেঁগেল সানামাঃগে তাঁহেনা। আদ অনে জাঁগাক অরুব পুরৗও কাতে উনি আয়াে হড়দমিৎ মিৎতে সাদম্ অনা তায়ম জাঁওআয় গােমকে আর হপন এরাৎ-দ মিৎতে, মুচৗৎ রে লুমতি অনা থৗরিরে মেনাঃ আন সানামাঃ ক সাঁও কাতেগে আদয় চুমৗড়া আকওয়া (চুমৗড়া দ হানে সুনুম সাসাং অজঃ অক্ত তেরে কুড়ি ক অকা লেকাক চুমৗড়ায়া অনকা) । উনরে ধুবিঘাস আর আদওয়া চাওলে ই থৗরিরে দহ কাতে হানে সুনুম সাসাং অজঃ ঠেন অকা লেকা তায়ম সেক চাপাৎ পারম লেদা, উনি আয়াে হড়হঁ অনকাগেয় চাপাৎ পারমা। অনা তায়ম জহারে সাসাং এ্য লাগাও আকওয়া আর উনকুই আম্‌ অনা ফুড়ুঃ রেনাঃ সাসাং নাসেনাঃ ক লাগাও রুওয়ৗড়ায়া । থা জহারে হপন এরা আর জাঁওআয় গােমকে তৗকিদ সাসাং এ লাগাও অকিন তায়ম মিটাং কাতে গুরি ঢেলাক আর হলং ভেঁবােঃ উনকিনাঃ লাহাসেৎ তায়ম সেৎ আর উনকিনাঃ এতম সেৎ এ্যা চাপাৎ গৎ কাঃ আ। ইনৗ তায়মদ সাঁওরেক তাঁহেন উনকু বংশ রেন আয়ে হড় তেক বহু জাঁওআয় কিনাঃ সামাংরে মিটাং অহচরে সেঁগেল আগরা দহ কাতে অনাদ “জায়তােক” হাপাতেক সব গেজেরা । নেয়ামদ নংকা; জায়তােক হাপা দু বার তি-তেক সাআ । অনা অহচ রেনাঃ এতম খন কঁয়ে সেৎ ইদি কাতে অরে ঠড়ঃ কাতেগে এতম্ তি মলং রে ভিড়ৗও, কাতে গড়। অনকাগে অনাদ আর অনে কঁয়ে খন এত সেৎ ইদি কাতেৎ অৎরে ঠড়ঃ কাতে কঁয়ে তি মলংরে ভিড়ৗও কাতে গড় । নংকাগে আরহঁ এত খন কঁয়ে হুয় লেনখানগে আদ অনা জায়তােকতে অনা অহচ আঁগরা দক সবঃ গেজের গৎ কাঃ আ। ইনৗ তায়ম আদ লটা দাঃ তে অনা সেঁগেল দক দুল হঁড়িজা। নওয়াদক মেতাঃআ “বাহু জাঁওআয় পৗড়ছৗও আদের”। কড়া অড়ারে অনা জায়তােকতে অহচ সেঁগেল সবঃ গেজের জাঁওআয় বৗবুরেন মিসেরা কক কৗমিয়া।আঁডেদ অনা দক তুম আকাওদা “পতাম্”। অনকান অক্ত রেনাঃ মিটাংক সেরেঞাকা;
—সেরেঞ—
“ছামেডা লাতাররে—
চিলি চেঁড়ে য়াে কিন আড়গােয়াকান –
সাসাং গেয়াকিন সাসাং চেঁড়ে য়াে,
ছামেডা লাতাররে বিয়ল বয়ল ৷৷
সাসাং চেঁড়ে দয়াে বাংআ,
বহু জাঁওআয় গেকিন আঁড়গােয়াকান।।”
অনা কৗমিক চুকৗও এন রেগে জগমৗঝি এরাদ উনকিন বাহু জাঁওআয় অনেকিন ধুতি বাঁদেয়াকান অনা লুগড়ি আঞ্চার গাঁট মি তাকিনা। নওয়া রেনাঃ তেতেত তে দক লই আকাআ অনে তাঁহে কান তৗকিন উনকিনাঃ এস্কারগে ভেগার ভেগার মনে জিওয়ী, অনাদ মড়েহড় সামাং রেগে ত উরিচ গাঁট উরি সে জড়াও ভিড়ৗও মিদ এনা। আদ বহু কুড়িরেন এগাৎ আপাৎ কিনদ উনকিন বাহু জাঁওআয় আকান কিন বানাহড়গে হেমে কাতে অড়াঃ ভিতৗর তেকিন ইদি কিনা। আয়ােয়াঃ হেমে রেদ জাঁওআয় আর বাবায়াঃ হেমেরেদ তাঁহেনায় উনি জাঁওআয় এ্য কান এ্য আজিজ উনি কুড়িগিদরী। অড়াঃ ভিতরিক হেমে খৗড় লেকিন খানগে জগমৗঝি এরা-দ অকিনাঃ অনা গীট আকাৎ এ্য লুগড়ি আঞ্চার দয় রাড়া কাঃ তৗকিনাঃ। অনা বাবদ তে উনিদ মড়ে সিকৗ কাউডিয় 4ামা । অনকাগেআদ অড়াঃ ভিতরিতে বাহু জাঁওআয়ক খৗড় কে কিন খানগে পান্তেতে আদক দুডুব কিনা। দুডুব রেগে মিটাং বাটি তানাঃরে তিক অৗরুব ফারচা হ-চ কিনতে দাকা ক সাের আঁকিনা। উন অক্ত দ গুড় তাবেন হঁক জম হ-চ কগেয়া। বহু অড়াতে জাঁওআয়ক খৗড় কেদে খানগে উন লেকাতে অনা কৗমিক চুকৗওয়েন রেদ অনা আতােরেন নাচনিয়ৗ কাঁও বরিয়ৗত কড়াক মড়ে আখড়া দং এনেচ আদক জড়াওয়া।
অনাক মুচৗৎ লেনখানগে, মেনেৎ দ মড়ে আখড়া এনেচ সেরেঞ পুরৗও লেনখানগে বৗরয়ৗত ক আদ আকওয়াঃ তুমদাঃ টামাক আকওয়াঃ ডেরা সেক আয় তাকওয়া। বাড়ায়রে তাঁহেন মা ইতুৎ সিঁদুর কৗমি অৗওরি হুয়ুঃ হাবিচ বানার পাহটারেন এগা আপাগে উপৗস রেক তাঁহেনা। অনা কমি চুকৗও লেননা উনকু দ দাঃ কক এয়া সে যাঁহানা কহঁক জ-মা। নওয়া অক্তদ কুড়ি অড়াঃ পাহটা রিনিচ গৗলিম অনে আজাঃ আতােরেন মৗঝি গােডেৎ আতে কড়া পাহটারেন মাঝি গােডেৎ সাঁওতে অনে বালাৎ তেৎ মেনেৎ দ করে আপাৎ এ্য হহ আগু হচ কওয়া। রাচারে হহ অৗণ্ড কাতে মৗন সালাঃ উনকুদ দুডুব ঠাঁওক এমা কওয়া। লটা দাঃ সাের-আক তেক গড় জহার আকওয়া। অনা তায়ম উনি দ অনে মৗঝি গােডেৎ সাঁওতে বালাৎ তেহঁ সানাম কগে অনে ভিতরি অড়াতে আদয় হহ খৗড় কওয়া। উনরে বালাকিন-দ সাে সাে কিন দুড়ু এনা, মৗঝি গােড়েৎ কহঁ পান্তে তেক দুডুব এনা। অনা তায়ম সানাম কগে গুড় খৗজৗড়ি ক সাঁওতে হাঁডি কক সাের আকওয়া। অনাক জম ঞ সাঁওতে মৗঝি গােডেক মৗন তালাতে বালাকিনাঃ উপৗস তিরৗসই আদ রৗপুদঃ আ।

দুওয়ৗর বালা, টুমকি দিপিল, অর ইতুৎ আর কোডে ঞাপাম।বৗহুরে আপাৎ তেৎদ আজিজ কুড়ি গিদরৗ মিটাং লটা আর মিটাং বটিয় কোলায়া। দাড়েয়াঃ রেদয় মিটাং থৗরি, মিটাং গেলাস আর মিটাং টৗটয়ৗই কোল দাড়েয়ায়া। তােপাে রাকাব কাতে অজৗড়ী লৗগিৎতে মিটাংশৗড়ী মিষ্টাংসায়া আর মিটাং গামছায় কোলায়া। অনাক বেগর জাঁওআয় অড়াঃ ঞ চালাঃ কান রেদ আজিজ কুড়ি গিদরৗ দ ইতৗ রানুয় ঘেঁট গৎ আয়া। অনাদ হুয়ঃ কানা মিৎ পাইলৗ হােড়াে। অনায়েক মেতাঃ
কানা “গছা জৗনৗড়ী”। কুড়ি গিদরৗ রেন গাতে কুড়ি কদ আকরিচ উনিয় চালাঃ কান গাতে তাকদ খৗজৗড়ীক গছা গৎ আয়া। অনাদক মেঃ কানা “গছা খৗজৗড়ী”। নিয়ৗক বেগর খেরওয়াল সাঁওতা রেনা বিহৗ বালারে এটাঃ যাঁহানাঃক এম কাতে কুড়ি গিদরৗক জাঁওআয় অড়াতে কোল আকদ একালগে চল্ বানুঃ আকাআ। বাড়ায়রে তাঁহেনমা নঃঅয় চেতানরে অল এন নওয়া কগে মড়ে মাপাজিক শৗখয়ৗৎতে কুড়ি গিদরৗ এ কাতে জাঁওআয় অড়াঃ তেক কোলেয়া ।
সৗত এনখানগে কুড়ি গিদরৗরে এগাৎতেৎ দ আজিজ হপন এরাৎ মিৎ লটা দাঃ এ্য সাের আয়তে মেতায়ায়— “এ্যমৗই দো নওয়া লটা দাঃ ভিতৗর অড়াঃরে দড়ম্ কাতে হাপড়াম ক সাঁওতে অড়াঃরেন বঁগা বুরুক গড় হট আক-মে।” কুড়ি গিদরৗহ এগাৎ তে-আ কাথা লেকাগে লটাদার ভিতৗর অড়াঃরে দড়ম্ কাতে গড় হট কাতে উডুহিজুঃ আয়। উড়ুক কাতে আরেন এগাত আপাৎ এ্যা গড় অকিনা, অনা তায়ম অড়াঃ রেন পেড়া পঁাঁহড়ী সানামক গড় জহার পুরীও কাতে জাঁওআয় অড়াতে চালাঃ লৗগিৎ এ্য সৗতঃ আ ।
বৗহু জাঁওআয় বানা হড় হেমে কাতে কুলহি মুচৗৎ রেক সেটের কিনা। অনা দক মেতাঃ-আ “মাম বুটী”। বিদায় অক্ত আয়াে হড় কক রাঃ হিজুরা। উন অক্ত রেনাঃ
—সেরেঞ—
বালে রিনি জিওয়ী রিনি ধন তিঞ
হাৱা বুরু কাতেয় বৗগিয়াদি ।।
চেয়ে চেরেতে লকা লকাতে
অডি যতন তেগাে হারা লেদে ।।
আজ আজতে উলৗ দাকা জমতে
সাদের মিরু দগাে হারা লেদেতি ।।
সি বগা বারাং বারাং মারাং বুরু
লােয় তিঞ পেগাে দুলৗড় মিরু ৷৷
জানাম লেনাম বিটিঞ হারালে মে
অক্ত সেটেরেনা জাঁওআয় কেমে ৷৷
আলম রাগা বিটি আলম হমরা
জিওয়ী তাম দ বিটি আলম বাড়ি ।
চাদোগে শিকড়িয় জড়াও আকাৎ বিটি
মনের শিকড়ি বিটি আলম তপা ৷৷
উইহৗর মেসে বিটি বুঝৗঃ মেসে
জিওয়ী তাম দ বিটি গটায় তামসে,
আলম রাগা বিটি থিরুঃ তিক্রমে—
জাঁওআয় ঞ চালাঃ কানা বিটিঞ বিদৗয় হৎমে ।
কুলহি মুচৗৎ মাম্ বুটৗরে মিৎ লটা দাঃ ক দহয়া। লটা দাঃ দ সামাংরে তাঁহেনা অনকা লেকা, পুছিম সেৎ সামাং হ-চ কাতে পাতে তেক দুডু কিনা। অঁডে মৗঝি বাবায় কুলি কেটে কিনা নাপায় মনেতে তপল মিদুঃ রেনাঃ কাথা ক। উনকিন হকিন লৗই কেৎ-আ“হােয় নাপায় গে”।ইনৗখানগে হাডেন মাপাজি আর নডেন মাপাজি কক গালমারাও পাশনাও-আ। বাহু জাঁওআয় কিন লুতুররে বাক কাথা ক-ক অং আঁজম অকিনা। অনা লাহারে নায়কে অনা মাতক বুটৗরে মিৎ বৗটি বড় হাঁড়ি আর লটা দাঃ বাংখান দপৗওরীয় বঁগা লাহায়া।
মাপাজি কওয়াঃ গালমারাও — কুড়ি পাহটা রিনি মাঝি বাবায় লৗয়া, মা এনখান বীরয়ৗত ক বাধন তেহেঞদ সিঞ বঁগা, মারাং বুরু, মড়ে মাপাজিক দুডুব কাতে, জিয়ন শিকড়ি ব জড়াও মিৎ তল্ মিৎ কেৎ-আ। সানামাঃ গেব সার কেৎসৗগুন কে-আ। তেহেঞ খন দ বান্ধন জাঁওআয় সেৎ রেয়াঃ অড়াঃ দ বৗহুয় এ্যাম কে-আ আর বাহু সেদা অড়াঃ দ জাঁওআয় এ্যাম কেৎ-আ।নওয়া দ সানাম কতে গেব উচৗড় নাচাড় কেৎ-আ। বাধন সেঁদরা কারকাপে চালাঃ-আ, হাট-বাট পে দাঁড়ানা, নুমিন দিন দ বাং বাড়ায় কাতে হাঁড়ে নাডে সুজ দাঃ উৗডি দাঃ কপে লেৎ-আ, তেহেঞ খনাঃদ আদ আলপে এত কঁয়েয় তাবনা। কিরি আকাৎ অড়াঃ রেগে মিৎ বাসনা দাঃ আর গড়া উমুলগে বাড়ে হেজ আঃ-পে। ঠুকিয়ৗ বীজয়ৗ কাতে কুংকৗল টুকুজ পে বাছাও হাতাও কে-আ, আদ বাধন তেহেঞ খন নওয়া দ রৗপুদঃ, রচদঃ, খেদঃ, বুচৗঃ অনা রেয়াঃ দায়ভার দ সানামাঃ গে আপেয়াঃ কান গেয়া । কাথা রেক লৗই আকাৎ-আ, “অড়াঃ গুন হড় ক বেনাওয়ঃআ আর গড়া গুন গৗই ক বেনাঃ-আ”। বাদ্ধন গনং টাকা হলে জম্ কেৎ-আ, আর তেহেঞ দ জাং ই জাং, তর তর লে আকরিৎ পেয়া। মেনখান বহঃ মায়াম আর লুতুর মায়াম ইনৗদ বাংলে অকরি আকাওয়াৎপেয়া, এনখান অনা দলে পাঁজায় গেয়া। এনখান বাধন মিৎ দিন স্যে তারা দিন দাকা ব্লগঃ উতু ব্লগঃ অনাদ সাহাও লাহাও কাতে আপেগে সিকৗও পাড়হাও এপে। তৗও বাং গানঃ রেদ মিটি হড় বাড়ে কোল আলেপে, হড় বায় ঞাম লেখান মিৎটি লাডয়া ঠেগা বাড়ে কোল আলেপে আর অনাহঁ বাং এম লেনখান, মিৎটে সেতা কোল আলেপে, উনদ সানাম কতে গেবন চেপেদঃ-আ।
জাওয়াই অড়াঃ সেনিচ্ মৗঝি বাবা উনরে আদয় থুতি রুওয়ৗড়াঃ-আ – “সৗরি কাথাগে বাপধন তেহেঞ দ সিঞ বঁগা, মারাংবুরু মড়ে মাপাজি ক দুডু কাতে সার সৗগুন কাতে জিয়ন শিকড়ি ব জড়াও মিৎ কে-আ। সৗরি উতৗর কাথাগে আলেই ঠুকিয়ৗ বীজয়ৗ কাতে কুংকৗল টুকুলে কিরি বাছাও হাতাও কেআ। তেহে খনদ রৗপুদঃ রচদঃ, খেদঃ বুচৗঃ সানামাঃ গে আলেয়াঃ। আদ বাধন টেনা রিনি মিরুদ, তেহেদ আপেয়াঃ টেনা খন আলেয়াঃ টেনা তেলে উচৗড় কেদেয়া। এনখান জাং ই জাং, তর হঁ তরম্ লে কিরি আকাৎ রেহঁ বইঃ মায়াম আর লুতুর মায়াম দ বাংলে কিরি আকাৎ-আ, অনাদপে পাঁজা দাড়েয়াঃআ। এন্তেরেই মিৎ দিন তারা দিন দাকা ব্লগঃ উতু ব্লগঃ অনাদ সিকৗও পাড়হাও দ হুয়ুঃ গেয়া। বায় সিকৗও পাড়হাঃ খান কাথা দলে সেটের আপেয়া, উনদ সানাম কতে গেবন চেপেদঃ-আ । আর আপেই তেহেঞ খন সেঁদরা কারকা, হাট বাট পে চালাঃ-আ যাঁহা সেৎ এত কঁয়ে বাং কাতে অনা ঝাটা উমুল তুম্বৗ দাঃ ঠেন গে বাড়ে সহর সেটেরঃ পে। তেহেঞ খন দ বাধন নডেনাঃ অড়াঃ দ আলেয়াঃ আর হাডেনাঃ অড়াঃদ আপেয়াঃ” ।

অনা তায়ম জাঁওআয় কড়া ক লৗই ভিড়ৗওআয়া —
“মা বাবু সে জাঁওআয় তেহে খন দ আদ আমদ কাসমার টক লে আরাও আৎ মেয়া। তেহেঞ খন আদ এসকার দ আল দাঁড়ানা, নওয়া দ সাঁও কাঃমেগে বাড়ে। তেহেঞ খন সেরা কারকাম দাঁড়ানা; তিরি তার কম 4াম লেখান তারা কেচাঃ জম কাতে তারা কেচাঃ দ অড়াতে অগুয়মে। চেঁড়ে কম টুটি গচ্ লেকখান তারা কুটি জম মে আর তারা কুটি দ বাহু লৗগিৎ আগু দারায় মে বাড়ে” ।

অনা তায়ম বাহু কুড়ি কলৗই ভিড়াওয়ায়া— “মা এনখান মাই সে বাহু তেহেঞ খন দ নুইগে আমি ছাতা দারে দ। যাঁহা সেৎ খনে হিজুঃ-আ দাঃক দাকা ক লগন-এম সাের আয়া। আমই তেহে খন দাঃ লাে ঘাট, বির ঝাড় গাতে ক তুলুচ্ এম চালাঃ-আ, হড় তুলুচ্ দ বাড়ে আলম্ রড় লাঁদায়া। তেহেঞ খন দ নুইগে আমি জুরি, নুই গেম ছাতা উমুল, এটাঃ সেৎ দ আলম বেঁগেদা”।

নওয়া ক হুয় এনখান নায়কে অনা মাতক বুটীরে মৗঝি বঁগা তুমতে বড় হাঁডি, অনাক তায়ম তি পাটেৎ কাতে তিকিন সিঞ লাওয়ের সিঞ ঞতুমতে বেরে দাঃ- বাংখান পৗওরীয় এ্য বঁগায়া। (বাঁখেড় দ ‘মা সাই সানামাঃ কৗমি ক সিগিল কাতে বিদৗয়েৎ কিনালে, নাপায়তে জিয়ন জিওয়ী কিন বিতৗও দাড়েয়াঃমা। অকিনাঃ অনা মনে মেল তপল শিকড়ি আল তিসহ বাড়ে তপাগঃ মা গঁসাই, নায় বাড়ে নাপায় বাড়ে সাই”)।
নওয়া ক তায়ম বাহু কুড়ি পাহটা রিনি জগমৗঝি দ— উন বাহু কুড়িয়াঃ তিরে সার্কাতে জাঁওআয় কড়া পাহটা সেনিচ্ মৗঝি বাবা-য়াঃ তিরেয় চালেয়া আর এ মেনা, “নে বাবা এনখান নুঃ-উয় হড়ি সােপরােৎ আপে কানা”। নিয়ৗখানগে আদ বিদৗয়ঃ অক্ত রেনাঃ কমি দ মেটাঃ-আ।
বহু জাঁওআয় বিদায় তায়মই আতাে রেন কড়া কুড়ি কদ দং এনে সেরে তে দিৗ দক আঁগা গৎ কাঃ-আ। অনে আদ অনা দিৗ আঁগা খৗতির বার টুকু শিশির হাঁডি উনকু দক ঞামা। উন অক্ত রেনাঃ মিটাংক সেরেঞ আকাওয়াৎ আ5;
“সিঞ সিতুং হলে তাঁহেয়েন,
ঞিদৗ শিশির হলে আঁগা কে ,
অকায়েনাম বাবা জগমৗঝি
সেতাঃ শিশির হাঁড়ি দে এমালেম।”
বৗরয়ৗত ক বৗহু আঁৗগু কাতে সেটের লেনক অক্ত রেনাঃ কৗমি ক— উনদ বারে আর জিয়ৗত কহঁ ক হেজতরা-আ। হে সেটের লেনখান গে আদ কুলহি মুচৗৎ রেক ডেরা কওয়া। আতােমড়ে হড় পটিয়ৗ ক আটেৎতে অনা রে বৗহু জাঁওআয় আর বারে জিয়ৗত ক-ক দুডুব কওয়া। বারে কলটা দাঃ কক সাের আকওয়া আর দতা সাকা ক-ক চাল আকওয়া। গঁড় জহার তালাতেক আতাং দারাম কওয়া। অনা তায়ম আদ বৗহু জঁওআয় সাঁওতে বারে জিয়ৗত কক দারাম দাঃ কওয়া। আতাে রেন কড়া হপন কদ টামাক তুমদাঃ ক রু আগুয়া আর আয়াে হড় কদ ক এনে অগুয়া। উনরে আদ গুড় তওয়া তাবেন ক আজ বাড়া কাতে তায়ম সেনাঃ কৗমি কক অতরি ইদিয়া (এগাৎ দ হপন কিমিন এ্য আজ কিনা আর জাঁওআয় মিশরাৎ তেক দ জিয়ৗত বারেত্ কক আজ কওয়া)। ইনৗ তায়ম এঁগাৎ দ হপন কিমিন বারয়া সারজম সাকাম রেনাঃ বেনাও পাতড়া রে পুর্ সেৎ সামাং হ-চ কাতেয় তিও কিনা। উনকিনাঃ এত সেরে সাদম্ আর আঁকিনাঃ কঁয়ে সেরে লুমতিয় তিগুনা। কিন ই পাতড়া চেতান রেগেকিন তিগুনা। অঁডে দ গাৎ তেৎ জত হড়গে বহরে সুনুম এ্য অজঃ আকতে নাকি কওয়ায়। লুমতি বেগর জত হড় গে মলংরে আর লুতুররে বাহায় (সিঁদুর) হরঃ আকওয়া। নিয়ৗ তায়ম আদ “পতাম ঔ” কৗমিক কৗমিয়া। জাঁওআয় কড়া রেন মিশরাৎ কক উডুক্ হিজুঃ-আ। মিশরাৎ কওয়াঃ মিৎ হড়াঃ গছারে তাঁহেনা খৗজৗড়ি, তিরে সা কাঃ-আয় আজ সমান মিটাং কুঁদৗও ঠেগা, আরক সাঁও তরায়া মিটাং অহম্ পেরে আঁগরা সেঁগেল। আদ মিশরাৎ আজাঃ গছা রেনাঃ খৗজৗড়ি বাহু কুড়িয়াঃ গছারেয় উ-বা। অনা তায়ম বাহু কুড়ি আর জাঁওআয় কড়া রিনি মিশরাৎআঃ গছা রেয় উরুওয়ৗড়া আর অনা সাঁওতে কৗউডিয় এ্যম মেসায়া । অনাগে টপর ঞঃকলৗই কাওয়াৎ-আ “পতাম বেলে”।নংকা গে খৗজৗড়ি গছারে উচৗড় নাচাড় হয় লেনখানগে আদ অনা অহম্ সেঁগেল বাহু কুড়ি সামাং রেক দহয়া। অনা সাব আকাৎ ঠেগা অহম্ সাের সােরতে এত খন কঁয়ে তে ইদি কাতে হানে পৗড়ছৗও আদের অক্তলেকা অৎরে ঠড়ঃ গৎ কাঃ-আয়, অনকাগে আরই কঁয়ে খন এত সেৎতে অরে ঠড়ঃ, মুচৗৎ রেদ অহ সেঁগেল রেয় ঠড়ঃ গৎ কাঃআ। ইনৗখানগে মিশেরা কদ অড়াঃ ভিতরি কদৗড় বল লাহাঃআ আর দুওয়ৗর সিলপি কসিঞ এসো। নওয়া দক মেতাঃ কানা “সিঞ দুওয়ৗর”। উনরে এগাৎ আপাৎ কিনদ হপন কিমিন কিন হেমে তিয়ৗঃ সাবাও কিন অক্ত, কুড়ি গিৗ ক হিলি দাদা ঠেন সেরেঞ তালাতে আকওয়াঃ পাওনা ক কয় জং-আ। বলন কান-এ নাওয়া বাহু দিশী কাতে কুড়ি গিদরৗক উনরেক সেরেঞেৎ আ
তাহা রেতা নানা তারনা।
তাহা রেতা না-না-না-
তাহা রেতা না- না- না- হাে।।
এনা- এনা- এ- আমকি
দুওয়ৗর রেনাঃ টাটি সিলপি
সিঞ এসেৎ এন,
চিকৗ তেদ এনা আমকি
আমেম বল-না?
বারেম তেক ঠেনা......
- সিকৗ কৗউডী বাড়ে এমালেম,
অনাতে শাড়ী শাংকালে—
- কিরি জংআ;
এনে-নাগে দুওয়ৗর রেনাঃ;
টাটি সিলপি দ ঝিজঃ আ।
তাহা রেতা নানা তারনা
তাহা রেতা না-না-না,
তাহা রেতা না-না-না হাে।
দাড়ে মেনাঃ খান আমকি ঝিজ জমে।
বানুঃ রেদ আমদ আমকি রুওয়ৗড় জংমে
অকা হরতম হে য়েনা.....
অনা হরতেগে আমদ রুওয়ৗড় মে।।
উনরেগে আরই উনকু কুড়ি গিদরী কদ আকয়ি উনি বয়হা ঠেন খয় জংআ-
তাহা রেতা নানা তারনা
তাহা রেতা না-না-না-
তাহা রেতা না- না- না- হাে।
সনা রী ভাইয়ৗ বাংলে হাতাও
টাকা ই - অনা হঁচ ভৗইয়ৗ বাংলে হাতাও
আলেদ, জড়া ধিনু গৗইলে হাতাও কিনা।
তাহা রেতা নানা তারনা
তাহা রেতা না-না- না-
তাহা রে না- না- না- হে।।
উনরে আদ কুড়ি গিৗ কই পাওনা কক এ্যাম কে-আ, বহু জাঁওআয় কিনই অড়াঃ ক সাবাও কেৎ কিনা ।
অনা তায়ম মড়ে হড় ক দুডু-আ, উনি বহু কুড়ি দ আপাৎ অড়াঃ খনাঃ চেৎ কক কোল আকাও দেয়া, অনাক ঞেল লৗগিৎতে। আর অনা দ জিয়ৗত বারে ক সাঁওতেক হিজুঃ উনকু গুতি কৗড়মি, উনকুগে মড়ে হড় ঠেন অনা দক দরসাও-আ। লাহাসেৎ রেগে অল্ মেনাঃ-আ, আর লৗই অনাগে তরায় এনা, “সাতাড় হড় কদ মিটাং লটা আর মিটাং বৗটি কুড়ি গিরী দক কোলায়া।” অনা সাঁওতে মিৎ পৗইলৗ হােডড়া আর মিটাং বাঁদেন লুগড়ি হঁক কোলায়া। নওয়া ক বেগর কুড়ি গিৗ অড়াঃ খন জাঁওআয় অড়াঃ রেন হড় কদ চেহঁ বাংক হাতাও-আ। অনা খনদ জৗতি যাঁহানাঃ হাতাও দ সাঁওতা বিরুদ্কৗমি কানা। মেনখান কুড়িরেন আপাৎ তেৎ মড়ে টাকা, এয়ায় টাকা সে গোর টাকায় জলে রেদ জাঁওআয় বাবু, হানে ক বগা তালায়েরে জম দাকা অক্ত মিটাং ধিডু গীই ক এমায়া। মড়ে টাকা দ জম ডুবুজ সেৎ হক সাক্ গেয়া।

মিইহু চেটাঃ — বারে ইতৗৎ মিইহুদ জাঁওআয় অড়াঃরে বীহু কুড়ি রিনি বারে তেৎ হেজ কাতেৎ এ্য চেটাঃ হাতাও এয়া। মিইই বাং-এ চেটাঃ লেখান উনি দ মিশরাৎ অড়াঃরে দাঃগে বায় জুয়া। আদ বারে ইতৗৎ গনং মিই চেটাঃ অক্ত জাঁওআয় রেন উনকু মিশরা কদ বীহু রিনি বারে তেৎ অনে সাসাং দাতেক আরেগাবাও গৎ কায়া। অনাদ হুয়ু কানা উনি মিইহু আঃ জাগা অরুসারে সাসাং দাঃ। নওয়াক কৗমি চুকৗও লেনখান গে আদ বারে কড়া ক দাঃক এ হ-চ কওয়া। বারেৎ কড়াক আদ তােপােন কক ইদি কওয়া। অনা অক্ত রেনাঃ মিটাং সেরেঞ;
বুরু-চটরে সীল দ—,
হারা লাতার রেক বাচান কে দ।।
শিকৗরিয়ৗ কড়া ক সন্তরপে তাহেনা
-মাজান বেড়া বের রে,
লবয় মারাঃ অঁড়ে দাঃ ক য়া।।
টুটি কপে বাড়ে তেরাং কপে
মায়াম জরঃ লেকা দ আলপে ঞৎ ক।।
আদ তােপােন খন রুওয়ৗড় হেচ্ কাতে আদ ক জম-ঞ হচ কওয়া। অনা তায়ম আদ রৗৗ রমলৗগিৎ আখড়া কক আড়াঃ আকওয়া। অনা আখড়া রে অনে দং ক এনে অক্ত রেনাঃ মিৎটাং দং সেরেঞ—
আম-মা দারে দানাং
ইঞমা বুদৗ দানাং,
চেকা বাড়ায় হালে
নড়ে মেনাম।
তিতে গীওয়ি মেরে
মচাতে গল অঞমে,
তবেঞ বাড়ায় হালে
নডে মেনাম।
অনা তায়নম জম ঞ, রাস্কৗ রমজ তে সারা দিন ভাের খাঁড়াও কাতে জিয়ৗত বারে কদ অৗয়ুব সেক বিদীয় কওয়া। বিদায় অক্ত দক র নাকি গৎ কাকওয়া। বিদীয়ঃ অক্ত বারেত কড়া ক পাটা খন বার হড় ক বৗগি হট অকিনা। উনকিন দ দসার হিলঃ বাহু জাঁওআয় তাকিন কি ইদি রুওয়ৗড় তরা কিনা। বাডায়রে তাঁহেনমা ইনৗ হিলঃ গে— জাঁওআয় অড়াঃরেন হড় কদ নাওয়া বৗহু ঠেন জাগা কক আঁৗরু হচঃআ আর ক ওনােরােমঃআ। অনা জাগা আরুবঃ অক্তগে যাঁহায় গে যাঁহা লেকা মনের মত বাহু আঃ তি রেক এ্যম চা-আ। নওয়া হিলঃ গে উনকিন নাওয়া বাহু জাঁওআয় তৗকিন দ তােপােন ঘাট তেক ইদি কিনা। অনা তােপােন ঘাট রেগে সৗগুন ঠিলি ক উকু এনে হ-চ কিনা। অনা উকু এনে লাহারে নায়কে এরা দ পে টিডৗঃ সিঁদুর অনা ঘাট রেয় গিডি লাহায়া। অনা তায়ম আদ অনা সৗগুন ঠিলিক উকু এনে হ-চ কিনা। অনা এনে হ-চ দ হুয়ুঃ কানা— উনকিনরে রং রমজ, রিৎ পিরিৎ তারকাও হচ রেনাঃগে রিকৗ কানা।
ইদি রুওয়ৗড় অৗগু রুওয়ৗড়— বারে কিন দ বহু জাঁওআয় ইদি রুওয়ৗড় লৗগিৎতে কিন তাহেনা। ইদি রুওয়ৗড় অক্ত বহু জাঁওআয় সাঁওতে বহু অড়াতে চালাওয়ঃ রেদ জাঁওআয় অড়াঃ খন বার হড় কিন চালাও তরাঃ-আ। (সাদম্ আর লুমতি), উনকিন বাহু জাঁওআয় কিন রুওয়ৗড় আঁগু লৗগিৎ। ইনৗ হিলঃ দ উনকিন ই খৗজৗড়ি টুমৗং গঃ কাতে কিন চালাঃ-আ। অনাতে অনাদ মিৎ সাঁওতেক তুম আকাওয়াৎআ ‘ইদি রুওয়ৗড় আঁৗগু রুওয়ৗড়” ।
বৗহু অড়াঃ রেক সেটের লেনখানগে, লটা দাঃ কক সাের আকতে ক গঁড জহার আকওয়া। অনা তায়ম বহুি রেন বকৎ কুড়ি ক জগা অরুব লৗগিৎ ক সেটেরঃ আ। অঁডে জাগা অরুবরে জাঁওআয় বীবুক কাটক এয়া। উনরে জাওআয় বীবুকৗউডি কবৗটি দারে গিডি কাতে এরে কুড়ি কওয়াঃ মনেয় কুসি হচয় তাকওয়া, আর এন্তেয়েনা গে উনকুহঁক আড়াঃ এয়া (অনা দক মেতা কানা কাটক জাগা রৗপুৎ ঞর)।
অনা তায়ম অঁডেই অনে সৗগুন ঠিলি ইদি কাতে বাহু জাঁওআয় কিন গাড়া দাঃ বাংখান পুখরি দারে তােপােন লৗগিৎ ক ইদি কিনা। অনা তােপােন অক্তগে সৗগুন ঠিলি উকু-উকু আঁডেই কিন তােপাে এনেজা। উইহৗর তাঁহেনমা অনে অনা অক্তগে নাওয়া বাহু জওয়ায় কিন দাঃ রে আঁড়গােন লাহারে ঘাটরে পে টিকৗঃ সিঁদুর ক গিডি লাহায়া। অনাদ উনকিন দাঃ রেকিন তাঁহেন বিন বাপ্লা কুঁৗরী বঁগাকুড়ি পদমনি আর গগামনি দিৗ কাতে উন অক্ত ক সেরেঞেৎ কানা—
বাঁদেলা বাঁদেলা বাহা বাদেলারে
শেরালী কিন দকিন আঁড়গােয়েন
শেরালী কিন দকিন পায়রা এনে।
হাঁস আকিন অনে খেল আকিন
উকু উকু মনেকিন এপেম চাপাল,
শেরালী দকিন আঁড়গােয়েন
শেরালী দকিন পায়রা এনে।
এ পদমনি এ গাে গঁগামনি
শেরালী কিনদ থুম জাড়িয়াকিন বিন
শেরালী কিন দকিন আঁড়গােয়েন
শেরালী দকিন পায়রা এনে।।
আদ তােপাে খনাঃ রুওয়ৗড় হে কাতে আদ জাঁওআয় বাবুদ চৗডি ক কুটৗম হচয়েয়া। তালা রাচারে মিঠেন গুরি ফারচা কাতে অঁডে মিটাং পাতড়ারে চাওলে ক দহয়া, আর মিৎ বাঁটি হাঁডি ক অৗণ্ড সাের কাঃআ। নাওয়া জাঁওআয় দ বীটি খনাঃ হাঁডি, ফুড়ুঃ তে লাে রাকা কাতে পাতড়া চাওলে রেয় দুলাঃ-আ। বাহু অড়াঃ রিনি গৗলিম হড় দ অনা পাতড়া চাওলে রে মিটাং পৗঠি মেরম এ্য অতিজ্ঞ এয়া উন অক্ত রেনাঃ
বাঁখেড়—
জহার ‘সাই অগিল পুরুধুল ক
মা এনখান নঃ-অয় তেহে দ,
নুই নাওয়া জাঁওআয় লে তালা অড়াঃ এ্য কানা,
তেহেঞ খন দ গঁসাই নুইদ—
তালা অড়াঃ রিনি হড় এ্য হুয় এনা,
আপে কহঁ তেহেঞ খন নুই দসুক দুকরে এেল সাঁওহা কায়পে গসাই
নায় বাড়ে- নাপায় বাড়ে গসাই ।
মা গসাই তেহে খন হিজু সেনঃ হর বির করে
যাঁহানাঃ তহৎ হাড়াঃ কদ আল কিন এডাম মা গাই ।
বানারগে নায়তে নাপায়তেকিন তাঁহে মা বাড়ে
লাজ হাসাে বহঃ হাসাে ক
আল বাড়ে সিরজৗও কং ভিড়ৗও ,
কুসি রৗদ্ধৗতে সেকে সব দিন দ গরম ,
অনকা কাতেগে হারৗড়াে বুরৗড়াে কঃ মনি,
নায় বাড়ে – নাপায় বাড়ে গসাই।
মেরম এ্যঅতি লেখানগে,আদ টাগাতে নাওয়া জাঁওআয় ক কুটীম হচয়েয়া। পাতড়া চাও লেরে মায়াম্ ক জ-রয়া। বগা থান হাঁড়িতে আর দাতে পে ধাও বেড়হাও এসেৎ কাতে জত কগে ক গঁডাঃ-আ। নওয়া দক মেতাঃ-আ “চৗডি কুটীম”। উনি চৗডি মেরমা বহঃ ক সােড়েয়তে ভিতৗর অড়াঃরে মিৎঠেন গুরি ফারচা কাতে পে পাতড়া দাকা, অড়াঃ রিনি গীলিম দ হাপড়াম ক তুমতে বগা বাড়া কাতে, আদ নাওয়া জাঁওআয় সাঁওতে অড়াঃ রেন হড় ক অনা সােড়ে দাকা ক জমা। চৗডি বহঃ সােড়ে জ উপৗসরে বাং তাঁহে কাতে জম্ লেখান অডি মারাং পাপ হুয়ুআ। ইনৗ খানগে আদ নাওয়া জাঁওআয় অড়াঃ তালা « রেনাঃ কৗমি দ সিগিলঃ-আ।
দসার হিলঃ সাদম্ আর লুমতি সাঁওতে বাহু জাঁওআয় ক বিদায় কিনা। লাড়ু খৗজৗড়ি কক ঘেঁট গৎ অকিনা। অনা কদ উনি সাদম এ্য অগুয়া।

একড়িয়ৗ– বালা হয় কাতে আরে মাহারে নাওয়া বহুরেন আপাৎ অড়াঃ হড়-কদ, আকয়ি কুড়ি গিৗ এক্লাগে ইদিয়ে লৗগিৎ তেক হিজুঃ-আ। উনকু-ক ইদি লেখানগে জাঁওআয় অড়াঃ রেন কই আকয়ি কিমিন অগু রুওয়ৗড় লৗগিৎ, হানে উনকুই ইদি লেদে ক খনাঃ আরে মাহা হিলঃ ক চালাঃ-আ। অনা গেক মেতাঃ কানা “একড়িয়ৗ ইদি আঁৗগু”। নওয়া একড়িয়ৗ ইদি আগু রেগে বালায়া হক জম ওয়া। বালায়া ক উনক উপুরুমঃ-আ। বালায়া জম এ রেদ সেরেঞ দুরৗং, রৗস্কৗ রমজ, জম্ ঞ আর ই (নাওয়া লুগড়ি) নিয়ৗ কগে লাগাঃ-আ।

বালায়া জমঞূ – পেড়া পীড়হী ক-ক সেটের এনখানগে মৗন সালাঃ তেক আতাং দারাম কওয়া। লটা দাঃ সাের কাতেক গড জহার আকওয়া (কড়া পাহটা দ দক্তা সাকাম ক চা আকওয়া) আর জাঁগা কক অরুন্ কওয়া । অনা তায়ম দাঃ ক সাবাও কওয়া আর উন খনগে এতহবঃ-আ রৗস্কৗ রমজ মেনেৎ দ অদা-বৗদী সেরেঞ।
উনদ অনা আকওয়াঃ সেরেঞ তালা তেগে উনকু কসানামাঃ ক কুলি কুপুলিঃ-আ ।
‘বালায়া সেরেঞ (নওয়া দ অড়াঃ ভিতরি রেক দুডু আকানা, উন অক্ত আদ ক কুলি কুপুলিঃ কানা);
তাহা রেতা না-না- তারনা।
তাহা রেতা না-না-না- হাে-
তাঁহা রেতা না-না-তারনা-
তাহা রেতা না-না-না- হাে-।
জড় সেনের লাতাররে
কিতৗ পটিয়ৗ চেতানরে
চিলি চিলি ক দুড়ুব আকান ?
চিলি চিলি ক সিদু আকানা ?
(আরই “তাঁহা রে,
জড় সেনের লাতাররে।
কিতৗ পটিয়ৗ চেতানরে
বালায়া ক দুডু আকান,
সাকায়া ক সিদু আকানা।
(আরই “তাঁহা রেতা..
নুকু কদ হাে নিজ বালা
নুকু কদ হাে গোগাে বালা,
নুকু কদ হাে কাকা বালা,
নুকু কদ হাে কুমীং বালা,
নুকু কদ হাে তোং বালা,
নুকু কদ হাে মামা বালা দ ।
(আর “তাঁহা রেতা..
নিজ বালায় নিচিত্ আকান
গোঁগাে বালা দয় গুগু আকান,
কাকা বালা দ কাকড়ায় পৗঃসি কান,
কুমৗং বালা দয় কুকুডুবুরেৎ,
তোং বালা দ তে পারকম,
মা-ম বালা দ দালান চেতানরে,
দালান চেতানরে দুড়ুকাতে,
দুঙুব কাতে মালায় গুতু কান

ইডি ক য়া আর অদা-বৗদী দমে ক সেরেঞা । গটা আতাে ক আসেন
আঁৗচুর কওয়া, মৗঝি গােডেৎ নায়কে, ভায়া গেয়াৎ জত কঠেন । অনকাগে মৗঝি অড়াঃরে বল কাতে দুডু আকান অক্ত ক সেরেঞেৎ-আ

তাহা রেতা না- না- না তারনা-
তাহা রেতা না-না-না- হাে-
তাহা রেতা না- না- তারনা-
তাহা রেতা না- না- না- হাে- |
নওয়া দহাে অকয় অড়াঃ,
নওয়া দহাে অকয় বাখেলা ?
অকয় অড়াঃ রেবন দুডু আকানা,
অকয় বাখেলা রেব সিদু আকানা ?
(আরই ‘তাহা রেতা..
নওয়া দহাে মৗঝি অড়াঃ
নওয়া দহাে মৗঝি বাখেলা,
মৗঝি অড়াঃ রেব দুডু আকানা
মৗঝি বাখেলা রেব সিদু আকানা।
অনকাগে গটা কুলহি ক আসেন আঁৗচুর কওয়া। তাড়াম হর করে চকর
সাঁহি ক থুতিয়াঃ-আ । বালায়া দং—
সুডু সুডু বিরতে
দেলাং হাে দেলাং বিহীয় চেঁড়ে লাঠা।
চিলি চেঁড়ে বিহীয় চিলি চেঁড়ে
কুকুডুবুর বিহীয় মালা পতাম ||
বিসড়ি লাং হুঁসিৎ বিহীয়
লাঠা লাং জড়াওয়া
মালা পতাম দলাং
লাঠায়ে গেয়া।
চেরাে মা বিড়ি বাঁদো মা লাঠা
এ্য বিহীয় বানায় লাঠা আকানা ডিয়ৗং ডিয়ৗং ৷৷
নংকাগে সেরেঞ দুরৗং আতে ক তােপােনা। মৗডি ক আদ-ক ধুরৗঃ-আ, আর রমজ রমজ ক থুতি গালমারাওয়া। মিং দিনঃ জিরৗও কাতে আদ ক বিদায় কওয়া। আয়াে হড় কদ বিদায় অক্ত র নৗকি কাতে দর-দর ক সিঁদুর গৎ কাকতে বাহা মালা ক-ক হরঃ গৎ কাকওয়া। বাবা হড় তেক বাহা মালা কক হরঃ আকওয়া । বিদৗয় অক্ত রেনাঃ মিটাং

সেরেঞ। বালায়া দং —;
বিদৗয় বিদীয় পেড়া বিদৗয় লেপে
বিদায় চাপড় পেড়া এমা লেপে ।
(চাপড় দ গঁড় জহার)
তেহে পেড়া তাঁহেন পে তেহে লেদেড় গেছ,
গাপা পেড়া তাঁহেন পে গাপা লেদেড় গেছ,
দিনগে পেড়া তাঁহেন পে দিনগে লেদেড় গেছ।
নংকা রৗদ্ধৗ রম তালাতে ঠোল কাতে কতিগুনা, আর গড জহার জংতেক বিদীয় কওয়া। বাপলা রেনাঃ তেতেৎ তেৎগে হুয়ুঃ কানা, মিৎকড়া মিৎকুড়ি জুরি পৗরি লেকাতেকিন তপ মিদুঃ-আ। নিতঃ হবি যাহা ক অল্ হুয় এনা অনাদ, “দুওয়ৗর বালা” রেনাঃ চট্‌ খন ফেড় হৗবি রেনাঃ নেয়াম নেমাচার ক। নওয়া তায়ম এটাঃ এটাঃ হাঁটি করেনাঃ কাথা ক অল-গঃ কানা।

টুমকি দিপিল— সানাম নেয়াম-নেমাচার কগে অনে দুওয়ৗর বাপলা লেকাগে। মেনখান নওয়া বা রেদ বীরয়ৗত ক সাঁওতে জাঁওআয় কড়াদ বাহু অড়াঃ তেদ বাং-এ্য চালাঃ-আ। বৗরয়ৗত কগে এখেন সেন কাতে বাহু দক আগুয়েয়া আর ইতুৎ সিঁদুর কৗমি দ কড়া অড়াঃ রেগে হুযুঃ-আ। নওয়া তায়ম এটাঃ এটাঃ কৗমি কদ দুওয়ৗর বালা লেকাগে সিগিল হুয়ুঃআ। গন-পন কদ অনে বীহু অগুক চালারে উন অক্ত গেক ইদি তরায়া। বাহু অড়াঃরে অনে গন-পন এম কাতে বহু দক আগুয়েয়া।

কেঁডেল ঞাপাম— নওয়া রেদ সার সৗগুন, চিয়ৗ চিপিয়ৗ কৗমি কদ কড়া আর কুড়ি কিন অকিন তেগেকিন সিগিলা। অড়াঃ রেন গৗলিম কদ অনা লৗগিৎ দ বাংক লৗতিঃ-আ। অকিন অকিনতে ঞাপাম কাতে তিরি পুরুষ লেকাতে তপস্ মিদুঃগে হুয়ুঃ কানা “কোডেল ঞাপাম” দ। নংকান ঞাপাম রেদ মিৎ কুড়ি আর মিৎ কড়া রেন সৗখি ক-দক হুয়ুঃ কানা বি-বুরু, গাড়া-মুডু, বির ঝাড়, মাতক বুটৗ, সারজম বুটৗ নুকু ক। অকিন অকিনতে ঞাপাম কাতে কড়ায়াঃ অড়াতে বহু কুড়িয় সেটের লেনখান, বাহু অড়াঃ রিনি পীলিম দ কড়া অড়াতে আতাে রেন মাঝি গােডেৎ ক আতে পাঁজা ঠেসাও সুমজৗও লৗগিৎ হড় এ্য কোল কওয়া । নুকুই কড়া আততা রিনি মৗঝি বাবা ঠেন আকয়ি কুড়ি গিৗয়াঃ তলাস ক ম লেখান জগমৗঝি সাঁও কাতে কড়া অড়াঃ তেক সেটেরঃ-আ (মৗঝি বাবা দ জগমৗঝি ঠেনগে তলাস এ্য হাতাওয়া)। অঁড়ে কুড়ি গিদরৗয় এম এনখান আদ গালমারাও গটায় লৗগিৎ বানার পাহটা রেন মৗঝি গােডেৎ ক দুডুব মিদুঃ-আ। কড়া কুড়ি বানাহড় রাজা-রজি কাথা ক কুলি কিনা। উনরে হােয় গেখান দ নাপায়গে আর বাং রেদ ভঁডম্ হক ভঁডম্ কগেয়া। নওয়া রে মাপাজি ক মিটাং খুমুস খৗতির গে উনকিন অকিন তেকিন ঞাপাম আকান কড়া কুড়ি দক বাপাগ দাড়েয়া-কিনা, অনা দ হুয়ুঃ কানা খুঁট খুঁট মিলৗও লেনখান রে।”
পাঁজা ঠেসাও সুমজৗও রে সানামাঃ গেক গাপালমারাও গটায়া। অনাদ দেনা পাওনা গন-পন্ জমাঃ ইদি কাতে গেক গালমারাওয়া। অনা ক সালা গটায়েনখান, সে হেঁসৗরিয়েনখান, আদ বানার মৗঝি কিন অৎরে গামছা কিন আটেৎতে অনা গামছারে তল্পনা গিডি কাতে কিন তপ মিদুঃ-আ। কুড়ি পাহটা রিনি মড়ে সিকৗ আর কড়া পাহটা রিনি দ গেল সিকৗ কুড়ি পাহটা রিনিমৗঝিয়াঃ গামছা রেয় দহয়া। আদ বানা হড় গামছা কিন উঠৗও তৗকিনা, অনাতে নওয়া দ “গামছা উঠাও” হক তুম আকাওয়াৎআ। নিয়ৗ খানগে সুমজৗও কৗমি দ গটৗয়েনা মেনতে ঠৗড়ঃ-আ। উনরে আদ সুমজৗও লৗগিৎ হে আকান হড় কদ দাঃ কক ঞ হ-চ গৎ কাকওয়া।
কেঁডেল ঞাপাম রেদ ইতুৎ সিঁদুর কৗমি দ, কড়া অড়াঃ রেগে হুযুঃ-আ। গনপন্ কদ সানামাঃ গে দুওয়ৗর বাপলা লেকা । মেনখান উনরেদ বাহু কুড়ি অড়াঃ রেন হড়ক, জাঁওআয় কড়ায়াঃ অড়াঃতে সেন কাতে গনং দক সিদি ইদিয়া। উনগে গনং সিদি কড়াক জওআয় কড়ায়াঃ অড়াঃরে মিটাং “মানাঃ” কমাগেয়া। মানাঃদ শুকরি, ভিডি আর মেরম তে এমঃ গানঃ-আ। গনং সিদি কড়া কদ কুড়ি রিনি আপাৎ তেৎ তিনৗঃ টাকা গনং এ জমা, মাঃ আকাদেক উনি মানাঃ-আঃ উনৗঃ পাঁজা জাঁওআয় কড়া-আঃ আতাে রেন হড় কক এমা কওয়া। নওয়া ক বেগর নওয়া রেনাঃ দ ইদি রুওয়ৗড় অণ্ড রুওয়ৗড় খন এতহ কাতে সানাম কৗমি কগে অনে দুওয়ৗর বাপলা লেকাগে হুয়ুঃ-আ।
গনং সিদি কড়া কদ আতােরে সেটের কাতেগে লাহা দমৗঝি রেন ডৗংরি ক তল্ ক তায়া। অনা তায়ম মাঝি বাবা আদ কড়া আঃ অঃ তে উনকু দয় ইদি কওয়া। অঁডেক সেটের লেনখান মৗন আতে আদ ক দুডুব কওয়া। আর যাঁহায়াঃ গনং সিদি হুয়ুঃ কানা উনি কুড়ি গিদরৗ গে লাহা দলটা দাঃ বারেৎ তেৎ-কেয় উড়ুক আঁৗগু আকওয়া আর-এ্য গড আকওয়া। নংকা কাতেগে আদ কৗমিদ চিকৗড়ঃআ।

অর (ইতুৎ) – লাহা সেৎ রেগে অল হুয় আকানা, পহিল উতৗর রেদ নওয়া হাঁটি দ তাঁহে কানা “অর ইতু। মেনেৎ-কুড়ি গিৗ, কড়া-আঃ মেৎ কুসি রেয় হে লেনখানগে জোরতেলির সিঁদুর ঘাসাও কাতে অর ঘা-ঘাচাও কাতে এ্য অৗগুয়েয়া। অনা হতে তেগে নওয়া হাটি রেনাঃ দক তুমাৎ তাহেৎ “অর ইতুৎ”। যাঁহান এটকেঁড়ে গে তাঁহে হচয়ান (কুড়ি অড়াঃ রেন হড় কওয়াঃ কুসি তাঁহেন আর বাং তাঁহেন), ইতুৎ দাড়ে কাও দেখান বাহু দ উনি কড়ায়িগে হুয়ুঃআয়। মেনখান তায়ম তায়মতে সানতাড় হড় কক ঞেল কেৎ-আ, নওয়া সেরওয়া দ অডি তেগে বৗড়ি কানা। অনাতে মাপাজি ক গাপালমারাও মিৎ কাতে ক ত গটা কেৎ-আ যে, অর ইতুৎ সেরওয়া দ এত কাঃ তেগে হুয়ুঃ-আ। উনখনগে অর ইতুৎ দ থুকীম হাপেয়েনা। আর নওয়া হঁ গটায়েনা যাঁহায় নওয়া অৗরু ফেরাও রেনাঃ এ্য রিকৗয়া, উনি দ অডি কেটেজ সাঁহি ক উঁডম (জুরিমানা) এয়া। উডম দ তিনৗঃ গটাঃ-আ অনাদ মাপাজিক দারহা তুমুম কাতেউন দক ঠাড়য়া।
মেনখান নওয়া ক তায়ম হঁ মাপাজি ক একাল নওয়া হাঁটি সেরওয়া দক মুচৗং উতৗর কেৎ-আ, অনা কাথা দ বাং হুযূ লেনা। অর ইতুৎ কাথা খন, ইতুৎ কাথা দক সাহা গিডি কে-তে, অর কাথা তেৎ দক দহ কেৎ-আ। অনাদনংকা-নাপায়তে কুসি কুসৗল কাতে মিৎ কড়া মিৎ কুড়ি কিন নওয়া হাঁটি সেরওয়া তালাতে জড়াও মিৎ কৗকিন দ গানঃ-আ। মিৎ হড়াঃ বৗহু অগু অডিগে লৗতি মেনাঃ আন তায়া, মেনখান খরচ ক সে অক্ত করেনাঃ আনাট ক খৗতির ইতুৎ সিঁদুর কৗমি, দেনা পাওনা লেখা চেৎ ই বাং-এ দাড়েয়াঃ কানা, উনরে কুড়ি অড়াঃরেন হড় ক উনি কুড়ি গিৗ এমঃ লাগিৎ ক ওপােৎ লেনখান উনদ আদ অ তে অৗগু গানঃ-আ। উনরে গন-পন্ বাং এম কাতে, ইতুৎ সিঁদুর বাং কাতেই অড়াঃরে আগু গস দ গানঃ-আ। তায়মতে কুড়ৗও আনটাও কাতে কড়া অড়াঃ রেগে ইতুৎ সিঁদুর দ হুয়ুঃ-আ। গন-পন খন এতহব কাতে সানামাঃ কামি কগে অনে কোডেল ঞাপাম লেকাগে হুয়ুঃ-আ।

জড়াও রেনাঃ নেয়াম তেৎ— কড়া পাহটা অনে আততা রেন মাঝি গােডেৎ আর আতাে রেন মিৎ বার হড়ক সঁগে কাতে বাহু অগুয় চালাঃ-আ। বহু কুড়ি অড়াঃ তেক সেটের লেনখান আদ নাপায় অকচ্ তে উনকু দ মৗন আতে- দুডুব কওয়া। কুড়ি অড়াঃ রেন মৗঝি গােডেৎ কই সেটের ক তাঁহেনা। উনরে লটা দাঃ উড়ুক কাতে উনি কুড়ি গিৗ দমিৎ হড় সাঁওক গড ইদি হচয়েয়া। উনরে উনিদ জত হড় এ্য গড ইদি আকওয়া। অনে যাঁহায় জাঁওআয় এ্য তিগুন কানদ, অঁডেদ গঁড় কাতেৎএ তাড়ামেৎ কানে অক্ত জাঁওআয় কড়া দ উনি কুড়িটাঃ নাসেনাঃ এ সাক্ তিও এয়া। ইনৗ খানগে কৗমি দ সিগিলঃ-আ। কড়া আততা রিনি মৗঝি বাবা দ, উনরে কুড়ি আতাে রিনি মৗঝি বাবায়াঃ তিরে মড়ে সিকৗ কৗউডি এম হুয়ুঃ তায়া। নওয়া অক্ত দ কুড়ি পাহটা রিনি মাঝি বাবায়াঃগে নওয়া পাওনা দ কানা। অনা দক মেতাঃ কানা “গড়া ঝিজ”। ইনৗ হুয় কাতেগে উনি কুড়ি গিৗ আতেৎ উনি জাঁওআয় আর সাঁওতে চালাও লেনক হড়ক দক বিদৗয় গৎ কাকওয়া।

ঘৗরদি জাওআয় বাপলা — কুড়ি অড়াঃ রেন হড় ক জাঁওআয় ক চিয়ৗয়েয়া। কুসি কুসৗল সানামাঃ বানার পাহটা খনাঃ হুয় লেনখান, তিরি পুরুষ লেকাতে
উনকিন ক জড়াও কৗকিনা। আততা হড় সগে কাতে জাঁওআয় অড়াঃ তেক চালাঃ-আ। জাঁওআয় কড়া-আঃআততা রেন মড়ে হড় সাঁও গালমারাও গটা কাতে, অঁডে খন জওআয় কড়া দ বীহু অড়াঃ তেক আগুয়েয়া। নওয়া অত্ত রেই বানার পাটা রেন মৗঝি কিন দকিন তপ মিদুঃ-আ। তায়ম তে যাঁহা তিসঃ উনকিন বহু জাওআয় কিন ভিতরিরে যাঁহানাঃ আনাট ক সিরজৗও লেনখান, অনা কদ উনকিন মৗঝি আতে গে সালা গটাঃআ। কাথা কেটে কাঃ রেনাঃ খাম খুঁন্টি দ উনকিন মৗঝি সাঁওতে নুকু আতােরেন মড়ে হড় কগে। অনা লাগিৎতে জাঁওআয় অড়াঃ রেন হড়ই গালমারাও অক্ত দ বার টুকুজ হাঁড়ি লাগাও আকওয়া।
ইতুৎ সিঁদুর কৗমি দ কুড়ি অড়াঃ রেগে হুয়ুঃ-আ। সানাম খরচ কগে নওয়া রেদ কুড়ি অড়াঃ রিনি গীলিম গে লাগাও আয়া। গন-পন্ হঁ জাঁওআয় কড়া দ এম বাং হুয়ুঃ তায়া। মেনখান আততা মড়ে হড়াঃ পাওনা, অনাদ তিসহঁ বাং ডুবুজঃ-আ। আতাে মড়ে হড়াঃ পাওনা দ এমঃগে হুয়ুঃ-আ।

কিরিঞ জাঁওআয় বাপলা – মিটাং ডৗসুওয়ৗ কুড়ি গিৗ অনে বিন জাঁওআয় কাতে হামাল হড়ম লেখান এ্য, অনা অড়াঃ রেন হড় ক উনি কুড়ি গিন্দ্রী মিটাং ডৗর (জাঁওআয়) সাব-আয় রেনাঃ ক রিকৗয়া । উৗর বাং সাব আয়রে গিৗ অমন্ লেনখানে, উনি গিৗ দক মেতায় কানা “বিধুওয়ৗ গিৗ”। অনা লৗগিৎ তে অনা অড়াঃ রেন হড় কই ক রড় সিঁড়ি কওয়া। অনা লৗগিৎ তে অনা খন রাড়া দোগােঃ লৗগিতে অনকান জাঁওআয় দক পাঁজা কওয়া। উনি কুড়ি গিৗ লৗগিৎ তে যাঁহায় জাঁওআয় তিগুন এ্য রেবেন এনা, উনি সাঁওগে উনি হামাল হড়-ম আকানে কুড়ি গিন্দ্রৗ দ তিরি জুরি লেকা তেক জড়াও মিস্ এয়া।
ইতুৎ সিঁদুর খন এতহব কাতে সানাম খরচ কগে কুড়ি অড়াঃ রিনি গীলিম গে এম হুয়ুঃ তায়া। কড়া মা গন-পন্ বাংগে এম হুয়ুঃ তায়া, অনা বেগর কুড়ি রিনি গৗলিম গে পন্ এম কাতে কুড়ি গিদ্রৗ লাগিৎ জাঁওআয় তিও হুয়ুঃ তায়া। আতাে হড়াঃ পাওনা কই কুড়ি অড়াঃ রিনি গৗলিম গে এম হুয়ুঃ তায়া। একালগে অনে জাঁওআয় বাংক এম লেনখান, তায়ম দারাম উনি গিন্দ্রৗ দ আততা রিনি জগমৗঝিয়াঃ পৗরিস এ্য ঞামা ।

সাঁঘা বাপলা— মিৎ কড়া মিৎকুড়ি তিরি পুরুষ লেকাতে জড়াও মিৎ এ কিনরে, উনকিন ভিতরিরে যাঁহায়গে মিৎ ধাও দকিন বা লেন তাঁহেৎ, ফারচা সাঁহি লৗই তেদ নওয়া কানা, যাঁহায় গে মিৎ হড় রৗডি বাংখান এ্য ছৗডওয়ী কানা । অনকান কিন মুরে জুরি শিকড়ি জড়াও মিৎ দক মেতাঃ কানা “সাঘা বালা”।নওয়া হাটি বাপলা রে জড়াও মিদঃ রেনাঃ নেয়াম-দ লাতাররে অল্ এনা ।

কুড়ি ডৗয়ৗয় তাঁহেন খান – গনং দ পে টাকা খনাঃ জৗসতি জম দ বাং গানঃ-আ। অনা বেগর ইতুৎ সিঁদুর খন এতহব কাতে সানাম লেকানাঃ কৗমি হরা কগে কেঁডেল ঞাপাম লেকাগে হুয়ুঃ-আ।

কুড়ি গিদরা রাঁন্ডি ছৗডওয়ী আকান খানে— গনং টাকা দ পে টাকা রেনাঃ তারা হাটি লেখাঃ-আ। গনং মিইই উনরেদ মিস্ টেএম হুয়ুঃ-আ। রৗডি ছডিওয়ী বাপলা দ দৗওড়ৗ চেতান রেদ বাংক ইতুৎ কওয়া। রৗড়ী কদ গাঁডাে রে দুডুব হ-চ কাতে আর ছডিওয়ী কদ পাতড়ারে তিও হ-চ কাতে কৗমি দক সিগিলা। জাঁওআয় কড়া মিটাং ডগর বাহারে সিঁদুর এ্য লাগাওয়াঃতে লেগা তিতে এটাঃ সেৎ কয়ঃ কাতে উনি কুড়িদ সুদূরেয় রেবেদ আয়া।

মিটাং রাঁডি স্যে ছৗডওয়ী গেলবার ধাও বাপলা তায়ম গেলপে ধাও বাপলাঃ অক্ত রেদ, উনি দ ডৗওয়ৗ মেনতেৎ এ্য লেখাঃ-আ। উনদ উনিয়াঃ দ দৗওড়ী চেতানরে ইতুৎসিঁদুর হঁহুয়ুঃ তায়া।(খেরওয়াল ধরম রেদ রাঁডি স্যে ছৗডওয়ী বাপলাঃরে মানা বাধা দ একালগে বানুঃ আকাৎ-আ)।

— বাপ্লারে লাগাঃ তেনাঃ হাঁডি টুকুজ ক —

গিরী তল হাঁড়ি ১ (মিটাং) কড়া পাহটা ক ামা ।
ছামড়া তল ১ (,) কড়া পাহটা ক ামা।
মাড়ওয়া চেঁহেঘাও- ২ (বারয়া) কড়া-কুড়ি বানার পাহটা ।
জড় অজঃ- 2 ( , ) কড়া-কুড়ি বানার পাটা ।
বৗরয়ীত হাঁড়ি ২ ( , ) কড়া পাহটা ।।
দারাম দাঃ ২ ( , ) কড়া-কুড়ি বানার পাহটা।
শিশির হাঁড়ি - ২ ( , ) কড়া-কুড়ি বানার পাহটা।
ইতুৎ সিঁদুর হাঁডি – ২ ( , ) কড়া-কুড়ি বানার পাহটা ।
ছামড়া রৗপুৎ - ১ (মিটাং) কড়া পাহটা ।

বৗহু কুড়ি অড়াঃ রেদ বারয়া কম লাগাঃ-আ, অনা দ বীরয়ৗত হাঁডি তেগে বাং লাগাঃ-আ। আর এটাগাঃ কৗমি করে দ ঞেল লৗগিতে মৗঝি গােডেৎ মিৎ বার হড় হহ আক রেদক, অনাদ অড়াঃ রেনাঃ বাটি হাঁড়ি তেগে ক বিদৗয় কওয়া।

(বালা রেদ মি-মিটাংকৗমি রেক সাবলেন খানগে, অনাঅক্ত রেনাঃ সেরে কই অনকা লেকাগে তল্ আকানা। খাট মাছাতে অল খৗতির নডে দ জত সেরেঞ কদ বাং অপাসনাও লেনা।আডিগান কৗটিজ কৗটিল্ নেয়াম কবৗঞ অল্ রাকান্দাড়েয়াৎআ, যেলেকা নাওয়া বৗহু-জাঁওআয় গাঁট মিৎ কাতে এনে জড়াও, এপেসেৎ সেরে নংকা লেকানা আরহঁ এমান তেয়াঃক। বালা বিতি পুথিরে সানামা উটি উটি অনাকদ ঞামঃ-আ।)