গজ গুর রেনাঃ কৗমিক সানতাড় হড় কওয়াঃ অড়াঃ করে হড় কক গজ-গুর লেনখান, অনা রেনাঃ কৗমি ক — | Santali Arichali | Santali Neyam Nema-Char | Kherwal Koyag Nagam | Abo Ren Dev Devi Ko |

সানতাড় হড় কওয়াঃ অড়াঃ করে হড় কক গজ-গুর লেনখান, অনা রেনাঃ কৗমি ক — দুক আকানে হড়-দ, মৗঝি বাবায় লৗই ভিড়ীও আয় খানগে, মৗঝি বাবা দ গােডেৎ আতে আতাে রেন সানাম হড় এ্য হহ জাওরা হ-চ কওয়া। আতাে সানাম হড় ক আতাে রিনি উনি দুক আকানে হড় ঠেন সহর সেটের কাতে উনিদ আদ সানাম লেকানাঃ কৗমি ক রেক সহৎ এয়া। যে লেকা, পেড়া পৗড়হী কঠেন দুক আকান রেনাঃ কাথা ক লৗই ভিড়ীও হট, গজ হড়ম মাড়-ঘাটিতে ইদি লাহারে জাগে মেনাঃ আন অনে সানাম লেকানাঃ কৗমি ক এমান।

গহ্ বেওরা লৗই লৗগিৎ তে পেড়া পীড়ৗ ঠেন অনে একলা দ বাংক কোল কওয়া। নিদৗ কায়তে বা হড় দকিন চালাঃ গেয়া । গজ হড়ম ক সেঁগেলাঃ খান সানাম আতাে হড়তে সাহান কক মাঃ জাওরায়া। সাহান মাঃ লৗগিৎ ইনৗ হিলঃ যাঁহা টাগা, বুডয়ৗ ক লাগাওয়া, অনাদ অড়াঃ রিনি যাঁহায়গে মিৎ হড় অড়াঃ ভিতরি খন তারেন রে গঃ কাতেৎ বাহূরে তেয় উড়ুক আগুয়তে অকা দারে রেনাঃ সাহান কমা-আ, উনি গে লাহাতে পে ধাও অনারেয় উয়ুগা। অনা তায়ম সানাম আতাে হড় কতেক মা জাওরায়া। মাড়-ঘৗটি রে ঢডা লা লৗগিৎ কুডি জঁ অনে টাগা লেকাগে অড়াঃ ভিতরি খন তারেন রে গঃ কাতেৎ বাহূরে তে উডুক অৗও হুয়ুঃআ। গ-গুর আকান অক্ত বেগর কুডি টাগাদ অড়াঃ খন বাংক গরু উড়ুক-আ।
জাগে পেড়া পঁৗড়হৗ কক হেজ জাওরায়েন আদ গহ্ হড়ম মাড়-ঘৗটিতে ইদি লৗগিৎ তেক রিকীয়া। মাড়-ঘৗটিতে ইদি লাহারে গজ হড়ম ক উম অজগ তে মলং রে সিঁদুর, জগারে আলতা নংকা কাতেৎ হক সাজাও গৎ কাঃ গেয়া। যাঁহা পারম্ তে গজ হড়ম মাড়-ঘৗটিতে চালাঃ-আ, অনা রেগে মিটাং কাসা রেনাঃ বাটি, মড়ে সিকৗ কাঠুড়িয়ৗ পুইসৗ, সাঁওতে উনিয়াঃ স রেনাঃ অনে তাঁহে কান তায় জিনিস কক কোল গৎ কাঃআ। আদ অনা গহ্ হড়ম নাওয়া লুগুড়ি তেক পটম গৎ কাঃ-আ। অনা ক তায়ম পারম্ রেনাঃ পােন কোঠেরে পিেনয়া হড় গঃ লৗগিৎ ক সাপড়াওয়ঃআ। মিৎ হড় মিটাং হাটাঃরে মিৎ ঢেলাক গুরি আর খােই আতা, হেরমেৎ কাতেয় তেয়ারঃ-আ। মিটাং সিম বুসৗঃ ক সাতরায়েয়া। উনি সিম বুসৗঃ দ উনি গজ হড়াঃ পারকম অকা ঠেন তাঁহে কানা অঁডে ক অতি তরায়েয়া। আতাে হড় মিটাং বুসু তে বেনাও সেঁগেল কুঁদি ক সঁগে তরায়া আর মিটাং হাসা ঠিলি ক সাব তরায়া। কুঁদি সেঁগেল দ অড়াঃ ভিতরি খনক ধরাও উডুকইদিয়া। অড়াঃ ভিতরি খন গহড়ম বারেতে উডুক্ লেনরেগে মাড়-ঘৗটি সেৎ আদ ক লাহাঃ-আ। মুচৗৎ উতৗর রেয় তাঁহেন হানি হাটাঃ হেরমেৎ ইজ অড়াঃ খন উডুক্ চালাঃ অক্ত সাতে সৗডিম রেনাঃ মিৎ চুপুৎ খড় উন এ্য বচ্ তরায়া। অনা দক মেতাঃ কানা ‘সাতে সৗউড়ি”।

অনকা কাতে গজ হড়ম কুলহি মুচৗৎ অনে দ-বৗটি রে গঃ ইদি কাতে আদ ক দহয়া। অঁডে অড়াঃ হড় আতাে হড় উনি গল্ আকানে হড়াঃ মেহা মুচৗৎ লে মিৎ ধাও ক লােঃ-আ। উনরে সানাম তিৗ হড় কতে উনি আদ ক আ হুতুম গৎ কায়া। আবূ হুতুম্ লৗগিৎ দ সাসাং দাঃ ক বেওহারা। লাহাদ অড়াঃ রেন তিৗ ক, অনা তায়ম আতাে রেন তিলৗ হড় কক আহুতুম এয়া । বাড়ায়রে তাঁহেনমা দ-বৗটিরে গজ হড়ম দ পে ধাও গঃ অৗচুর কাতে অনাদ উতর দুখিন তেক দহয়া । বহঃ দ দুখিন সেৎ ক সামাং-আ। পারকম্ রেনাঃ পােন কোঠেরে খােই আতা ক চরুজা। নওয়া-ক চুকৗও লেনখান গজ হড়ম আরহঁ ক গঃ কেৎ-আ। গঃ কাতে পে বেড়হা ক অৗচুরঃ-আ, খােই কক এ্যর অৗচুরা আর অচুরঃ অক্ত পে ধাও হুরিবােল লৗই কাতে সােঝে মাড়-ঘৗটি সে আদক মহডাঃ-আ । সানতাড় হড় কওয়াঃ গজ হড়মদ হাসা-আঃ আরবাং সেঁগেলাঃ বানার গে গানঃ-আ। লাই আকাৎ আক হয়-গে জিওয়ী হাসাগে হড়ম’। গজ হড়ম সেঁগেলা খান সারহা ক বেনাওয়া আর হাসা-আঃ খান ভঁড়া হালাঃ জকতে ঢ ক লায়া ।

সারহা বেনাও – উতর দুখিন তে সারহা দক বেনাওয়া। মিৎ থারতে তুরুই গটাং খুঁন্টি ক বিদা। অনা দক মেতাঃ কানা “তড়ে খুঁন্টি”। উতর দুখিনতে মুচৗৎ রেনাঃ পিেনয়া খুঁন্টিরে পােন হড় তিরে ঠেস লৗগিৎ সংড়া খুঁন্টি সাব কাতে মিৎ সাঁওতে ‘হু’লৗই কাতেৎ ক ঠেস গৎ কাঃআ । আদ ক গাদাও উরিজা, তালারে তাঁহেন খুঁন্টিকিন দ বাংক ঠেসা। সারহা রেনাঃ তালা মালারে জেলে সাঁহি মিটাং ঢডা ক লা কাঃ-আ ঠিটড়ৗঃ জ গান। অঁড়ে দ ল মৗরুড়ঃ সারহা সেঁগেল এর জাওরাঃ-আ। জাং বাহা ই অঁড়ে খন গেক তুমৗলা। গাঁডেতে পেয়া মুটাৎ ক গাঁডেয়া। অনা চেতানরে সাহান কক সাজাওয়া। অনকা কাতেগে মাড়ঘাটিরে অনে সারহা দক বেনাও পুরীওয়া।

ঢডা লা — নওয়া হঁ উতর দুখিন তেক লায়া। ঢডা লা লাহা রেদ, বংশ রিনি মারাং কড়া বাং রেদ বংশ রিনি যাঁহায় গে অৎরে কুডি তে উনিদ পে ধাও এ্য কবাগাঃ-আ। অনা তায়ম আতাে হড় কতে ভঁড়া হালাঃ জকতে অনাদক লা ঢডায়া। অনা তায়ম গ হড়ম আঁডে দহ কাতে, মু-রে কাটকম্ চারেচ লাগাও কাতে আদ-ক হাসায়াঃ-আ।
জানামঃ অক্ত রে চেৎ লেকা হে হুয় আকানা, গুজুঃ অক্ত হঁ অনকা গেক কোল গৎ কাকওয়া। মেনেৎ দ হড়ম খন লুগুড়ি লাপাে জতম ক সাহা চাবায় তাকওয়া। অনকা কাতে আদ সারহা রে গজ হড়ম ক লাদেয়া। লাদে কাতে মিটাং মুটৗৎ জাগা ঠেন, আর মিটাং ভঁড়া ঠেন আর মিটাং দকড়াম ঠেন ক দহ আঁড়গাে আয়া। বহঃ দ দুখিন সেৎ তাঁহেনা। বহঃ সেদাঃ তড়ে খুঁন্টিরে মিটাং সিম বুসৗঃ অনে জৗনুম তানাঃ তেক পটি জিলৗৎ এয়া। বংশ রিনি মারাং কড়া বাং রেদ বংশ রিনি যাঁহায়গে উনি গজ আকানে হড় মচারেয় সেগেলায়া। (মিটাং দৗতৗনি কাডে রেনাঃ মিৎ মুচৗৎ রে তুলৗম তে বেধাও কাতে সেঁগেল ক ধরাও আয়া। অনা সাব কাতে অনে বেনাও আকাৎ সারহা ধারে ধারেতে পে ধাও অচুর কাতে উনি হড়-দ অনাদৗতৗনি সেঁগেল উনি গজ হড়াঃ মচারেয় রেডে গৎ কাঃআ বাং-রেদয় খুঁডিয়াঃ আ)। অনা তায়ম সারহারে পে গডি সাহান এ্য লাদে হট আঃআ। ইনৗখানগে সারহা রে সেঁগেল আদ-ক উঁডিয়াঃআ। সানাম হড় কগে অনকাগে পে গীডি কাতে সাহান হক লাদেয়াঃ-আ। সেঁগেলাঃ রেদ গজ হড়ম ল তর লেনখান আদ সারহা সেঁগেল দাঃ তেক দুল হঁড়িজা। সারহা সেঁগেল দুল হঁড়ি অক্তদ ভৗহি ঢাকাওয়ি লেকাতে যাঁহায় এ তাঁহেনা উনি লাহায় দুলাঃআ। অনা তায়ম অড়াঃ হড় দাঃ ঘাট ঠেনে তাহেনা আর আতাে হড় কক তিরিয়ৗও কঃআ অনকা লেকা চাপাল চালাঃ অনে দাঃ তেক দুল হঁড়িজা মুচৗৎ রেদ হৗনি অড়াঃ হড়ে দুলা। অনা তায়ম জাং বাহা ক উল্লৗও বাছাওয়া (জাং বাহা হালাং রেনাঃ নেয়াম দ লাহা সেরেগে অল আকানা)। গজ হড়ম হাসা আঃ খান রেদ-ক চেৎ লেকাতে জাং বাহা তেয়ার হুয়ুঃআ সে হালাং হুয়ুঃ-আ অনাহঁ লাহা সেরে অলরে মেনাঃ-আ।
জাং বাহা ক হালাং হুয় লেনখানগে আদ যাঁহায় কক গঃ লেদেয়া উনকু কতে সারহা রেনাঃ পােন কঁডরে কুড়িতে গাে-তিতে মিৎ দাহাও কাতেক কবাগাঃ-আ, কবাঃ যাঁহারে যাঁহায়াঃ মুচৗদঃআ কুডিদ অঁডেগে উনিদয় বৗগি হটওয়াঃ-আ, উৗহি ঢাকাওয়ি বৗটিরে গুরিচ দাঃ লেওহা কাতে গটা আদ অনা করেয় ইরচি অচুরা। খই কয় এর অৗচুরা। উনিগে লেগাতি-তে ইৗরু কাঃ হাটাঃরে কুডিতে হাসায় লাদেয়াঃআ আর এ্য মাঃ ভুগৗঃ হট কাঃআ। আদ হালাং আকাৎ জাং বাহা যাঁহান দারে বুটীরে তানাঃ ক ঠাও হট কাঃআ (সারজম দারে বুটৗ আর বাংখান দীইহৗ দারে তঁাহেন খান আডি নাপায়া)। ইনৗখানগে সানাম কগে হরিবােল মেন কাতে তােপােন লাগিৎতে অঁডে খন আদ-ক মহডাঃআ। গজ হড়ম মাড়-ঘৗটিরে ঠাও হট কাতে জতম হড় কগে তােলপা ফারচা বাড়া কাতে অড়াঃ সেৎ আদ কমহডাঃআ। অড়াঃ বলন লাহারে মিৎটাং অহচরে সেংগেল দহ কাতে, অনারে কাড়ে ধুড়ৗ ক দহওয়াঃআ। অনা খন রাকাব ধুওয়াতে জতম হড় ক ধুপ ধুড়াঃতে অড়াঃ সেৎ আদ ক বলনা।

(বাডায়রে তঁাহেন মা, হাসা আঃ অক্ত হঁ ঢডারে হাসা দ উনি বংশ রিনি কড়া গিৗ আরবাং বংশ রিনি মিৎ হড়, অনা ঢডা রে পে চুপুৎ হাসায় গিডি লাহায়া, অনা তায়ম জতম হড় তে আদক হাসা আয়া।)

অনে অনা মাড়ঘাটি খন রুওয়ৗড় হেচ কাতে ধুপ-ধূড়ৗ কাতে বলন তায়ম আততা মড়ে হড় কদ পালাট বাড়া কাতে উনকু দুক আকান হুক আকান অড়াতে সেন কাতে উনকু ঠেন উনকুওয়াঃ জিওয়ী রাড়েজাঃ লেকানাঃ কাথা উনকুকদ আদক থুতিয়াৎ আ; “মা এনখান যাহায় ক তেহেঞপে দুক আকান হুক্ আকান, অনাদ আপে সুমুং বাং; এনহঁ আদম চিকৗ কাঃআ? যাঁহায় এ চালাওয়েনা উনিদ সানাম লেকানাঃ দু জালাগে কট হট কাআ। এখেন আব যাঁহায় কবন তাহেয়েন উনকুক তালারেগে দুর্দয় গিডি হটওয়াৎ বনা। নিতঃ দ অৎ মুচৗৎ সেরমা মুচৗৎ গটাবন ভূঁটৗও লে রেই উনিদ আদ অহঃবন জ্ঞাম দাড়ে কেয়া। আদ বাবাপে চিকৗ কাঃ আ। জিউয়ী মেনাঃ খান লাহঁ মেনাঃআ, আর লা মেনাঃ খান জম্ঞ রেনাঃ ই লাতি দ মেনাঃ আ। বাং জলে রেহঁ জেওয়েৎ জিউয়ীয় রধনঃআ; অনাহঁ আডি মারাং পাপ কানা। অনা লেকাতে জিউয়ী তিরপিতে লাগিৎতে মিৎ তি-তে মেৎ দাঃ জদঃপে আর মিৎ তি তেদ জপে বাড়ে। সেটের আকান দু জালা দ ধিরি চাটানিতে তেন্ কাপে।”

মাড়-ঘৗটি খন রুওয়ৗড় হেজ কাতে অড়াঃ রেনাঃ কৗমি ক — মিটাং সিম গজু কাতে উনিয়াঃ ফৗকড়ৗঃ আর মিটাং জাগা, গীটি খন সামাঃ দহ কাতে র-পােটোর এ্য তেক, উনিয়াঃ জেল সাঁওতে বারয়া-পেয়া হাকো বিন বুলুং বিন সাসাং আতে উতু ক চদা ইসিনা। মিটাং টুকু রে দাকা ক ইসিনা। অনাক ইসিন লেনখানগে পেয়া পাতড়া রে দাকা আর পেয়া ফুড়ুঃ রে উতু সাজাও কাতে মিটাং হাটাঃ রেক দহয়া। আদ উনি বংশ রিনি যাঁহায় এ্য কৗমিয়েৎ কান, উনি অনা হাটাঃ হের মেৎ কাতে জজম তি-তে লটা দাঃ তেও... ও কাতে কুলহি মুচৗৎ দ-বৗটি তে আতাে মড়ে হড় সাঁও এ্য চালাঃ-আ। আঁড়ে নেয়া খুঁন্টি বিকাতে জাহের সৗড়িম লেকা অঁডে ক দাল-বা। অনা দক মেতাঃ কানা “বুঢ়হি কুঁবৗ”। কুঁবৗ লাতার রে গুরি ফারচা কাতে অনা পাতড়া দাকা আর ফুড়ুঃ উতু হাটাঃ খন আঁড়গাে কাতে, মিৎ থারতে অনাকদ পেয়া অৎ রেক দহয়া। পেয়া পাতড়া গে দহরে দ আল ইখৗন ভিড়ৗঃমা। উতু ফুড়ুঃ কদ অনা পাতড়া ক খন লাতার সেরে ক সাজাওয়া। অনা কদ সাজাঃআ— মারাংবুরু, পুরুধুল ক আর গজ আকান সজ আকানি তুমতে। অনা ক সাজাও কাতে আদ যাঁহায় এ্য কৗমিয়েৎ কান উনি পুব সেৎ সামাং কাতে বঁগায়ায় । মিটাং পাতড়া রেনাঃ দাকা আর মিটাং ফুড়ুঃ রেনাঃ উতু দ মারাং বুরু এতুম তে জজম (এম) তি-তেগায়-এ্য অক্ত রেনাঃ বাঁখেড়;জহার সাই মারাংবুরু মা এনখান নঃ-অয়, উনি গল্ আকান সত্ আকান এ্য, উনিদ আদ আহরে বাহরে বাং দহ কাতে তেহেঞ উনিয়াঃ উমুল ভিতৗর অড়াঃ তেলে খৗড় এৎ কানা গঁসাই। উনিয়াঃ অনা উমুল খৗড় এতুমতে গিডি তরা দাকা, আম হলে এ আম কান চা আম কান গঁসাহ, সুকতে সাওয়ারতে আতাং কাঃ তেলা কাঃ গঁসাই, নায় বাড়ে
নাপায় বাড়ে গঁসাই । অনা হুয় এন খানগে তি অরুব কাতে দসার পাতড়া রেনাঃ দাকা আর অনা সাঁওতে মেনাঃ আন ফুড়ুঃ রেয়াঃ উতুয় বঁগায়া । অনা দয় বঁগায়া উনকু পুরুধুল ক ঞতুমতে, উন অক্তক বাঁখেড়া ;
জহার ‘সাই পুরুধুল ক মা এনখান নঃ-অয় তেহেঞ দ
উনি গজ আকান সজ আকানে হড়, উনিয়াঃ উমুল খীড় এতুমতে গিডি তরা দাকালে এম আপে কান চাল আপে কান গঁসাই, সুকতে সাঁওয়ারতে আতাং কাঃ তেলা কাঃ সাই নায় বাড়ে - নাপায় বাড়ে গঁসাই। মা গঁসাই তেহে দ উনিয়াঃ উমুল হঁ উমুল অড়াঃ ভিতরি তেলে ইদিয়েৎ কানা গঁসাই, আপে ই সানাম কতেগে লে সাঁওহা কায়পে সাই নায় বাড়ে - নাপায় বাড়ে গঁসাই ।

অনাহঁ বঁগা হুয় এনখান গে আদ তিয় অরুবঃ আ । অনা তায়ম তেসার পাতড়া রেনাঃ দাকা আর ফুড়ুঃ রেনাঃ উতু দ লেগা তি-তে বঁগায়ায় । অনাদ উনি গজ আকান সত্ আকানে হড় তুমতে, উন অক্ত আর কাঁখেড়া -

মা এনখান গজ আকান সত্ আকানি তেহে খন আহূরে বারে বাং তাঁহে কাতে, আমাঃ উমুল হঁ উমুল অড়াঃ ভিতরি তেলে ইদিয়েৎ কানা। আমাঃ উমুল্ খৗড় এতুমতে গিডি তরা দাকা, নঃঅয়লে এম আম কান চা আম কান বাড়ে তেহে খন দ টাটকা ভিলকি ক আলম উদুঃ আলেয়া । মা এনখান কুডৗম সাতে, আদ বাং তাঁহে কাতে নাপায় অকতে অড়াঃ ভিতরি সেগে অনে রেলাও চালাও কঃমে বাড়ে, নায় বাড়ে নাপায় গে বাড়ে। বঁগা হুয় কাতে তি অরুব ফারচা কাতে, গজ হড় তুমতে অকা পাতড়া রেনাঃ দাকা আর অকা ফুড়ুঃ রেনাঃ উতু বঁগা হুয় এনা, অনাকিন দ হাটাঃ রেক রাকাব রুওয়ৗড়া। অনা তায়ম সেঁগা তি-তে অনা হাটাঃ হেরমেৎ কাতে জজম তি রেলটা দাঃ সাব কাতে অড়াঃ সেৎ-আদক মহডাঃআ। মিৎ হড় মেনেৎ উনি ডাহি ঢাকওয়ি দ মিটাং জেলেঞ হাপারে হানে গীট খনাঃ সামাঃ দহ সিম ফৗড়ীঃ আর জাগা, ত জিলৗৎ কাতে অনা দ-বৗটিরে বেনাও আকান কুঁবী ঠেন খন এতহব কাতে অড়াঃ হবি অৎ অৎ তে অনাদ কঁয়ে তি তেয় গহড় ইদিয়া। অনা দ-বৗটি খন অড়াঃ সেৎ মহডাঃ অক্ত অনা কুঁবৗরে আদ সেংগেল ক জুডি হ-টওয়াঃআ । উনরে অনা কুঁবৗ লঃ অক্ত অডি হড় গে আদ ক লইয়াআ, “বুঢ়হি কুঁবৗ লঃ কানা জৗই বুঢ়হি কুঁবৗ”। দ-বীটি খন লটা দাঃ হিরি হিরি তে অড়াঃ রেনাঃ দুওয়ৗর ফেড় হাবিক সেটেরঃআ। দুওয়ৗর ফেড রে মিটাং সারজম সাকাম রেনাঃ বেনাও ফুড়ুঃ রে দাঃ ক দহয়া (অরে)। অড়াঃ ভিতরি বলন অক্ত, অনা ফুড়ুঃ দাঃ রে জগা ইডি লহ কাতে বলন হুয়ুঃআ । মুচৗৎ উতৗর রেদ, যাঁহায়ে বলনা উনি দ অনা ফুড়ুঃ রে ইডি লহ কাতে ফুড়ুঃ দাঃ কলসা হিরি কাতেয় বলনা। আর হানে যাঁহায় সিম ফৗৗঃ আর জাগা গাঁট, হাপারে তল্ কাতেৎ এ্য গহড় অণ্ড কেআ, উনিদ রাচারে গহড় সেটের কাতে গে অনাদ লেগা তি-তে সৗড়িম চেতান তেয় চাপাৎ পারম গৎ কাঃআ । অড়াঃ ভিতরি রে বল কাতে হানে অকা ঠেন উনি গত্ আকানে হড় গিতি তাহেৎ, অনা ঠাও রে মিটাং টুলৗঃ বাংখান উৗবনি তে বেনাও ঝাবা ক আকায়া। আর অনা চেতান রে অনে দ-বৗটি খন রুওয়ৗড় অগু আকাৎ পাতড়া দাকা, ফুড়ুঃ উতু সাঁওতে মিৎ ফুড়ুঃ বেরেল দাঃ ক দহ কাঃআ । দসার হিলঃ জতম কতেক লাে উনি গত্ আকান এ্য হড় হে লেনায় সে বাং? হেজ লেনখান অনা সাের করে দাকা ক ছিতয়ৗও কঃআ, ফুড়ুঃ করে দাকা কহঁ এর কঃ গেয়া, নংকা লেকানাঃ অডি উনুদুঃ অনারে এেল এমঃ-আ ।

অড়াঃ ভিতরি রে অনা কৗমিক চুকৗও লেনখান, অনা বংশ রিন মিটাং কড়া হপন আর মিটাং তিরলৗ হপন অড়াঃ রেনাঃ, সাতে লাতার রেক দুড়ব হ-চ কিনা। লুতুর রে আর মলংরে ঊনকিনদসিরম রেহেৎ কটে উৗ কাতে, অনা তেক টিলক কিনা। পানতে তে কিন দুড়ুব আকান হড় দ লাহা উতৗর অনে কারাম সাকাম রে দাকা আর ফুঃ রে বিন সাসাং বিন বুলুং আতে উতু আকান জেল মেসা হাকো উতু ক সাের অকিনা। অনা তায়ম বাঃ রুওয়ৗ সাকাম রেক সাের আঁকিনা। মেনখান বানার দা-হাও গে অনাকিন দাকা উতু দ হালৗগিৎ মচা সাের কেওয়া ঠেন তি-তে ইদি কাতে উনকিন দ বাং জম কাতে গে আর অনাদ সাকাম রেগেকিন দহ রুওয়ৗড়া। উন অক্ত অনা কিন পাতড়া রেনাঃ দাকা দ বাংক জমা। তেসার দা-হাও দ সারজম সাকাম রেনাঃ বেনাও পুরৗও পাতড়া দাকা আর ফুড়ুঃ রে উতু ক অগুয়তে অনাক সামাং অকিনা। অনা অক্ত রেনাঃ দাকা আর উতু দ লেগাতি-তে পে দা-হাও মচারে রাকাব কাতে উনকিন দকিন জমা। অনা অক্ত রেনাঃ কৗমি দিৗ কাতেগেক লৗহ আকাৎ-আ বার তিতেম জমা, মেনেৎ দ গুজুঃ বুরুঃ রেগে মিৎ দুডুব রে বার তি তেদ-ক জমা। অনা জম কাতে ফুড়ুঃরে তঁাহেন বেরেল দাঃতে তি-মচা কক অরুবঃআ।ফুড়ুঃরে বেরেল দাঃ দ জতম পাতড়া সাের রেগে তঁাহেনা। নওয়া তায়ম বারয়া হুঁত ফেড়াও-আন হড়, কড়া পাহটা আর তিরলৗ পাহটা ফুড়ুঃ সুম রে ইল জবে কাতে উনকিন দ বহরে পে ধাও কাতে অনা জৎ আক তালাতে ঘঁৎ কিন ফেড়াওয়া । অনা দ ফেড়াওয়ঃআ উনকু রিন হড় ক ভিতরি রেগে (বংশ রেন)। অনা তায়ম আদ উনকিন গে অনা সাতে লাতার রে অনে জম উঠৗও আকান ফুড়ুঃ পাতড়া ক সামটাও কাতে অনাদ বাহূরে সেৎ রেকিন গিডি হট কাঃআ ।

কারাম সাকাম আর বাঃ রুওয়ৗ সাকাম রে জম রেনাঃ নেয়াম দ নওয়া হতেতে, কারাম সাকাম দ হানে জানামঃ রেনাঃ কাথা উইহৗর কাতে আর বাঃ রুওয়ৗ সাকাম রেদ দসার লেকাতে ধীরতি তালারে আর জানাম রুওয়ৗড়ঃ রেনাঃ দিশী ইদি কাতে।