মাগ সিম
সানতাড় হড় কওয়াঃ লেখা লেকাতে সিঞ সাকরাত গে হুয়ুঃ কানা সেরমা রেনাঃ মুচৗৎ মাহা দ। নওয়া সিঞ সাকরাত দসার হিলগাঃ মাহা গেক মেঃ কানা “আখান” (নাওয়া সেরমা আর চাঁদো রেনাঃ ই এতহব মাহা অনাদ)। আখান হিলঃ খনাঃ গে এতহব এনা সেরমা রেনাঃ এতহব চাঁদো “মাগা” (সানতাড় হড় কদ মিমিষ্টাং চাঁদো দ বঁগা সাঁও ক তুলুচ্ আকাৎ আ)। নওয়া মা গা রেগে মাসিম দক জম কওয়া । চাঁদোয় মােলােঃ এন দসার হিলঃ খন এতহব কাতে কুনৗমী হিলঃ হাবি নওয়া রেনাঃ বঁগাঃ বুরুঃ রেনাঃ অক্ত দ কানা । মাসিম বাং জম পারজাৎ বির ঝাড়, সাহান সাকাম, দীতৗনি পেটে, অড়াঃ দাল, ঝন্টি এটেৎ চেৎ হঁ গে উনকুদ বাং ক কৗমিয়া।নওয়া বাং বঁগা হবি আততা রেনাঃ যাঁহান সৗগুন কৗমি রে পৗউড়ি গিডি গে বাং গানঃ আ ।
বগাঃ বুরুঃ লাহারে সাপড়াও অঃ তেনাঃ — দিন গন নেডা মাহা হিলঃ আতাে হড় ক, নায়কে সঁগে কাতে বঁগা ঠাঁও ঠেন ক উডুক চালাঃ আ। জাহের থান রেদ মা সিম দ বাংক বগাঃ আ। জাহের থান খনাঃ সাহা রে টাঁন্ডি রে অনে নওয়া রেনাঃ বঁগাঃ ঠাঁও দ।
নায়কে মিষ্টাং হাটাঃ রে সুনুম সিঁদুর, মিথি, হলং গুঁডৗ, আদওয়া চাওলে, কৗপি সারজম সাকাম আর জজম (এত) তিতে মিলটা দাঃ তেওয়েঞ কাতে উড়ুক চালাঃ আয়। মিটাং ডৗওয়ৗ কড়া গিদরী (যাঁহায়াঃ ছৗটয়ৗর হুয় আকানা) সৗন ঠিলি রে দাঃ এ্য গঃ ইদিয়া।
নেডা মাহা হিলঃ দ গােড়েৎ সেতাঃ তরাগে আততা রেন মিস্ বার লেটকা-ক সংগে কাতেৎ অড়াঃ অঃ সিম বুসৗঃ, সাসাং আর বুলুং এ্য উঠাওয়া। মাসিম রেদ দাঁড়ে দ অডি বালে বেকের অনকু সিম বুসৗঃ গেক বঁগা কওয়া। পৗতয়ৗও মেনাঃআ নওয়া রে সেঁড়া দাঁড়ে আতিঞ লেক খান, আততা রেন হড় কওয়াঃ সৗগুন এ্যাম তে আইডি বিলমঃ তাকওয়া। কুড়ি গিদরী করে পেড়া পাহড়ী লাগাওয়ঃ তে অডি বিলমঃ আ। অনা দিশী কাতেগে সেঁড়া দাঁড়ে বাংক অতি কওয়া ।
গােডেৎ দ অড়াঃ অঃ সােড়ে চাওলে উঠৗও কাতে, লেবেলুড়কৗ সিম বুসৗঃ ক টরডাং রে সাবাও কাতেবঁগাঃ ঠাঁও ঠেনে সেটের কওয়া।
বগা বুরু এতহব কৗমি – মিঠেন ক গুরি ফারচায় তে সৗগুন ঠিলি ক দড়মা। অনা ফেডরে সাের সাের বার ঠেন হলং ক চুরুজা। অনাকিন চুরুজ আকাৎ সাের রে পুব সেৎ সামাং কাতে উতর দখিন তে আঁড়গম্ লেকা খড় ক তেয়ারা। এয়ায় গটাং খড় তেয়ার হুয়ুঃ আ । সৗগুন ঠিলি সসার রে অনে চুরুজ আকান বার ঠেন অনা হলং চেতান রেদ বারয়া সিম বে-লে দড়ম হুয়ুঃ আ। অনা তায়ম নায়কে সিঁদুর টিউৗঃ এ্যা এতহবা । লাহা দসৗগুন ঠিলি রে পে টিডৗঃ উনি সিঞ বগা (ধরম) দিশী কাতে। অনা তায়ম বারয়া বে-লে কিন রে ধরম বাবা আর ধরম আয়াে দিশী কাতে (উইহৗর তাঁহেন মা সানতাড় হড়ঃ জানাম দহাঁস-হাঁসলি চেঁড়ে বে-লেখন)।নওয়া তায়ম দমিমি তে মারাং বুরু, জাহের এরা, মড়ে ক তুরুই ক, গােসাঁড়ে, মৗঝি বঁগা, পারানিক বগা আর নাই পারম গাড়া পারম বগা ক উইহৗর তে পে টিডৗঃ কাতে এয়ায় গটাং খড় রে লেখা লেখাতে কঁয়ে সেৎ খন এতম সেৎ সিঁদুরা ইদিয়াঃ হুয়ুঃ আ। নিয়ৗ তায়ম দাঁড়ে অতিঞ। দাঁড়ে কদ হড়ম রে দাঃ ইরচি আক হুযুঃ আ, মিথি গুডৗ হড়ম রে জৎ কাতে সিঁদুর টিউৗঃ আক হুয়ুঃ আ (সিঁদুর দ বহঃ হড়ম আর চুপি সেৎ রে)। লাহা দ মারাং বুরু ঞতুম তে খ্ৰীড রে দাঁড়ে অতিঞে হুয়ুঃ আ । উন অক্তক বাঁখেড়া ;
“বাঁখেড়”
জহার গঁসাই মারাং বুরু
মা এনখান নঃ অয় মা মে রে
সিম তুম তেলে এম আম কান
চাল আম কান বাড়ে গসাই.
সুকতে সাঁওয়ার তে আতাং কাঃ তেলা কাঃ গসাই
নায় বাড়ে নাপায় বাড়ে গঁসাই ।
মা গঁসাই এনখান সানাম কগে আলে ক
নায় তে নাপায় তেলে তাঁহে কঃ মা,
আলেয়াঃ তাড়াম ডাহার নাপায় তেগে
চাচো ইদি বিতৗও ইদিকঃ মা বাড়ে.... ।
আলে ক তেহেঞ নঃ অয় জম আলে, ঞয় আলে...............
আলেক মুদরে লাচ্ হাসাে বহঃ হাসাে ক বাড়ে
আল গে সিরজৗও কঃ ভিড়ৗও কঃ মা গঁসাই
নায় বাড়ে নাপায় বাড়ে গঁসাই।
[ মাসিম তুম তেলে ” হক লৗই গেয়া। চেদাঃ সে মাগসিম বঁগাঃ রেদ সেঁড়া দাঁড়ে বাংক অতিঞ কওয়া।]
দাঁড়েয় আতিঞ লেখান গে আদ কৗপি তে হটঃ রেতা তপাঃ কাতে খড় রে মায়াম জর হুযুঃ আ। অনাতায়ম জাহের এরা তুম তে হেড়াঃ সিম বুসৗঃঅতিঞ এয়া ক, উন অক্ত রেনাঃ
বাঁখেড় ;
জহার আয়াে জাহের এরা
মা এনখান নঃ অয় মা সিম ঞতুম তেলে
এম আম কান চাল আম কান আয়াে,
সুকতে সাঁওয়ার তে আতাং কাঃ তেলা কাঃ আয়াে,
নায় বাড়ে নাপায় বাড়ে আয়াে...............।
মা আয়াে এনখান সানাম কগে বাড়ে আলেক
নাপায় তি নাপায় জাঁগা তেলে তাঁহে কঃ মা,
আলে ক মুদরে যাঁহানাঃ আঁঝাট ঝাঁঝাট কদ
আমগে জঃ গিডি ঝাড় গিডি কাঃ মে আয়াে;
নায় বাড়ে নাপায় বাড়ে গে আয়াে।
উনিহঁয় অতি লেখান গে, আদ কৗপি তে উনিয়াঃ হটঃ নৗী রেতা তপাঃ মায়াম তেৎদ খড় রে জর হুয়ুঃ আ (উনিয়াঃ হটঃ দ বাংক তপাগা)। জাহের এরা মড়ে কতুরুর ক এগুতুম তে, উন অক্ত রেনাঃ
বাঁখেড় ;
জহার গঁসাই মড়ে ক তুরুয় ক
মা এনখান নঃ অয় মাসিম তুম তেলে
এম আম কান চাল আম কান বাড়ে খুঁসাই।
সুক তে সাঁওয়ার তে আতাং কাঃ তেলা কাঃ
নায় বাড়ে নাপায় বাড়ে গঁসাই।
মা গঁসাই এনখান নঃ-অয়
আতাে অড়াঃ করেন তিরলৗ হড় ক
বির ঝাড়, সাহান সাকাম, দীতৗনি পেটে ক-ক চালাঃ রেদ
নাপায় তি, নাপায় জাঁগা তেগে বাড়ে
উনকু-ক দক হেজ সেন কঃ মা গঁসাই
নায় বাড়ে নাপায় বাড়ে গঁসাই ।
উনি দাঁড়ে হয় অতি লেখান গে আদ কৗপি তে হটঃ রেতা তপাঃ কাতে মায়াম তেৎদ খড় রেক জরম্ তায়া। অনা তায়ম মিষ্টাং হেঁদে সিম গোসাঁড়ে ঞতুম তে, বঁগায়ে হুয়ুঃ আ। উন অক্ত রেনাঃ
বাঁখেড়
জহার গঁসাই সিমৗ সাঁড়ে গোঁসাড়ে,
মা এনখান মা সিম ঞতুম তেলে
এম আম কান চাল আম কান গঁসাই ,
সুক তে সাঁওয়ার তে আতাং কাঃ তেলা কাঃ গঁসাই ,
নায় বাড়ে নাপায় বাড়ে গঁসাই ।
মা গঁসাই এনখান নওয়া আতাে তে
যাঁহা সেৎ খনাঃ বাঁইরি কক বললেন রেদ,
আম গে বাড়ে হুজুং দারাম সবঃ দারাম কম গঁসাই ।
যাঁহা সেৎ খনাঃ নওয়া আতাে তে রােগ বিঘিন ক
আলম বল হ-চওয়াঃ সড় হচওয়াঃ-আ গঁসাই
, আতাে অড়াঃ করেন কড়া গিদরী ক
সেঁদরা কারকা কক চালাঃ রেদ,
সৗল সারাম ক বাড়ে হেতড়াও কাতে অনে
নাপায় তি, নাপায় জাঁগা তেগে ক রুওয়ৗড় কঃ মা
নায় বাড়ে নাপায় বাড়ে গঁসাই ।
; উনি সিম এ্যা অতি কে খানগে উনিয়াঃ হটঃ হঁ রেতা তপাঃ কাতে জ-র হুয়ুঃ আ । অনা তায়ম মাঝি বঁগা, উন অক্ত রেনাঃ
বাঁখেড় -
জহার গঁসাই হুরুৎ কুন্টু বঁগা ক মা
এনখান নঃ অয় আপে হঁ মা মে বেলে
এম আপে কান চাল আপে কান গঁসাই ,
সুকতে সাঁওয়ার তে আতাং কাঃ তেলা কাঃ গঁসাই
নায় বাড়ে নাপায় বাড়ে গঁসাই।
মা গঁসাই আতাে রেন কড়া গিদরী ক
অনে সেঁদরা কারকা ক-ক চালাঃ রেদ..
সৗল সারাম-ক পীতড়াও ঞাম কাতে
হেতড়াও কাতে গেক রুওয়ৗড়ঃ মা বাড়ে ।
যাঁহা করে উয়ুং চোডােঃ কক চালাঃ রেদ
উনকুকদ খাড়া খাড়াও বল কাতে
হুটৗস পৗটু কাতে হিজুঃ মাক বাড়ে
মা গঁসাই এঁগাম্ পে সবঃ সােড়েয়াঃ তাপে ।
; উনি সিম হয় অতি লেখান গে কৗপি তে উনিয়াঃ হটঃ রেতা তপাঃ কাতে উনিয়াঃ মায়া তেৎদ খুঁড়রে জর হুয়ুঃ আ। অনা তায়ম আদ পারানিক বগা তুম তে উন রেনাঃ
বাঁখেড় -
জহার খুঁসাই পারানিক বঁগা
মা এনখান মাসিম তুম তেলে
এম আম কান চাল আম গঁসাই,
সুকতে সাঁওয়ারতে আতাং কাঃ তেলা কাঃ গঁসাই
নায় বাড়ে-- নাপায় বাড়ে গঁসাই ।
মা গঁসাই এনখান নঃ অয় সােতােঃ সুমুং জিউয়ী,
আলেয়াঃ চাচো ইদি লাহা দাড়েয়াঃ মালে গঁসাই
নায় বাড়ে নাপায় বাড়ে গঁসাই ।
_; নওয়া তায়ম নাই পারম গাডা পারম বগা কঞতুম তে অতিঞ হুয়ুঃ আ । উন অক্ত রেনাঃ
বাঁখেড়
জহার সাইনৗই পারম গাড়া পারম ক
নঃ অয় এনখান আপে ই মাসিম তুম তেলে
এম আপে কান চাল আপে কান গঁসাই
সুকতে সাঁওয়ার তে আতাং কাঃ তেলা কাঃ গঁসাই
নায় বাড়ে -নাপায় বাড়ে গঁসাই । মা গঁসাই
নওয়া আততা তে আহরে বারে সেৎ খন,
যাঁহানাঃ দুক বিপকদ আল গে বাড়ে সেটের কঃ ।
আলে কহঁ হানতে নাতে লে চালাঃ আ,
যাঁহানাঃ ফাঁন্ডা ক আলে কওয়াঃ সােরতে
আল বাড়ে সহর সেটের কঃ মা গঁসাই,
নায় বাড়ে নাপায় বাড়ে গঁসাই।
নুই সিম হয় অতি লেখান গে, কৗপি তে হটঃ রেতা তপাঃ কাতে খুঁড় রে উনিয়াঃ মায়া হঁ আদ জ-র হুয়ুঃ আ ।
বাড়ায় তেনাঃ – দাঁড়ে কওয়াঃ বহঃ কৗপি তে রেতা তপাঃ কাতে খড রে দহ হুয়ুঃ আমানত্ সালাঃ নায়কে দ দাঃ এ্য চুডরুজাঃ-আ, গাঁডিআকান বহঃ তিন ধাও চাক-বায় উন ধাও দাঃ চুডরুজু কাতে গডাঃ হুয়ুঃ আ । জাহের এরা ঞতুম তেনি সিম বুসৗঃ-আ বহঃ দ খুঁড়রে বাংক দহয় তায়া। চেদাঃস্যে উনিয়াঃ হটঃ দ বাংক তপাগ তায় খৗতির। সীমৗ সাড়ে তুম তেনি সিম্ বুসৗগাঃ বহঃ দক তপায় গে তায়া। উনি সিমা হড়ম্ জে যাঁহায় কক জমা, ইনৗ হিলঃ দ উনকুদ আততা রেনাঃ সিমৗ বাহরে চালাঃ গে বাং গানঃ তাকওয়া। যাঁহায় রেন এরাক অনে পেরে হড়ম ক তাঁহেনা, উনকু হেরে হড় কদ উনিয়াঃ জেল জম বাং গানঃ তাকওয়া ।
অনেক বঁগা কে, আঁড়ে আদ হুয় লেনখান গে, অনা খন সাহা সেরে আর এটাঃ বগা কক বঁগা আকওয়া।বির বুরু উৗহি ডুংরি, গাড়া মুড় করে তাঁহেন বগা ক ইনৗ হিলঃ দ জত কগে ক এমা কওয়াঃ। সিমৗ সাড়ে বগা দ অঁডে খন সাহা সেরে আর মিঠেন ক এমায়া । আর অনা সাঁওতে অঁডেগে উনকু হুরুদ কুন্টুৎ বঁগা কই-ক এমা কওয়া।
সিমৗ সাড়ে বঁগাদ আর মিঠেন ক বঁগা আয়া। অনা দ যাঁহান আড়ে লাতার আর বাংখান বুনুম লাতার রে। অঁড়ে দ নায়কে দ বাং কাতে, কুডৗম নায়কেয় বঁগায়া। অরে মিঠেন ফারচা কাতে, সিমৗ সাড়ে ঞতুম তে পে টিউঃ সিঁদুর এ টিউৗগা। অনা তায়ম মিষ্টাং সারজম সাকাম রে আদওয়া চাওলে, আজাঃ বুলু মায়াম তে গাবাও কাতে (অকা অক্ত দ হেরেল গুড়নৗ খন জৗনুমতে সবঃ উডুক মায়া) অরেয় বঁগায়া। উন অক্ত রেনাঃ
বাঁখেড়
“জহার গঁসাই সিমৗ সাড়ে গোঁসাড়ে,
মা এনখান মাসিম এতুম তেলে
এম আম কান চাল আম কান গঁসাই,
সুকতে সাঁওয়ারতে আতাং কাঃ তেলা কাঃ গঁসাই
নায় বাড়ে নাপায় বাড়ে গঁসাই ।
মা গঁসাই এনখান নওয়া আতাে তে
যাঁহা সেৎ খনাঃ বাইরি কক বল রেদ
আম গে হুডুং দারাম সবঃ দারাম কম গঁসাই।
যাঁহা সেৎ খনাঃ নওয়া আতােতে রােগ বিঘিন ক
আল বল হ-চওয়াঃ-আ সড় হ-চয়াঃআ গঁসাই ।
আততা অড়াঃ রেন কড়া গিদরী ক
সেঁদরা কারকা ক-ক চালাঃ রেদ,
সৗল সারাক পাতড়াও এ কাতে
উনকু দ হেতড়াও কাতে গে বাড়ে
নাপায় তি, নাপায় জাঁগা তেগে ক রুওয়ৗড় কঃ মা গঁসাই
নায় বাড়ে নাপায় বাড়ে গঁসাই ।
- উনি তায়ম অনা সাের করে অনে অত্ রেগে গটা এর অৗচুর আতেয় বঁগায়া, অনে আজাঃ বুলু মায়াম তে গাবাও চাওলে গে, উনকু “হুরুদ কুৎবঁগা ক তুম তে। উন অক্ত রেনাঃ
বাঁখেড় -
জহার গঁসাই হুরুৎ কুন্টু বঁগা ক মা
এনখান নঃ অয় আপে হঁ মা মে বেলে
এম আপে কান চাল আপে কান গঁসাই ,
সুকতে সাঁওয়ার তে আতাং কাঃ তেলা কাঃ গঁসাই
নায় বাড়ে নাপায় বাড়ে গঁসাই।
মা গঁসাই আতাে রেন কড়া গিদরী ক
অনে সেঁদরা কারকা ক-ক চালাঃ রেদ..
সৗল সারাম-ক পীতড়াও ঞাম কাতে
হেতড়াও কাতে গেক রুওয়ৗড়ঃ মা বাড়ে ।
যাঁহা করে উয়ুং চোডােঃ কক চালাঃ রেদ
উনকুকদ খাড়া খাড়াও বল কাতে
হুটৗস পৗটু কাতে হিজুঃ মাক বাড়ে
মা গঁসাই এঁগাম্ পে সবঃ সােড়েয়াঃ তাপে ।
অনা মাগসিম বঁগাঃ অক্ত গে সেঁদরা বঁগা হক এমায়া। উনিয়াঃ এতুম দ “টুসৗ” উনিয়াঃ বগাঃ ঠাঁও ই জাহের খনাঃ দ বাহরে রেগে হানা সুতৗন ঢৗন্ডিরে। অংডেই দিহরি বাং রেদ কুভৗম নায়কে গেয় বঁগায়া। উনি হঁ বুলু মায়াম তে বধাও এ্য হুয়ুঃ আ । হেঁদে সিম তেহঁ বধাও দ গানঃ গেয়া, মেনখান তি তে উনি সিম আঃ হটঃ দ মচড়াও তপাঃ হুয়ঃ আ। পে টিডৗ সিঁদুর এম কাতে অকা ঠাঁওরে উনি হ-হ সাের হুয় আকানা অংড়ে উনি সিম আঃ মায়াম দ জর হুয়ুঃ আ। উনি সেঁদরা বগা তুম তে বুলু মায়াম গাবাও আদওয়া চাওলে বগা আর আজ এতুম্ তে সিম অতিঞে অক্ত রেনাঃ
বাঁখেড়
; জহার গঁসাই টুসৗ’ মা এনখান
নঃ অয় আমহঁ অনে মা মে রেলে
এম আম কান চাল আম কান বাড়ে “গঁসাই
সুকতে সাঁওয়ার তে আতাং কাঃ তেলা কাঃ গঁসাই
নায় বাড়ে নাপায় বাড়ে গঁসাই ।
মা গঁসাই আতাে করেন কড়া গিদরী ক
সেঁদরা বির, সেঁদরা কারকা ক
চালাঃ আ, সৗলসারাম ক পাতড়াও ঞাম কাতে গে
হেতড়াও কাতে গেক রুওয়ৗড় মা বাড়ে।
যাঁহা সেৎ খনাঃ দুক বিপদ সেটেরঃ রেদ,
আম গে অনাদ টাঠে দারাম টেকাও দারাম মে গঁসাই
নায় বাড়ে নাপায় বাড়ে এঁসাই ।
[ নুই দ দাঁড়ে লেকাতে সুকরি ই এমঃ দ গানঃ গেয়া নুইয়াঃ হটঃ দ যাঁহানাঃ তেক রেতা তপাগা।]
; আদ সেঁদরা গা-আঃ ঠাঁও রে বঁগা বাড়া হয় এনখান গে; জাগে চালাও আকান ক কড়া গিদরৗ ক জত কগে অনা বঁগা ঠাওঠেন ক সুডু হট কাঃ আ । অনা তেদ উনি বঁগাদ অডিয় কুশিঃ আ। বাড়ায় রে তাঁহেন মা, অঁডেনিচ্ সিম দাঁড়েয়াঃ হড়ম জে জম রেনাঃ হঁ নেয়া দ হানে সিমী সাড়ে লেকাগে। উনকু-ক বেগর মা মেগ রেদ আতাে রেনাঃ সসার করে মেনাঃ আন-ক বির-বুরু, উৗহি-ডুংরি, বাঁধ-পুখরি এমিন করে পৗহিল খনক তাহে হেজ আকান উনকু বগা কই সুনু সিঁদুর আঁড়গাে কাতে আরবাং সিম বুসৗগাঃ মায়াম্ এ কাতেক বধাও কওয়া। নিয়ৗ কাতে গে ইনৗ হিল-গাঃ বঁগাঃ-বুরুঃ কৗমি দ সগড়ৗও সীতঃ আ। কুডীম নায়কে বেগর নায়কে যাঁহা করেৎ এ্য বঁগা কে আ, অনা করে দ বগা মুচৗৎ কাতে খুঁড় ক পে ধাও কাতে বেরে দাঃ তে বেড়হাও এসে কাতে আদয় গডাঃ আ। আতাে হড় কই সানাম কগে ক ডাঃ আ। অনা তায়ম নায়কে দ ফুড়ুঃ তে আঁৗড়তি কাতে মারাং বুরু তুম তে, মারাং বুরুয়াঃ খড় সাের রে মি ফুড়ুঃ হাঁডিয় বঁগায়া। উন অক্ত রেনাঃ
বাঁখেড়
জহার ‘গঁসাই মারাং বুরু
মা এনখান নঃ অয় মা সিম তুম তে
ঝার দাঃ তাপান দাঃ লে
এমাম কান চাল আম কান গঁসাই।
সুকতে সাঁওয়ার তে আতাং কাঃ তেলা কাঃ গঁসাই,
নায় বাড়ে নাপায় বাড়ে গঁসাই।
.(নওয়া তায়ম দ হানে সিম অতি অক্ত রেনাঃ বাঁখেড় লেকা গেক লাই মুচৗৎ-আ )।
নঃ-অয় নংকা কাতে সানাম বগা বুরু ক সেবা দেবা হুয় এন তায়ম নায়কে দ সিম বহঃ ক র-পােটোর ফারচা কাতে, মিস্ ঠেনে গেৎ জাওরায়া। অনকাগে আততা হড় কই বগা আকান ক সিম বুসৗঃ কওয়াঃ হড়ম র-ফারচা কাতে মিস্ ঠেন উনকুওয়াঃ জেল ক গেৎ জাওরায়া। অড়াঃ অড়াঃ গােড়েৎ এ্য রাকাব আকাৎ কঁড়া চাওলে সাঁও আদ অনা সিম জেল দক সােড়েয়া ।
জাহের সােড়ে ইসিন রেদ অনে ইনৗ হিলঃ লেকাতে গটা আততা রেন হড়ক মি ঠেন ক ইসিন মিন্ আ । “খেরওয়াল ধরম রেনাঃ দিশী লেকাতে পৗতয়ৗও মেনাঃআ ইনৗ হিলঃ দমিঠেন অনা ইসিন আকান সােড়ে দাকা সমান তে হাঁটিঞ জলে রেদ সানতাড় হড় কওয়াঃ জুমিৎ দাড়ে কেটেজঃআ। মেনখান উইহীর তাহেন মা অকাহিলঃ জাহের রে ইসিন সােড়ে দাকা বাংকাতে, ইসিন টুকু অঃ অঃ ক হাঁটিঞভিনীয় তাকওয়া, ইনৗ হিলঃ দ সানতাড় হড় কওয়াঃ জুমিৎ দাড়ে গে রৗপুৎ ছাকা ছুং-অঃ আ।” জাহের সােড়ে তেয়ার লৗগিৎ তেদ বুলুং আর সাসাং খান গে হুয়ুঃ আ। সুনুম আর মসলা কদ বাংক লাগাওয়া। সােড়ে ইসিন কাতে আততা রে তিনৗঃ কড়া হপন মেনাঃ আন কওয়া, উনৗঃ ঠেন সােড়ে ক
হাঁটিঞা। হে সেটের আকান মিস্ বার পুড়সি পেড়া কহঁ হৗটি কাতেৎ ক এমা কওয়া । যাঁহায় ক কৗমি করে জড়হাও ক তাঁহেনা, কুড়াই লেকাতে মি হাঁটি কাতে উনকু কই জৗসতি ক ামা। অনা বেগর আততা রেন মৗন অন হড় কই মি-মিস্ ইৗটি কাতে দ জৗসতি ক এমা কওয়া। বগা সারেচ হৗডি ই অনাগেক হাঁটি জং আ। সােড়ে ইসিন লেনখান, নায়কেই অনে আজ এস্কারগে ইসিনা তাঁহেৎ-এ্য, অনা আজাঃ ইসিনাঃ সােড়ে দাকা গে বগা থান রেয় আঁড়গাে বাড়া লেখানগে, আদ সােড়ে জম ক এতহবঃ আ। সােড়ে জম বাড়া কাতে আতাে গাঁওলা সানাম কগে দুডুব মিকাতে মৗঝি, পারানিক, জমৗঝি, গােডেৎ নায়কে খেম পাট-টাক ইদি কাতে অনাদ গাপালমারাও তালা তে আদক ঠাড় গটায়া। মারে নাগলে নাওয়া নাগলে ইদি কাতেক গালমারাও গটায়া; মেনেৎ দ আতােরেন উনকু মৗনান মড়ে হড় রে যাহায় ক যাঁহান খাতির বাংক কামি দাড়েয়াঃ কান রেদ নাওয়া লেকাতে আর যাঁহায় গেক সাক্ গটা কওয়া।
নওয়া ক তায় আদ সানাম কগে অনে অড়াঃ সেৎ মহডাঃ রেনাঃ ক রিকৗয়া । চালাঃ লাহা রে নায়কে দ হলং দাঃ ইরচি কাতে অনা বগা ঠাও ঠেনাঃ চুত ফেড়াও হট কাঃ আ (বগাঃ থান রে জম-এ, আঁহঠী এমান কতে ছুঁত আকান খৗতির)। আতাে হড় কদ চালাঃ লাহা রে বারয়া পেয়া কাতে, মাঃ অগু কাঃ ডৗর মিদ্ ঠেন তেক অনা করেনাঃ বহঃ সেরে আর মিষ্টাং উৗর দ আঁড়ার লেকা সাজাও কাতে চেরাে ঘাঁস তেক তল্ লাঠায়া। নংকাগে মড়ে গটাংসগড় গীডি তেয়ার কাতে, অনাদ মি-মিষ্টাং গৗডি বারয়া কাতে গিদরৗ আনতে ক গহড় ইদি হচয়া । নায়কেয় লাহা কঃ আ অনা তায়মরে গৗডি ক গহড় কাঃ আ.., আর আতাে হড় ক-কলৗই ইদিয়া, “কিরিচ চং কর চং, মারে হুদৗড় হডরং”। পৗহিলাঃ জুগ রেদ ইনৗ হিলঃ গে আততা হড় ক মড়ে গটাং সগড় গৗডি পেরে বুরু মাৎ, কাট এমান ক লাদে কাতে আততা তেক অগুয়া আর অনা কদ মি-মিদ্ গীডি অনে আততা রেন উনকু মৗন আন মড়ে হড় ঠেন (মৗঝি, নায়কে, গােড়েৎ, জগ মৗঝি আর পারানিক) ক আঁড়গাে হট কাঃ আ। পৗহিল রেনাঃ অনা নেয়াম দিশী দহ লৗগিৎ তেগে নিতগাঃ সগড় গৗড়ি গহড় দ ...। সগড় গৗড়ি আতে নায়কে অড়াঃ ক সেটেরঃ আ, অঁডে তিরলৗ হড় ক নায়কে আদ জাঁগা ক অরুএয়া। অনা তায়ম আজাঃ সাপাতৃ ক হবর কাতে উনি দ অড়াঃতেয় বলনা। গহড় আগু আকান মিষ্টাং সগড় গৗডি রেনাঃ ডৗর দ নায়কেয়াঃ দুওয়ৗর সৗড়িম্ রে অড়াঃ দাল লেকা ক রেবেদা। অনা উৗর গেক সেনেরা, জৗলিমা আর চেরাে ক রেবেদাঃ আ। অনা তায়ম মিৎ লটা দাঃ দুলাঃআ। সৗড়িম্ খনাঃ দাঃ জ-র আঁড়গােন অক্ত মিদ্বার হাসা রেনাঃ ঢেলাক কসৗড়ি চেতান সেৎক চাপাদা।অনা ঢেলাক চাপাৎ তালা ভেদ হড় ক “আরেল রেনাঃ কাথা ক উইহৗর আকওয়া। অনকা গেমৗঝি, গােডেৎ, জগ মৗঝি, পারানিক জত হড়াঃ অড়াঃ ক দাল পুরীও আঃনংকা কাতেগে মাগসিজম হুয় এনখান গে সানতাড় হড় কদ অড়াঃ দাল, বির ঝাড়, সাহান্সাকা, দীতৗনি পেটে, ঝৗন্টি এটেৎ সানাকৗমি কগে আদ ক লাহা ইদি দাড়েয়াঃ আ । ]
0 Comments