জাহের উৗংরি (কুটীম উৗংরি) আর মাঃ মড়ে
জাহের উৗংরি জম্ আর মাঃমড়ে কুঁগা,নওয়া কমি কিন দ বানার গে তিপিয়ঃ আকান লেকাগে। অকা সেরমা কমাঃ মড়েঃ আ,ইনৗ সেরম গে জাহের উৗংরি হঁকজম কওয়া। মেনে দ অকা সেরমা ক মাঃ মড়েঃ আ ইনৗ সেরমা দ মাঃ মড়ে ঞতুম তে জাহের উৗংরিদ জম তেগে হুয়ুঃ আ। লাহা দুঞ অল এৎ কানা জাহের উৗংরি (কুটীম ভৗংরি) ইদি কাতে। অনা অক্ত রে মারাং বুরু আর জাহের এরা তীকিন ঞতুম তে উৗংরি কুটীম কিন হুয়ুঃ তে (ডাংরা আর গাই) অনাদ কুটীম উৗংবি হক মেন গেয়া ...।
জাহের উৗংরি (কুটীম ডৗংরি)
জাহের উৗংরি জম রেনাঃ অক্ত দ হুয়ুঃ কানা, আঘাড় (গুগুৎ) চাঁদো রেনাঃ কুনৗমী হিলঃ। অডি গান গে অনা অক্ত রে বাংক জম দাড়েয়াঃ খান অনা দ এর-সিৎ চাঁদো রেনাঃমড়ে মাহা হিলঃ হাবিজম দ গানঃ তাকওয়া। মেনখান উইহৗর দহ লৗকতিঃ কানা, মাঃ-মড়ে কৗমি সিরজৗও লাহা রেগে জম্ দ হুয়ুঃ আ। পৗহিল উতৗর রেদ অনা তুম কাতে মারাং বুরু এতুম তে মিটাং পোঁড় বদা আর জাহের এরা তুম তে মিটাং পাঁঠি মেরম, জাহের খনাঃ সাহারে মিটাং ঠাঁও রেক কুটীম কিনা। জাঁহা ঠাঁও রেক কুটীম কিনা, অনা দক মেতাঃ আ “কুটীম জাহের”। মেনখান উৗংরি কুটৗম দ এতহব এনা হানে বানাম ঘুটু বকা মৗঝি হপন লেভড়া অক্ত খনাঃ। উনি লেভড়া গে মেরম বাং কাতে মারাং বুরু আর জাহের এরা তৗকিন-দ উৗংরিয় কুটৗমাৎ কিন তাঁহেৎ। আর উন খনাঃ গে উনকিন হকিন পৗরকৗও এনা। তায়মতে মেরম কুটৗমাৎ কিন রেদ বহঃ আদ কিন কেঁপে কে আ । অনা তে উন খন গে আদ উৗংরি গেক কুটীমেৎকওয়া। অনা কুটীম জাহের রে উৗংরি কুটীম খীতির গে “জাহের উৗংরি” সে অনা দ ‘কুটীম ডৗংরি” কলৗই এৎ-কানা। অনা জাহের উৗংরি জম রেদ মারাং বুরু তুম তে মিষ্টাং হাড়াম ডাংরা আর জাহের এরা তুম তে মিষ্টাং বুঢ়হি গীই কুটীম এ্য হুয়ুঃ আ । অনা অক্ত রেনাঃ কৗমি রেদ মারাং বুরুয় লৗই আকাৎ আ, “ইনৗ হিলঃগিচ দাঁড়ে দ আঁড়য়া ডাংরা বাং কাতে কৗসি ডাংরা গে কুটীমৗঞ পে, ইনৗ তেগেঞ কুশিঃ আ ।
বগাঃ অক্ত রেনাঃ সিরজৗও কৗমি ক: - নায়কে দ উম্ ফারচা কাতে তেকে সব লুগড়ি তে পালাট কাতে, আততা হড় ক সাঁওতে বগা সামান হাটাঃ রে হেরমেৎ কাতে, জজ (এত) তিতে লটা দাঃ তেওয়েঞ কাতে উনিদ কুটীম জাহের তেয় উড়ুক চালাঃ আ। নায়কে দ অনা কুটৗম জাহের রে মিঠেন গুরি ফারচা কাতে, উখুড় রে হুডুংমৗর খু হলং তে বারয়া খ্ৰীড এ্য তেয়ারা। মিদ টাং দ মারাং বুরু আর মিদ টাং দ জাহের এরা তুম তে । অনা খড় কিন তালারে আদওয়া চাওলে চুরুজ কাতে ধুবি ঘাস (তাসা) এ্য দহয়া । সিজ সাকাম, মাৎ সাকাম হঁ দহয়াঃ দ গানঃ গেয়া। অনা তায়ম পে টিডৗঃ কাতেৎ এ্যা সিঁদুরাঃআ আর মিথি কয় এরাঃআ। দাঁড়ে কিনই অতি লাহারে হড়ম করে দাঃ ইরচি কাতে পে টিডৗঃ কাতেৎ এ্য সিঁদুর অকিনা; (মিদ টিডৗঃ বহঃ রে, দসার দ দেয়ারে, তেসার দ চুপি সেরে)। ইনৗ তায়ম আদ দাঁড়ে অতিঞ, লাহা দ মারাং বুরু ঞতুম তেক বাঁখেড়া
জহার গঁসাই মারাং বুরু মা এনখান
নঃ অয় মাঃ মড়ে এতুম তে জাহের উৗংরি লে
এম আম কান চাল আম কান গঁসাই.............,
সুকতে সাঁওয়ারতে আতাং কাঃ তেলা কাঃ গসাই,
নায় বাড়ে নাপায় বাড়ে গঁসাই। মা গঁসাই
এনখান আলেয়াঃ নওয়া কৗমি করে,
যাঁহানাঃ আনাট ক আলগে বাড়ে সিরজৗও কঃ ভিড়ীও কঃ গঁসাই,
নাপায় তেগে মাঃ মড়ে কৗমি দলে বিতৗও পারম দাড়েয়াঃ মা,
নায় বাড়ে নাপায় বাড়ে সাই.............।
নংকা বাঁখেড় কাতে উনি উৗংরিয় অতি লেখান গে, অনা তায়ম এটাঃ খড়রে গৗই এ্য আঁতি এয়া জাহের এরা এতুম তে । উন অক্ত রেনাঃ বাঁখেড় হঁ অনে চেতান - রে অল্ আকান লেকা গেক বাঁখেড়া। মেনখান লাহা রেনাঃ বাঁখেড় রে অকা করে “মারাং বুরু” কাথা লাই মেনাঃ আকাৎ আ; অনা করে দ“জাহের এরা” মেনতে কাথা লৗয়গঃ আ । উনি গৗই হঁ অনকা কাতে খড় রে অতিঞ তায়ম, আদ বানার দাঁড়ে কিন গে কুটৗম কাতে খড় রে উনকিনাঃ মায়াম জর হুয়ুঃ আ. ........। মিদ্বীটি তাং হাঁড়ি উডুক কাতে সারজম সাকাম রেনাঃ বেনাও ফুড়ুঃ তে মারাং বুরু আঃ খড় রে চডর হুয়ুঃ আ । জাহের এরা দ হাঁডি বাং-এ্য এয়া অনাতে উনিয়াঃ খড় রেদ বাংক চডরা। মারাং বুরু ঞতুম তে হাঁডিচডর অক্ত রেনাঃ বাঁখেড় —
জহার গঁসাই মারাং বুরু মা এনখান নঃ অয়
কুটীম উৗংরি তুম তে ঝার দাঃ তাপান দাঃ লে
এম আম কান চাল আম কান বাড়ে গঁসাই,
সুকতে সাঁওয়ারতে আতাং কাঃ তেলা কাঃ গসাই
নায় বাড়ে নাপায় বাড়ে গঁসাই। জহার গঁসাই
মা এনখান আলেয়াঃ নওয়া কৗমি দ
নায়তে নাপায়তে চিকৗড় কঃ মেটাও কঃ-মা বাড়ে,
নায় বাড়ে। -নাপায় বাড়ে এঁসাই ।
মুচৗৎ রেদলটা দাঃ তিরে আতাং কাতে নায়কে দ পে ধাও তে অনাকিন খড় এ বেড়হাও এসেৎ তে গঁডাঃ আয়। আতাে হড় কই সানাম কগে ক গডাঃ আ । উনকিন দাঁড়ে কুটীম কিন লৗগিৎতে মিষ্টাং হড়ক অচুয়েগেয়া উনি দ-ক মেতায় “কুটীম দিহরি”। অনা কৗমি রেনাঃ কুড়াই লেকাতে উনি দ মি ফৗড়ি জেক এমায়া
বগা বাড়া হুয় লেখান বানার দাঁড়েয়াঃ বহঃ কিন গেৎ কাতে ভিন ভিনী নাওয়া টুমৗং রে অনা রেনাঃ সােড়ে ক উঁদা ইসিনা । আততা হড় কই উনকিন কুটীম আকাৎ কিন দাঁড়ে দ ভিনৗ ভিনৗ ক গেৎ কিনা। উনকিনাঃ জে ই ভিনৗ ভিনৗ গে সােড়ে হুয়ুঃ আ । চেদাঃ সে ডাংরাঃ আ জেদ তিরলৗ হপন কওয়াঃ জম্দ মানা গেয়া। উনকুদ গৗই আঃ জে গেক জম দাড়েয়াঃ আ। মেনখান কড়া হপন কদ গৗই জেল্ হঁকজম দাড়েয়াঃ আ ।বহঃ সােড়ে ইসিন লেনখান গে নায়কে দখড় রে বগা লাহায়ায় । সােড়ে দ মারাংবুরুঃ আ খডরে উন অক্ত রেনাঃ বাঁখেড়.......
জহার গঁসাই মারাং বুরু মা এনখান
নঃ অয় মাঃ মড়ে এগুতুম তে,
জাহের ডাংরি জমরে, সােড়ে দাকালে
এম আম কান চাল আম কান গঁসাই,
সুকতে সাঁওয়ারতে আতাং কাঃ তেলা কাঃ গসাই
নায় বাড়ে নাপায় বাড়ে গঁসাই।
নাপায় নাপায়তে আলেয়াঃ নওয়া কৗমি দ
সার কঃ সৗগুন কঃ মা বাড়ে গসাই..........।
আলে কহঁ অনে জম আলে,
এয়ালে, আলে ক মুদরে লাজ হাসা কঃ
বহঃ হাসাে ক আলম সিরজৗও হচয় ভিড়ীও হচয়া গঁসাই।
নায় বাড়ে নাপায় বাড়ে গঁসাই, .।
অনা তায়ম গৗই সােড়ে দ জাহের এরায়াঃ খড় রেয় বঁগায়া। উন অক্ত রেনাঃ বাঁখেড় অনকাগে। মেনখান লাহা রেনাঃ বাঁখেড় রে যাঁহা করে মারাং বুরু লৗই আকানা অনা করেদ “জাহের এরা” মেনতে লৗয়গঃ আ। অনা তায়ম নায়কে লটা রেনাঃ দাঃ তিরে দুল কাতে পে ধাও এ্য বেড়হাও অৗচুরা আর এ্য ডাঃ আ। বহঃ সােড়ে দ জড় সাজঃ ক, পেজড় ক জমা। কড়া কদ ডাংরা জেল সাড়ে আর তিরলৗ হড় কদ গৗই জেল সােড়ে ।নওয়া খানগে জাহের উৗংরি জম কৗমি দ মেটাওয়ঃ আনওয়া রেই হপন এরা, মিশরা জাঁওআয় গমকে ক নেওতা দ হুয়ুঃ গেয়া ।জাহের উৗংরি (কুটীম উৗংরি) আর মাঃ মড়ে
জাহের উৗংরি জম্ আর মাঃমড়ে কুঁগা,নওয়া কমি কিন দ বানার গে তিপিয়ঃ আকান লেকাগে। অকা সেরমা কমাঃ মড়েঃ আ,ইনৗ সেরম গে জাহের উৗংরি হঁকজম কওয়া। মেনে দ অকা সেরমা ক মাঃ মড়েঃ আ ইনৗ সেরমা দ মাঃ মড়ে ঞতুম তে জাহের উৗংরিদ জম তেগে হুয়ুঃ আ। লাহা দুঞ অল এৎ কানা জাহের উৗংরি (কুটীম ভৗংরি) ইদি কাতে। অনা অক্ত রে মারাং বুরু আর জাহের এরা তীকিন ঞতুম তে উৗংরি কুটীম কিন হুয়ুঃ তে (ডাংরা আর গাই) অনাদ কুটীম উৗংবি হক মেন গেয়া ...।
0 Comments