আয়ো আড়াংতে অলঃ চেদাঃ লৗগতি – Ayu Arang Olloh Cheda Lagti ?? - Santali Arichali

আয়ো আড়াংতে অলঃ চেদাঃ লৗগতি – Ayu Arang Te Olloh Cheda Lagti ?? JIYAR MANDI

 আয়ো আড়াং আর আয়ো তোঁওয়া ভিতরী মুদরে অকা ফারাক হঃ বানুঃ আ। আয়ো তোঁওয়া অকালেকা হুডিঞ গিদরৗ হারা বুরু লৗগিদ আডি তেদ্ (IMPORTANT) সে লৗগতি মেনাঃ আকাদা। সৗরি অনকাগে , আয়ো আড়াং হঃ প্রত্যেক টি মানওয়া ঠেন অৗডি তেদ্ গে লৗগতিয়ানা । আয়ো আড়াং রেনাঃ গুরুত্ব সানাম দিশম রেগে সানাম অক্তরেগে সানাম লেকানাঃ শিখনৗত রেগে লাগাউ আ। যাঁহা পৗরশিতে আব কাথা বঃ লৗই, কুকমু বন ঞেলা , অনা পৗরশি দঃ আব ঠেন ঝত খনাঃ জাসতি কায়তে একাল গে লৗগতিয়ানা, নওয়া কাথা লৗইতে অকা হিঁদিজ গে বানু আকাদা । আয়ো আড়াং রেনাঃ নেঁহর দঃ প্রতিটি জানাম পৗরশি হড় ঠেন অৗডিতেদ গে গুরুত্বপূর্ণ আ। চেদাঃ সে জানাম তরা খনাঃ গে আয়োয়াঃ মচা খন আঁজম কাতে, যাঁহা রড়বন সেড়া অৗগু অৗকাদা , অনা রড় দঃ , হারাবুরু কাতেদ্, অৗডি জৗসতি কায়তে , বুঝৗও ঞামতে সহদঃ কানা। জানাম পৗরশি সান্তাড়ি পৗরশি তে অলঃ পাড়হাও শিখনৗত রেনাঃ ঝতখনাঃ মারাং দাড়েদঃ অনা আড়াং টাঃ আবওয়া পুরোপুরি বাডায় মেনাঃ আকাদা। অনাতেজানাম পৗরশি তে অলঃ পাড়হাও আডি জাসতি ঝতওয়াঃ সলহেতে বুঝৗও ঞামঃ আ।
ধারতীরেনাঃ এটাঃ আয়মা কিঁসৗড় দিশম করে , আকওয়াঃ জানাম পৗরশি তালা তেগে কঃ সেচেদঃ আ। ধারতী রেনাঃ সানাম কিঁসৗড় দিশম গে আপনারাঃ জানাম আড়াং তে সেচেদ কাতে জিয়নরেনাঃ লাহান্তি ডাহার রেকঃ সেটের আকানা। সাবিক লেকাতে নওয়া সানাম দিশম কঃ উৎনৗও লৗগিৎ তে অকালেকা তেহঃ এঁটকে টড়ে রেগে বাংকঃ পাড়াও আকানা। অকয় কিঁসৗড় দিশম হঃপৗরশি এঁটকে টড়ে রেদঃ এটাঃ পৗরশি সহদ দঃ বায় হাতাও আ। সেচেদ তালমা তে আয়ো আড়াং গে ঝতখন জাস্তি কায়তেদঃ হাতাও সানা লেক গেয়া। এটাঃ পৗরশি তে সেচেদ হাতাও তেদঃ বেভার অক্তরে আয়মা এঁটকে টড়েরে পাড়াওআনিজ আ। এতেদ দঃ আডি গে সোঝে গেয়া , যাঁহা আড়াং তে আববন রড় কানা অনা আড়াংযদি সেচেদ আড়াং হোয়োঃ আ। সানাম লেকানাঃ বেভার রেগে কোন রকম এঁটকে টড়ে রেগেবাং পাড়াও আনিজ আ। জেলেকা—যাঁহায় গিদরৗ বার লাইন নাপায়তে ইংরাজি বাংগে অল দাড়েয়া আ উনি গিদরৗ জখজ লাফাং সেচেদ্ সেদ্ এ লাহা সেনঃ আঃ।
লাহা সেন কাতে ইংরেজি দরয়া রে ঞুরু গদঃ আয় উন অক্ত দঃ আজ আঃ ঠিক সাহিজ সেচেদ দঃ বাং হুয় দাড়েয়াঃ তায়া। স্কুল করে কঃ অলঃ পাড়হাঃ কান মৗই বাবু তাক লৗগিদ , আয়ো আড়াং তে অলঃ পাড়হাও রেনাঃ গুরুত্ব আডিগান মেনাঃ আকাদা। জানাম পৗরশি তালা তে শিখনৗত এমঃ হচঃ রেনাঃ আঙ্গিভার দঃ আবয়িজ সরকার কান তায়া। আবওয়া হক্ আইদৗর কান তাবনা।আডি লগন আব সানাম কঃ সরকার পাহটা ঠেন দাবি বন দহয় মা । পশ্চিমবঙ্গ রেনাঃ সানাম সান্তাড় আতো স্কুল সালাঃ বাজার ভিতরী স্কুল, হাই স্কুল, কলেজ , ইউনিভার্সিটি করে, যাঁহা স্কুল রে মিৎটাং সান্তাড় পাঠুয়ৗয় তাহেন রেহঃ বিষয় ভিত্তিক মাচেদ লাগাঃ আ আবওয়াঃ জানাম পৗরশি সান্তাড়ি পৗরশি সানাম পৗরশি খনাঃ আডি লাফাংরে তাঁহে কঃ মা । সান্তাড়ি পৗরশি জিৎকৗর ।