অক্ত রেনাঃ দলিল - ANARHEZ – KHAEWAL ARI ANARHEZ

ANARHEZ - অক্ত রেনাঃ দলিল - কবি সঞ্জয় চাই গাড়, চাম্পা গাড়, বাদোলি-কয়ডা গাড় তাঁহে কানদ সেদায় লিলিবিছি ঝাড় , অনা খনহঁ নিতঃ তাঁহেয়েনাবন বাড় আঁদাড় পিঁদাড় মাশে দায়াগে সান্তাড়। অকারে গাড়, অকারে ঝাড়, অকয়দ বিরাদালি সিম, শুকরি লেকা যাদিন লাগায়েৎ বনক উতাহুলী অকারে খেরোওয়াল গাড়, তাঁহেনাবন ঝালি ঞেল কাতে ছাতিক জাতি তি থায়ো আতেক কোলকুলী। ভারত আয়ু হঁবায় আপনার বনা, আয়াঃ কড়াম কলেরে জাতি- পারিস গেয় ভেগার বনা রড় লাঁদা গাতেঃ রে, অনা তেগেক লাগা বনা বিহার, বেঙ্গল, উড়িষ্যাে, আসামরে দিশুওয়া হুয় কাতে রেহঁ আইধার বানুঃ বাঞ্চাঃ রেনাঃ দিশমরে। উদার, পরান মুরুখ লেলহা আমদ উনি হড় গালিম গঁসায় বানুয় তামা, অকয় আমাঃ কাথায় রড় ; অনাতে তায়মরে যাদিন আমদ দহ কামাক গহড় ঢাক, টামাক আতে অনে মিছিলরে, তিরিয়ো ঞহড় ঞহড়। ফুর্গাল কাতে রেহঁ আমদ যাদিন তাঁহেয়েনাম ভোটার চুপুৎ চাওলে, লাপেৎ সোড়েতে বুলাও এনাম দেদার, অড়াঃ কুড়য়া, আগাম- আখির তাঁহেয়েন তাম জাতার খাতার হুঁদিশ মাশেতিসেম আঁগচ হায়রে অবুঝ ভোটার। এরা, উরুক সাজাও এৎক নাচনি লেকা মিছিলরে ভেরোটিয়া লেকাম সঁগেয়েনা আমহঁ অনা দলরে, দোড়োই দোড়োই সিতুং লল টান্ডি রেনাঃ আখড়ারে অঁডেগে যাদিন এনেচ আনাম হুঁদিশ দিশা বাংরে। অকাঠেন যেম সেয়ান বাচাল হায়রে আদিবাসী বার পয়সা রোজগার তরা, হিড়িঞাম তো জানাম পারসি সাগাই, লাপাই দিকু সালাঃ তিনাঃ অনারে কুশি সড়ঃ কানাক বেজাতিঃ সেৎ তিনাঃ বয়হা মিশি। সোপরোৎ এদাক জীয়ন যুওয়ান দিকু হপন সালাঃ তিরপিত এদাক তেতাং মনে উনকু ছাতিক হড়াঃ , বুঝ কাতেহঁ অন্তে গে হায় যাস্তিক সড় লাহাঃ মুচাৎ রেদ উরু কোঁডেল বিচার ঞাম লাগিৎ ক রারাঃ। আড়িশাঃ আম জানাম পারসি, লেবদায়াম সেরোওয়া সাগাই ঘারঞ্জ রেন লাওড়িয়া আম, ইঞিচ মিসরা দাই ; সেড়াআয়মে প-পংড়া, বাঞ্চাঃ রেনাঃ উপাই জাৎ, ধরম, পারসি, পারিস উদুঃ আমায় কুড়াই। শশনঃ রেনাঃ সারদি তিকিন নিতদ খেরোওয়াল কোওয়াঃ জাতি-বিরাদালি হিড়িঞ কাতে দিকু সাঁও গেক হেওয়াঃ, পরব-পার্বন রেনাঃ রাস্কা রাসা, অনারেগে মনেদ রাঁওয়াঃ বাহা, সহরায় রেনাঃ কাথাদ পালেন মচারেগে বাং জোওয়াঃ। আমাঃ মুহিম আমতেগে গাউচ আয় কানাম উতাহুলি মুচাৎ রেদ বাঞ্চাঃ লাগিৎ হহ আয়াম বিরাদালি !v অক্ত রেগে বিচার মে আমাঃ বিবেক বুলি জাতিদ মেনায় সঁগেরে যাদিন, চাঁওহাও কাতে উগলি।।