তেল নাহান চেদ কানা — নওয়া রেনাঃ কামি হরা কঃ | Santali Arichali, Santal Meyam Nemachar, Santali Koyah Nagam Katha, Kherwal Koyag An-Ari









তেল নাহান

তেল নাহান লৗগিৎ দিন কক নেডায় তে পেড়া পাড়হৗ ক ক লৗই সাডে আকওয়া। নেডা মাহারে পেড়া কই উনরে সিম বুসৗঃ আর হাঁড়ি টুকু দিপিল কাতে আদক সেটেরঃ আ । দুস্থ আকান হড় ক তােপাে রাকাবঃ অক্ত ঘাট খন সিধূ সুচি কাতে উনকু ক ঘাট রে রাকালৗগিৎ তে উনকু কদ নাওয়া ডরা বাংখান নাওয়া লুগড়ি কযৗগু তরায়া। অনা কৗমি দ “ঘাট রে রাকাব” কলৗই গেয়া।নওয়া কৗমি দ গুজু হিলঃ খন আরে মাহা হিলঃ রেক কৗমিয়া।

কৗমি এতহব - উইহীর তাহেন মা খেরওয়াল হড় কদ নাপিত, ধুবি বেগর ছুঁত মুকুৎ খন রাড়া দোগােঃ সে সিধ-সুচীঃ দ একালগে বাং গানঃ তাকওয়া। অনা খাতির গে লিটৗ গঁসাই উনকিন দ হানে পাহিলঃ উনি বাবা ঈশ্বরাতে উনকিনে সিরজন লেৎ কিনা। আর অনে সিরজন কাতে খনগে নিতঃ হাবিচ ইউনকিন দ খেরওয়াল ক সিধ-সুচী ক কামি রেগে জহড় মেনাঃ কিন গেয়া। কড়া পাহটা হড় ক অনে নাপিত সঁগে কাতে পেয়া ফুড়ুঃ রে সুনুম (মিষ্টাং দনৗপিত গে এসকার, দসারাঃ দআতাে হড় আর তেসারাঃ দ দুক আকান অড়াঃ রেন সে বংশ রেন হড় ক লৗগিৎ) পেয়া ফুড়ুঃ রে জাটাং হাসা, পেয়া ফুড়ুঃ রে কাড়ে, পেয়া দৗতৗনি সাঁওতে মড়ে তুরুয় গটাং সারজ সাকাম সাসৗত কাতে তােপােন ঘাট তেক উডুক চালাঃ আ। ঘাট রে সেটের কাতে নৗপিত ঠেন বহঃ উব কক হ-য় ফারচা হচঃ আ; তি-জাঁগা রেনাঃ রামা ক-ক গেৎ ফারচাঃ আ। বংশ রেন হড় কদ অঁডেগেক হুতুম দৗতৗনিঃ আ। অনা তায়ম বংশ রিনিচ যাঁহায় আতে ক কমিয়েৎ কানা, উনিদ তােপাে রাকা কাতে লহলুগড়ি তে ঘাট খন রাকাবঃ ঠেন বঁগা থান এ্যা বেনাওয়া। অনা থান রে সামাং কাতে দাঃ রেগে উনিদ বঁগাঃ এ্যা দুড়ুব আ। অনা থান সামাং রে পেয়া সারজম সাকাম থারে থার এ্যা দহয়া। লাহা রেনাঃ দমারাংবুরু ঞতুমতে, দসারাঃদ পুরুধুল কঞতুমতে আর তেসারাঃ দ গজ আকানে হড় তুমতে। অনা তায়ম জাটাং হাসা আর কাড়ে অনে সিপি মিৎ কাতে পুব সেৎ সামাং কাতে অঁডেগে ইচ্ছুম কাতে বঁগায় এতহবা।

অনা তায়ম লেগাতি-তে, উনি গজআকান সজ আকানে হড় এগুতুম তে কাড়ে হাসা আদয় আঁড়গােয়া । উন অক্ত রেনাঃ বাঁখেড় - “মা এনখান নঃ অয় জাঁহায়েম গজ আকান সজু আকান, তেহেঞ দ আমাঃ তেল নাহান তুম তে আলে সানাম কগেলে উম নাড়কাঃ কানা । তেহেঞ দ আমহঁ আমাঃ বহঃ পেরে তরজ, আর লুতুর পেরেচ মায়াম বাং দহ কাতে, উম ফারচা, নাড়কা ফারচা কঃ মে বাড়ে, নায় বাড়ে নাপায়গে বাড়ে ।
আদ উনকিন রুমঃ কান হড়াঃ হড়ম রে মিহড় ঠেন মারাং বুরু আর মি হড়
ঠেন গজ হড়ে চাপাড়ঃ আ। চাপাড় সাঁও সাঁওতে মারাং বুরু দয় হুস-সৗ-হাঃ গৎ কাঃ আ। ইনখান গে উনি সামাং সেৎ রে দুডু আকানে হড় দ মারাং বুরুদৗবি রে আর বহঃ রে চাপাে আয়ায় (অনা তেখান আদ বায় ফিড়িয়ৗঃ ফিড়িয়ৗগঃ আ)। গজ হড় পাহটা তে অকয় এ্যা রুমঃ আ, উনিদ হড়ম রে চাপাড় কাতে হঁ মচা খন রড় দ বাং উডুকঃ তায়া। উনরে উনি দ মেহা আকাতে হড়মরে দাঃ ইরচিয়ায় খান গে উনি আদয় হুস-সৗ-হাঃ গৎ কাঃ আ। ইনৗ তায়ম অড়াঃ রেন হড় সে আতাে করেন হড় ক সানাম কগে আদ উনি সাঁওক গালমারাও আ। বােগে বাড়ি কাথা ক-ক কুলিয়েয়া “চেদাঃ এ্যা চালাও এনা সে অকয় কমৗটুচ কেদেয়া সে ‘সের চাও লে’ গে চাবায়েন তায়া?” উনরে আর আজাঃ রেগে রাবাং কমেনাঃ তায় খান কয় জং লৗগিৎ ক মেয়া। উনি গজ হড় হঁ উনরে অকয় গেয় কুশি আয়া উনি তুম কাতে লৗই গদায়, “দেন ফারনা দাঃ এমৗঞ মে।” ইনখান গে ফুড়ুঃ রে দাঃ ক এমায়া। অনা ফুড়ুঃ রেনাঃ দাঃ ঞ ঞয় তে আদ ফুড়ুঃ দয় দহ গিডি কাঃ আ । ইনৗ তায়ম আর মিষ্টাং ফুড়ুঃ ক চাল আয়া । অনা রেদ বড় হীন্ডি ক এমায়া আর অনা হয় ঞ গৎকাঃ আ। মিমিতে অকয় কঠেন হাতাও মনে মেনাঃ আন তায়া জতম্ হড় ঠেন এ্যা কয় পুরীও আ। উনিয়াঃ অনা হুয়এন খান আদ মারাং বুরু ক মেয়া “মা গঁসাই নঃ-অয়লে কৗমিয়েৎ কান নওয়া দ আম গে লে সাঁওহায় মে। আম গেত আঁঃয়ুরিচ, বােগে বাড়ি দ আমগে এেল সঝেয় মে সাই”। মারাং বুরু হঁ হুস-সৗ-হাঃ লৗই কাতে মেন গদায় “হেঁ সানামাঃ গে নাপায়া আদ মারাং বুরু হঁ মি ফুড়ুঃ তাং হাঁন্ডি ক এমায়া। ইনৗ কাতে গে আদ বানা হড় ক মেতা কিনা “মা গঁসাই আদ আঁগাস কঃ বিন, সাদম্ চাত কহঁ ক লগা গেয়া।” অনা লৗই লেখান গে হাটাঃ রে উনকিন দতি কিন আতাং আ, আর অনা কিন আতাং আকাৎ তিরে সামাং সেরেয় দুডু আকানে হড় দ বার তি তে হাটাঃ খনাঃ চাও লে রাকাকাতে অকিনাঃ আতাং রে পে ধাও এ্যা চুরুজা। চুরুজ অকিন খানগে উনকিন দ অকিনাঃ অনা আতাং আকাৎ চাও লে ঠেন মেহা কিন জোবাং গৎ কাঃতে হাটাঃ মেশা অৎরেকিন তােবােং সুমৗনঃআ । সুমৗন লেনখান গেকিন অনা হাটাঃ রেনাঃ চাওলে তেগে মেহা হটঃ আর হড়ম করে কিন ঘাসাও মাজাও তে হাটাঃ রেগে কিন কটা ফারচাঃ আ। উনকিন রুমঃ কিন হড়দআঁডে খন্ কিন বেরেৎ লেনখান গে আদ নাপায় অকচ্ তে অনাক-ক সামটাও আ।

সিম্ কটৗম্—তালা রাচা রেকুনীমী চাঁদো লেকা গুরিকাতে অঁডে মিটাং পাতড়া রে মি পাতড়া চাওলে ক দহয়া । মিষ্টাংবৗটি রে তাং হাঁডিআর মিটাং বাটিরে বডচ হাঁডি ক ওড়ােক আগুয়া। মিষ্টাং জাঁওআয় হড় টাঁগা আতে সাের রেক দুডুব এয়া। উনি দক মেতায় “কুটীম জাঁওআয়” ।লাহা দঅনা পাতড়া চাওলে রেতাং হাঁডি উনি জাঁ ওআয় হড় এ্য দু-লা। অনা তায়ম জাঁহায় এ্য কমিয়েৎ কানা, উনি হড় মিটাং পোড সিম অনা পাতড়া চাওলে রেয় অতিঞেয়া ।
উনি সিম এ্য অতি লেখান গে, আদ উনি কুটীম জাঁওআয় ক কুটীম মায়াম অনা পাতড়া চাও লে রেক জর হচয়া। ইনৗ তায় পুরুধুল ক অতি- হুয়ুঃ আ। উনহঁ পাতড়া চাওলে রে বড় হাঁডি ক দু অতিঞেয়া। উনি সিম্ অতি অক্ত উনরে ক বাঁখেড়া জহার গঁসাই অগিল পুরুধুল ক মা এনখান তেহেঞ নঃ অয় তেলনাহান তুম্ তেলে এম আপে কান চাল আপে কান গসাই সুকতে সাঁওয়ারতে আতাংকাঃ তেলা কাঃ সাই নায় বাড়ে নাপায় বাড়ে গঁসাই । নঃ অয় তেহেঞ দনৗই পারম্ গাড়া পারম খন হে আকান সেটের আকান পেড়া পঁৗহড়ী ক, উনকু কহঁ তেহেঞ দ জম্ আক এয় আক উনকু-ক মুদূরে লাজ হাসাে বহঃ হাসাে, আলগে বাড়ে সিরজৗও কঃ ভিড়ৗও কঃ মা সাই -নাপায় বাড়ে গঁসাই।
উনি সিম-হঁয় অতি লেখান গে আদ কুটৗম জাঁওআয় উনি সিম আঃ বহঃ এ্যা কুটৗম্ গৎ কাঃআ আর মায়াম তেৎ—দ অনা পাতড়া চাও লে রেক জ-র হচয়া। ইনৗ তায়ম আর মিষ্টাং সিম ক সামাং এয়া অনা পাতড়া চাওলে ঠেন। বাড়ায় রে তাঁহেন মা তিন্ ধাও সিম অতি হুয়ুঃ আ উন ধাও গে পাতড়া চাওলে রে ফুড়ুঃ তে হাঁন্ডি দাঃ দ দুলাঃ হুয়ুঃ আ। পুরুধুল ক এমঃ তায়ম জাঁহায় সিম সামাং এ্য হুয়ুঃ আ উনিদ গজ আকান সজ আকানে হড় তুম্ তে । “মা এনখান গজ আকান সজ আকানিচ তেহেঞ দ তেলনাহান তুম তেলে এম্ আম্ কান, চা আম্ কান, সুকতে সাঁওয়ার তে আতাং কাঃ তেলা কাঃ মে নায় বাড়ে নাপায় গে বাড়ে। মা এনখান তেহেঞ দনঃ অয় তালা অড়াঃ তালা আসন্ তেলে অণ্ড কে মেয়া জাঁহানাঃ তেহে খন আদ আল তিলিক ভিলিক আ । তেহে দ অনে নাই পারম গাড়া পারম খন পেড়া পৗহড়ৗ ক-ক হেজ আকান সেটের আকান, উনকু কই তেহেঞ দ জম্ আক ঞয় আক, উনকু-ক কঠেন লাজু হাসাে বহঃ হাসাে ক আ-ল অনেম্ সিরজৗও হচয় ভিড়ীও হচয়া নায় বাড়ে -নাপায়গে বাড়ে।
অনা তায়ম হেজ সেটের আকান পেড়া পঁৗহড়ৗ করেন অগু আকাৎ ক সিম্ বুসৗঃকক কুটীম কওয়া। উনকু সিম্ বুসৗঃ কদ জতম্ গে উনি গজ আকান সজ আকানে এতুম তেগেক কুটৗম্ অঃ আ। উন অক্ত রে সানাম কতে ক বাঁখেড় মা এনখান গত্ আকান সজু আকানি তেহেঞ দনঃ অয় তেলনাহান তুম্ তে ফারনায় এম্ আহ্ কান, চা আম্ কান সুক তে সাঁওয়ার তে আতাং কাঃ তেলা কাঃ নায় বাড়ে নাপায়গে বাড়ে। [মুচৗৎ সেৎদ অনে চেতানরে অল্ আকান গজ আকান সচ্ আকান অক্তঠেন লোক বাঁখেড় মুচৗৎ গেয়া।]
সিম কক কুটীম্ হুয় এনখান আদ নাওয়া লেকাতে আর মি বৗটি তাং হাঁডি আর মিদ বীটি বডচ হাঁন্ডি ক উড়ুক অগুয়া। জাঁহায় এ্য কৗমিয়েৎ কান, উনিদ মিষ্টাং

হাঁডি ফুড়ুঃ বার তি তেয় আতাং আ। টৗম জাঁওআয় দমিষ্টাং ফুড়ুঃ তে তাংহাঁডি বীটি খন লাে রাকাব কাতে উনি আতাং আকাৎ এ্য অনা ফুড়ুঃ রেয় দুলা। অনা ফুড়ুঃ হাঁডি দ উনরে মারাং বুরু তুম তেয় বঁগায়া। উন অক্ত রেনাঃ বাঁখেড় - জহার গঁসাই মারাং বুরু মা এখান তেলনাহান তুম্ তে ঝার দাঃ তাপান দাঃ লে এম আম্ কান চা আম কান গঁসাই , সুকতে সাঁওয়ার তে আতাং কাঃ তেলা কাঃ সাই নায় বাড়ে -নাপায় বাড়ে গঁসাই —। মা গঁসাই হে সেটের আকান পেড়া পঁৗহড়ৗ ক তেহে দ সানাম কগে অনে এgয় আক হা আক নুকু কঠেন লাজ হাসাে বহঃ হাসাে ক বাড়ে আলগে সিরজৗও কঃ ভিড়ীও কঃ মা সাই নায় বাড়ে নাপায় বাড়ে গঁসাই —।
বঁগা বাড়া কাতে অনা হাঁন্ডি ফুড়ুঃ অতরে আদয় দড়-মা। অনা তায়ম আর ফুড়ুঃ এ্য আতাং আ। অনা ফুড়ুঃ রেহঁ উনি কুটীম জাঁওআয় গে উনদ বড় হাঁডিয় আঁড়তিয়া। উন অক্ত অনা ফুড়ুঃ রেনাঃ দ চডর হুয়ুঃ আ পুরুধুল ক ঞতুম তে, উন অক্ত রেনাঃ বাঁখেড় -
জহার গঁসাই অগিলপুরুধুল ক, মা এনখান তেলনাহান এগুতুম তে সেয়া দাকা সেয়া মৗডি লে এম আপে কান চাল আপে কান গঁসাই , সুকতে সাঁওয়ার তে অনাদ চেরেচ হাঁটিচেপেজ কাঃ পে বাড়ে গঁসাই। লা হাসাে বহঃ হাসাে কদ আল বাড়ে সিরজৗও কঃ ভিড়ৗও কঃ সাই নায় বাড়ে নাপায় বাড়ে গঁসাই।

অনা ফুড়ুঃ রেনাঃ হঁ চডর কাতে আদ ফুড়ুঃ তেৎ দ অরেয় দড়মা। অনা তায়ম আর মিষ্টাং ফুড়ুঃ রে বডহাঁন্ডি আতাং কাতে গজ আকান স আকানে ঞতুম তেয় চডরা, উন অক্ত রেনাঃ বাঁখেড়
মা এনখান গত্ আকান সজ আকানি তেলনাহান তুম্ তে সেয়া দাকা সেয়া মৗডি আম হলে এ আম্ কান চান্ আহ্ কান বাড়ে
সুক তে সাঁওয়ার তে সুজ কাঃ সিডু কাঃ মে, নায় বাড়ে নাপায় গে বাড়ে- । নৗই পারম গাড়া পারম পেড়া পঁৗহড়ৗ ক হে আকান অনে সেটের আকান ক, উনকু কই তেহে দ সুজ আক সিডু আক জাঁহানাঃ অবৗড়তি তবৗড়তি কদ— আ-ল বাড়ে সিরজৗও কঃ ভিড়ৗও কঃ মা নায় বাড়ে নাপায় গে বাড়ে ।
অনা ফুড়ুঃ হঁ আদ অরে দড়ম্ কাতে হাঁড়ি আর বেরে দাঃতে পে ধাও বেড়হাও এসেৎ কাতে আদ গঁডাঃ হুয়ুঃ আ। অনা খানগে সানাম লেকানাঃ কৗমিক আদ মেটাঃ আ। পোড সিম্ দ অড়াঃ ভিতরি রে সােড়ে- হুয়ুঃ আ। ভিতৗর অড়াঃ রে গা বাড়া কাতে (ইনৗ হিলঃ রেন বঁগা কদ মারাং বুরু, পুরুধুল আর গআকান স আকানি গে), জাঁহায়-এ্য কমিয়েৎ কান আর কুটীম জাঁওআয় সাঁওতে বংশ রিন জাঁহায় ক উপৗস তে মেনাঃ আন কওয়া অনাদ উনকু ক-ক জমা। কুটীম জাওরা আকান সিম কদ আদ র-পােটোর লৗগিৎ তেদ অনে আতাে হড় কগে-ক ছুটৗঃ আ। সিম ক-কর-পপাটোর গেৎ কাতে আদ কভৗ হাঁটি কওয়া। হুডৗ দ অকালেকা হাঁটিঃ-আ অনাকদ অনে লাহাসেৎ রেগে অল্ আকাৎ-আ ।

(তেলনাহান উমঃ রে, গজ গুর আকান অড়াঃরেন হড়ক তােপােন অক্ত মারে লুগড়ি কদ ঘাট রেগে ক বৗগি হটয়াঃ-আ। অড়াঃ করেনাঃ মারে টুকু আর চেলাং কই এনহিলঃ দক গিডি কাঃ আ।)

Post a Comment

0 Comments