সাওতাল সমাজ রে ভাঁডান রেনাঃ কামিহরা ক | বালা মেরম কুটাম রেনাঃ কামি ক | সিম কুটাম রেনাঃ কামি ক |
গজ গুর আকান হড় ইদি কাতে ছুঁত ফেড়াও লেকানাঃ নওয়া দমুচৗৎ উতৗর রেনাঃ কৗমি কানা । উনিয়াঃ অনে অনা কৗমি তালাতে হড় কদমে ক জম ঞ হচ কওয়া। নওয়া কৗমি তায়ম অনা মিদ টাং গজ গুর আকান এ্য হড়াঃ জিওয়ী উমুল অনে পিড়হি পিড়হি পে পিড়হি রেন বঁগা বুরু কসাঁও – মেসা উতৗরঃ আ। নওয়া তায়ম গে উনি দ আদ গঁসাই মেনতে ক ম হালাং এয়া। নেডা মাহা হিলঃদনই পারম গাড়া পারম পেড়া চেতান পেড়া ক নেওতা সেটের কওয়া। পেড়া কই সিম্ বুসৗঃ, হাঁডি টুকু আর ঘাট রাকাব বাখরাতে লুড়ি ক সঁগে কাতেৎ অঁডে ক সেটেরঃ আ। বালা পেড়া কদ ভৗরয়ৗ হাঁড়ি আর মেরম্ তিয়ৗঃকাতে ক সেটেরঃ আনংকা কাতে গেক সিরজৗও -আ খেরওয়াল হড় কওয়াঃ ভাঁডান কৗমি হরাদ।
খেরওয়াল হড় কদ নাপিত, ধুবি বাংখান ছুঁত মুকুত খনদ বাংক রাড়া দোঃ দাড়েয়াঃ আ। অনে আদ নওয়া অক্ত রেহঁ নাপিত ধুবি দক বানিজ আগু কিনা-অনা বাখরাতে হুডিঞ মাছা নাসেনাঃ মিৎটাং থুতি; দুখৗলী রীড় কৗমি এতহব
এ বাবা মাঝি বাবা
এ বাবা গােডেত বাবা
এ বাবা আতাে মড়ে হড়।
এ বাবা আলেয়াঃ দ
বহঃ পেরেচ তরচ মেনাঃ
লুতুর পেরেচ মায়াম মেনাঃ।
এ বাবা মাঝি বাবা
এ বাবা গােডেত বাবা
এ বাবা আতাে মড়ে হড়।
এ বাবা মাসে বাড়ে লৗইয়ালেপে আলেদ,
চেকাতে অকারেলে সিধ-সুচিঃআ ??
সীকৗর দিশম চালাঃ পেসে হয় হাড়াম আগুয়েপে,
বারহা দিশম চালাঃ পেসে
ধীই বুডহি অঁডেখন বানিজ আগুয়েপে;
উনকিনাতে সরবনাখা ঘাট রেদ সিধ-সুচিঃপে৷৷
কড়া পাহটা নাপিত্ সঁগে কাতে পেয়া ফুড়ুঃ রে সুনুম (মিষ্টাং দ নৗপিত গে এসকার, দসারাঃ দ আতাে হড় আর তেসারাঃ দ দুক আকান অড়াঃ রেন সে বংশ রেন হড় ক লৗগিৎ), পেয়া ফডুঃ রে জাটাং হাসা, পেয়া ফুড়ুঃ রে কাড়ে, পেয়া দীতৗনি সাঁওতে মড়ে তুরুয় গটাং সারজ সাকা সা সৗন্ কাতে তােপােন ঘাট তেক উড়ুক চালাঃ আ । ঘাট রে সেটের কাতে নাপিত ঠেন বহঃ উহ্ ক হ-য় ফারচাঃ আ, তি জাঁগা রেনাঃ রামা ক-ক গেৎ ফারচাঃ আ। আদ অনে বংশ রেন হড় ক অঁডেগেক হুতুম দৗতৗনিঃ আ। অনা তায় বংশ রিনি যাঁহায় আতে কৗমিঃ কানা, উনিদ তােপাে রাকাব কাতে লহ লুগড়ি তে অনে ঘাট খন রাকাবঃ ঠেন বঁগা থান্ এ্য বেনাওয়া। অনা থান্ সেৎ সামাং কাতে দাঃ রেগে বঁগাঃ এ্যা দুডুপ আ। অনা থান্ সামাং রে পেয়া সারজাম্ সাকা থারে থার এ্যা দহয়া, আর মিমিটাং সাকাম রে দৗতৗনি, কাড়ে আর জাটাং হাসায় দহয়া। লাহা রেনাঃ দমারাংবুরু এতুম তে, দসারাঃ দ পুরুধুল ক এতুম তে আর তেসারাঃ দ গ আকান স আকানে হড় এতুম তে। অনা তায়জাটাং হাসা আর কাড়ে সিপি মিকাতে পুব সেৎ সামাং কাতে অঁডেগে ইকডুম্ কাতে বঁগায় এতহব আ (ইকডুম দ বঁগাঃ করে অকা লেকা ক ইকডুমঃ আ-অনকা।) লাহা দ মারাং বুরু এতুম তে জজ (এতম) তি তে, উন অক্ত রেনাঃ বাঁখেড় ;
“জহার গঁসাই মারাং বুরু মা এনখান
নঃ অয় ভাঁড়ান তুম তেলে
উমঃ কান নাড়কাঃ কান গঁসাই,
উনি গ আকান, সচ্ আকানে
হড়াঃ বহঃ পেরেতর আর...
লুতুর পেরে মায়া তাঁহে কান তায়া।
পৗহিল রে অনা দ আম গেম্ সিরজৗও আকাৎ,
তেহেঞ নওয়া তােপােন ঘাট রে উনি দ
উম্ কেদেয়ালে, নাড়কা কেদেয়ালে গঁসাই,
আর আলে কহঁ সানাম কগে অনা তুম তে
উতালা নাড়াকা তালায়েনা— লে গঁসাই।
আম বাড়ে মা উকঃ নাড়কা কঃ মে গঁসাই,
নায় বাড়ে নাপায় বাড়ে সাই.......... ।”
অনা তায়ম উনকু পুরুধু ক তুমতে কাড়ে হাসায় আঁড়গােয়া। উন অক্ত রেনাঃ বাঁখেড়
“জহার গঁসাই পুরুধু কমা এনখান
নঃ-অয় ভাঁডান ঞতুম্ তেলে
উমঃ কান নাড়কাঃ কান গঁসাই,
উনি গম্ আকান সচ্ আকানে হড়াঃ
বহঃ পেরে তর আর লুতুর পেরে মায়া
নওয়া তােপােন ঘাট রে উম্ কে আলে
নাড়কা কে তায়া লে সাই..
আর আলে কই অনা এতুম্ তেলে
উম্ ফারচা নাড়কা ফারচায় এনালে।
মা বাড়ে আপে কহ উম ফারচা
নাড়কা ফারচা কাপে গঁসাই
নায় বাড়ে - নাপায় বাড়ে গসাই.. .।”
অনা তায়ম সেঁগা (কঁয়ে) তি তে, উনি গম্ আকান সচ্ আকানে তুম্ তে কাড়ে হাসায় আঁড়গােয়া। উন অক্ত রেনাঃ বাঁখেড়;—
“মা নঃ অয় যাঁহায় এম গচ্ আকান সচ্ আকান,
তেহে দ আমাঃ ভাঁড়ান তুম্ তে
আলে সানা কলে উম্ নাড়কাঃ কানা।
তেহেঞ দ আম আমাঃ বহঃ পেরেচ তরচ,
আর লুতুর পেরেচ মায়াম্ বাং দহ কাতে,
উম ফারচা নাঙ্কা ফারচা কঃ মে বাড়ে
নায় বাড়ে -নাপায় গে বাড়ে ................।”
বঁগা হুয় লেনখান অকাটাঃ অকা তি তেয় বঁগা আকাৎ আ, অনা তি তেগে দৗতৗনি কাডে রৗপুৎ কাতে, সাকাম মেসা অনাকদ দাঃ রেয় বােহেল গিডি কাঃ আ । অনা তায়ম সানাম হড় ক কাড়ে আর নাড়কা হাসা তে বহঃ ক নাড়কাঃ তে উম্ রাকা কাতে সুনুম কক অজগ তে ঘুটু রেক রাকাব জাওরাঃ আ। হেজ সেটের কঃ পেড়া কদ হানে তেলনাহান অক্ত লেকা উনহঁ দুক আকান হড় ক অনে তারেন রে লুগড়ি লাদে কাতে ঘা খন ক অর রাকাব কওয়া। ডাঁডারে ডরা আরাও কাতে হঁক অর্ রাকাব কগয়া। পেড়া পঁৗহড়ৗ ক ঘাটু রে রাকা অক্ত বাংক সেটের দাড়েয়াঃ খান, অনা ঘাট রাকা কৗমি দ অড়াঃ রে থৗরি দারে তিঁগু হম্ কাতে, অনা খনই অরূ রাকা দ গানঃ গেয়া। তােপােন ঘাট রে অনাকসৗন্ এনখান, সানাম কগে আদ ক ড জহার আকওয়া। অনা তায়ম সানাম কতে পে ধাও “হরিবােল” মেন্ কাতে অড়াঃ সেৎ আদ ক মহ-ডাঃ আ।
তিরলৗ পাহটা অনকাগে উম্ ফারচা বাড়া কাতে ক রুওয়ৗড় হেজ লেনখান, অড়াঃ রে রুম্ ডাকাও কৗমিক আদ-ক সিরজৗও আ ।
রুম্ ডাকাও কৗমি — অড়াঃ রে সানাম কক হেজ সেটের লেনখান বাবা হড় রুমঃ লৗগিৎতে আদ-ক দুডুব কিনা। অড়াঃ ভিতরি রে মিঠেন গামছা কআটে তে পুব সেৎ সামাং কাতে ক দুডু হ-চ কিনা। অকিন সামাং সেৎ রে বংশ রিনি মারাং কড়া সে জাঁহায় গেমি হড় মিষ্টাং পাই রে আদওয়া চাওলে মিলটা দাঃ বারয়া হাটাঃ সাঁওতে মি বাঁটি হাঁন্ডি আর মি বাটি দাঃ আতে বঁগাঃ লেকায় দুডু আ । আদ রুমঃ লৗগিৎ কিন তেয়ার আকান উনকিন-দ বানা হড়গে তিরে হাটাঃ এ্য চাল আঁকিনা। উনকিন ভিতরি রে মিষ্টাং দ মারাংবুরু আর মিহড় দ গ হড় তুতে রুমঃ আয়। পাতে তে দুডু রে গম্ হড় দ মারাং বুরু-আঃ লেগা তি সেৎ রেগে তাঁহেনায়। অনা তায়ম উনকিন কিন সেপেঞ আকাৎ হাটাঃ রে পে ধাও কাতে আদওয়া চাও লে (যাহায় হহ হুয়ুঃ কানা উনকিন তুমতে) চুরুজ হুয়ুঃ আ । ইনৗ তায়ম রুমঃ কিন হড়দ অনা আদওয়া চাওলেদ হাটাঃ রে এতম খনাঃ কঁয়ে সেৎ তেকিন ঘাসাও অচুরা। সানাম কতে উন আদক বাঁখেড়া —
মা এনখান মারাং দেওরা
অনা সাঁওতে গম্ আকান সম্ আকানি
তেহেঞ দ নওয়া তালা অড়াঃ রে
বুরু মাৎ মাহলে হাটাঃ রে
খােদে জাং চাওঁলে জাং তেলে
হাকরাওয়েৎ ডাকরাওয়েৎ বিন সাই
মা গঁসাই এনখান আদ বাং বিলম্ কাতে
ধিনু গীই ধিনুওয়ৗরী গৗই লেকা
অটাং হিজুঃ রিগৗও হিজুঃ বিন গঁসাই।
আদ উনকিন রুম কান কিন্হড়াঃ হড়-ম রে মিহড় ঠেন মারাংবুরু আর মি হড় ঠেন গম্ হড়ে চাপাড়ঃ আ। চাপাড়ঃ সাঁও সাঁওতে মারাং বুরু দয় হুসসৗ-হাঃ গৎ কাঃ আ। ইনখান গে উনি সামাং সেৎ রে দুডুব আকানে হড় দ মারাং বুরু দাবি রে আর বহঃ রেয় চাপাে আয়া (অনা তেখান আদ উনিদ বাং-এ ফিড়য়ৗঃ ফিড়য়ৗগঃআ)। গ হড় পাহটা তে অকয় এ্যা রুমঃ আ উনিদ হড়-ম রে চাপিড় কাতে হঁ মচা খন রড় দ বাং উড়ুকঃ তায়া। উনরে উনি দ মেহা আক্কাতে হড়ম রে দাঃ ইরচিয়ায় খান গে উনিহঁয় সসৗ-হাঃ গৎ কাঃ আ। ইনৗ তায়ম অড়াঃ রেন হড় সে আতাে করেন হড় ক সানাম কগে আদ উনি সাঁও সানামাঃ ক গালমারাও আ। বগে বৗড়ি কাথা কক কুলিয়েয়া। উনরে আরহঁ আজাঃ যাঁহানাঃ বেঁগে রাবাং কমেনাঃ তায় খান কয় জং লৗগিৎ ক মেয়া। উনি গম্ হড় হঁ উনরে অকয় গেয় কুশি আয়া উনি তুম কাতে লই গদায়, ‘দেন ফারনা দাঃইমৗঞ মে”। ইনখান গে ফুড়ুঃ রে দাঃ ক এমায়া, অনা ফুড়ুঃ রেনাঃ দাঃ এ্যা ঞয়-তে আদ ফুড়ুঃ দয় দহ গিডি কাঃ আ। ইনৗ তায়ম আর মিটাং ফুড়ুঃ ক চাল আয়া। অনা রেদ বডচ হাঁন্ডি ক এমায়া আর অনা হয় ঞ গৎ কাঃ আ। মিৎ-মিতে অকয় কঠেন অনকা হাতাও মনে মেনাঃ আন তায়া জত হড় ঠেন এ্য কয় পুরীওয়া । উনিয়াঃ অনা হুয় এনখান আদ মারাং বুরু ক মেতায় “মা গঁসাই নঃ-অয়লে কৗমিয়েৎ কান নওয়া দ আম গেলে সাঁওহায় মে। আম গেত অৗয়ুরি, বােগে বৗড়িচ দ আমগে এেল সঝেয় মে গঁসাই”। মারাং বুরু হঁ হুঁস-সৗ-হাঃ লৗই কাতে মেন গদায় “হেঁ সানামাঃ গে নাপায়া”। আদ মারাং বুরু হঁ মি ফুড়ুঃ তাং হাঁন্ডি ক এমায়া। ইনৗ কাতে গে আদ বানা হড় ক মেতা কিনা “মা গঁসাই আদ অগাস কঃ বিন, সাদ চাত হঁ ক লাগা গেয়া”। অনা লৗই লেখান গে উনকিন দ আদ হাটাঃ রে তি কিন আতাং আ। অনা কিন আতাং আকাৎ তিরে আদ সামাং সেরেয় দুডুব আকান উনি হড় দ বার তি তে হাটাঃ খনাঃ চাওলে রাকাব কাতে অকিনাঃ আতাং রে পে ধাও আরহঁয় চুরুজ আঁকিনা। চুরুজ অকিন খানগে উনরে অকিনাঃ আতাং আকাৎ কিন চাওলে ঠেন আঁকিনাঃ মেহা কিন জোবােং গৎ কাঃ তে হাটাঃ মেসাগে অতরেকিন তােবােং সুমৗনঃ আ। সুমৗন লেনখান গেকিন হাটাঃ রেনাঃ চাওলে তেগে মেহা হটঃআর হড়ম করে কিন ঘাসাও মাজাঃ তেহাটাঃ রেগে কি কটা ফারচাঃ আ। উনকিন রুমঃ কি হড়অঁডে খন কিন বেরেৎ লেনখান গেনাপায় অকম্ তে অনা কদআদক সামটাও আ।
সিম্ কুটীম — নওয়া অক্ত রেহঁ তালা রাচা রে গুরি কাতে অঁডে মিষ্টাং পাতড়া রে মি পাতড়া চাওলে ক দহয়া । মিষ্টাং বাটি রে তাং হাঁডি আর মিষ্টাং বাটি রে বড় হাঁডি ক আঁৗগুয়া। মিটাং জাঁওআয় হড় টাঁগা আতে সাের রেক দুডু এয়া। উনি দক মেতায় কানা কুটীম জাঁ ওআয়”। লাহা দ অনা পাতড়া চাওলে রে তাং হাঁডি উনি জাঁওআয় হড় এ্য দুলা। অনা তায়ম যাঁহায় এ্য কমিয়েৎ কানা, উনি মিষ্টাং পোঁড সিম্ অনা পাতড়া চাওলে রেয় আতিঞেয়া। উনি দ উনদয় অতিঃ-আ মারাং বুরু ঞতুম তে।
উন অক্ত সানাম কতে ক বাঁখেড়া;—
জহার গসাই মারাং বুরু মা এনখান
নঃ অয় ভাঁড়ান তুম তেলে..
এম্ আহ্ কান চা আম্ কান গঁসাই,
সুকতে সাঁওয়ার তে আতাং কাঃ তেলা কাঃ গঁসাই,
নায় বাড়ে নাপায় বাড়ে —গঁসাই।
নঃ অয় এনখান নাই পারম গাড়া পারম খন,
পেড়া পাহড কক হেজ আকান সেটের আকান গঁসাই,
উনকুক অনেক জম্-আক-এয়-আক– উনকু কঠেন
লা হাসাে বহঃ হাসাে আলগে বাড়ে
সিরজৗও হচয় ভিড়ীও হচয়া গঁসাই,
নায় বাড়ে— নাপায় বাড়ে গঁসাই।
উনি সিম এ্য অতি লেখান গে, আদ উনি কুটীম জাঁওআয়-ককুটীম হচয়েতে উনিয়াঃ মায়াম-দ অনা পাতড়া চাওলে রেক জর হচয়া। ইনৗ তায়ম পুরুধুল কঞতুম তে মিষ্টাংসিম আতিঞে হুয়ুঃ আ । উন দ অনা-পাতড়া চাওলে রে বড় হাঁডি কদুলা আর উনি সিম-ক অতিঞেয়া।
উনরে উনি সিম অতি অক্ত ক বাঁখেড়া —
জহার গঁসাই আগিল পুরুধু ক মা এনখান
নঃ অয় ভাঁডান ঞতুম তেলে
এম আপে কান চাল আপে কান গঁসাই,
সুকতে সাঁওয়ার তে আতাং কাঃ তেলা কাঃ সাই
নায় বাড়ে — নাপায় বাড়ে গঁসাই ।
নঃ অয় তেহেঞ দ নাই পারম গাড়া পারম খন
হেজ আকান সেটের আকান পেড়া পঁৗহউৗ ক ,
উনকু ক তেহেঞ-দ জম-আক এয়-আক
উনকু মুরে লা হাসাে বহঃ হাসাে ক ,
আল বাড়ে সিরজৗও কঃ ভিড়ীও কঃ মা সাই
নায় বাড়ে - নাপায় বাড়ে গসাই।
উনি সিম এ্য অতি লেখান গে আদ উনি কুটীম জাঁওআয় দ উনি সিম আঃ বহঃ এ্যা কুটৗম গৎ কাঃ আ। আর উনি সিম-আঃ মায়া হঁ অনা পাতড়া চাওলে রেক জর হচয়া। ইনৗ তায়ম আর মিষ্টাংসিম ক সামাং এয়া অনা পাতড়া চাওলে ঠেন গে। বাড়ায় রে তাঁহেন মা তিন ধাও সিম অতিঞ ঞ হুয়ুঃ আ উন ধাও গে পাতড়া চাওলে রে ফুড়ুঃ তে হাঁন্ডি দাঃ দ দুলাঃ হুয়ুঃ আ। পুরুধুল ক এমঃ তায়ম যাঁহায় সিম সামাং এ্য হুয়ুঃ আ উনি দ গম্ আকান সচ্ আকানে হড় তুমতে। উন অক্ত রেক বাঁখেড়া—
“মা এনখান গম্ আকান সচ্ আকানি তেহেঞ দ
ভাঁড়ান তুম তেলে এম আম কান চাল আম কান,
সুকতে সাঁওয়ারতে আতাং কাঃ তেলা কাঃ
নায় বাড়ে — নাপায়গে বাড়ে গসাই
তেহে দ অনে নাই পারম্ গাড়া পারম্ খন
পেড়া পঁৗহড়ী কক হেজ আকান সেটের আকান,
তেহে দ উনকু কক জম- আকঞয়- আক
উনকু কঠেন লা হাসাে বহঃ হাসাে
আল বাড়েম সিরজৗও হচয়- ভিড়ীও হচয়াঃ-আ,
নায় বাড়ে — নাপায়গে বাড়ে, ................."
অনা তায়ম হেজ সেটের আকান উনকু পেড়া পঁৗহড়ৗ করেন অগু আকাৎ ক সিম বুসৗঃ ক-ক কুটীম্ কওয়া। উনকু সিম বুসৗঃ দ ঝতম্ গে উনি গচু আকান সম্ আকানে তুম তেগে ক কুটীমঃ আ।উন অক্ত রেনাঃ বাঁখেড় —
“মা এনখান গম্ আকান সচ্ আকানি
তেহেঞ দনঃ অয় ভাঁড়ান তুম তে
ফারনায় এম আম কান, চাল আম কান।
সুকতে সাঁওয়ার তে আতাং কাঃ তেলা কাঃ
নায় বাড়ে – নাপায়গে বাড়ে
[নওয়া তায়ম দ গ আকান সচ্ আকানঠেন অকা লেকা বাঁখেড় আকানা, অনকাগে অনে মুচৗৎ সেৎ আদ বাঁখেড়াঃ হুয়ুঃ আ।]
; সিম ক-ক কুটীম্ হুয় এনখান আদ নাওয়া লেকাতে আর মিবৗটি তাং মি বৗটি বডচ হাঁডিক উড়ুক আগুয়া। যাঁহায় এ্য কমিয়েৎ কান, উনিদ হাঁডিফুড়ুঃ বার তিতেয় আতাং আ। কুটৗ জাঁওআয় দমিষ্টাং ফুড়ুঃ তে তাং হাঁডি খন লোে রাকা কাতে উনি আতং আকাৎ ঞ - অনা ফুড়ুঃ রেয় দুলা। অনা দ মারাং বুরু ঞতুম্ তেয় বঁগায়া। উন অক্ত রেনাঃ বাঁখেড়—
জহার গসাই মারাং বুরু মা এনখান
ভাঁড়ান তুম তে ঝার দাঃ তাপান দাঃ লে
এম আন কান চাল আম কান গঁসাই,
সুকতে সাঁওয়ার তে আতাং কাঃ তেলা কাঃ গঁসাই,
নায় বাড়ে – নাপায় বাড়ে এঁসাই ।
মা গঁসাই সাের সাঁগি পেড়া পৗহড়ৗ ক
হে আকান অনে সেটের আকান ক......
তেহেঞ দ সানাম কগে এয়-আক হাবু-আক
উনকু কঠেন লা হাসাে বহঃ হাসাে ক বাড়ে
আলগে সিরজৗও কঃ ভিড়ীও কঃ মা গঁসাই,
নায় বাড়ে — নাপায় বাড়ে গসাই
বঁগা বাড়া কাতেগে অনা হাঁডি ফুড়ুঃ দ অরেয় দড়মা। অনা তায়ম আরই ফুড়ুঃ এ্যা আতাং আ। অনা ফুড়ুঃ রেহঁ উনি কুটীম্ জাঁওআয় গে উনদ বড হাঁডিয় আঁৗড়তিয়া। উন অক্ত অনা ফুড়ুঃ রেনাঃ দ চডর হুয়ুঃ আ উনকু পরুধুল কঃ ঞূতুম তে, উক্তরেনাঃ বাখেড় —
জহার ‘সাই অগিল পুরুধুল ক মা এনখান
ভাঁড়ান এগুতুম তে সেয়া দাকা সেয়া মৗডি লে
এম আপে কান চাল আপে কান গসাই..
সুকতে সাঁওয়ার তে অনাদ চেরে হাঁটি
চেপে হাঁটি কাঃ পে গসাই
নায় বাড়ে নাপায় বাড়ে এঁসাই।
মা গসাই এনখান লা হাসাে বহঃ হাসাে ক-দ
আল বাড়ে সিরজৗও কঃ ভিড়ৗও কমা গসাই
নায় বাড়ে— নাপায় বাড়ে গসাই....।
অনা ফুড়ুঃ রেনাঃ ই চডর কাতে আদ ফুড়ুঃ তেৎ দ অরেয় দড়মা। অনা।
তায়ম আর মিষ্টাং ফুড়ুঃ রে বডচ হাঁডি আতাং কাতে গচ আকান ঞূতুম তেয় চডরা, উন অক্ত রেনাঃ বাঁখেড় —
মা এনখান গম্ আকান সম্ আকানি তেহে দ
ভাঁডান ঞতুম তে সেয়া দাকা সেয়া মৗডি
আম হলে এম আম কান চাল আম কান বাড়ে,
সুকতে সাঁওয়ারতে অনা-দ সুচ কাঃ সিডুব কাঃ মে,
নায় বাড়ে নাপায় গে বাড়ে।
নৗই পারম গাড়া পারম পেড়া পহড়ৗ ক
তেহে দ অনে হেজ আকান ক সেটের আকান ক,
উনকু কই তেহেঞ-দ সু-আক সিডু-আক
যাঁহানাঃ অ-বৗড়তি ত-বৗড়তি কদ
আল বাড়ে অনে সিরজীও কঃ ভিড়ৗও কঃ মা,
নায় বাড়ে – নাপায় গে বাড়ে।
অনা ফুড়ুঃ হঁ আদ অরে দড়ম কাতে হাঁন্ডি আর বেরেল দাঃতে পে ধাও বেড়হাও এসেৎকাতে আদ গঁডাঃ হুয়ুঃ আ। নিয়ৗ খানগে সিম্ কুটৗ বাখরাতে কৗমি কদ আদ চিকৗড়ঃ আ -।
[ ভাঁডান উমঃ রে, গম্ গুর আকান অড়াঃ রেন হড়-ক হানে তেলনাহান হিলঃ লেকাগে তােপােন অক্ত মারে লুগড়ি কদ ঘাট রেগে কবৗগি হটওয়াঃ আ, আর অড়াঃ করেনাঃ মারে টুকু চেলাং কহঁক গিডি কাঃ আ ]
বালা মেরম কুটীম — মি বৗটি ঝর হাঁন্ডি আর মি বৗটি কাতে মিষ্টাং পোঁড় সিম আর উনি মেরম কইদিয়েয়া তালা কুলহি তে। অনা কুলহি রে মি ঠেন গুরি ফারচা কাতে মিষ্টাং পে কঁড় পাতড়া রে পোঁড় সিম পােন কঁড় পাতড়া রে বালা মেরম ক আতিঞেয়া। পাতড়া চাওলে কিনরে, মারাং রেদ তাংহাঁন্ডি আর গহড়াঃ ঞতুমাঃ রেদ বডহাঁন্ডিক দুলাঃ আ । মারাংবুরু ঞতুম তে পে কঁড় পাতড়া রে পোঁড় সিম ক অতি- অক্ত রেনাঃ বাঁখেড় —
জহার ‘সাই মারাং বুরু -
মা এনখান নঃ অয় ভাঁড়ান এতুম তে
নুই গচ আকান স আকানি বালাৎ তে,
তেহে দ নওয়া তালা কুলহি দ-বৗটিরে
সানাম ক সামাং রে বালা মেরম এ্যা কুটীমায় কানা।।
আম ই বাড়ে নওয়া দলে সঝে –
এেল সাহাও কাঃ মে গসাই।
নায় বাড়ে নাপায় বাড়ে গঁসাই।”
(নওয়া কৗমিদ দ-বৗটি রেই ক কৗমিয় গেয়া)।
অনা তায়ম পােন কোঁড় পাতড়া রে গচ্ আকান সচ্ আকানি তুম তে উনি মেরম আদ ক আতিঞ অক্ত রেনাঃ বাঁখেড় —
মা এনখান গচ আকান সচ আকানি
তেহেএ দ ন অয় ভাঁড়ান এতুম তে,
নওয়া তালা কুলহি রে (দ-বৗটিরে) বালাম তাম এ্যা।
এম আমান চাল আম কান বাড়ে
সুকতে সাঁওয়ার তে অনাদ আতাং কাঃ তেলা কাঃ মে
নাম বাড়ে – নাপায়গে বাড়ে।
মা এনখান নাই পারম গাড়া পারম
পেড়া পৗহড়ৗ কক হে আকান সেটের আকান,
তেহে দ উনকু কই ক জম- আক এয়- আক
উনকুমুদূরে লা হাসসা বহঃ হাসাে
আল বাড়ে সিরজৗও কঃ ভিড়ীও কঃ
নায় বাড়ে নাপায় গে বাড়ে,
মা এনখান তেহে খন আমই পিড়হি পিড়হি,
পে পিড়হি বগা বুরুক সাঁও মেসা কঃ মে বাড়ে।”
|
অতিঞ বাড়া কাতে, সিম মেরম বানার ক কুটীম কিনতে পাড়া চাওলে রে মায়াম্ ক জরয়া। তাং হাঁডি আর বড় হাঁডিক চডরা । বঁগা থান দ, হাঁডি আর বেরে দাঃ অনা কিতে পে ধাও তে বেড়হাও এসেৎকাতে আদ ক ডাঃ আ । লাহা দ হাঁডি তে এতম সেৎ খন কঁয়ে সেৎ অনা তায়ম বেরে দাঃতে অনাহ এত খন কঁয়ে তেক বেড়হাও অচুরা। ভাডানরে বালা মেরম চল এন রেনাঃ মিটাং থুতি :—
পাহিল অনে মিৎ হড়ি বালাৎ তেএ দাঃ দড়ম্ লেন তাহেৎ কানা। খানদ উনিয়াঃ অনা গচ্ গুর বাখরা তেঅনে সান্তাড় সেরওয়ারে মেনাঃআন নেয়াম লেকাতে সানাম লেকানাঃ কামি কক চিকৗড় ইদিয়ে কান মুচৗৎরে অনে ভডান কামিক চিকৗড় এৎ কান তাহে| আদ এন্তেৎ উনরে অনে পেড়া পঁৗহড়ী সানাম কগেক নেওতায়েৎ ক কান তাহেৎ। অনকাগে আদ বালাতে তাকিন হঁক নেওতা কে কিনা।
উনি বালাৎ তেৎ রেন দ বুড়কি আর ছুটকি বারয়া এরা কিন তাহে কান তায়া। আদ-খান বুড়কি এরাদ অনে ছুটকিয়াতেগে উনি আজিজ জাঁওয়ায় তেৎ দ অনা ভঁড়ান অড়াঃতে চালাঃ-এ মেতা দেয়া। ছুটকি-দ উনরে অনা কাথায় আজম কে রেদ উনিমা আডি আঁঝাটরে এরেন লেকায় আইকৗও কে আ। চেদাঃ সে ভঁড়ান অড়াতে চালাও লেনখান অঁডেমা রাঃ হুয়ুঃ আ। আর উনিমা রাঃক বাংএ বাড়ায়া, অকা লেকাগে বাংএ রাগা অনাহঁ বাংএ বাডায়া। অনাতে উনরে উনিদ বুড়কিঠেনে চালাওয়েনা; কাতেয় মেতায় কানা— “এ দিদি ইঞমা রাঃ ক বাং ইঞ বাড়ায় দ, খান চেৎ লেকাতে ইঞদুঞ সেন গড়আয়া?” উনরে বুড়কি এরা আদয় মেন কে আয়, “এ মাই আমদ চালাঃ হররে অকা কগেম ঞেল ঞামা-সে ঞেল ঞাম কওয়া, অনা কগে রাঃ হালাংআঃ মে;এনখানগে গানঃআ।”আদখান ছুটকিই অনে বুড়কিয়াঃ অনা কথায় আঁজম কেৎখান ভাডান অড়াঃতে চালাঃ লাগিৎ এ রেবেন এনা।
ভঁড়ান অড়াঃতে ভাডান কামিরে সেলেদঃ লাগিৎতে ছুটকিয়ানতে গুর আকানে হড়ি বালাৎ হেরেল দ চালাঃ কানায়। ইনকৗতেগে আদ উনকিন দ অনে বালাৎ তেআঃ আততা কিন সেটের কে আ। আদ সেটের কাতে অনে আতােকিন বলন কান রেগে ছুটকিমা আদ রাঃ হােয়ােঃ তায়া। এনখান দ চেৎকয় রাঃ হালাংআ আঃ বাং এ ঠিক দাড়েয়াঃ কানা। উনরে উনিদ হান্তে নাতেয় কয় বাড়ায়েৎ কান রেদ লােয় ঝিগৗ নাড়ী, পুরাই নাড়ী ক অনে ঝান্টিরে তাওয়ের আকানা। খানগে মীর উনিদ অনাকগে আদয় রাঃ হালাংআ কানা;—
বালা কহাে বালা ক
শাকা কহাে শাকা ক
উইনাড়ী পুইনাড়ী—
ঝিগৗনাড়ী পাসি লাগাওয়েন,
বালা কহাে বালা ক
শাকা কহাে শাকা ক
উইনাড়ী পুইনাড়ী ঝিগানাড়ী
আলে দ ইনৗ বাড়ে উতুয়ালেপে।
অনকাগে রাঃ রাঃ তে ছাটকারে সেটের তরা মিঠেনে ঞেল ঞাম গৎ কেৎ আ, ঝাটা চেতানরে হতৎ নাড়ী; আর অনা নাড়ীরে বেজায় হত জ - আকানা। মৗর উনিদ অনাহঁ আদয় রাঃ হালাংআঃ দ —
বালা কহাে বালা ক
শাকা কহাে শাকা ক
লৗউ ঝৗউ পৗউ ঝৗউ
আলে দ ইনৗ বাড়ে উতুয়ালেপে।
খানগে অনে আদ অড়াঃ কিন বলন কান অনকান অক্তয় ঞেলেদ দুওয়ৗর ঠেন নে- মারাং উতৗর ইচ্ মিটাং মেরম বদা ক ত আকাদেয়া। মৗর আদ উনিহঁয় রাঃ হালাংআয় দ;
বালা কহাে বালা ক।
শাকা কহাে শাকা ক
হােদো হােদো গােচো তায়।
মেচের মেচের মচা তায়।
নুইগে হাে নুই গে হাে বালা দয় জম্ আকাদে
নুই মেরম বদা গেহাে
বালা দবন কুটীমায়া গাে।
উনরে সানাম কগে উনিয়াঃ রাঃ ক আঁজমঞাম কেআ। মৗর আদ উনি মেরম বদাগে আগু কাতে উনি বালাৎ তেতুমতে অঁড়ে আদ ক কুটীম কেদেয়া। অনে অনা হিলঃ খনগে ভাডানরে বালা মেরম কুটীম আদ চল্ এনা।
ভাঁড়ান রেনাঃ মুচৗৎ কৗমি দ হুয়ুঃ কানা, “ভাট বুসটুম” বিদৗয়। আততা গাঁওলা রে মড়ে গটাং হড় কহহ দুডুব কওয়া। উনকু দক মেতা ক কানা “সির রেহেৎ কারাম সাকাম ভাট বুসটুম্ ক। উনকু ভাটু বুসটুম্ ক মড়ে কঁড়া চাওলে রেয়াঃ মিদ টুকু হাঁডি, মড়ে পুঁগি তামাকুর, ফৗড়ি রেয়াঃ মড়ে কুটি জে, মড়ে গাঁট সাসাং, মি খালাঃ চাওলে আর মিদ ফুড়ঃ বুলুং এম কাতে উনকু ঠেন উনি দুক আকান হুক আকান হড়ে নারজঃ আ, “মা এনখান ভাট বুসটুম্ ক, বাবা তেহেঞ দনওয়া ক আতেগে তালা কুলহি তালা আখড়া রে বঁগা তালা, জম তালা আর তালাকৗঞতাবন পে।” এখান গে উনকু ভাট বুসটুম্ কদ হাঁডি টুকু গঃ কাতে আর অনে অকা কক এ কাওয়াৎ ক, অনা ক সাক্ কাতে তালা কুলহি তেক উডুক চালাঃ আ। তালা কুলহি রে সেন কাতে হাঁডিক তাং -আ আর মড়ে কুটি জেল ক লাৎ ইসিনা । উনরে অনা লাৎ জে দ মারাং বুরু এতুম তেক বঁগায়া। উন অক্ত রেনাঃ বাঁখেড় ;
জহার গঁসাই মারাং বুরু মা এনখান।
নঃ অয় ফৗড়ি রেনাঃ মড়ে কুটি জেল
লাৎ রাপাঃ কাতেলে এমাম কান চাল আম কান গসাই।
সুকতে সাঁওয়ারতে অনাদ আতাং কাঃ তেলা কাঃ গঁসাই,
নায় বাড়ে নাপায় বাড়ে গঁসাই ।
মা গঁসাই তেহেঞ দনুই দুক আকান হুক আকানি,
অনে মড়ে হড়, মড়ে কড়, মড়ে পেড়া তেলে ,
জম তালা, তালা, বগা তালা কেদেয়া সাই
তেহে খন দ বাড়েয় সিধূ কঃ সুচি কঃ মা গঁসাই।
নায় বাড়ে — নাপায় বাড়ে এঁসাই |
অনা তায়ম তাং হাঁন্ডি দ উনরে উনি মারাং বুরু এতুম তেগে ক চডরা । উন অক্ত রেনাঃ বাঁখেড় —,
জহার গসই মারাং বুরু
মা এনখান নঃ অয় ঝার দাঃ তাপান দাঃ
আলে জতভাট বুসটুম কতে লে,
এম আম কান চাল আম কান গঁসাই,
সুক তে সাঁওয়ার তে আতাং কাঃ তেলা কাঃ সাই
নায় বাড়ে-নাপায় বাড়ে গসাই।
জহার গসাইঅ-বাড়তে বাড়তে
আল বাড়ে কয় কাঃ আতাংকাঃ গঁসাই,
নায় বাড়ে-নাপায় বাড়ে গসাই।
মা গঁসাই তেহেঞ দনুই দুক আকান হুক আকানি,
মড়ে হড়, মড়ে কড়, মড়ে পেড়া তেলে-
জম্ তালা, এ তালা, বগা তালা কেদেয়ালে গাঁসাই।
তেহে খনদ নুই দ সিধ এনায় সুচি এনায় গসাই
নায় বাড়ে — নাপায় বাড়ে গসাই।
হাঁডি চডর বাড়া কাতে সানাম ভাট বুটুম্ ক হাঁডি ক ঞ কেৎ-আ আর জেল ক-ক জম্ কে আ। জম বাড়া কাতে দুক আকান হুক আকানি-আঃ অঃ সেৎ আদক মহড়ায়েনা। মহডাঃ লাহারে জতম্ ক মি সাঁওতে পে ধাও “হরিবােল” কলৗই কেৎ আ। তালা কুলহি খন রুওয়ৗড় সেন কাতে উনকু ভাট বুস্টুম কদ আদ উনি দুক আকান হুক আকানিহড়াঃ তালা রাচারে দুড়ুব কাতে ক জ ঞ হ-চ কওয়া। নাউ নীপিত কই কুড়াই এ কাতে আদ ক বিদায় কওয়া। অনা খানগে ভাঁডান কৗমি দ সিগিল এনা। অনা তায়ম দ আদ পেড়া পঁৗহড়ৗ ক জম্ এ হ-চ গে মারাং কৗমি দ কানা।
নংকাহঁ লে আকানা মিৎটাং বংশরেন হড়-ক যা গেক গচ্ জাওরা আকান রেদ, মেনাঃ আঁৗনকু অনা বঁশরেন হড়-ক আদ গালমারাও গটা কাতে আকরেন উনকু বিদৗড় আকান-ক সানাম-কগে মিৎ সাঁওতেক ভাড়ান কওয়া ।
0 Comments