সান্তাড় হড় ক, চিলি চিলি বঁগা বুরু কক মানাও বাতাও কওয়া আর উনকু বগা কদ চিলি চিলি দাঁড়ে সে চেৎ কতে ক বধাও কওয়া ? | Santali Arichali | Santali Dhorom | Santali Nagam | Santali Neyam Namachar | PART - 3

গসাই এরা  - নুই দ ধুড়ি (আদওয়া) সিঁদুর আর সিম বুসৗঃ তেগেক বধাও এয়া। তিন ধাও গে জাহের রে বগাঃ হুয়ুঃ আ, উন ধাও গেনুই দ এমঃ হুয়ুঃ আ । মেনখান। আরক বঁগা খন দ আজাঃ ঠাঁও দ এটাঃরে তাঁহেনা । জাহের টডি রেনাঃ মাম বুটীরে। নুইদয় তাঁহেনা।
বগা তালা আকান পুরুধূল ক নুকু দ সানামাঃ তেগে ক বধাওয়ঃ আ । যে লেকা লৗডু, খৗজৗড়ি, হাঁন্ডি অনা বেগর সিম মেরম হক কুটীম আক গেয়া । নুকু
তুম তে সিম মেরমাঃ মায়াম জর দ, উনকুওয়াঃ হটঃ বাং তপাঃ কাতে উনকুওয়াঃ বহঃ কুটীম কাতে মায়াম দ মু-মচা, লুতুর তে জর হচ হুয়ুঃ আ ।

কিসীড় বগা – নুকু বগা দ অকা লেকা তেক পৗরকৗও কওয়া অনকা লেকা তেগে ক বধাওয়ঃ আ । নুকু বঁগা দ “ধন কুঁদরী” হঁক মেতা কওয়া । কিসৗড় বঁগা ই অডিগান এতুমনকু মেনাঃআন কওয়া । নুকু কোমড়াে বগা কানা ক। নুকুদ রীয় বৗয়নী, লিলৗ, বুড়গৗ, কালসনা— এমান এমান তুমৗনকু মেনাঃ আন কওয়া । নুকুদ কড়াগা কুড়িগা যতম্ লেকান কগে মেনাঃ কওয়া।

মৗঝি বঁগা -  নুই হঁ সুনুম সিঁদুর আর সিম বুসৗঃ এম কাতে বধাও দ গানঃ আ। মেরম বদা ই এম দ গানঃ আ । বাড়ায় রে তাঁহেন মা পারগানা বঁগা আর পারানিক বগা হঁ অনে মৗঝি বগা লেকা গে অনকান দাঁড়েক আতেগে মান কিন হুয়ুঃ আ ।

সেঁদরা বগা – সিমৗ বঁগা হঁ সেঁদরা ইদি কাতেৎ ক বগা আয় গেয়া । উনি বেগর আরহঁ মিদটীং সেঁদরা বির বলন লাহা রেক বঁগা আয়া, উনিয়াঃ এতুম দ “টুসৗ”। আতাে মৗউজী রেনাঃ তালা টীন্ডিরে মেনাঃ সুতৗন টান্ডি রে উনিয়াঃ তাঁহেন ঠাঁও দ তায়। নুই দ হেঁদে সিম বুসৗঃ, বুল মায়াম আর সুডু তেহঁ ক বধাও এ গেয়া। সুকরি হঁনুই বধাও লৗগিৎ তেদ লাগাওদ গানঃ গেয়া ।নওয়া বেগরহঁ সেঁদরা বিররে উনি সিঞ বঁগা সৗখী। দহ কাতে বির বঁগা ক তুমতে সিম ক বগা কওয়া। নুকু সিম বগাক অক্তগে দিহরি দ লাড়তে জাঁগাক ছাঁদা কাতয়া, সাকাম রেনাঃ তেয়ার সারতাল টটড়বাঃতে মেহা কটপার এসেৎ কাঃ তায়া।

হুরুৎ কুন্টুৎ বগা ক— নুকু বগা কহঁ বুল মায়াম তে, আদওয়া চাও লে গাবাও কাতে অত রে এর অচুর আতে ক বধাও কওয়া । নওয়া খানগে নুকু কদ অডি তেৎক 
কুশিঃআ। খেরওয়াল সাঁওতারে নুকুদ অডি খেচড়া বগা ক কানাক।

তিকিন সিবগ লাওয়ের সিঞ– মুকিন বঁগা দ জপর জলে কিন তাঁহেনা। মুকিন বঁগা দ বারয়া তি পাটেৎ কাতে মিদ্ সাঁওতে বঁগা আকিন হুয়ুঃ আ । কিন রেন দাঁড়ে দ লিটী সুকরি আর বায়দা মেরম । অক্ত জৗনি বারয়া ফুড়ুঃ তে বেরেল দাঃ চডর কাতে হকিন বধাঃ গেয়া। হাঁন্ডি হক চডর আকিন গেয়া | নুকু ক বেগর খেরওয়াল হপন কদ নৗয়, গাড়া, বির-বুরু করেন বঁগা ক, পৗহিলাঃ যুগ রে তাঁহে কান ক উনকু গুরু ক— যে লেকা কামরু গুরু, গাঁডাে গুরু, ভুওয়ৗং গুরু, নাট গুরু, সিদ গুরু, নড়সিং গুরু, চেমে গুরু এমিন এমিন কক মানাও। বাতাও কওয়া । নুকু কদ সুনুম সিঁদুর টিডৗঃ কাতে অকয় কদ সিম, মেরম, পাওরা, গেডেয়াঃ মায়াম জর কাতে হঁক বধাও কওয়া । নুকু ক বেগর অডি গান অঝা বগা ক যে জাহার লেকা-উনকু কদ ক মানত কওয়া। 

Click Here 👉 Santali Poem & Santhali Shayri