সানতাড় সাঁওতা তালারে গিদার জানামঃ অক্ত
তােপােন ঘাটরেনা কামি কঃ।
ধীই বুড়হি দ তােপােন ঘাটরে সেটের কাতে, নীর গেৎ সার নাপায় অক এ্যা অৗরু ফারচায়া । তােপােন ঘাটরে পে টিডৗঃ সিঁদুরে আঁড়গােয়া। অনাদ ঘাট কিরি ক মেতাঃ আ। নওয়া দ চেৎ দিশৗ কাতে অনাগে নাসেনাঃ ইঞ অল পাশনাওয়েৎকানা- 5;দাঃ রেদ কিন তঁাহেনা দাঃ বঁগা, উনকিন বিন বাপ্লা কুঁঙারী বঁগা কুড়িকিন।ঞতুম তৗকিন দ গঁগামনি আর পদমনি। হানে পাহিলঃ অনে অগিল সিরজন ধীরতিপুরিরে ঠাকুর সিরজন উনকি নিগুড়িয়ৗ নিমুড়িয়ৗ তাকিন বাঞ্চাও দহ কিনলৗগিৎতে মারুড়াকান অনা ধীরতিপুরিরে লিটৗ গসাইদকৗকখুওয়ৗ কুডিয়ানতে সরপুরি খন দেব-দেবালােক সঁগে কাতে অঁডেয় সেটের লেনা। ঠাকুর ঠেন নেহর কাতে উনরেয় তেবাঃ এ্যাম্ লেৎ কানা, ধীরতিপুরী দ গেলবার আটালতে সাজাও রে মেনাঃ আ। আর উন অক্ত দাঃ দ তাহে কান তাহেৎ অনাক গেলবার আটাল লাতাররে মেনাঃ আন অনে পাতালপুরি রে। বাড়ায় এ্যাম কাতেগে সানাম বগা বুরু কতেগে উনরে বেঁজায় আদক তাড়াও লেৎ কান তাহেৎ। ধীরতিপুরি রেনাঃ চাটি চাটি অনে গেলমিৎ চৗটি হাবিচ সানাম ক তেগে নাপায় গেক তাড়াও ইদি কে আ। মেনখান উনরে মুচৗৎ উতৗররে মেনাঃ অনা মেড়হেৎ চাটানি দ আডিগান রিকৗ কাতেই একালগে উনকু দ আদ বাংগেক টাসকাও দাড়েয়াৎআ। আডিগান রিকৗ কাতে একালগে অনে তাড়াতে বাংক টাসকাও দাড়েয়াৎ রেদ, সানাম বগা বুরুক উনরে আদ ঠাকুর ঠেনক নেহর কে আ।
—"সেরেঞ "—
চাটি চাটিলে লা- কে আ
গেলমিৎ চাটি হলে তাড়াও পারম কেৎ
গেলবার চাটি মেড়হেৎ চাটানি দ
-ঠাকুর হাে বাং লেটেচ লেন।।
লা-লা- তেলে লা লাগায়েন,
তাড়াও তাড়াও তেলে তাড়াও মকজ এন,
দাঃ দ ঠাকুর হাে দাঃ দ ঠাকুর হাে
বাংগে সেতে লেন;
তেতাং জালাতে মানওয়া জিউয়ীদ ঢালাওয়েনারে।।
উনরে বঁগা বুরু কওয়াঃ কাথা আঁজম কাতে ঠাকুর আদ উনকুয় মেতাৎকওয়া, “আপেদ গঁগামনি আর পদমনি বাড়ে আঁড়হে আকিনপে উনকিন দ দাঃরেন বঁগা কানাকিন। গঁগামনি দ দাঃ রেনি বঁগা আর পদমনি দ বাহা রেনি বগা কানায়; মেনখান বানারগে উনকিনদ দাঃ রেগেকিন তাঁহেনা। উনকিন আঁড়হে সেটের কিনপে। অনা তায়ম ইঞাঃ বারসি হাপা ইদি কাতে অনা কুরে বিদূপে, এঁডেখানগে দাঃ দ পাতাল খন সেতে কাতে ভুলকৗও রাকাআ।” ঠাকুরাঃ অনা কাথা ক আঁজম কাতে সানাম কুঁগাবুরুক আদ গঁগামনি আর পদমনি আঁড়হে ক এতহব কে আ,—"সেরেঞ’—নাওয়া কুঞরে নাওয়া কুঞ ডাডি দাঃমারে কুরে মারে কুঞ ডাডি দাঃদাঃ দ কুঁঙৗরী দাঃ দ কুঁঙৗরী বাংগে সেতেলেনতেতাং জালাতে মানওয়া জিউয়ী ঢলাওয়েনারে।।দেলাসে দেলাসে গঁগামনিদেলাসে দেলাসে পদানিদেলাসে দেলাসে দে কুঁঙৗরীদেদ ওফেলঃ বিন।।নাওয়া কুঞরে নাওয়া কুঞ ডাডি দাঃমারে কুরে মারে কুঞ ডাডি দাঃদাঃ দ কুঁঙৗরী দাঃ দ কুঁঙৗরী দেদ সেতেঞবিনতেতাং জালাতে মানওয়া জিউয়ী ঢলাওয়েনারে।।
বঁগা বুরু কওয়াঃ অনা আড়াং আঁজম কাতে গঁগামনি আর পদমনি তাকিন উনরে অঁডে আদকিন ওফেলেনা। খানগে বঁগা বুরুক ঠাকুরাঃ বারসি হাপা কয় আগু কাতে অনা কুঞরে আদক সাব বিদ্ কেৎআ। অনাদ আদ পােন ইশি মন হামালান অনকান মেহেৎ মুগৗরতে অঁডে ঠকাও উগুর রেনাঃ ক রিকৗ কে আ। মেনখান অনাতে নাসেনাঃ উনরে অনাদ উগুর ঃ লেন রেহঁ গেলবার চাটি অনা মেডুহেৎ চাটানি অনাতে হুটৗস পারম কাতে দাঃ সেতে হচ দ একাল বাংগেক দাড়েয়াৎআ। উনরে উইহার আচুর উনকুদআদ সরপুরীরে মেনায় উনি গজমতি হাতিক তিয়ৗঃ আণ্ড কেদেতে অনা বারসি হাপা চেতান রেক তিগু হচ কেদেয়া। বারসি হাপাদ পদমনি ক সাব সােঝে হচ কেদেয়া। বারসি হাপা চেতান রেক তিগু হচ আকাদে উনি গজমতি হাতি দেয়ারে গগামনি ক দুডুব কেদেয়া। অনা তায়ম সিঞ সাদম তিয়ৗ আগু কাতে টাটকাগে উনি গজমতি হাতি তায়মরে তিও হচ কাতে উনি সিঞ সাদম দক হেঁ-হেঁ, হে-হেঁ হচ গ কাদেয়া। হাতিমা অনাআঁজম কাতে টাটকায় বতরেন রেদ কুকুটুবৗঃকাতেমৗর জোরতে
অনা বারসি হাপা আদয় লেবেৎ ডুবুজ গৎ কাআ। খানগে অনামা অনে গেলবার আনাঃ হাটি অনা ধিরি চাটানি দয় হুটীস পারম গৎ কাৎ আ। এঁডেখানগে পাতালরে তাহে কান অনা দাঃ ইআদ ভুড়ভুডৗও কাতে একসা ভুলকৗও রাকাব এন রেদ উনরেনাঃ অনা মারুড়াকান ধারতিপুরী দ আদ উনুম এসেৎ উতৗর এনা। দাঃ আর দাঃ তেগে তেয়ার এনা উনরে আদ জলাপুরী। গঁগামনি আর পদমনি তাকিন দ উনখনগে নিতঃ বিচ পাৰ্য্যাৎ অনা দাঃ রেগে মেনাঃ আন কিনা। আর আব কহঁ অনা দাঃ রে অনে আঁজরা জবরা এমানাঃ ফারচাঃ সাঁওতে ছুঁতরে তঁাহেন খনবন সিধ-সুচিঃ কানা। অনে অনাক সিধ-সুচিঃ লাহা রে গে উনকিন দবন মানত লাহা এৎ কিনা। অনে অনাগে, উনকিন দিশী কাতে অনা পে টিকৗঃ সিঁদুর গিডি দ।
ধীই বুডহি দ পে-খি নৗটওয়ৗ সুতৗম রেনাঃ মি খি দাঃ রেয় অতু গিডি কাঃ আ আর বার খি দ সা রেগে তাঁহেনা । অনা তায় তিরলৗ হপন পাহটাই ধাই বুঢ়হি সাঁও গে জতম্ হড় উম্ ফারচা কাতে আদ অড়াঃ তেক রুয়ৗড় হিজুঃ আ। বাড়ায় রে তাঁহেন মা তােপােন অক্ত হড়ম রে অজঃ লৗগিৎ সুনুম দ ফুড়ুঃরে আর বাংখান ডুভৗ রেক ইদিয়া। কড়া হপন পাহটা ইনৗপিত সাঁওতে অনকাগে তােপােন ঘাট খনাঃ তােপাে ফারচা কাতে অড়াঃ তেক রুওয়ৗড় হিজুঃ আ ।
রুওয়ৗড় হেজ কাতে ধৗই বুড়হি দ হলং দাঃ আর সাসাং দাঃ উল্লী সা রে ইরচি কাতে, উনি বালে গিদরৗ জাঁহা রেক গিতি আকাদেয়া, অঁড়ে বহঃ সেরে অনা দয় সিদু আয়া। গিদরৗ ক গিতি কায় অনা পারকম রেনাঃ পােন সেরে হােড়াে চুরু কাতে অনা চেতান রে পােন ঢেলাক গুরি দহ আঃ হুয়ুঃ-আ। অনাদ অনে উনকিন ধরম বাবা ধরম আয়াে তৗকিন উনি হালেয় অমন আকান উনি বালে গিদরী কিনলে দারাম সেকিন দুঃ-দারামে রেনাঃ উনুদুঃ কানা। মেনেৎ উনি বালে গিদরী ঠেন যাঁহানাঃ দুকদুরিব সে যাঁহানাঃ বে-বাড়িজ হয়-হিসিদ ক আচ্ সােরতে আল সেটেরঃ মা বাড়ে।
নিয়ৗ তায়ম আদ ইনৗ হিলঃ লেকাতে চুঁত ফেড়াও কৗমিক চাচোয়া। ইনৗ হিলঃ দ হলং দাঃ আর সাসাং দাঃ ইরচি কাতেগে উনি ধাঁই বুঢ়হি অনা অড়াঃ রেন হড় ক সাঁওতে আলাে করেন ক সেটের আকান সানাম হড় আঃ ছুঁত এ্যা ফেড়াও আ। সাসাং মেসা হলং দাঃ লাহা দ উনি বালে — গিদরৗ, অনা তায়ম পারকম রে, অনাতায়ম গিদরী রে এগাৎ তেৎ আঃ কড়াম রেনাঃ জজ (এম) ধারে, অনা তায়ম গিদরী রেন আপাৎ তেআঃ কড়াম রেনাঃ গাে (কঁয়ে) ধারে, অনা তায়ম অড়াঃ রেন আরবাং আতােরেন জাঁহায় কগেক সেটের আকানা, সানাম কগে উনি ধাঁই বুঢ়হি গে হলং দাঃ এ্য ইরচি আক তে ইনৗ হিলগাঃ হুঁত খন এ্যা রাড়া দোঃ কওয়া। বাড়ায় রে তাঁহেন মা কড়া হপন দ কড়াম রেয়াঃ লেগা (কঁয়ে) ধারে আর তিরলৗ হড় কদ কড়াম রেয়াঃ জজ (এম) ধারে রেয় ইরচি আকওয়া। চেদাঃ সে হাঁসলি জাং অকা ধারে রে অকয়াঃ তাঁহেনা, অনা রেগে অনাদ ইরচিয়াঃ হুয়ুঃআ। কড়া হপনাঃ দ গাে (কঁয়ে) ধারে আর তিরলৗ কওয়াঃ দ জজ (এম) ধারে রে হাঁসলি জাং দ মেনাঃ আকাৎ-আ। গিদরী হুয়ুঃ রেদ খেরওয়াল রে
জৗকি হড় কদ হাঁসিল গেয় উঁওয়ৗৎ আকানা মেন্তেক সাক্-আ।
অনাক ক হুয় এনখান গে ধাঁই বুড়হিদ লেজের সাঁহিজ কানঠাড় সাকা অণ্ড কাতে অনারে নাপায় অক তুড়ি সুনুম এ্য অজঃ আঃ আ। নতে তেকে চাওলে লহ লৗবিৎ কাতে দাঃ আতে রিউৗ লেমে লেমে কাতে পিঠৗ লেকা অনা সাকা রে আদ সমান তেয় ইলৗদা। উসুল ছেপ খেদ বুচৗ আল হুয়ুঃমা অনকা লেকায় তেয়ারা। আদ বই বইতে বালে গিদরীয়াঃ বানার জাঁগা তালখারেয় বাইসৗও আয়া। অনা দে উনি গিদরী আঃ জাঁগা তিসহঁ বাং পাড়াগঃ তায়া। তাড়াম্ রে হাপেন নাপায় অকঅতরে জাঁগা বাইসৗঃ তায়া । গিদরৗ এঁগাৎ তেৎ জাডা সাকামতে ডাঁড়াক, পেঁদা কয় সেকাও এয়া। অনাতে উনি হঁ লগ অনা রধন্ খন্ এ্য নাপায়ঃ আ ।
0 Comments