সানতাড় সাঁওতা তালারে গিদার জানামঃ অক্ত তােপােন ঘাটরেনা কামি কঃ। | Santar Saowta Tala Re Gidar Janamoh Okto Topon Ghat Renah Kami Ko - Part — 3 | Kherwal Arichali | Santali Neyam Nemachar | Santali Dharam Arichali |

ধৗই বুডহি আর হয় হাড়াম ইদি কাতে এতহ রেনাঃ থুতি -
অগিল সিরজন তাঁহে কান অক্ত রেনাঃ কাথা কানা। উন অক্ত অনে সিসিরজৗওয়ি রেগে সিরজন কিন উনকিন নিগুড়িয়ৗ নিমুড়িয়ৗ তাকিন রেন জৗড় কদ দে-বংশ আর যদু বংশ তুম তেক ছৗটয়ৗর এ্যাম লেন কানা। অনকাগে মিৎ অক্ত অনে উনকু দে বংশ আর যদু বংশ কওয়াঃ বাখােলরে মিটাং তাঁহে কান এ পােওয়াতি আয়াে হড়াঃ খালাসঃ রেনাঃ অক্ত সেটের আকানা।উনরে উনি আয়ে হড়দ বাংএ খালাস দাড়েয়াঃ কান তাঁহেৎ। হাসাে জালাতে উনরে উনিয়াঃ জিওয়ীকমা আরমারাও আলাসুতী চাবাঃ কান তায়া । উনরে অড়াঃ হড়, আততা হড়ক গটাকদৗড় বাড়ায়েৎ কানা অঝা লৗগিৎতে। যাতে রান মুরগৗন রেনাঃ দাড়েতে উনি আয়ে হড়দ লাগে ধারাতে খালাস্কাতে অনে রধনঃ কানে, অনাখন আজাঃ হড়ম জিওয়ীদ দোগঃ তায়মা বাড়ে। মেনখান দৗড় অৗচুর কাতে রেহঁ অনকান অঝা কগে উনরে উনকুদ বাংক জ্ঞামেৎক কান তাহেৎ ।
লিটৗ গঁসৗদি সরপুরী রিনি গােডে হড়-এ তাঁহে কানা। সরগপুরী রেন বঁগা বুরু কওয়াঃ অডি লেকানাঃ কাথাক বাখরাতে হাঁডে নাড়ে দাঁড়া অৗচুর হুয়ুঃ তায় তাঁহেৎ। আদ অনে উনি লিটী সাইদ অনে অনকান অক্তরে উনকু দে-বংশ যদু বংশ কওয়াঃ টলা, অনা হরতেয় চালাঃ কান তাঁহেৎ। খানম উনিদ উনকুওয়াঃ মেরেয় পাড়াও এনা। আর উনকুহঁ উনরে উনি লিটী গঁসৗই জ্ঞাম কাতে সানাম কগেক উসৗস ঃ এনা। চেদাঃ সে সানাম কগে ক বাড়ায় তাঁহেৎ লিটী গসৗদি অঝা হড়, অডি লেকানাঃ রান মুরগৗন কয় বাডায়া। আদ জ্ঞাম,কাতে সানাম কগে উনিঠেন নেহরক দহ কেআ লিটী গঁসৗই চলসে মিৎ উঁডেক রধনঃ কান-এ্য উনি আয়াে হড় যাঁহা লেকাতে অওয়ার দোঃ কায়মে বাড়ে। লিটী হউনরে উনকুওয়াঃ নেহর বাংএ ঠেলাও গিডি দাড়েয়াতে অনে অকা অড়াঃ রিনিচ আয়াে হড় এ রধনঃ কান তাঁহেৎ অনা অড়াঃ সেৎগে আদয় মহডায়েনা। উনরে অনা অড়াঃ সােরতে লিটৗ গঁসৗই এ সেটেরেনে সাঁওতেগে সানাম কগেক হাহাড়া উতৗরেনা। উনি লিটী গঁসাই অনা অড়াঃ রেনাঃ ছাটকায় লেবেৎ লেৎ রেগে এঁগাৎ কুখিরেয় তাঁহে কান উনি গিদরৗমা বসমতারেয় হসর আঁড়গাে গৎ এনা । অনাতে আয়াে হড়মা রধনঃ খনে রাওয়ালেন গেয়া, খানগে নতে সানাম কহঁক হায়
উসৗস এঃ এনা।
গিদরৗ অমনেন খান গে উনকু দে বংশ যদু বংশ কদ উনি লিটী সাইগে অনে হালেয় অমনেন উনি বালে গিদরৗ দ অনা সঃ সিডিজ খন উল্লৗও রাকা এ লৗগিৎ আর খালাসেনে আয়াে হড় নাপায়তে যাতেয় তাঁহেননা অনা লৗগিৎ রান মুরগৗনক এমঃ লৗগিৎতেক নেহর আদেয়া। লিটৗ গঁসাই ই উনকু কওয়াঃ অনা নেহর বাং ঠেলাও গিডি দাড়েয়াৎ রেদ অনাক কৗমিরে আদয় সাক্ এনা। উনরে উনিদ বালে গিদরীয়াঃ নৗর-এ গেৎ কেআ, স-সিঁড়িজ এ্য সাহা কেআ। আয়াে হড় নাপায়তে দহয়ে লৗগিৎ নিমদাঃ মডি বগা কাতে অঞ আদেয়ায় আর সারেচ তেৎদ সানামক মুদরেয় হাঁটিএ কেআ ক বাখরাতে, অনা ফেড়াও কৗমিই উনরে আচগেয় কৗমি কেআ নংকাগে নারতা, হ-য় রুওয়ৗড়, ছটিয়ৗর সানামাঃগে উনরেদ আগেয় কৗমি লেৎ কানা। তেকে সবৎ যাঁহাদ নিতঃ সাঁওতা তালারে উনি ধাঁই বুডহিয় কমিয়েত কানা—অনাক সাঁওতে হয় হাড়াম লেকাতে উ আঁড়গাে খন এতহব কাতে সানামাঃ গে উনরেদ আচগেয় কৗমি লেৎ কানা। যাঁহাদ অনে উনি জাহের এরা উনরে বাংএ কুশিয়াৎ তাহেৎ রেদ অডিতে গেয় এগের লেৎ কানা । আর অনা খৗতিরগে উনি লিটী গঁসাই দ উসৗৎ কাতেয় ঞির চালাও লেনা পাতালপুরিতে ।
দশার সিরজন ধীরতিপুরিরে মানমী ক-ক বাডঃ কানরেদ লিটৗ গঁসাই এ লে কেআ, নুকুক তালারে অনে জানামঃ অক্ত ছুঁত মুকুত বাখরাতে কৗমি লৗগিৎতে ধাঁই বুডহি আর হয় হাড়াম রেনাঃ লৗতি মেনাঃ আ। এনখান অনাদ অকয়ে কমিয়া ? আর চেকাতেগে বাং উনকিনদ সিরজন কিন হুয়ুঃ আ? উনরে উনিদ অকাহঁ বাং-এ উইহৗর তিয়ঃ দাড়েয়াঃ কান খৗতির সিসিরজৗওয়িচ উনি ঠাকুর বাবা ঈশ্বর ঠেন সহর সেটের কাতে অনা কাথা দ আদয় এর আদেয়া। ঠৗকুর হঁ আঁজ কাতে উনরেয় লৗই কেআ ‘এয়া লিটৗ ইঞাঃ কুশ পটিয়ৗ খন বারয়া কুশ ব হাতাও কাতে অনারেন বারয়া হড় বেনাও কিনতে ইঠেন অকিনমে। জিওয়ীদ ইঞিঞ দান আকিনা । বাডায় দহ কাঃমে হাপেন দিনরে ধীরতিরেন মৗনমীক উনকিনগে জানাম খন গুজুঃ হাবি আকওয়াঃ হুঁত খন দ-কিন অওয়ার রাকাব কওয়া। লিটী উনরে উনি সিসিরজৗওয়িআ কাথা লেকাতে কুশরেন বারয়া হড়- বেনাও কেৎ কিনা। আর সিসিরজৗওয়ি উনি ঠাকুর উনরে উনকিনরে জিওয়ীয় সলং কেআ। উনকিন গেকিন হােয় এনা উনরে হয় হাড়াম আর ধৗই বুড়হিদ। তেয়ার কাতেগে উনি লিটৗ গসাইদ ঠৗকুরাঃ কাথা লেকাতে উনকিন মুদরে অনে ধাঁই বুডহিদ চাঞ্চির চুপি লয়ম চাঁদান দারে বুটৗরে আর হয় হাড়ামদ উলে দারে বুটীরেয় ঠাঁও কাৎ কিনা। অনা ঠাও কিন দ তাহে কানা সীকৗর আর বারহা দিশম রে। উনখনগে সানতাড় সাঁওতারে হ-য় হাড়াম আর ধাঁই বুড়হিয়াঃ চন্দ হুম্ হেজ এনা— অনাতেগে হাপড়াম কদ অনে হয় রুওয়ৗড় করে কলৗই তরায়াঃ আ।

—‘সেরেঞ’ —
সীকৗর দিশম চালাঃ পেসে
হয় হাড়াম আঁডে মেনায়,
বারহা দিশম চালাঃ পেসে
ধীই বুডহি গুঁডে মেনায়।
উলে দারে বুটী রেদ
হয় হাড়াম মেঃনায়া
চাঞ্চির চুপি লয়ম
চঁাদান দারে বুটীরে
ধীই বুডহি অঁড়ে থামিত্ মেঃনায়া।
উইহার দহয় পেহে খেরওয়াল
যুগে জিওয়িৎ উনকিন গেচ
খেরওয়াল জাতি
হড় ককিন সিধ-সুচি ক।।

ছুঁত মুকুৎদ চেৎ কানা—?
নওয়া রেনাঃ তেতেৎ তেৎদ চেৎ কানা—?
মৗনমী জৗতি কওয়াঃ জিওয়ী, হড়-ম, মনে, অনে স-সিঁড়ি লেকানাঃ যাঁহানা অঁজরারে উৗব্রাও কঃগে উনকুদ চুঁত আকানাক মেন্তে লৗইয়গঃ-আ। আর অনা ‘তদ সাঁওতারে তল মেনাঃআন মিটাং অরি লেকাতে সিধূসুচি কাঃগে “হুঁত ফেড়াও” দক লইয়া। এন্তেয়ানাগে উনকুদ অনা ঘঁত্ খনক মুকুতঃআ। অনাগে মিৎ কাথাতে ‘ছুঁত-মুকুৎদক লইয়া।