কৗলকৗ উঠাও চেদ কানা ? আমা হ বাড়ায় লাগতি কানা। সেঁদরা কারকা রে "কৗলকৗ" উঠাও রেনাঃ মুল ভুমিকা দ চেদ ? | Santali Arichali | Santali Niyam Nemachar | Santhal Koyag Nagam |

কৗলকৗ উঠাও :— সেঁদৱা কারকা করে - মিটাং সেঁদরা কাতে গজ আকাদে জিয়ৗলি চেতান রে। বার হড় সে অডি গান হড় আকওয়াঃ হ ক জৗরি লে তাক খান, উনকু মুদরে সৗরি উতৗর অকয় শিকৗরি উনি জিয়ৗলিয় গজ আকাদেয়া, অনা বাছনাও উড়ক লাগিৎ তে ধরম এতুমতে মিদ লেকানাঃ কিরী ক আতাং হচ কওয়া। আর অনা কিরী দ নং-অয় নংকা—; উনি গজ আকানে জিয়ৗলিয়াঃ “ইনবর” কটঃ কাতে লৗই হুয়ুঃ আ যে, ইঞাঃ তি-তেগে নুই জিয়ৗলি দয় গজ আকানা সেই গে গজ আকাদেয়া মেন্তে। “ইনবর” দ কটঃ কাতে আদ উদ্ উতৗর হুয়ুঃ আ।

কৗমি তেৎ দ নংকা :— সুতৗন্টৗন্ডিরে দিশওয়ৗ ক তালারে গালমারাও তালাতে বাং সালা গটা লেনখান উনদ আদ কৗলকৗ উঠৗও রেনাঃ ক গটায়া । দিহরি-দ মি ঠেন গুরি ফারচা কাতে ধরম এতুম তে পে টিডৗ সিঁদুর এ আঁড়গােয়া (সামাং সেদ রে আঃ সার, কৗপি আর খৗডয়ৗঃ কক দহয়া)। দিহরি দ তিনৗঃ হড় আকওয়াঃ হক ক জৗরিয়েৎ তাকওয়া, উনঠেন সারজম সাকাম চেতান রে উনি জিয়ৗলিয়াঃ হড়ম খন গেৎ উড়ুক ইনবর’ হাঁটি কাতেৎ এ্য দহয়া। আদ অনাক দহ কাতে সানাম কতে অঁডে ধরম তুম তে উন ক বাঁখেড়া —; ।

—"বাঁখেড়া দ ননকা"—
মা এনখান ধরম গঁসাই তেহে দ আলে ক,
নওয়া বাংলে সালা গটা দাড়েয়াৎ খাতির,
আম তুম কাতে ধরম কৗলকৗ
অনেলে উঠৗও এৎ কানা গঁসাই।।
তেহে দ আমগে নওয়া সুতৗ টৗডিরে
সৗখী দহ কাতে সৗরি আর এড়ে লে ।
পাঁজায়েৎ কান বাছনাও এৎ কান গঁসাই ,
মা এনখান সৗরি দ জায়যুগ গে
সৗরি কঃ মা বাড়ে গঁসাই।
তেহেন নুকু ক মূদরে জাঁহায় এড়ে কাথা লৗই কাতে
সৗরিয় লেবেদ লটম এৎ কানা,
উনি দ একাল গে বাড়ে আলম ইকৗয়েয়া গঁসাই।।
মা গঁসাই এনখান সৗরিদ জিয়ৗও দহ কাতে ।
এড়ে কাথা লৗই ইচ দ সাসেৎ এমায় মে বাড়ে ।।

আদ উনকু জাঁহায়-ক আকওয়াঃ হক ক জৗরিয়েৎ উনকুদ ঝতম ফারচা হচ কাতে পুব সেৎ সামাং কাতে অনে দহ রে মেনাঃ আন সাকাম " ইনবর” আদ ক কটঃ হচ কওয়া । সৗরি উতৗর ধরম কৗলকৗ রেনাঃ ননকা দাড়ে মেনাঃ আকাৎ আ, জাঁহায় বাড়ায় তুলুচ এড়ে কাথা তে উনি জিয়ৗলি চেতানরে আজাঃ হক এ্য জৗরিয়েৎ তাঁহেৎ, উনি দ অনা ইনবর’ কটঃ কাতে উদ্ সাঁও সাঁও তেগে হড়ম-দ গ-স আঁড়গাে গদঃ তায়া। উদ্ আকাৎ-এ্য সাঁও সাঁওতেগে হড়ম হঁ বাড়ি দাড়েয়াঃ তায়া ।।
ধরম কীলকৗ রেনাঃ দাড়েদ নংকানা, এড়ে কাথা লৗই তুলুচ অনা ইনবরয় কটঃ এৎ হড়দ অনা খৗতির আজাঃ বাং রেহঁ আজাঃ অঃ রেনাঃ অডি বাড়ি জাঁহানাঃ ঘটাও দাড়েয়াঃ তায়া। মিদ কাথা তে আজাঃ অনা এড়ে কাথা রেনাঃ সাসেৎ দ ইনৗ হিলঃ বাং | রেহঁ বিলম্ কাতে রেহঁয় এম গেয়া। ইনৗ হিলঃ লেকাতে বাং গটা লেনখান উনি সীল সে জিয়ৗলি দ দিশম হড়াঃ ঘারঞ্জ রেগেয় তাঁহেনা । কলকৗ উঠৗও তালাতে সৗরি এড়ে বাছনাও ও ডােক এন রেদ নাপায় গে, বাং রেদ উনি সীল দ দিশম হড় জাঁহা গেক গটায়া অনাগে হুয়ুঃ আ। সৗরি উতৗর হার বাংক পাঁজা এম লেনখান উনি দ দিশম হড় অকা। ক গটায়া, অনা গে হুয়ুঃ আ। উইহৗর তাঁহেন মা ধরম কৗলকৗ রেনাঃ নংকা দাড়ে মেনাঃ আকাৎ আ, এড়ে কাথায় জারিয়াকাৎ হড় দ সাসেৎ এ ঞাম গেয়া।