💠 সাকাম অড়েজ তালা তে 💠
💠 তিরি পুরুষ বাপাগ রেয়া নিয়াম 💠
বাপাগ কাক রেনাঃ নেয়াম্ তিরি পুরুষ মুদূরে অনে, বাপাগ লেকানাঃ অক্ত সেটের লেনখান বানার পাহটা রেন মৗঝি মাপাজি, আতাে হড়ক দুডুব মিকাতে কৗই গুনহী সালা গটা কাতে, বাপাগঃ রেনাঃ গে অনাদ ঠাড় লেন খান, অনা কৗমিদ আদ সাকাম অড়েজজ তালা তেক কৗমিয়া। সাকাম দ কড়া গেয় অড়েজজজা । কৗই গুনহৗ সালা গটা কাতে এপেম চাপা রুওয়ৗড় দ অনা লাহা রেগে হুয়ুঃ আ ।
কৗমি তেৎ দ নঃ অয় নংকা— বাপাগঃ কান কিন তিরি-পুরুষ ইদি কাতে আতাে রেন মৗঝি মাপাজি ক সাঁওতে আতাে হড় কক চালাঃ আ ‘দ-বৗটি’ ঠেন। অঁডে দ বানার পাহটা রেন হড় ক গেক তাঁহেনা । জাঁহা ‘দ-বৗটি’ রে হানে পেরে লটা দাঃ দড়ম্ কাতে বাঁখেড় তালাতে বানা হড় ক জড়াও মি লেৎ কিন তাঁহেৎ জুরি লেকাতে, উনরে ধরসৗকিদহ কাতে পেরে লটা দাঃ দড়ম্ কাতে মড়ে মাপাজিক সামাং রে কুলি লেৎ কিনা ক অনাদ ফারচা আসে বডে গেয়া’? উনরে উনকিন দকিন মেন লেৎ কান তাঁহেৎ ‘ফারচা গেয়া’। মেনখান অকিনাঃ অনা ফারচা ফৗরচি সুলুক সৗগৗই মনেরে সেটের আকানা এপের হেঁডেচ, সিরজৗও আকানা বাপা। অনা তে অনালটা দাঃ দড়ম কাতে গে সাকাদ্দক অড়েজজজা। ধরম্সৗকি দহ কাতে নায়কে মিলটা দাঃ ‘দ-বৗটি’ ঠেনে দড়ম আ। তিরি পুরুষ কিন তালারে লটা দাঃ দড়ম্ কাতে সামাং সামাং কতিগু হচ কিনা। কড়া দ বেড়া রাকাবঃ সেৎ কুড়ি দ বেড়া ইৗসুরঃ সেৎ সামাং কাতে ক তিও হচ কিনা। পেয়া সারজ সাকা কড়া-আঃ তি রেক চা আয়া। উন অক্ত অঁড়ে মড়ে মাপাজি কতে আদ ক রড়াঃ আ।
“মা এনখান মাই আর বাবু কিন (মৗই গে বাহু আর বাবু গে জাঁওআয়) ইনৗ হিলঃ দ নওয়া দ-বৗটি রেগে নওয়া পেরে লটা দাঃ দড়ম্ কাতে ধরম গঁশাই সৗখি দহ কাতে মারাং বুরু মড়ে ক সৗকয়ৗ তে
সাং নৗড়ী বাঁদো নৗড়ী লেকা লে জড়াও মি লেৎ বিন তাঁহেৎ ....। এন হিলঃ দ অবিন গেবিন লৗই লেৎ তাঁহেৎ নওয়া পেরে লটা দাঃ দ তিসহ ...বাং বিন বডে হচয়াঃ আ, তিস হঁ বাং বিন ঢাল্কাও হচয়া । মেনখান তেহেঞ দ অবিন তেগে নওয়া ফারচা দাঃ বিন বডে আকাৎ আ অবিন আবিন তেগে বিন গটা আকাৎ ঢাষ্কাও গিডি কাঃ রেনাঃ.............। মেনখান নওয়া কৗমি রেনাঃ দায় ভার দ অবিন চেতান রেগে লাদে তাঁহেন কানা, নওয়া রেনাঃ দায় দোষ রেদ আলে দ আল বিন জড়াও লেয়া বাড়ে .........।”
(আদ কড়া সেৎ দিশী কাতে) মা বাবু মনেম গটা আকাৎ রেদ মড়ে মাপাজিক সামাং রে সাকাম্দ অড়েজজ মে বাড়ে ...........।
নওয়া রড় সে বাঁখেড় মুচৗৎ লেনখান গে কড়া দ কুড়িয়াঃ তি খন মেড়হেৎ সাকম এ্য তােৎ-আ। অনা তায়ম মিজাঁগা তে তিগু কাতে (লেগা জাঁগা) সাআকাৎএ পেয়া সারজ সাকা মুচৗৎ সে খন সির সিরতে সােঝেয় অর চিরৗ গৎ কাঃ আ, আর ছি-থু কাতেৎ এ গিডি কাঃআ। মড়ে মাপাজি ক সাকা অড়েজজ রেহঁ নিশৗনক লাে। সাকাম্ অড়েজজরে হান্তে নাতে লেনখান লৗই আক আর কিন পাম রুওয়ৗড় দাড়েয়াঃ আ। সাকা অড়েজজ তায় অনায় গিডি কেৎতে আদ কড়াটাঃদ অৗচুর কাতে উনি কুড়ি পানতে রেয় তিগুনা। উন অক্ত অনা পেরেলটা দাঃদ জজ জাঁগাতেয় কলসা হিরি গৎ কাঃ আ। ইনৗ কাতেৎ গে আদ কিন যে- যাহারঃ আ! আর নিয়ৗ খান গে সাকা অড়েজজ তালাতে বাপাগঃ রেনাঃ কৗমি দ ছিডৗঃ আ, সে চিকৗড়ঃ আ।
[কড়া কুড়ি জাঁহায়গে আখায় মাখায় সাকা অড়েজজ রেনাঃ কি গটা গৎ লেখান গে যে হুয় গদঃ আ অনা দ বাং। উনকিন ঠেন খন কুলি কুপুলি কাতে মড়ে মাপাজি ক নাপায়ঃ কানা সে বাং অনাদ উনকু গেক লাে । অনা তায় সাকা অডে দ গটাঃ আ। মেনখান উৗন উৗপৗন, অডি সেঁড়া সেঁড়া লেকানাঃ আজার ক পিশকিচ্ জ্ঞাম লেখান উনদ আদ উনৗঃ সালা গটা রেনাঃ লেদ বানুঃ আ । জাঁহায় সে অনা চাপাড়ঃ আ আর অকয় সে বাং চাপাড়ঃ আ, উনি বাং চাপাড়ি এলৗলিচ্ লেখান গে উনদ সাকা অড়েজ তালাতে বাপাগঃ গানঃ আ।]
0 Comments