গিরৗ দ চেৎ কানা, গিরৗ দ তিনৗঃ লেকানা ? | Gira Doh Ched Kana ? Gira Doh Tinah Lekana ? | Santali Kherwal Arichali | Santali Neyam Nachar |

গিরৗ দ চেৎ কানা, গিরৗ দ তিনৗঃ লেকানা ?

গিরৗ কাথা দ হুয়ুঃ কানা গৗট। যে লেকা অড়াঃ দালন্ রে বাতা লাগাও কাতে দাল খড় বন বাতা আটকাও অক্ত অনা বাতা দ বাচক বাবের আর বাং খান জাহান লাড় তানাঃ তে সেনের সাঁও বন তল আটকাও-আ। অনাহঁ উন অক্তদ সানতাড় হপনাঃ কাথা লেকাতে দ গিরৗ তল গেবন লৗই-আ। মেনখান আর মিটাং গিরৗ দ হুয়ুঃ কানা ‘নেওতা’। জাঁহানাঃ বেওরা কোল সে ভেজা নংকানাঃ। নওয়া ক গিরৗ রেনাঃ দ পেয়া হৗটি মেনাঃ আকাৎ আ । অনা কদ হুয়ুঃ কানা, লাড় গিরৗ, সারজম গিরৗ আর কিতৗ গিরা। তায়ম তায়ম তে কিতৗ গিরৗ দ সুতৗম গিরৗ কেৎ-আক। লাড় গিরৗদ ল-বির বিচৗর আর সেঁদরা ইদি কাতে, সারজম গিরৗ দ সাঁওতা বিচৗর, আর কিতৗ গিরৗ সে সুতৗম গিরৗ দ অড়াঃ দুওয়ৗর করেনাঃ বিহৗ বাপলা, ভাঁড়ান, বাহা, সহরায় করে পেড়া কক নেতা ক অক্ত রেক তলা।

মেনখান ঝতম গিরৗ গে সুতৗম বাংখান সারজম লাড় গটি কাতে ধরম এতুম তে সারজম সাকাম রেনাঃ বেনাও ফুড়ুঃ রে রেৎ কাতেক কোলা । বিচৗর আচার আর হুলসৗই গিরৗ, জাঁহা দ দিশম হড় জাওরা লৗগিৎ, অনাদ অকা হিলঃ আড়াঃ এনা ইনৗ হিলঃ খন নেডা মাহা অউরি সেটেরঃ ইৗবিচ থির দ বাং-এ্য তাঁহেনা । অনাদ তাড়াম আকাগে তাঁহেনায়। অনাতেক লৗই আকাৎ আমৗনমীয় জৗপিদা, মেনখান আড়াঃ আকাৎ গিরৗ দ বাং-এ্য জৗপিদা ।

লাড় আর সারজম গিরৗ কোল রেনাঃ নেয়াম—মৗঝি মাপাজিক
দুডুব কাতে অকা হিলঃ বিচৗর আচার সে দুপুডুব এ্যাপাম রেনাঃ মৗহিত গটা আকানা, গিরৗ তল হিলঃ খনাঃ অনা নেডা মাহা তিনীঃ দিন মেনাঃ আকাৎ আ উনৗঃ ক গৗট তাঁহেৎ। আর গিরৗ দ আড়াগঃ আ মড়ে মাহা বাংখান এয়ায় মাহা লাহা খনাঃ। অনাতে মড়ে গটাং বাংখান এয়ায় গটাংক গটি তাঁহেৎ।নওয়া গিরৗ দমৗঝি মাপাজি কওয়াঃ তিতি তে চাপাল ইদিঃ তালাতে মিদুন টীন্ডি রেনাঃ ঠাঁও তেৎ দক লীই পাশনাও আ। মাহিত দ অনা গৗট এেল কাতেগে ক ঠাওকৗ জং তাঁহে। গিরৗ চালাঃ চালাতে জাঁহায় মৗঝিমৗপাজি ঠেন তাঁহেন তে ইনৗ হিলঃ বেড়ায় ডুবুজঃ আ, আর বেড়ায় ডুবুজ লেনখান গে উনি মৗঝি দ অনা রেনাঃ মিদটাং গিরৗয় রাড়ায়া। অনকাগে চালাও চালাও তে মুচৗৎ হিলঃ দ বিচৗর ঠাঁও রে সানাম দিশওয়ৗ ক গালমারাও আখড়া রে অনা দক রাড়ায় তাঁহেৎ। তায়ম তায়মতে মৗহিত লেখা ক সেঁড়া কে আ। উনদ মিৎটাং গে বাং রেদ পেয়া, মেনেৎ দ বিজড় গাঁট কাতে কোল ক এতহব কে আ। মচা তেগে মৗহিত আর ঠাঁও দক লৗই ইদি কে আ।
বাপলা গিরৗ — কোল রেনাঃ নেয়াম – নওয়া হঁ অনে গৗট দ মড়ে গটাং সে এয়ায় গটাং গে হুয়ুঃ তাঁহেৎ। তায়ম তায়ম তে পেয়া গৗট কাতে কোল হক এতহব কে আ। বাপলা গিরৗ কোল সে এম হট রেদ, মচা তে নেডা মাহা ক লৗই হট কাঃ আ। নওয়া দ সুতৗম রেনাঃ ক গিরৗয়া আর সুতৗম দ সাসাং তেক গাবাও আ। ভিটওয়ৗঃ বাং ছাড়াও সারজম সাকাম রেনাঃ বেনাও ভৗনতুজ ফুড়ুঃ রে আদওয়া চাওলে ধুবি তাসাদ (ঘাস) সাঁও তেক কোলা। বাহা সহরায় করেহঁ নংকা কাতে গেক নেওতা কওয়া। সাঁওতে চেৎ খাতির নেতা, অনা দ মচা তেক লৗই হট কাঃ আ।
ভাঁড়ান গিরৗ নওয়া গিরৗ হঁ বাপলা গিরৗ লেকা গে। মেনখান উনদ ফুড়ুঃ রে আদওয়া চাওলে দ বাং আ, গচ্ চাওলে আর কয়লা ক মেসায়াঃ-আ। সুতৗম দ উনদ সাসাংতে দ বাংক গাবাওয়া। গিরৗ সাঁওতে গচ্ চাও লে আর কয়লা দ দুক অড়াঃ রেনাঃ বেওরা কানা মেনতে মনেঃ আ।

(গিরৗ তল বাং বাড়ায় রেদ, হাপড়া কঠেন কুলিয়ান খানগে বাড়ায় ঞামঃ আ, অনা গিরৗ দরাড়াঃ আ। অল রেদ উদুঃ বাং গানঃ কানতে বা উদুঃ পাশনাও দাড়েয়াৎ আ। সানতাড় হড় কদ ধর বিরুদকৗমিদ অডিগে হিরকৗ মেৎ তেক লাে। সত্ ডাহার তে দিশী কাতে তাড়াম ইদিগে খেরওয়াল ধরম রেনাঃ বুটী কাথা দ কানা।)