জানাম গিদরৗ ছটিয়ৗর :—
খেরওয়াল জৗতি হড় সে সানতাড় হড় করেন গিদরৗ কওয়াঃ হ-য় রুওয়ৗড় কৗমি দ আরে মাহা রেক কামিয়া। নওয়া দ জানাম ছটিয়ৗর হক মেতাঃ গেয়া । নওয়া কৗমি তায় গিদরৗ চাচোঃ অক্ত চাচো ছটিয়ৗর ককৗমিয়া । আডিগান হড়গে হ-য় রুওয়ৗড় কৗমি চুকীও কাতে চাচো ছটিয়ৗর কৗমি দ কুড়ৗও আন্টাও কাতে আডি দিন তায় হক কৗমিয় গেয়া । বাড়ায় রে তাঁহেন মা অউরি হ-য় রুওয়ৗড় ছটিয়ীর লাহারে মিষ্টাং গিদরৗয় হানাপুরি লেনখান উনিয়াঃ তেল নাহান, ভাঁড়ান কামি কদ চেৎহঁ বাংকৗমিঃআ। উনিয়াঃ দ জবরা তানাঃ লেকা আজাঃ গজ হড়ম অনে হাসাতে তপা কাতে জৗলুম তেক রাম্ফা হট কাঃ আ ।
কৗমি এতহব :— আতাে হড় হহ জওরা কাতে কৗমি রেক সাবঃ আ । দাঃ দুল বুডহি (ধীই বুডহি) দকৗমি রে সেটের দয় তাঁহেন গেয়া । উনি বেগর কমি লাহা ইদি দ একালগে বাং গানঃ আ । হ-য় রুওয়ৗড় হিলঃ গে উনি বালে গিদরৗ দ এতুম হক এম হালাং আয়া। সানতাড় হড় কওয়াঃ নেয়াম রে মেনাঃ আকাৎ আ গিদরৗ কওয়াঃ তুম্ ম্ হালাং রেদ, গড় আয়াে গড়ম্বা, হাতকুমৗং, মারাং-বা মারাং আয়াে, মামা অড়াঃ পাহটা রেন (উনিয় জানাম্ আকান গিদরৗ আঃ মামা অড়াঃ) উনি গিদরৗ রেন গড় হাড়া, গড়ম্ বুডহি নুকু কওয়াঃ ঞতুম্ ক ক ম হালাং আকওয়াঃ । মি কাথাতে ‘হ-য় রুওয়ৗড়”কৗমি দ“হহ রুওয়ৗড়”কৗমি হলৗইদ গানঃআ । চেদাঃ সে লাহা তেনাঃ তুম আরহঁ নাওয়া লেকাতে মিদ্ধাও কহহ রুওয়ৗড়াঃ কানা।
ধীই বুডহি মিষ্টাং সারজম সাকাম রেনাঃ ফুড়ুঃ রে সুনুম সাসাং আর মিষ্টাং ফুড়ুঃ রে রি সাসাং, গিদরৗ আঃ বহঃ সেরে সিদু লেৎ ক উগলি সার সাব কাতে তিরলৗ হপন ক সঁগে কাতে তােপােন ঘাটতে উনকু সানাম কয় রেলাও ইদি কওয়াঃ। রে সিঁদুর ইদিতরা কাতে ইনৗ হিলঃ ইউনিদ ঘাট রেয় আঁড়গােয় গেয়া । মেনখান অনা হিলঃ দঅনাদ বাং আঁড়গােলে রে গানঃ গেয়া। চেদাঃ সে হানে নারতা হিলঃগে উনিদ ঘাট কিরি বাখরাতে পে টিডৗ সিঁদুর দয় টিডাঃ আকাৎ-আ। আদ সারে তল তাঁহে কান বার খি নীটওয়ৗ সুতৗম রেনাঃ মি খি দাঃ রেয় অতু গিডি কাঃ আ আর মি খি দ হানেয় ইদি আকাৎ রি সাসাং তে গাবাও আয় । গিদরৗ আঃ বহঃ সেৎ রে সিদু রে তাঁহে কান উগলি সার অনাহঁয় পোে ফারচায়া। আদ ধৗই বুড়হি সাঁওতে ঝতম্ তিরলৗ হপন ক তােপাে ফারচা বাড়া কাতে অড়াঃ তেক রুওয়ৗড় হিজুঃ আ ।
ইনৗ হিলঃ ইনৗপিত হেজ কাতে মিৗংফুড়ুঃ রে রি সাসাং, মিষ্টাং ফুড়ুঃ রে বেরেল দাঃ আর মিটাং ফুড়ুঃদ এখেনাঃ তাঁহেনা, অনা ক আতে মিষ্টাং হলাৎ আনতে উনি বালে গিদরৗ ঠেন এ্যা সামাং অঃ আ। বেরেল দাঃ মেনাঃ ফুড়ুঃ রে হলাৎ লহৎ কাতে এনহিলঃ উনিদ উনি গিদরৗ আঃ বহঃ রেনাঃ পে ঠেনাঃ উল্ঞ গেত্ তায়া। অকা করেনাঃ এ্য গেত্ কে আ, অনা করে দ হানে রিদ আকাৎ বেরেল সাসাং এ্যা লাগাও আতায়া। আদ অনে গেৎ কে এ্যা উদ এখেনাঃগে মেনাঃ আন ফুড়ুঃ রেয় দহয়া। ইনৗ খান গে ফডুঃ ক সামটাও বাড়া কাতে কড়া হপন পাহটা সঁগে কাতে উনিই আদ তােপােন ঘাটতেয় চালাঃ আ । তােপােন ঘাট রে নীপিত দ অনা ফুড়ুঃ ক দাঃ রেয় অতু গিডি কাঃ আ, হলাৎ কয় অরুফারচায় তায়া। অনা ক তায়ম তােপে ফারচা বাড়া কাতে জতম্ কড়া হড় ক পাহটা হঁ অড়াঃ তে আদ-ক রুওয়ৗড় হিজুঃ আ।
অড়াঃতে তিরলৗ পাহটা আর হেরেল পাহটা ঝতম্ ক তােপাে হেজ এন খানগে অড়াঃ রে অকা কৗমি তেনাঃ, অনা কৗমি রে আদ-ক সাবঃ আ। ধীই বুডহি হলং দাঃ আর সাসাং দাঃ মি কাতে উগলি সার রে ইরচি কাতে অনা-দ সাতে রেয় রেবে কাঃ আ। হানে জানাম হিলঃ অকা লেকা হলং দাঃ, সাসাং দাঃ ইচি কাতে ছুঁত এ্যা ফেড়াও লেৎ তাঁহেৎ, অনকা গে অনে হয় রুওয়ৗড় হিলঃ হঁ উনিদয় ফেড়াও আ। ইনৗ হুয় এনখানগে হানে তােপােন ঘাট রে সাসাং তে গাবাও আকাৎ নীটওয়ৗ সুতৗম অকা সারে হেচ্ আকানা অনাদ, উনি বালে গিদরৗ আঃ ডাঁডা রে ডরা লেকায় আরাও আয়া। ইনৗ তায়ম উনি গিদরৗদ আনা সাকাহ্ রে হবর কাতে রাচা রেয় উডুক্ আগুয়েয়া। মি সেৎতে নওয়া দ জানাম ছটিয়ৗর হক মেতাঃ আ। উন অক্ত গে ধীই বুডহি সেৎতে মিটাং থুতি মেনাঃ আকাৎ আ –
“সেরেঞ”
তাঁহা তেঁতা নানা তারনা
তাঁহা রে নানা জে হাে,
তাঁহা তেঁতা না-না-না- জে।
তেহেঞ বাবা নুই গিদরী
আতৃনা সাকাম রে আতাং কাতে,
জৗতি বাবা গাে জৗতি এমায় কান।
জৗতি বাবা গাে জৗতি খেরওয়াল
জৗতি বাবা গাে জৗতি লে-লেগেৎ - ||
ধৗই বুডহি আদ উনি গিদরৗ জাঁহায়াঃ ঞতুম ক বানাঃ আয় কানা, উনিয়াঃ তি রেয় চা এয়া। উনি ই আদ ধহি বুডহিয়াঃ তি খন তুলৗম চেতান রেয় আতাং হাতাও এয়া। অনা তায়ম ধাঁই বুডহি দ অকয়ে আতাং কেদেয়া উনিয়াঃ তুম এ্যা কুলি জং আ আর গিদরৗ ইউনিয়াঃ তি খনে আতাং'রুওয়ৗড় এয়া। উন আদ ধীহ বুডহি গেঝম্ হড় ঠেন উনিয়াঃ তুম এ্যালৗই পাশনাও আ। “মাগােনুই দফারনা সেতুসকৗ কানায় গাে। (কড়া গিদরৗ খান) সেঁদরা কারকা করে নওয়া তুম তে হহ আয়পে, (আর কুড়ি গিদরৗখান) বির ঝাড় সাহান সাকাম দাঃ লােনওয়া এতুম্ তে হহ আয়পে বাড়ে।” এতুম লৗহ পাশনাও বাড়া কাতে আদ এগাৎ আঃ তি রেয় চাল রুওয়ৗড় এয়া। এগাৎ দ এখানগে আদ উনিদ গানাডি রেনাঃ ভিতৗর সেরে তাঁহে কাতে গিদরৗয় আতাং হাতাও এয়া। পঁহি বুডহি দ'উনরে গানাডি খন বাহরে সেরে তাঁহেনায় । গিদরৗ চা কাতে মিৗটি গুরি দাঃ ধীহ বুডহি দ দুওয়ৗর সৗড়িম রে দুল গৎ কাঃ আয় । সৗড়িম্ খন গুরি দাঃ জরঃ অক্ত গিদরৗ রেনি এগাৎ দ উনি বালে গিদরৗ হবর কাতে পে ধাও অড়াঃ আর রাচা তেয় উডুক্ বলনা । সাড়িম সাতে খন জরঃ কান গুরি দাঃ দ হড়ম রে জরঃ মা গে বাড়ে । নওয়া কৗমি হুয় এন খানগে আদ নিম দাঃ মৗডি ক বঁগায়া। নিম দাঃ মৗডি দ আদওয়া চাওলে সাঁও নিম সাকাম আতা বঁ-গ কাতে গুঁড়া মেসায় তেক বেনাও-আ। খেরওয়াল জৗতি হড় সে সানতাড় হড় কদ জানামঃ রে নিম দাঃ মডি দ বঁগায় তেগে হুয়ুঃ তাকওয়া, আর নওয়া দ অনে মারাং বুরু আঃ গে সিরজৗও আকাৎ কৗমি কানা। অনা তেগে ত হাপড়া ক জানাম খন গুজুঃ রেনাঃ কাথা রেক রড় হট আকাৎ আ
“সেরেঞ”
“মারাং বুরুয় তেয়ার কে
খেরওয়াল ধরম্ নেমাচার,
অনা রোগে খেরওয়াল কবন সােতােঃ আকানা ।
সাঁও কাঃ মেহাে খেরওয়াল
আগিল রেনাঃ আচার বেওহার,
সুতুঃ কাঃ মেহাে খেরওয়াল
পৗহিলাঃ নেয়াম নেমাচার ।
জানাম রেদ এহাে খেরওয়াল।
নিম দাঃমৗডি গ,
গুজুঃ রেদ এহাে খেরওয়াল তাং বড় হাঁড়ি।।
গুজুঃ বুরুঃ রে আম দহাে খেরওয়াল
সিম বুসৗঃ বেগর, অকয় হঁ-বাং এ সাঁও আম ।।”
নিম দাঃ মডি , গিদরৗ রে আপাৎ তেৎ মিষ্টাং বীটি রে পেরে কাতে তালা রাচারে উডুক্ অগুয়ায়। পেয়া সারজ সাকা রেনাঃ বেনাও ফুড়ুঃ সঁগে তরায়া। তালা রাচারে মিঠেন গুরিচ ফারচাকাতে আদ অনানিম দাঃমৗডিয় বগায়া।সিরজন রেনাঃ এতহব রেদওয়া কৗমিদনার হিলঃ গেককৗমিয় তাঁহেৎ।তায়ম তায়মতে অনাদ হয়’রুওয়ৗড় হিলঃ ক কমিয়েৎ কানা। নিম দাঃ মৗডি কবঁগায়া, লাহা দ মারাং বুরু ঞতুম তে`বাঁখেড়’
জহার গঁসাই মারাং বুরু
মা এনখান নঃ অয় নওয়া ধীরতি রে
নাওয়া হড়ে হে আকানা অনাতে,
উনিয়াঃ নারতা কৗমি তুমতে নিম দাঃ মডি লে
এম আম কান— চাল আম কান গঁসাই-
সুকতে সাঁওয়ার তে আতাং কাঃ তেলা কাঃ সাই
নায় বাড়ে নাপায় বাড়ে সাই
মা গঁসাই এনখান নুই গিদরী নাপায় অকতে
হারা কঃ বুরু কঃ মা গঁসাই,
চাচো কঃ ডিডি কঃ মায় গঁসাই ।
জমরে জুরে লাজ হাসাে বহঃ হাসাে ক—
আলম সিরজৗও হচয়, ভিড়ীও হচয়া গঁসাই
নায় বাড়ে নাপায় বাড়ে এঁসাই ।আদ অনা ফুড়ুঃ অরেয় দড়-মা। অনা তায়ম পিলচু হাড়াম পিলচু বুড়হি’; বাঁখেড় দ লাহা তেনাঃ লেকাগে। যে লেকা মারাং বুরু এমঃ রেদ মারাং বুরু আঃ এতুম লৗই হুয় আকানা, মেনখান নওয়াঃ অক্ত রেদ পিলচু হাড়াম পিলচু বুডহি’ লৗই কাতে এতহব হুয়ুঃ আ। আদ বঁগা হুয় লেনখান মিন্ থারতে দড়ম আকাৎ ফুড়ুঃ ক দাঃ তে বেড়হাও অচুর কাতে গডাঃ আক। অনা তায়ম বগা সারে নিম দাঃ মডি দ উনি গিদরৗ নাসেনা আর গাৎ-ক এ হচ কিনা। ইনৗ তায়ম সারে তেৎ দ ঝতম আলাে জাকাৎ গেক এম হাঁটি আকওয়া।নিয়ৗ তায়ম মি বীটি তাং হাঁন্ডি আদ উনি ধাঁই বুডহি ক উডুক্ অগু আয়া, আর সাঁওতে ক উড়ুক আগুয়া কাটকম চারেচ তে বাংখান নিম চারেচ তে পৗটি আকাৎ পেয়া সারজম সাকাম রেনাঃ বেনাও ফুড়ুঃ (হাঁন্ডি বঁগা ফুড়ুঃ)। আদ অনা হভি দ উনি ধৗই বুডহি উনরে চডরায়। লাহা দমারাং বুরু ঞূতুমতে -—বাঁখেড়—জহার গঁসাই মারাং বুরুমা এনখান হ-য় রুওয়ৗড় ঞতুম তেঝার দাঃ তাপান দাঃ লেএম আম কান চাল আম কান সাইনিয়ৗগে চেরেচ কাঃ চেপেজ কাঃ মে গঁসাই।নংকাগে নারে জুগরে আমগেম চল্ আকাৎচলৎ আকাৎ গসাই....মা গাঁসাই নওয়া ঘাও নওয়া ধাওরঃ আরাে কঃ সারাে কঃ মা গঁসাই,নায় বাড়ে নাপায় বাড়ে গঁসাই ।আদ অনা ফুড়ুঃ দ অত্ রেয় দড়-মা। ইনৗ তায়ম পিলচু হাড়াম পিলচু বুডহি ঞতু কাতে মি-মিদ ফুড়ুঃ কাতে অনকাগে উনি-দ বঁগায়ায় । মুকিনাঃ রেদ বড হান্ডি বঁগা হুয়ুঃ আ। বাঁখেড় দ অনে লাহা তেনাঃ লেকাগে। মেনখান উনরেদ অনে অকয় এম হুয়ুঃ কানা উনিয়াঃ ঞতুম্ তেলৗই কাতেৎ পুইলু তেনাঃ লেকাগে আদ এতহব হুযুঃ আ। নিয়ৗ ক খানগে হ-য় রুওয়ৗড় কৗমি দ মেটাঃ আ।
বুকৗ তপা ;— বালে গিদরৗ আঃ বুকৗ হাওয়েৎকাতে অউরি ঞরুঃ হাবিজ দগাতাঃ দিশী রেগে অনাদ তাঁহেনা। চেদাঃ সে অথৗওড়ি বুকৗ রহড় কাতে হাঁড়ে নাডে ঞর আৎ লেনখান, একাল গে অনাদ বাং নাপায়া। হাপেন দিনরে উনি গিদরৗ বির ঝাড়, সাহান সাকা, সেঁদরা কারকা করে দাঃ তেতাং তে আমারাঃ আয়। অনাতে এর লেনখান গে অনাদ নাপায় অকতে দুওয়ৗর গানাডি ঠেন আর বাংখান ঠিলি দহ বিডি লাতার রে গেঁদাঃ রঃ সুইতে হাসা তাড়াও কাতে ক তপায়া। তপায় লাহা রে সাের সাের অনা সুই তেগে দমে ক গুতু ভুগৗ-গা। তপা হুহ্ লেনখান গানাডি রেনাঃ ভিতরি সেৎ খন মিষ্টাং বৗটিরে দহ কাঃ বেরেল দাঃ লেগা তিতে সারজম সাকাম রেনাঃ বেনাও ফুড়ুঃ তে লাে রাকাব কাতে জজ তিতে মেহা দাপা কাতে রাচা সেৎ অনাদ আরে গৎকাঃ হুয়ুঃআ।
ধৗই বুডহিয়াঃ কুড়ৗহ ;— হাপড়াম ক দাঃ দুল বুডহি সে ধৗই বুডহিয়াঃ কুড়াই দ পৗহিল রেগে ক গটা হট আকাৎ আ । কড়া গিদরৗ আঃ লৗগিৎ দ পােন কুড়ি আর কুড়ি গিদরৗ লৗগিৎ দ বার কুড়ি হােড়াে (কুড়ি কাথা তেৎ দইরীল পৗইলৗরে মি কুড়ি ক লেখা আকাৎ আ)। কৗমি কয় সামটাও পুরৗও লেখান যে লেকা নৗর গেৎ, হয় রুওয়ৗড়, বুকৗ তপা, ছৗটয়ৗর আদক ইলগৎকায়া (নাওয়া লুগড়ি তেক লুগুড়ি গৎ কায়া)। নওয়া কগে তায় পাওনা (কুড়াই) দ উনি দাঃ দুল বুডহি সে ধীই বুডহিয়াঃ দ।
0 Comments