অজৗতিয়ৗ রেনাঃ কাথা ক আর কৗমি ক | Ajatiya Renah Katha Ko Ar Kami Hora Ko | Santali Arichali | Kherwal Arichali | Santali Neyam Nemachar |

অজৗতিয়ৗ রেনাঃ কাথা ক আর কৗমি ক

খেরওয়াল বংশ রেন হড় কওয়াঃ অড়াও রে জৗত ধরম সে নেয়াম নেমাচার বাহরে যাঁহানাঃক কৗমি লেখান উনকু দক অজৗতিয়ৗঃ-আ। যে লেকা, অড়াঃ রেন কুড়ি গিন্দ্রৗ ক এটাঃ জৗতি রেন কড়া হপন সাঁও ক বাপলা বৗহিজ লেনখান আর আঁপড়েয়াঃ জৗত ধরম রেন বগা বুরু কক অতু গিডি লেক-খান। সাঁওতা রিনিজ জাহয় এ অজৗতয়াঃ আ উনিদ জেওয়েত-তে ভঁডানে হুয়ুঃ-আ, আর অনা অড়াঃ সে বংশ রেন হড় দ সাঁওতা তালারে তাঁহেন লৗগিৎ তে দহড়া লেকাতে জৗত রে রাকাবঃ হুয়ুঃ তাকওয়া । চেদা সে জাহাঁ বংশ রিনি হড় জেওয়েৎ তে ভাঁডান হুয়ুঃ-আ, অনা বংশ রিন দ জতম্ হড় গে অজৗতিয়ৗ মেনতে ক লেখাঃ-আ। মেনখান উনকু অড়াঃ হড় কদ মিৎটাং দাও মেনাঃ আন তাকয়া। জৗতরে রাকাব হিজুঃ অক্তে আকওয়াঃ বাড়িচ ক দিসৗ এম-লে তাকখান উনকু দনাপায় তেগে জৗত রে রাকাব হিজুঃ রেয়াঃ দাও দক এ্যামা । রিসিম ক উদুঃ লেখান দিশম রে উনকুদ ডাম ডাহে কাতে ‘চৗওডৗল’ তালা তেক অজৗতয় কওয়া। তিন হৗবিজ উনকু হড় জৗত রে বাংক রাকাব হিজুঃ কানা উন হাবিজ উনকু দ সাঁওতা রেনাঃ অকা লেখা জখা, ভাগ বাখরা, বিহৗ-বাপলা, বঁগাঃ বুরুঃ, লায় লাকচার চেৎ রেহঁ মেসা দ একালগে বাং গানঃ-আ ।

জাহাঁয় ক জৗত রে বলন সানা কওয়া (নাপায় অকচ তেখান) উনকু ক জৗত তালা রে অগু রেনাঃ কৗমি কদ নঃঅয় নংকা –মুরমু পৗরিসরেন হড়-ক দিহরি সাব কাতে ধীরি চৗওরৗ ঠেন চালাও হুয়ু-আ । অঁড়ে গে নওয়া বাখরাতে বঁগা বুরু কৗমি দ কৗমি হুযুঃ-আ। খেরওয়াল ধরম রেন হড় কওয়াঃ জৗত চালাও লেন তাক রেদ উনকু কদ মুরমু হড় গেক জৗত তালা দাড়ে আকওয়া । আর মুরমু হড় কওয়াঃ জৗত চালাও লেন তাক রেদ উনকুদ টিকৗ মুরমু কজৗত তালা কওয়া। কম কায়তে গেলবার মৗওজৗ রেন মৗঝি মাপাঝি ক আর আক রেন মেনাঃ অনকু উনকু গুনি গুরিব ক সামাং রে নওয়া কৗমি দ চিকৗড় হুয়ুঃ-আ ।
নওয়া কমিরে লাগাঃ লাড়াঃ তেনাঃ – দাঁড়ে লেকাতে মিটাংপুঁড বদা, মিটাং গলা বদা, মিদটাং হেড়াঃ সিম বাংখান পাঁঠি মেরম সাঁওতে বঁগা সামান ক, হাটাঃ ডৗলিজ, সুনুম সিঁদুর, মিথি, ধূপ ধূড়ৗ, ফুড়ুঃ রে মিস্ ঢেলাক গুরিজ, হলং গুভৗ, আদওয়া চাওলে, সিঁজ সাকাম, মেরাল সাকাম, মিষ্টাং সুপৗড়ি অনা দ পুন সেদ ভুগৗঃ কাঃ হুয়ুঃ-আ। দিহরি লৗগিৎ মিষ্টাং ধুতি (নাওয়ানাঃ), মিষ্টাং কঁসা রেনাঃ লটা, গেল বার মৗওজৗ রেন হড়ক জম হচ লৗগিৎ মি আড়া হােড়ড়া রেনাঃ চাওলে, মিটাংসুকরি বাংখান কৗসি মেরম, আর বার টুকুচ হাঁডি।

বগা বুরু কৗমি – ধিরি চৗওরী রে মিঠেন ফারচা কাতে বঁগা ঠাঁও তেয়ার কাতে গে গুরুজ হুয়ুঃ-আ । জাহাঁয় ক ক অজৗতয়ৗ আকানা উনকু কদ গাড়া বাংখান পুখরি ঘাট খন তােপাে রাকাব অগু ক হুযুঃ-আ ।তােপাে রাকাব অঃ অক্ত উনকু মুরে মিহড় হানা পুন:সেৎ ভুগৗঃ আকান ঠিলি রে দাঃ পেরেজ কাতে দিপিল আঁৗও হচ হুয়ুঃ-আ। দিপিল কাঃ ঠিলি খন দ পুন সেদ ক ভুগৗঃ লে হরতে দাঃ জর জরতে হিজুঃআ অনা বঁগা ঠাঁও ঠেন হাবিজ।ঠিলি খন দাঃ জর হচ রেনাঃ তেতে তেদনওয়া কানা, জাঁহা বে বাড়িজ কৗমি বাখরাতে অনে চট চাঁদো হয় এদরে আকান খৗতির দাঃ জড়ি পারজৗত এ গুম দহ দাড়েয়াঃ-আ, অনা তেগে চাঁদো বঁগা ঠেন নার-জঃ রেনাঃ যে, হায় চট চাঁদো ইঞদ সে আলে দআঁড়ি বাড়িজ-লে কৗয় গদ্ আকাৎ-আ, অনা লেকাতে লুতুর লে পেটেরঃ কানা গঁসাই, তেহেঞ লেকাতে ইকৗ কালেমে চাঁদো। ধীরতি রেনাঃ পুন কঁডগে সমানতে দাঃ জৗড়ি পুরীও মে সাই’ । দিশম হড়হঁ অনা কাথা গেক লৗয়-আ যে ‘চাঁদো বঁগা নুকু মৗনমি দ আকওয়াঃ পাকৗমি ক দিসৗ এআকাৎ তাকওয়া, নিয়ৗ ধাও লেকা তে ইকৗ কা-ক মে সাই’ ।
বঁগা ঠাঁও ঠেন সেটের কাতে অনা ঠিলি ক দহয়া। দিহরি অনা ঠিলি রেনাঃ দাঃ ভৗনতুজ ফুড়ুঃরে দুলায় । দুল কাতে জৗত চালাও আকান তাক হড় কদ আজাঃ লেগাতি জজম-তি বানার ধারেরেয় দুডুব কওয়া । আদ ভৗনতুজ ফুড়ুঃ রেনাঃ দাঃ বানার তি-রে সাব কাতে তি পাটেৎ কাতেৎ উনকুয় চাল আকওয়া । মেনেদ দ লেগা ধারে রিনিজ দ জজম তি রেনাঃ আর জজম ধারে রেনিজ দ লেগা-তি রেনাঃ । উনরে অনা দাঃ অনে বহঃ রে ইরচি কাতে উনকুওয়াঃ বহঃ উব হয়’ ফারচা হুয়ুঃ-আ । এতহবঃ-আ উনরে আদ বঁগাঃ বুরুঃ কৗমি। মারাং বুরু আর ধরম তুম তে হলং গুডৗ তে সাে সাে বারয়া গঁড় তেয়ার হুয়ুঃ-আ। পানতে রেগে নাসেনাঃ সাহারে জাহের এরা এতুমতে আর মিটাং খড় তেয়ার হুয়ুঃ-আ। অনা গঁড় করে আদওয়া চাওলে, সিঁজ সাকাম, মেরাল সাকাম দহয়াঃ হুয়ুঃ আ । অনা তায়ম খড় করে পে টিডৗঃ কাতে, সিঁদুর (লাহা দ সাজ কৗটুবতে অনা তায়ম তালাকৗটুব অনা তায়ম উদুঃকৗটুবতে) টিউৗগৗঃ হুয়ুঃ-আ। মিথি গুঁডৗক জতম্ খড় রেগে ছিটকৗও-আঃ হুয়ুঃ-আ । আদ দাঁড়ে ক খুঁড়রে অতি লৗগিৎতেসামাংক হুযুঃ-আ। দাঁড়ে কঅনে সামাং-ক লাহারে দাঃ ইরচি কাতে উনকুওয়াঃ বহঃরে দেয়ারে আর চুপি সেরে সিঁদুর জত্ কাতে মিথি গুঁডৗ অজঃ আক হুয়ুঃ-আ ।

লাহা দ মারাং বুরু এতুম তে অতি অক্ত ক বাঁখেড়া
জহার গঁসাই মারাং বুরু মা এনখান 
    তেহেঞ দনুকু বাংবুজ বাংসুজ কাতে.............
  আকওয়াঃ জৗতি কবহেল বঁডয়ল লেৎ খৗতির
    অজৗতয়ৗ লেন তাহে কানা ক সাই ......।

তেহেঞ দ নংকু ক আকওয়াঃ পাপ কৗমিক, কয়ঃ ঞাম দিসৗ এম আকাৎ তাকওয়া গঁসাই অনাতে তেহেঞ দ লুতুর ক পেটেরঃ কানা । মা গঁসাই এনখান আমগে সৗখি দহ কাতে....., ধিরি চওরীরে দুড়ুব কাতে মুরমু হড় ক আতে নুকুন্দ, খেরওয়াল জৗতি রেলে জীত তালায়েক কানা । নওয়া খৗতির বুগি বৗড়ি গৎ আকান রেদ অনা রেনাঃ ইকৗদ আম ঠেনগেলে কয় জং কানা খুঁসাই —–। যাঁহানাঃ যাঁহা করে এতম কয়ে গৎ আকান রেদ অনা কদ আমগে সােঝে কাঃ রৗইলৗ কাঃ মে বাড়ে নায় বাড়ে নাপায় বাড়ে গে গঁসাই...........
নিয়ৗ তায়ম আদ গলাবদা ধরম তুম তেনা খুঁড়রে অতিঞে হুয়ুঃ আ । ধরম এতুম তেহঁ, অাগে বাঁখেড় কাতে উনকিন বদায়াঃ মায়াম দখডরে ক জরয়া (
মিহড় সেবা কাতে আর মি হড় সেবায়ে রেদ নাসেনাঃ তি রেক দাঃ জং আ। উইহৗর তাঁহেনমা নওয়া কামিরেদ মারাং বুরু আর ধরম এম কাতেই কৗমিদ সিগিলঃ গেয়ামেনখান নাসেনাঃ সাহারে জাহের এরা এমায়তেদ দষ-দ বনুঃ-আ। অনা তেদ বুগি বেগর বাড়ি বাং হুযুঃ-আ)। অনা তায়ম জাহের এরা এতুমতে নাসেনাঃ সাহা রে খড় তেয়ার কাতে দাঁড়ে আতিঞে হুয়ুঃ-আ। উন অক্ত রেনাঃ বাঁখেড় ..
জহার আয়াে জহার এরা। মা এনখান নঃ অয়... জৗতরে রাকাব এতুমতে আম হঁ লে এম আম কান চাল আম কান আয়াে সুকতে সাঁওয়ারতে আতাং কাঃ তেলা কাঃ নায় বাড়ে নাপায় বাড়ে আয়াে। মা এনখান আয়াে নুকু ক নঃ-অয় খেরওয়াল জৗতি তালা রেক বাড়িজ লেদ তেহেঞদ আলে সানাম ক তেগে। নওয়া বৗড়িজলে সুধীরেদ কান আয়াে নওয়া দ বাড়ে সুধীর কঃ সিধ কঃ নায় বাড়ে নাপায় বাড়ে আয়াে....... ।

বঁগা বাড়া ক চুকৗও লেনখান লটা রেনাঃ দাঃ তি রে হাতাও কাতে দিহরী দ ঝতম্ খড়গে আলা আলা পে-ধাও তে বেড়হাও এসেৎকাতে আদয় গডাঃ আ । অনা সাঁওতে সানাম কগে আদ-ক ডাঃ আ ।
বঁগা হুয় এন খানগে দিহুরী দমিষ্টাং নাওয়া টুমৗংরে পে আঁজলে চাও লেখাঁড়া কাতে দাকায় ইসিনা। অনা দাকা পেয়া পাতড়া রে লাে কাতে মারাং বুরু, ধরম আর জাহের আয়াে তুম তেয় বঁগায়া । অনা দাকা বগা কাতে নাসেনাঃ আঁঠৗ-আঃ আয় । অনা রেনাঃ নেয়াম তেৎ দ নঃ অয় নংকা “পাড়া দাকা খনাঃ বারয়া গান সৗকড়ী হালৗগিৎ এ রাকাব লেখান-গে অনা আঁইঠৗ কৗমি দ হুয় এনা।” আদ নুকু জৗত রেক রাকাবঃ কান হড় কদ অনা দাকা-ক জমা । জম হুয় লেনখান অরুব বাড়া কাতেউনকুদ মিটাং সিকৗ কৗউডী আর মিলটা দাঃ দিহরীয়াঃ জাঁগা ফেড় রে দহয়াক আর ক গড় আয়া। উনরে দিহরী আদয় কুলি কওয়া— “বাপধন নওয়া দ অকা পৗরিস পাল্টা খনা?” উনকু উনরেক লৗইয়া উমুক পৗরিস পাহটা খন (যাঁহান পৗরিস রেন হড় কানা ক অনা কলৗই তাকওয়া ) । আদ উনকুওয়াঃ মচা খনাঃ অনা কাথায় আঁজম লেখান গে দিহরী দ সিকৗ কাউডীয় সাক্-আ আর লটা দাঃ নাসেনাঃ এ হিরিজা। অনা তায়ম এ মেতা কওয়া, মা আদ দিশম মাপাজি কঠেন সামাং অঃ পে’ । উনরে মিলটা দাঃ উনকু জৗত চালাও লেন তাক হড় কদ মাপাজি ক সামাং রেক দহয়া, আর মাপাজি ক-ক গঁড ইদি আকওয়া। দিহরীদ উনরেয় লৗই পাসনাও আকওয়া – ‘বাপধন নুকু দ খেরওয়াল জৗতি রেন গে উমুক পৗরিস রেন (যাহা পরিসরেন হড় কানাক, অনায় লৗই পাশনাও তাকওয়া) হড় ক কানা ক’ | আদ মাপাজি কহঁআঁজম বাড়া কাতে অনালটা দাঃ নাসেনাঃ অতরে আদ ক হিরিজা। তাহলে খান গে জৗত তালা কৗমি দ হুয় সৗত এনা।
নওয়া ক তায়ম বঁগা লাগিৎ ক লাগাও আকাৎ-ক উনকু দাঁড়ে কওয়াঃ বহঃ দিহরী লৗগিৎ দহ কাতে, হড়ম তেৎ দ মিষ্টাং মেরম আর বাংখান সুকরি সাঁও সােড়ে কাতে দিশম হড় তেক জম-মিদা। আর ইনৗ হিলঃ খনগে উনকু জৗত চালাওলেন তাক হড় কদ খেরওয়াল সাঁওতা রেনাঃ সানাম লেকানাঃ কৗমিক রেক সালাগঃ-দাড়েয়াঃ আ ।