সাকরাত পরব - মকর পরব | SAKRAT PAROB - MOKOR PAROB | Santali Kharwal Arichali | Santali Neyam Nemachar |

"সাকরাত পরব"

সাকরাত চাঁদো মেনেৎ পুষ বঁগা রেনাঃ মুচৗৎ মাহা রেগে নওয়া দক মানাওআ। জাহের বঁগা সানতাড় কওয়াঃ নওয়াদ আকওয়াঃ সেরমা মুচৗৎ রেনাঃ মিটাং পরব মাহা কান তাকওয়া। নওয়া দ সানতাড় হড় দ চেদাঃ, গটা খেরওয়াল গাঁতাক রেন হড়ক কঠেন গে মানাঃ পরব কানা । নওয়া রেদ রেগে অরে সানাম কগে ক কুড়াও আনটাও কাঃ আ । নওয়া সাকরাত হাঁটি পরব ইদি কাতেৎ দ সানতাড় হড় ক মড়ে মাহা উনকুদ অনে জহড় ক তাঁহেনা ।নওয়া জহড় তালাতেগে উনকু কদ মুচৗদঃ কান মারে সেরমা খন ক তি পারমঃ আ অনে সেটেরঃ কান নাওয়া সেরমা রে। সাকরাত ইদি কাতে দ হড় কচৗওডি, বীওডি, হলং হুডুং, সিঞ সাকরাত আরবল— অনে ; নাওয়া সেরমা রেনাঃ এতহব মাহা “আখান”নওয়া কমড়ে মাহা গে জহড় ক তাঁহেনা। চৗওডি, বাঁওডি নওয়া কিন মাহা দ হানা নাওয়া ক জগাড়া— অড়াঃ দুওয়ৗর ক-ক ফারচায়া আর খেত বঁগা ক অকয় অনে রুভৗরে অড়াঃ তে বাংক রাকাব আগু কাঃ খান ইনৗ হিলঃ ক রাকাআগুয়া- সেক রাকাব আগু কওয়া; অনা তায়ম হলং হুডুং মাহা ইনৗ হিলঃ দ অড়াঃ রেন হেরেল হড় কদ দিৗ আঁগাঃ অনে সাঁও সাঁওতেগে সুকরি জেল পিছৗ ক উডুকঃআ আর অড়াঃ রেন আয়ে হড় কদ সেতাঃ খন অড়াঃ ক গে গুরি ফারচা কাতে হলং ক-ক হুডুং আ । অকয় কদ সারজম সাকাম রেনাঃ পাতড়া ক-ক বেনাওয়া। ইনৗ হিলঃ আয়ুব বেড়া দ ‘পাতড়া পিঠৗ’ অনে জেল মেসা আতে ক তেয়ারা। অৗয়ুব বেড়াদ অড়াঃ রেন সানাম হড় কগে অনে দুডুব মিকাতে পিঠৗ কক জমা। ইনৗ হিলঃ দ ঘারঞ্জ রেন সানাম হড়ক মিৎ সাঁওতে দুডুব মিৎ কাতে ক জমা।

অনা হলং হুডুংঞিদৗ দ সানাম কগেক বেঁগেৎ আঁগায়া সেরে দুরৗং তালাতে। আতাে রেন তিরলৗ কই আলা কাতে আখড়ায় তেক (আতাে ভিতরি রেগে) রসিকৗ আগায়া । অনকাগে আতাে রেন কড়া হড় কদ তিরিয়ৗও বানাম আতে, আতাে রেনাঃ সুতৗন টাঁন্ডি মেনে যাঁহা ঠেন সেঁদরা বঁগা অনে বঁগা আয় হুয়ুঃ আ— অঁডে ক উড়ুক চালাঃ আ । সানতাড় হড় কদ পৗহিল খনগে বির বুরু সেঁদরা কারকা কাতে কুল বানা কসাঁও তাপাম তুপুৎ তালাতে বাঞ্চাও কাতে মেনাঃ আন কওয়া। অনা সাকরাত হিলঃ দ সানাম ক মিঠেন জাওরা মিস্ কাতে রসিকৗ রম ক হাটি জং আ । অনে অকাঞ লাইয়েদ কান তাঁহে, কড়া হড় কদ সুতৗন টন্ডি ঠেন রমজ তারকাও লৗগিৎ ক উড়ুক চালাঃ আ । অঁডে দ বির রাহা তে কুঁডয়ৗ আড়াং তেক সেরো। অনা সুতৗন টাঁডি রেনাঃ সেরেঞ দ নডে বা অল লেৎ আ । মেনখান আতাে খন উডুক চালাঃ অক্ত আততা ভিতরি রেগে সেরেঞ গানঃ লেকানাঃ সেরেঞ ইঞ অল কে কানা।

(রাহাদ বির রাহা) 
“এহহা এহহা মৗঝি বাবা,
দেনসে মৗঝি বাবা মাসে লৗইমে...
জুওয়ৗন হড়-ম রে বিস রাকা লেনখান। 
তকয় বাবা গােয় আঁড়গােয়া........ ?

বিঞ বিস দ রাকাব লেনখান
অঝা মৗঝি বাবায় ঝাড় আঁড়গােয়া 
জুওয়ৗন হড়ম রে রাকাবঃ বিস দ... 
অকয় মৗঝি বাবায় ঝাড় আঁড়গােয়া.......... ?

দোসে চালাঃ পে সুতৗন টাঁন্ডিতে
অঁডে মেনায় হাড়াম ইৗড় উনি গে,
বিস আঁড়গাে মানতার দ..... 
মানতার দয় লৗই আপেয়া...............।”

অনকাগে রসিকৗ রৗসকি কউড়ুক চালাঃ আ ।তিরিয়ৗও বানামরু অরং তালাতে হড় হড় অঁডে মিস্ দিৗ সুতৗন টাঁন্ডি ঠেন ক সেরেঞ আঁগায়া। অনে অনা সাকরাত রেগে সুতৗন টাঁন্ডি আরবাং বেঝা তুঞ অক্তরে বির রাহা তেক সেরেঞা ......

তাঁহা রেতা না-না-তারনা.. 
তাঁহা রে রে না-না-না
তাঁহা রেতারে না-না-না-
জে - তাঁহা রেতারে না-না-না- হাে .....।।

দুল দুলি রে টামাক সাড়ে
আযােদিয়ৗ রে টিংকি সাডে দ
আযােদিয়ৗ বুরু বির সেঁদরা দ 
সেঁদরা দ হিলি গাে চালাঃ গে ৷৷

তাঁহা রেতা না-না-তারনা
তাঁহা রে রে না-না-না
তাঁহা রেতারে না-না-না- জে
তাঁহা রেতারে না-না-না- হাে ।।

দেনসে হিলি গাে সিকৗ কৗউডি
দেনসে হিলি গাে আঁঃ-সার কৗপি 
দেনসে হিলি গাে লাঠে পটম
আযযাদিয়ৗ বুরু বির সেঁদরা দ.........

সেঁদরা দ হিলিগাে চালাঃ গে ।।
তাঁহা রেতা না-না-তারনা
তাঁহা রে রে না-না-না
তাঁহা রেতারে না-না-না- 
জে তাঁহা রেতারে না-না-না-হাে ।।

বৗঃ বাবুজা সিকৗ কৗউডি
বৗঃ বীবুজা আঁঃ সার কৗপি
বানুঃ বৗবুজা লাঠে পটম
আযযাদিয়ৗ বুরুবির......

সেঁদরা বৗবুজা আলম চালাঃ আ ৷৷
তাঁহা রেতা না-না-তারনা
তাঁহা রে রে না-না-না-না 
তাঁহা রেতারে না-না-না- জে
তাঁহা রেতারে না-না-না- হাে ।।

হড় বাবুজাম হলি গেয়া
হড়-ম বৗবুজা কুচি পেতাম
কুল বানা খেলােট বাবুজা
খেলােট বাবুজা বাং এম বাড়ায়
অনাতে মেমেন আযােদিয়ৗ বুরু বির
সেঁদরা বীবুজা আলম চালাঃ আ ।।

সিঞ সাকরাত – সেতাগঃ সাঁও সাঁওতে দুওয়ৗর গানাডি ঠেন বারয়া সিম ক থাপড়ে গকিনা। মিটাং দ মারাং বুরু আর মিষ্টাং দ সাকরাত বুঢ়হি তুম তে।গিদীর পিদৗরক বেড়া রাকাবঃসাঁও সাঁওতে তােপাে ফারচাঃ আক। তােপাে রাকাব
কাতে রেয়াড় খনাঃ বাঞ্চাওয়ঃ লৗগিৎ তে বুঢ়হি কুঁবৗ ক তেয়ারা । তােপে রাকাব কাতে অনারে সেঁগেল ক ধরাওয়াঃ তেক জোরােঃ কেটেজঃ আ । আতাে রেন কড়া হড় কদ সেতাঃ তরা সুতৗন উঁন্ডি খন রুওয়ৗড় হেচ্ কাতে আতাে রিনি মৗঝি বাবা ঘঁড়া কাতে আদ তােপােন ঘাট তেক রেলাঃ আ তিরিয়ৗও বানামাতে । তােপােন ঘাটরে তােপাে রাকাব কাতে মৗঝি বাবা দ আচ্ রেন আতাে রেন উনকু গুনি গুরিব কয় লেখা মিল্ক - তায়া । ঞেল কওয়ায় মিদ সেরমা ভিতরিরে তিনৗঃ ক গুর ইৗটি এনা তিনৗঃ ক তাঁহে এনা আর তিনৗঃ গেবাংক হেচ্ বলয়েনা। তােপে রাকাব কাতে সানাম কগেক গড়জহার জংআ। অনা তায়ম তােপােন ঘাট খন অনে তােপে ফারচা বাড়া কাতে উনি মৗঝি দ আর অড়াঃ তেক ঘঁড়া আগুয়েয়া। অনা খানগে সানাম কগে আপিন অপিন অড়াঃ রে সেন কাতে আদ পিঠৗ লাঠা ক-ক জমা।
তারাসিঞ বেড়া দ বেঝা ক তুঞা । জগ মৗঝি বেঝায় বি আ । বিদ্ কাতে অনা ফেডরে নাসেনাঃ এ্যা গুরিজাঃ আ । অনা তায়ম অনা দিশী কাতে বেঝা খুঁন্টি রে পে টিডৗঃ আর অতরে পে টিডৗঃ সিঁদুরে আঁড়গােয়া। অনা কাতেগে সেঁদরা কড়া ক মিষ্টাং ঠাঁও এ্যা উদুঃ আকওয়া.., যাঁহা খন তিগু কাতে উনকু অনা বেঝা কতুঞা ।লাহাদ জগ মৗঝি গে সার এ্য তেরাং লাহায়তে সেঁদরা কড়াক হর্ এ্যা আড়াঃ আকওয়া। 
জগ মৗঝি হর এ্য আড়াগ অক্ত অনে সার তেরাং রেনাঃ নেয়াম—
আঁঃ রে মেনাঃ চাড়হাও পড়ছৗ রে সার জপঃ কাতে জগমৗঝি দপুরুব পুছিম উতর দুখিন আর চট্‌ সেৎ হাবাঃ কাতে আজাঃ সামাং সেৎ অনে ফেরেগে মিষ্টাং সাদ অরেয় তুঞ বিদ্ গৎ কাঃ আ। অনাদ হুয়ুঃ কানা সানাম বগা বুরু ক দিশ কাতে উনিদ উনকু কমান সালাঃ অজাপাঃ গড এ্যা চাল আদ কওয়া। অনা তায়ম অনকাগে দসারাঃ মিষ্টাং সার দ গটা হাবাঃ অচুর কাতে মুচৗৎরে অনে চট সেৎ হাবাঃ তায়ম অনাদ তায়ম সেৎ রে অরেয় তুঞ বিদ্ গৎ কাঃ আ । অনা তায়ম আর মিষ্টাং সার আদ বেঝা সেৎ এ্যা তেরাং গৎকাঃ আ । এনখানগে হর আড়াঃ দ আদ হুয় এনা।
জগমৗঝি হড়-এ্য আড়াঃ লেখানগে সিকৗরিয়ৗ কড়া ক-অনা বেঝা-কতু হারাড়াঃ। অকয়ে বাজাও-আ, উনিদ ঘঁড়া কাতে মৗঝি অড়াঃ তেক আগুয়েয়া। আর অনা বেঝা দমাঃ লটকাতে আঁঃ রেক খৗডুয় তে বাজাও আকাৎ এ্য উনি সিকৗরিয়ী গেক গঃ আয়া। অনা মৗঝি অড়াঃ রে সানাম আতাে হড় কগে মি টুকু হাঁন্ডি আর মি হাটাঃ খৗজৗড়ি ক ইৗটি জমা । নওয়া বেঝা ইদি কাতে দ মিষ্টাং কৗহনি মেনা আকাৎ আ। অনা বেঝা দ সানতাড় হড় কদ বাইরি সাঁওক তুলুচ্ আকাৎ আ। অনাদ নওয়া সাকরাত বাখরা অল হুডিমাছা তে ভেঁডয়েৎ কান্ খৗতির বৗঞ অল লে-আ।পিছৗ লেখান অডিগান হাড়াম সে অনকান পুরুধুল কঠেন খন গে নওয়া থুতি কদ আজমঃ আ । অনা সিঞ সাকরাত হিলঃ তারাসি বেড়া দ গীড়িক হঁক আসেন এনে কওয়া। নংকাকাতেগে সানতাড় হড় কদ অনে সেরমা পুরৗও অনা মুচৗৎ মাহা দক লাগা পারমা।

“গৗড়ি আসেন সেরেঞ” 

দিং দাং দিং লুটকু লুটুব

মেদাং দাং মেদাং ককড় চঃ । 

এম খান দ এমা লেপে গাে 

বাংখান দমড়ে মাহালে বাসা আপেয়া,

কচা রিনি সিম সডিলে জমে তাপেয়া।

দিং দাং দিং লুটকু লুটুব মেদাং দাং মেদাং ককড় চঃ 

অনকাগে আরহঁ মিটাং সেরেঞ.......

দিং দাং দিং লুটকু লুটুব 

মেদাং দাং মেদাং ককড় চঃ ।

হৗনি যদি কয়ঃ এম

রুপি যৗদুয় বিডু অঞ কান।

এয়া রুপি দয়া বিডু হচ-আয় মেসে,

পালটা বুরু বাড়ে সেটের হচ সে,

উন বাড়ে রাদ রাদ ঘেচে ঘেচে গহড় ইদিয়েম । 

দিং দাং দিং লুটকু লুটুব

মেদাং দাং মেদাংককড় চঃ ...।

সিঞ সাকরাত দসার গে নাওয়া সেরমা রেনাঃ এতহব মাহা মেনে সান্তাড় হড় কওয়াঃ সেরমা রেনাঃ এতহব চাদো দ হােয়ােঙ কান তাকওয়া মাঘ বঁগা। আর অনা মাঘ বঁগা রেনাঃ এতহব মাহাদ হােয়ােঃ কানা ‘আখান”। অনা গেক মেতাঃ কানা আখান মাহাদ। ইনৗ হিলঃ দ সানতাড় হড় ক অনে সৗগুন ক চাচোয়া। অড়াঃ করে বগা বুরু ককবঁগা আকওয়া। অড়াঃ বেনাও লৗগিৎ বুনয়ৗদ তাড়াও কদ ইনৗ হিলঃ এতহব দ আডিগে সৗগুনা । চাস কৗমি এতহব লৗগিৎহঁ ইনৗ হিলঃ গে বাদ খেতরে নাহেল তে হাসা কক বুডৗগাঃ-আ। অনকা কাতে গে জাহের বঁগা সান্তাড় কদ অনা নাওয়া সেরমা রেনাঃ এতহব মাহা দক সােতােঃ সাঁবাওয়া। 

(নওয়া কাহিনী দ হুডিঞ মাছাতে অল এনা) || 

সাকরাত জঁহার ||