খেরওয়াল হড় ক বাস্তু ভিটৗ ক থাপন কেৎ অক্ত রেনাঃ । নেয়াম নেমাচার ক – KHERWAL ARICHALI

খেরওয়াল হড় ক বাস্তু ভিটৗ ক থাপন কেৎ অক্ত রেনাঃ । নেয়াম নেমাচার ক – রামেশ্বর মুর্মু (আদিম সান্তার)

খেরওয়াল হড় কক বীড বােরকে এন রেদ গৗহির বির গাজাড় রে অনে খাড় মাঃ ফারচা কাতে বাস্তু ভিটৗ আদক থাপন কেৎ আ । উনরে উনি লিটৗ সায়াঃ দিশ হুদিশ তেগে উনকুদ মি-মিদ লেকানাঃ নেয়াম নেমাচার ক তালাতে অনা ঠাঁও কদ ক আঁচাও কেৎ আ ।। নেয়াম নেমাচাবঃ— নাপায় অকচ খাড় কক মাঃ ফারচা কে আ। মিটাংসৗগুন আনাঃ মৗহিত রেনাঃ অয়ুব সুমুংরে মারাং বুরু, জাহের এরা আর মড়ে ক তুরুয় ক। এতুম তে দাঁড়েক হবর কাতে অনা ঠাঁও তেক সেটের এনা। মিটাং সৗগুন সুপৗড়ি, অনা সাঁওতে মিদটাং নাওয়া হাটাঃ রে বগা সামান (সুনুম সিঁদুর, মিথি, গুরিচ ঢেলাক, হলং গুডৗ, কৗপি, আদওয়া চাওলে, ধূপ-ধুড়ৗ এমান ক) কক ইদি তরা কেৎ আ । গটা। আকাক ঠাঁও রে সেটের কাতে মিৎঠেন কুনৗমি চাঁদো লেকা ক গুরিচ কেৎ আ । দাঃতে পেরে সৗগুন সুপৗড়ি ক দড়ম্ কে আ। পুব সেৎ সামাং কাতে সৗন সুপৗড়ি সাের রে হলং গুডৗতে পেয়া গঁড় ক তেয়ার কেৎ আ । খড় ক তালারে আদওয়া চাও লে ক চুরুজ কে আ। মিথি গুঁডৗ অনে খড় চেতান রেক এর কেৎ আ । আর মিটাং সুলতৗ সেঁগেল। হক জুল কেৎ আ । অনা তায়ম আদ সুনু সিঁদুর ক আঁড়গাে কে আ। লাহা দ সি বঁগা (ধরম) এতুম কাতে সৗগুন সুপৗড়িরে পে টিডৗঃ, অনা তায়ম মিৎ থার তে তেয়ার আকান ‘ড করে পে টিডৗঃ কাতে (মারাং বুরু, জাহের এরা আর মড়েক তুরুই ক)।। উন অক্ত সানাম কতে আদ ক বাঁখেড় কেৎ আ ,

“জহার ‘সাই সিঞ বঁগা বারাং বারাং মা এনখান আমদ জৗটি লেকাম আটেৎ আকান... সরগ মঞ্চ ধীরতি পাতাল গটা আমগেম ডাবাও আকাৎ… মা এনখান গঁসাই সৗগুন ঠিলি দাঃ দড়ম কাতে ... মারাং বুরু, জাহের এরা… মড়েক তুরুইকসৗখী দহ কাতে ..... থীমিত লৗগিৎ অত হাসালে সার এৎ সৗগুনয়েৎ কান... মা এনখান আপে কগে অনাদ আঁচাও কাতে.,. নাওয়া ঠাঁও রেনাঃ বুগি বৗড়ি কদ উদুঃ আলেপে বাড়ে... মা গঁসাই এনখান নায় কঃ নাপায় কঃমা বাড়ে .... অনা তায়ম ইদিয়াকাৎ কক সানাম দাঁড়ে ক আদ মিমিৎ গটাং খঁড় ক সঝেরে (অকয়াঃ অকা খড়, উনি এতুম অনিচু দাঁড়ে) আল ক.তিয়ুঃ দাড়েয়াঃ মা অনকা লেকা। বাবের তেক তল চৗডয়ৗও হট কাৎ কওয়া। অনা হিলঃ লেকা তেদ অনকা কৗমি কাতে গে আদ উনকু দাঁড়ে ক খড় রে বাং অতি কাতে গে মিস্ দিৗ লৗগিৎ অনা ঠাঁও রেক। বৗগি হট আকওয়া। দশার হিলঃ আরহঁ সানাম ক হেজ সেটের কাতে অনা ঠাঁও ঞেল কাতে আদ ক আঁচাও আ । সৗগুন ঠিলি দাঃ আঁজেৎ আকান রেদ একাল গে অনা ঠাঁও দ বাং সৗগুনান মেনতে ক আঁচাওয়া যে, হাপেন দিনরে অঁডেদ দাঃ করেনাঃ আডি তেৎ আনাট দাড়েয়াঃআ, এমান তেয়াঃ । খুঁড় ক সাঁওতে সাজাও লেক বঁগা থান ক তারাল বাসাল লেনখান। অনাহঁ বাংসৗগুনান গেক মনেয়া। দাঁড়ে কক আদ লেন রেহঁ, অনাহঁ বৗড়ি আন সে বাং বুগিয়ান মেন্তে গেক আঁচাও-আ।। আর অনে সানামাঃ নাপায় গেয়া মেনতে ক আঁচাও কে খান, অনা সেতাঃ তরা রেগে আদ উনকু দাঁড়ে ক খড় রে অতি কাতে বঁগাবুরু কৗমি কদ ক সাত কেৎ আ। নঃ অয় নংকা কৗমি ক তালা ভেগে সানাম খেরওয়াল হড় ক খাড় মাঃ ফারচা কাতে বাস্তু ভিটৗ আদ ক থাপন কেৎ আ । খেরওয়াল জৗতি হড় কওয়াঃ বাস্তুভিটৗ থাপন। বাখরা তেদ নওয়াগে আকওয়াঃ ধরম নেমাচার দ কানা। জাঁহারে মৗনমি একাল গে বনুঃ আন কওয়া, অঁড়ে নাওয়া লেকাতে বাসা ডেরা অনে থৗমিদঃ লৗগিৎ ক গটা লেৎ কান, নওয়া দ উন অক্ত রেনাঃ কৗমি। মেনখান লিটী গসায় আরহঁয় লৗই তরা আদ-আ, হাপেন দিনরে জাঁহা তিসঃ থৗমিআকান আতাে ভিতরি রে নাওয়া লেকাতে বাস্তু ভিটী মিদ ঠেন গটায় লৗগিৎ তেদ অনকাগে বগা সামান ক সাঁওতে দাঁড়ে ক ইদি কাতে আঁৗয়ুব তরা রেগে কৗমি তেৎ দ অঁডে উদগেল হুয়ুঃ আ | মিৎ ঞিদা অঁডেদ সুলতৗ সেঁগেল জুল আর ধূপ ধুড়ৗ আতার আঁগা হুয়ুঃ আ অনা তায়াম সেতাঃ অনে বেড়া রাকাবঃ সাঁও সাঁওতে বঁগা বুরু কৗমি দ সৗত হুয়ুঃ আ । নংকা নেয়াম নেমাচার তালাতে কৗমি চিকৗড় লেন-না, অনা আতােরে সে অনা অড়াঃ রে হাপেনঃ সৗগুন দ জিয়ৗড়ঃআ ।।