বাঁহা বঙ্গা - Baha Bonga (পার্ট—২)

“আরহঁ ক সেরেঞা’

কৗপিমা কপি হাে, জা গঁসাই সামানকৗপি

তড়া মা তড়া হাে, জা গঁসাই রৗগৗয়নি তড়া ।

অকয় হালেয় গঃ কে হাে জা গঁসাই সামানম্ কৗপি,

অকয় হালেয় হবর কে হাে জা সাই রৗগৗয়নি তড়া ?

মারাং বুরুয় গঃ কে জা গঁসাই সামানম্ কৗপি

জাহের এরায় হবর কে জা গঁসাই রাগৗয়নি তড়া ।

গঃ তেহঁয় গঃ কে জা গঁসাই সামানম্ কৗপি

হবর তেহঁয় হবর কে জা গঁসাই রাগৗয়নি তড়া ।

নংকাগে মিৎ দিৗ ক এনেচ সেরেঞা আরক দন্ আঁগায়া। সেতাঃ এন খান! গে নায়কে দ জাহের তে চালাঃ লৗগি এ তেয়ারঃ-আ। তােপে ফারচা বাড়া কাতে, তেকে সব লুগড়ি তে পালাট কাতে তেয়ার সীতঃ আয়। আতাে সানাম হড় করু এনেচ আতে কইদিয়েয়া। বঁগা সামান ক মিদটাং নাওয়া হাটাঃরে লেগা তিতে হেরমেদ কাতে, জজম্ তি তে মিলটা দাঃ তেওয়েঞ কাতেয় উড়ুক চালাঃ আ। মিটাং ডাংগুওয়ৗ কড়া গিৗ সৗগুন সুপৗড়ি ক গঃ হচয়েয়া (অৗওরি ছটিয়ৗর কদ বাংক গঃ হচ কওয়া) আর দাঁড়ে কক সাঁও তরা কওয়া। জাহেররে বলন অক্ত মৗঝি থান ঠেন পে দা-হাও নায়কে অচূরঃ আয়, অনা সাঁওতে এনেচ কহঁ ক অৗচুরঃ-আ। অঁডে খন ক লাহা চালাঃ-আ গোঁসাড়েয়াঃ থান সেৎ। অঁডেই অনকা গেক অৗচুরঃ তে আদ জাহের থান ঠেন ক সেটেরঃ আ। সেটের কাতে অনা জাহের থান রেহঁ পে ধাও ক অৗচুরঃ আ। অনা তায়ম নায়কে দ পুব সেৎ সামাং কাতে বঁগাঃ আদয় দুড়ুব আ। এনেচ ক আর দ-দন্ কড়া কদ বগা ক-ক আঁড়হেঁ সেটের কওয়া। নায়কে দ উনরে আদ বগা থান ক গুরি এ্য এতহবঃ আ ।

‘সেরেঞ (রাহা দ বাহা)

চেতে খৗতির এনা ছিতৗম তায়নম এনা,

চেতে খৗতির এনা ছিতৗম বিলম্ এনা ...?

গেছ গুরিচ তেগে সাই ইঞ দু তায়নম এনা,

লাড় লামাঃ তেগে গঁসাই ইঞ দুঞ বিলম্ এনা ...।

চেতে তেদ এনা ছিতৗম গু-গুরি কানা,

চেতে তেদ এনা ছিতৗম লাড়ে লামাঃ এ?

তওয়া তেগে ই দ গঁসাই ইঞ গু-গুরিজ কান ..

দাহে তেগে ই দ গঁসাই ইঞ লাড়ে লামাঃ এদ ........।

রু রু কক তড়াও আ ....., সেরেঞ তেৎদ সানাম কতেক তেলায়া অনা তায়ম ক লাগায়া। নায়কে দ থান রেনাঃ লাহা সেরে সৗওন ঠিলিয় দড়ম্ কে আ। পে খি নৗটওয়া সুতৗম তে সৗন ঠিলি আর সুতৗম গুড়য়ৗও নীটওআয় আরাও মিস্ আ । সুতৗম গুড়য়ৗও নীটওঅ দসৗগুন ঠিলি খন সাের রেগে লেগা সেদরে অংরেয় বিদ কাঃ-আ। অনা তায়ম পে টিডৗঃ সিঁদুর অনে সারজ দারে রে, আর পে টিডৗঃ দ সৗগুন ঠিলি রে টিডৗ-গায়; অনা তায়ম তিক অরুব ফারচা বাড়া কাতে বঁগাঃ কৗমিই লাহায়া। মৗরখু হলং তে পেয়া খুঁড় এ্য বেনাও আ । অনা কদ হুয়ুঃ কানা জাহের এরা, মারাং বুরু আর মড়ে ক তুরুয় ক তুমতে (ঋড় দ এতম খন কঁয়ে সেদ্ তি অৗচুর কাতে ক চুরুজ পুরৗওআ)। নায়কে সাঁওতে সানাম কগে বঁগা বুরু কঠেন ক কুলি উধীর জং আ; বগাঃ বুরুঃ করেনাঃ কীমি হরা ক পালেন অকা করেৎ এত কঁয়েঃ কান ? বগা কই অনাক ঞেল বাড়া, আঁচাও বাড়া কাতে বুগি বৗড়ি আদ নায়কে ঠেন কলৗয় পাসনাওআ। খড বেনাও কাতে নায়কে দ অনা করে আদওয়া চাওলে, সিঁজ সাকাম, মেরাল সাকাম কয় দহয়াঃ আ। জতম্ ঋড রে সারজম বাহা, মাত্তম গেলে হয় দহয়াঃআ। অনা সারজ বাহা মাত্ম গেলে দ বঁগা কগে বির খন ক তুমৗল অগুয়া (বির দিশম তাহেঁকান অক্ত) । অনা তায়ম অকয়াঃ অকা খড কানা, নায়কেদ উনি উইহৗর কাতে পে টিডৗঃ সিদুর তে অনাদয় টিউৗঃ এসো। জত খড় করে গে মিথি গুঁডৗ কয় এরাঃ-আ । উন অক্ত রেনাঃ মিটাং সেরেঞ ..., রাহাদ বাহা হঁ মাঃ মড়ে হঁ ;

“সালাে গেরাম সৗরি সারজ দারে বুঢ়ী রে,

হাে জা গঁসাই তকয় লৗগিৎ

অচুরে বিহুরে সেঁগেলে তিতিরিদ ?

হাে জা “সাই কয় লৗগিৎ – গুলয়ৗ মেরম পাঠি দ ?

হাে জা গঁসাই তকয় লৗগিৎ – পোঁডেগর বদা দ ?

হাে জা গঁসাই তকয় লৗগিৎ – বায়দা মেরম্ ?

সালাে গেরাম সৗরি সারজম্ দারে বুটৗ রে,

হাে জা গঁসাই , অৗচুরে বিহুরে সেঁগেলে তি- তিরিদ,

হাে জা গঁসাই , জাহের এরা-ইচ্গুলয়ৗ মেরম পাঠি দ।

হাে জা গঁসাই, মারাং বুরু ইচ্ পোঁডেগর বদা দ।

হাে জা গঁসাই, মড়েক ইচ্ বায়দা মেরম ...........।”

(বাহা বঁগাঃ রেদ জাহের এরা ইচ্ হেড়াঃ কাল মারাং বুরু ইজ পোঁডেগর সিম এ লাগাঃ আ)। আদ দার্ডে অতিঞ এতহবঃ-আ। লাহা তেদ জাহের এরা এতুম তে, উন অক্ত রেনাঃ বাঁখেড় .............;

জহার আয়াে জাহের এরা।

মা এনখান নঃ-অয় বাহা তুম্ তেলে,

এম আম কান চাল আম কান আয়াে,

সুক তে সাঁওয়ার তে আতাং কাঃ তেলা কাঃ আয়াে,

নায় বাড়ে নাপায় বাড়ে আয়াে। — |

মা আয়াে এনখান আতাে করে - জাহাঁন রােগ বিঘিন ক

সিরজৗও লেন ভিড়ীও লেন রেদ,

অনাদ সঁগে তেগে বাড়ে জঃ গিডি

ঝাড় গিডি কাঃ মে আয়াে—

সানাম কগে নায়তে নাপায় তেলে তাইে কঃ বাড়ে,

জহার গে জাহের আয়াে নায় বাড়ে নাপায় বাড়ে।

উনি দাঁড়ে অতিঞ বাড়া কাতে উনিয়াঃ হটঃ কৗপি তে রেতা কাতে খড় জ-র হচ হুয়ুঃ আ- (উনিয়াঃ হটঃ দ বাং তপাগঃ-আ)। অনা তায়ম মারাং তে পোঁড সিম, অনে খুঁড়রে আতিঞে হুয়ুঃআ; উন অক্ত রেনাঃ বাঁখেড় .....

জহার গঁসাই সিমৗ সাড়ে গোঁসাড়ে

মা এনখান নঃ অয় বাহা তুম তেলে

এমাম কান চাল আম কান গঁসাই,

সুকতে সাঁওয়ারতে আতাং কাঃ তেলা কাঃ সাই

নায় বাড়ে নাপায় বাড়ে গঁসাই ।

মা গঁসাই নওয়া আতাে তে

বাইরি কক বল গদঃ রেদ,

আমগে হুডুং দারাম সবঃ দারাম কম গঁসাই।

আততা রেন কড়া গিরী ক

সেঁা কারকা কক চালাঃ রেদ,

সৗল সারাম ক পাতড়াও ঞমম কাতে,

হেতড়াও কাতে গেক রুয়ৗড় কঃ মা বাড়ে,

নায় বাড়ে নাপায় বাড়ে গসাই...

উনি দাঁড়েয় অতিঞ লেখান গে উনিয়াঃ হটঃদ রেতা তপাঃ কাতে বহঃ তেন্দ খুঁড রে দহ হুয়ুঃ আ। আর নায়কে দ দাঃ এ চুডরু আঃ-আ। তিন দা-হাও অনা রেতা তপাঃ আকাৎ বহঃ ঞ চাক-আ, উন দা-হাওগে অনাদ ডাঃ হুয়ুঃ আ। নিয়ৗ তায়ম আদ মড়ে ক তুরুয় কওয়াঃ খড় রে দাঁড়ে আঁতি এ হুয়ুঃ আ। উন অক্ত রেনাঃ বাঁখেড়......

আদ উনি দাড়ে হয় অতি লেখান গে হটঃ রেতা তপাঃ কাতে বহঃতেৎ খুঁড় রে দহ কাতে, মায়াম তে দ খড রে জর হুয়ুঃ আ। নায়কে দ অনে বঁগা মুচৗদ্ লেনখান লাহাতে লেকাগে অঁডে হলটা দাঃ তে বেড়হাও এসেৎ কাতে আদয় গডাঃআ । (গোঁসাড়ে ঞতুম্ তেনিজ দার্ডেয়াঃ জেল্ জম্ রেনাঃ নেয়াম কদ লাহা সেৎ রেগে লৗয় আকানা। অনা সাঁওতে আরহঁঞলীয় কাঃ কানা, নুই দাঁড়েয়াঃ জেদ তিরলৗ হপন কওয়াঃ জম রেদ একাল গে মানা মেনাঃ-আকাৎ-আ.......)।

নিয়ৗ তায়ম আদমৗঝি বঁগা আঃ থান রে মিষ্টাং ঝিজরৗ সীডি দাঁড়ে লেকা তে অতি-এ্যা হুয়ুঃ-আ । উন অক্ত রেনাঃ বাঁখেড়— – 

জহার গঁসাই মাঝি বঁগা...

মা এনখান নঃ অয় বাহা তুম্ তেলে

এম আম কান চাল আম কান গসাই,

সুক তে সাঁওয়ার তে আতাং কাঃ তেলা কাঃ সাই

নায় বাড়ে নাপায় বাড়ে এঁসাই ।

মা সাই সানাম কগে আলে ক,

হেঁসেজ সেকেজ নাপায় তেলে তাহেঁ কঃ মা।

সানাম কগে অনে জম্-আলে ঞয়-আলে,

আলেক মুদরে লাজ হাসাে বহঃ হাসাে বাড়ে,

আ-লগে সিরজৗও কঃ ভিড়ীও কঃ মা সাই

নায় বাড়ে নাপায় বাড়ে গঁসাই ..........।

উনি দাঁড়ে হয় অতি লেখান গে আদ উনিয়াঃ হটঃহঁ রেতাতপাঃ কাতে খড রে বহঃ তেৎদ দহয়ায়..., আর মায়াম এ্যা জর হচয়া। অনা খড় রেহঁ আদ হানে লাহাতে লেকা দাঃ চুডরুচ আর বেড়হাও এসেৎ কাতে আদয় গঁডাঃ আ । অঁডে খন আদক চালাঃ আ জাহের টাঁন্ডিরে মেনাঃ আন মাম বুটৗ লাতার রে সাই এরাঃ আ থান ঠেন নায়কে দ অঁডে আদ মিষ্টাং গঁড় এ্য তেয়ারা। আর অনা খুঁড়রে আদওয়া চাওলেয় চুরুজা আর পে টিডৗঃ ধুড়ি সিঁদুর এ্য টিডৗগা, উনি গঁসাই এরা উইহৗর কাতে । অনা তায়ম দাঁড়ে অতি (দাঁড়েদ বা-র বুনিয়া সিম কালট)। উন অক্ত রেনাঃ বাঁখেড়....

জহার আয়াে জাহের টাঁন্ডি রেনাঃ

নওয়া মাতকম বুটীম্ হর-হ আকাৎ গঁসাই এরা,

মা এনখান আমহঁ নওয়া বাহা তুম্ তে

এম আম কান চা আম কান আয়াে ...।

সুকতে সাঁওয়ারতে আতাং কাঃ তেলা কাঃ আয়াে

নায় বাড়ে নাপায় বাড়ে আয়াে .....।

মা আয়াে আততা অড়াঃ করেন বাহুড়িয়ৗ ক

সানাম কগে... নাপায় তেক তাঁহেকঃ মা বাড়ে,

অনে যাঁহানাঃ উনকু মুদরে বে-বৗড়ি ক-দ

আল-গে সিরজৗও কঃ ভিড়ৗও কঃ আয়াে—

নায় বাড়ে— নাপায় বাড়ে আয়াে ............।

উনি সিম হয় অতি লেখান গে আদ কৗপিতে বহঃ এ্য রেতা তপাগ্‌ তায়া। খড় তালারে বহঃ দহ কাতে অনা গঁড় রে মায়াম এ্যা জর হচয়া। অনা তায়ম আদ লাহা তেনাঃ ক চেৎ লেকায় বা আকাৎ আ, নায়কে দ অনকা গে কৗমি দয় বাক্তয়া। উনদ নায়কে সাঁওতে সানাম কগে আদ ক গডাঃ আ ।

(দাঁড়েজৗতি লাহারে, দাঁড়ে কহড়ম রে দাঃ ইরচি কাতে, বহঃ, হড়ম আর চুপি সেৎ রে সিঁদুর জৎ আক হুয়ুঃ আ। মিথি গুঁডৗ হঁ হড়ম রে জৎ আক দ হুয়ুঃ আ।)

বগা কক হেজ আকান রেদ...... বঁগা ক সুমৗন লাহারে নাসেনাঃ ক রসিকৗ হচ কওয়া। উন অক্ত রেনাঃ মিষ্টাং সেরেঞ ‘রাহা দ হুমটি’

“ইচৗঃ বাহা পােরােই পােরােই

মুরুদ্বাহা জেঁগেৎ...........

চেঁড়ে ক এ কে, চেঁড়ে ক একে মানা

মিরু কহাবেড়..................। 1

তড়েগড় পুখরি রে তওয়া বাহা,

বাহা বাঁদেলা রে আটাল বাহা ।

মড়ে কক এয়া তওয়া বাহা,

তুরুই কক দো আটাল বাহা........।”

বিঃদ্র — অল দ লেতার জারি মিনাঃ আ

আডি লগন গে দসার সাকাম লে উছৗনাঃবাহা বগা