এরঃ সিম - EROG SIM
এরঃ সিম চাঁদো রেনাঃ, চাঁদো মালােঃ কাতে মড়ে মাহা খনাঃ কুনৗমী হিলঃ হাবি নওয়া দক বঁগাঃ বুরুঃ আ। নওয়া দ জাহের টন্ডি রেক বঁগাঃ আ। আততা হড় ক সাঁওতে নায়কে দ বঁগা সামান ক হাটাঃ রে হেরমেৎ কাতে জাহের থান তে চালাঃ আয় ।নওয়া বঁগাঃ রেদ মারাং বুরু, জাহের এরা, মড়ে কতুরুয় ক, গোঁসাড়ে, মৗঝি বঁগা, জাহের টন্ডি রে বগা লেখানগে অনা জাহের টন্ডি রে মেনাঃ মাতক বুটীরে মেনায় গোঁসাই এরা দ এমঃ গে হুয়ুঃ আ। জত গে সুনুম সিঁদুর মেনখান অঁডে দ ধুড়ি সিঁদুর টিউৗঃ হুয়ুঃ আ । অনে অকা লেকা সাপড়াও কাতে জাহের বঁগাঃ ক চালাঃ আ, নায়কে দ উনরে অনকাগে হাটাঃ রে হলং গুডৗ, আদওয়া চাও লে, গুরিচ, মিথি সুনুম সিঁদুর (জতম্ গে সারজম সাকাম রেনাঃ বেনাও ফুড়ুঃ রে সাজাও তাঁহেনা) আর কৗপি হেরমেৎকাতে চালাঃ আয়। জজ তিরে মিলটা দাঃ তাঁহেন তায়া। মিষ্টাং ডৗঙ্গুওয়ৗ কড়া গিদরৗ সৗন সুপৗড়ি দক গঃ হচ কায়া। নায়কে সাঁও তেগে আতাে মড়ে হড় ক দাঁড়ে ক হবর কাতে ক চালাঃ আ ।
জাহের থান রে নায়কে দ গুরি ফারচা বাড়া কাতে আদ বঁগাঃ এ্যা দুডুব আ। সৗগুন-সুপৗড়ি দ বঁগাঃ থান লাহা সেৎ রেক দড়-মা। নায়কেদ অনা তায়ম, থানরে পেয়া খড় এ্য বেনাওয়া। অনা কদ হুয়ুঃ কানা অনে উনকু মারাং বুরু, জাহের এরা, মড়ে ক তুরুয় ক তুম তে। খড় করে আদওয়া চাওলে চুরুজায় । পে টিডৗঃ কাতে সিঁদুরাঃ আয়, মিথি কয় এরাঃ আ, অনা তায়ম অনা খুঁড় করে দাঁড়ে ক আদক আতিঃআ—| লাহা দ মারাং বুরু এতুম তে ‘বাঁখেড়” 3
জহার গঁসাই মারাং বুরু মা এনখান
নঃ অয় এরঃ সিম তুম তে তেহেঞ দলে
এমাম কান চাল আম কান গঁসাই,
নাপায় মনে তে অনাদ আতাং কাঃ তেলা কাঃ সাই
নায় বাড়ে নাপায় বাড়ে গঁসাই।
মা গঁসাই আলে সানাম ক নঃ অয়,
অড়াঃ ক রেনাঃ ইতৗ জাংক,
বৗদ খেত করেলে ছুডয়ৗও আকাৎ,
অনা কদ নাপায় অক চাস হুয় তালাতে
অড়াঃ রেলে রাকাব অগু দাড়েয়াঃ মা গসাই
নায় বাড়ে নাপায় বাড়ে সাই............।
নঃ অয় বৗদ খেত করে চাস আলে বাস আলে
অনা কদ নাপায় তি নাপায় জাগা তেগে লে
রাকাব রুওয়ৗড় অণ্ড দাড়েয়াঃ মা বাড়ে গসাই.......
আলেক মুদ রে লাচ্ হাসাে বহঃ হাসাে কদ আল-গে
অনে সিরজৗও কঃ ভিড়ীও কঃ মা সাই................
নায় বাড়ে নাপায় বাড়ে এঁসাই ।
দাঁড়েয় অতি লেখান গে নায়কে দ কৗপি তে হটঃ রেতা তপাঃ কাতে খড় রে বহঃ তেৎ এ্য দহয়তে মায়াম এ্যা জ-র হচয়া | অনকাগে জাহের এরা আর মড়ে ক তুরুয় ক কওয়াঃ খড রেহ অতি হুয়ুঃ আ। বাঁখেড় কদ অকয় এমঃ হুয়ুঃ কানা উনিয়াঃ তুম লৗই কাতে, আদ লাহা তেনাঃ বাঁখেড় লেকা কাতেগে মুচৗৎ হুয়ুঃ আ। নড়ে ইঞ লৗই তরা আঃ কানা জাহের এরা এতুম তেনি আঃ দাঁড়ে দ বাং-এ গেৎ তপাগঃ আ। অনা তায়ম সাহা ঃ রে গোঁসাড়ে এতুম তে খ্ৰীড বেনাও কাতে সিম অতিঞ হুয়ুঃ আ। বাঁখেড় দ অনে লাহা তেনাঃ লেকা গে। মেনখান নডে দ লৗয়াঃ হুয়ুঃ আ আহরে বাহরে খন যাঁহানা রােগ বিঘিন ক আল বল মা”। অনা তায়ম মৗঝি বঁগা আর গোঁসাই এরা তুম তে বঁগা হুয়ুঃ আ। নডে ই বাঁখেড় দ, অকিনাঃ তুম লৗই কাতে মারাং বুরু ঠেনাঃ লেকাগে মুচৗৎ হুয়ুঃ আ। বাড়ায় রে তাঁহেন মা নায়কে দ জতম বগা থান ঠেন গে, মুচৗৎ অক্ত দ তি-তে পে ধাওতে বেরেল দাঃ বেড়হাও অৗচুর তালা তেয় অনাদয় মুচৗৎ-আ । নায়কে হঁয় গড লেখানগে মুচৗৎ রে সানাম কগে ক “ডাঃ আ। বগা রেনাঃ মুচৗৎ উতৗর রেনাঃ কৗমি দ মারাং বুরু তুম তে মিষ্টাং সারজম ফুড়ুঃ তে হাঁন্ডি চডর। নওয়া অক্ত রেনাঃ বাঁখেড় দ “জহার গোঁসাই মারাং বুরু, অনে এরঃ সিম তুম তে ঝার দাঃ তাপান দাঃ” অনা তায়ম দ আদ লাহা তেনাঃ লেকা গে বাঁখেড় কাতে মুচৗৎ হুয়ুঃ আ ।
নায়কে দ দাঁড়ে কওয়াঃ বহঃ ক গেৎ কাতে, মিস্ কড়া গান চাও লে সাঁও এ্যা সােড়ে ইসিনা । সােড়ে বাং রেদ সারজম সাকাম রেয় লাৎ ইসিনা। আদি অনা ইসিন সােড়ে আর বাংখান লাৎ জেল, খড় করে বঁগা ক ম তে আঁড়গাে লাহায়তেয়, আজই আদ জম কাতে দাঃ ঞ ঞয়া। মড়ে হড় কহঁ অনকাগে “দাঁড়ে কওয়াঃ হড়-ম জেল্ক জম হাঁটিঞা, হাঁন্ডি ক হক চারাও হাটিঞ জং আ। নওয়া তায়ম দ নায়কে ইদি কাতে অড়াঃ তেক বলনা । অড়াঃরে বলন লাহা নায়কে দ অড়াঃ রেন তিরলৗ হড় কতে অনে ছাটকারে গাঁডাে চেতানরে জগা কক আঁৗরুব এয়া আরক গড জহারায়া।। জাগা অরু ক হােয় লেনখান নায়কে দ বঁগা সামান ক হেরমেৎ কাতে আদ অড়াঃ তেয় বলনা। নঃঅ নংকা কামি তালাতেগে জাহের বঁগা সান্তাড় কদ এরঃ সিম বঁগাঃ কৗমি দক চিকৗড়া।নওয়া অক্ত রেনাঃ বঁগাঃ দ হুডিঞ মাছা তেগে ক মুচৗৎ-আ।
0 Comments