হৗরয়ৗড় সিম
উচৗড় চাঁদো রেনাঃ, চাঁদো মোলোঃ কাতে মড়ে মাহা খনাঃ কুনৗমী হিলঃ হাবি নওয়া দক বঁগাঃ বুরুঃ আ। নওয়া দ জাহের টডি রেদ বাংক বঁগাঃ আ । জাহের খনাঃ সাহারে, টাঁন্ডিরে হানে মাসিম লেকাগেক বঁগাঃ বুরুঃ আ। মাসিম রে অকা লেকা কাতে, বঁগাঃ বুরুঃ আক নওয়াই অনকাগে।নওয়া বগাঃ রেদ মড়ে গটাং ডরে দাঁড়ে ক অতি কওয়া। উনকু দক হুয়ু কানা অনে মারাং বুরু, জাহের এরা, মড়ে ক তরুয় ক, গোঁসাড়ে আর নাই পারম গার্ড পারম বগা ক এতুম তে। লাহাদ অনে মারাং বুরু এতুম কাতে দাঁড়েয় আতিঞঃ আ– উন অক্ত রেনাঃ বাঁখেড়.....
জহার গঁসাই মারাং বুরু মা এনখান
নঃ অয় হরিয়ৗড় সিম তুম তেলে
এম আম কান চাল আম কান গোঁসাই....,
সুকতে সাঁওয়ারতে আতাং কাঃ তেলা কাঃ গসাই
নায় বাড়ে নাপায় বাড়ে গঁসাই ।
জহার গঁসাই মা নঃ অয় মাঠ আড়ে ঘাট আড়ে
আলে করেন উৗংরি মেরম ক-ক অতি আচুরা,
যাঁহানাঃ বৗড়ি কদ আল-ক জম এ্যাম—
জটেৎ এম জং মা বাড়ে গঁসাই।
অনে ঘাস লাটা করেলে অচুর বাড়ায়া,
অনাকরে আলেদ নাপায় তি নাপায় জাঁগা কতে গেলে
অৗচুর কঃ মা বাড়ে এঁসাই, নায় বাড়ে নাপায় বাড়ে সাই..............।
আলে কই মা উনকু ক লৗগিৎ
অনে ঘাট লাটা করেলে আচুর বাড়ায়া
অনা করে আলেদ নাপাই তে নাপাই জাংগা কাতে গেলে
আচুর কঃ মা বাড়ে গসাই -,
নায় বাড়ে নাপাই বাড়ে গসাই
উনি দাঁড়েয় অতি লেখান গে নায়কে দ কৗপিতে উনিয়াঃ বহঃ এ্য রেতা তপা তায়তে খডরে দহয়ায় আর দাঃ কয় চুডরুজাঃ আ । মেনেত-দ হানে এটাঃ অক্ত চেৎ লেকায় কৗমিয়া অনকাগে খুঁড় বেনাও, দাঁড়ে ক সাপড়াও, সানামা কগে হানে এটাগাঃ ক অক্ত লেকা গে মারাং বুরু তায়ম জাহের এরা, অনা তায়ম মড়ে ক তুরুয় ক দিশী কাতে বাঁখেড় দঅনে মারাং বুরু আঃ ঠেন চেৎ লেকা বাঁখেড় হুয় আকানা অনকাগে। মেনখান তুমদ, অকয় এমঃ হুযুঃ কানা বাঁখেড় এতহব রেদ অনা তুম লৗই কাতে এতহব হুয়ুঃ আ । জাহের এরা তুম তেনি দাঁড়ে দ নডে হঁ হটঃ দ বাং তপাগঃ তায়া। নওয়া কিন তায়ম গোঁসাড়ে ঞতুম তে দাঁড়েয় আতিঃআ; উন অক্ত রেনাঃ বাঁখেড়
জহার ‘সাই সিমী সাড়ে গোঁসাড়ে
মা এনখান হরিয়ৗড় সিম তুম তেলে
এম আম কান চাল আম কান গোঁসাই...
সুকতে সাঁওয়ারতে আতাং কাঃ তেলা কাঃ গসাই
নায় বাড়ে নাপায় বাড়ে গসাই.....
মা গঁসাই আতো অড়াঃ করেন গাই মেরম ক
হানতে নাতে ঘাস অতিঞ ক-ক চালাঃ রেদ
উনকু কদ নাপায় তেগে অনে অতিঞ বি-কাতে..
অড়াঃ তেক রুওয়ৗড় কঃ মা বাড়ে এঁসাই ...... ।
যাঁহা সেৎ খনাঃ রােগ আজার ক হিজুঃ রেদ
আল বাড়েম বল হচওয়াঃ সড় হচওয়াঃ-আ গঁসাই।
নায় বাড়ে নাপায় বাড়ে সাই.. .....1
উনি দাঁড়ে হঁয় অতিঞ লেখান গে আদ কৗপি তে উনিয়াঃ হটঃ এ রেতাতপাগ তায়া, আর মায়াম দ খ রেয় জ-র হচয়া। অনা তায়ম নাই পারম গাড়া তুম তে দাঁড়ে আদয় আতিঞ-এয়া। উন অক্ত রেনাঃ বাঁখেড়.....
জহার গঁসাই নাই পারম গাড়া পারম বগা ক
নঃ অয় আপে হঁ হরিয়ৗড় সিম তুম তেলে
এম আপে কান চাল আপে কান বাড়ে গঁসাই
সুকতে সাঁওয়ারতে আতাং কাঃ তেলা কাঃ গঁসাই,
নায় বাড়ে নাপায় বাড়ে গঁসাই ।
মা গঁসাই আতাে অড়াঃ করেন গাই মেরম ক
নাই পারম গাড়া পারম অনে লাচ্ অতি ক-ক চালাও গৎ লেন রেদ...
আপেগে মা ঞেল দারাম - দোঃ দারাম কপে গঁসাই
নায় বাড়ে নাপায় বাড়ে গঁসাই। ........
উনি দাঁড়ে হয় অতি লেখান গে আদকৗপি তে হটঃ রেতা তপাঃ কাতে বহঃ তেৎ দখড় রেয় দহয়া। আর গীড়ি আকান হড়ম রেনাঃ মায়াম-দখড় রেয় জ-র হচয়া। বঁগা বাড়া হুয় এনখান গে জতম খড় ক, অনে তি-তে লেতাড়গে পে ধাও বেরেল দাঃ তে চুডরু এসেৎতেয় গডাঃ আ। সানাম আততা হড় কগে আদ ক গডাঃ আ। নায়কে দ সিম বহঃ ক গুড়য়ৗও বাড়া কাতে মিটাং সারজম সাকাম রেনাঃ বেনাও ফুড়ুঃ তে মারাং বুরু ঞতুম কাতে তাং হাঁডি আদয় চডরা। উন অক্ত রেনাঃ বাঁখেড়......
জহার ‘সাই মারাং বুরু
মা এনখান নঃ অয় হৗরয়ৗড় সিম ঞতুম তে
রান দাঃ তাপান দা লে এমাম কান চাল আম কান গঁসাই,
সুক মনেতে বাড়ে সু কাঃ সিডুব কাঃ মে গঁসাই
নায় বাড়ে নাপায় বাড়ে গঁসাই ।
হাঁন্ডি চডর হুয় এনখানগে, নায়কে দ দাঁড়ে কওয়াঃ বহঃ জেল্ মি কঁড়া গান চাও লে সাঁও – (তায়ম দ হানে সিম অতি রে অকা লেকা বাঁখেড় হুয় আকানা অনকা গে)
সােড়ে ইসিনা। সােড়ে বাং রেহঁ সারজম সাকাম রে লাৎ ইসিন হঁ গানঃ গেয়া। নায়কে দ অনা বহঃ সােড়ে বাং খান লাৎ জে গা থান রে, বগা ক এম তে আঁড়গাে কাতে তায়ম তে আই আদয় জমা। আতাে হড় কই অনকাগে দাঁড়ে কওয়া হড়-ম জেল্লাৎকাতে-ক হাঁটি জমা। মেনখান সােড়ে কাতেই জম দ গানঃ আ। কৗমি ক চুকৗও লেনখান গে আদ সানাম কতে নায়কেদ অড়াঃ তেক সাবাও হট কায়া। নায়কে দ অনে অড়াতেয় বলন অক্ত, অড়াঃ রেন তিরলৗ হপন কতে উনিদ জাঁগা ক অরু এয়া।
সানতাড় হড় কদ হৗরয়ৗড় সিম বাংক জম্ লেক খান, বৗদ আড়ে করে মীহূ মেরম লৗগিৎ ঘাস (তাসাৎ) গে উনকুদ বাংক ই-আ ......
0 Comments