লৗই এদাবন সান্তাড় সাঁওতা খন হৗন্ডি বন বন্ধয়া! বন্ধ উতৗর আবন। চেদাঃ সে সাঁওতারে হৗঁন্ডি গে বাংমায় হোয়োঃ কানা সাঁওতা আর সাঁওতা মৗনমীক বে-লাহান্তিরেন রান রেহেদ দ। হৗন্ডি খাতির গে বাংমা সাঁওতা বৗড়িজঃ কানা, মৗনমী ক বৗড়িজঃ কানা, গিদরৗ ক বৗড়িজঃ কানা, হেরেল ক বৗড়িজঃ কানা, মৗইজু ক সিঁড়িজঃ কানা, হৗন্ডি খৗতির গে বঁঙ্গা ভুত, হৗঁন্ডি খৗতির গে ডৗন যুগিন ওঝা গুরু জান পাছান..... এমান এমান! মেনখান সৗরিগেকি কৗই দ হৗঁন্ডিয়াঃ গে, সান্তাড় সাঁওতা বে-লাহান্তিরেন মারাং কৗইধী দ কি হৗন্ডি গে???? সারিগে! কুকলি দ কুঁঞ-কল ঘাট খন এতহব কাতে সাঁওতা সঙ্ঘারে গটা তার্কো তৗকিজ্ আতে তৗপিঞ বাডায় কানা। নংকান অক্তরে মিৎ অৗডি অৗকিল উইহৗর আন কুকলি---সৗরিগে নিত্ নাহাঃ নাংরে সাঁওতা কচারে হেঁন্দে টুকুজ্ দবন দড়ম দহয়া সে বাং!?! জানাম খন গুজুঃ রে, বঙ্গাঃ রে বুরু রে আবোরেন বঙ্গা বারাক্ হাপড়াম ক আর বঙ্গাবুরু ক যুদি ফুড়ুঃ পেরেজ্ ঝার হৗন্ডি বাংবন চডর আকোওয়া... বাংক রৗগি কৗঁহিস এদরে এমানঃ আ ত??? তোওয়া দাহে তেক কুশিঃ আসে বাং কুকলি আকাদ্ কোওয়া বন কি??? তবে ইনহিলোঃ লিটৗ গঁশায় দ চডর হৗন্ডি তালাতে বঙ্গাবুরু ক সৗক্ষী দহ কাতে মৗনমী বৗড় রেনাঃ কাথা গেয় উইহার লেদা মৗনমী হৗর সামটাও কাতে নিপুজ্ ক লৗগিদ তেদ জৗনিচ্ বাং। আবোরেন বঙ্গা বারাক্ হাপড়াম পুরুধুল কহঁ সেদায় রেক লৗই সাডে হটঃ কাওয়াদ্ বনা হৗন্ডি দ চেৎ কানা আর অনা রেনাঃ ব্যাওহার দ অকাঠেন অকা কানা!?! জানাম খন গুরঃ লেকান সানাম সেরওয়া কৗমিরে অকয় হঁ অকা রেহঁ বাংক লৗই হটঃ আকাদা হৗন্ডি ঞু তে পেরপেন্ডাং কাতে ডাহার ধুড়ি রে সান্ডাং কঃ পে। তেহেঞ যাঁহা অজ্ অৗড়ি কাতে সাঁওতা খন হৗন্ডি ডিগলৗউ সাহা রেনাঃ কাথা বন লৗলৗই কানা অনা অজ্ রেন মারাং কৗইধীদ জানিচ্ মৗনমী গে। আর অনা খৗতির গে জৗনিচ্ মৗনমীয়াঃ কৗই দাপাল লৗগিদ্ বেচারা হৗন্ডি গেক কৗইধী গিডি কায় কানা। দুঃখ দ নওয়াগে সাঁওতারে হৗন্ডি বন্ধ মাড়াং রে চেদাঃ নওয়া দ বাবন লৗলৗই কানা সেরওয়া রেনাঃ বঙ্গাবুরু লৗগ্ হৗঁন্ডি বেগর আদ চেৎ হৗন্ডি রেনাঃ গে লৗগতি বানুঃ আ সে বাবন দহঃয়া। বাপলা রে বিয়াল্লিশ টুকুজ্, ভান্ডানরে বাহান্ন টুকুজ্..... এমান এমান নংকাগে আয়মা টুকুজ্ টুকুজ্ হৗঁন্ডি রেনাঃ ব্যাবস্থা মেনাঃ আ নওয়া সান্তাড় সাঁওতা রে। দেসে অনা বৗরগিল হৗঁন্ডি কগে মাড়াং তে মাঝি বাখোল রেবন কুলুপ চাবি কাঃ গে। ঞেল কওয়াবন বঁঙ্গা সারেচ্ চুকৗঃ হৗঁন্ডি ঞু তে তিনৗঃ গান মানোওয়া ক নাঃ ভাগোওয়া ভৗড়ুজ্ আতে ডাহার তালারেক দিম্পাদাড়াং আকানা??? জৗনিচ্ খান মিদটাং হঁ পাঞ্জা তেগে বাংক ঞামঃ আ। আবোরেন মৗই দৗই ক আকোতে আকোলেকা আপাসুলঃ রেনাঃ হর ডাহার চিয়ৗ আকতে যুদিবন মেতাকোওয়া ডাহার ধারে বাড়ে বুটৗ, পাতা ছাতা, বল খেলন্ড আর সিম তুপুদ সে সেঁন্দরা টৗন্ডিরে হৗঁন্ডি টুকুজ্ আতে দ একাল আলপে সেনঃ আ উনকু কি আবোওয়াঃ অৗখির অৗকিলান কাথা বাংক মানাও বাতাও তাবনা?? বাতাও গেয়াক জৗনিচ্ ।সৗরি কাথা দ নওয়া সাঁওতা রেনাঃ সানাম লেকান আনাট দোঃ দারাম রেন মারাং দাড়ে দ সৗরি সেচেদ, সেচেদ্ লেকান সেচেদ্! সৗরি সেচেদ্ ঠেন যেলেকা হৗঁন্ডি খন এতহব কাতে, বৗড়িজ্ হিঁড়িজ্ কৗমি দোঃ দারাম রেনাঃ দাড়ে মেনাঃ আ অনকাগে সাঁওতা উৎনৗউ রেনাঃ দাড়ে হঁ মেনাঃ গে তায়া। অনাতে যুদি সৗরিগে সাঁওতা খন হৗঁন্ডি বন্ধ বন খজঃ কানা অনা মাড়াং তে খজ্ দ লৗগতি কান তাবোন আ আপনারা এলাকারে যাঁহা করে সরকারি হৗঁন্ডি ভৗটি সে পাৗউরৗ ভৗটি ক মেনাঃ আ অনাক মাড়াং তে বন্ধ আর অনা সাঁও সাঁওতে আতোরে হৗঁন্ডি পৗউরৗ রেনাঃ বৗড়িজ্ অরসং ইদি কাতে আপনার রেন হড় হপন ক আতে লেতাড়গে Awarness ক্যাম্প। অনা সাঁও সাঁওতে সাঁওতা সে আতোরেন হড় হপন ক নাপায় তে লেতাড়গে লৗই বুঝাও আকো লৗগতি চিকৗতে মিদটাং আতোরে সৗরিগে সৗরি সেচেৎ রেনাঃ environment মেনদ অলঃ পরিবেশ চিকৗতে বন তেয়ারা!? বাংখান সুমুং হৗঁন্ডি দুশৗউ কাতে, আবোরেন হাপড়াম ক আর বঙ্গাবুরু ক এদরে হচঃ কাতে সাঁওতা যাঁহা Re-modeling রেনাঃ কাথা বন উইহৗর এদা অনাতে দ আবোওয়াঃ জৗত ধরম অৗন-অৗরিচৗলি, লায় লাকচার জেওয়েদ্ তাঁহেনাসে বাং অকয়ে লৗই কে!!! বাং দ আবোহঁ বাইবাইতে RSS/তালিবান concept সোদড়ে বল আবোন কান তকয় বাডায় ?
0 Comments