কারাম - রামেশ্বর মুর্মু ( আদিম সান্তার )

 

কারাম - রামেশ্বর মুর্মু ( আদিম সান্তার )

সানতাড় হড় কদ কারাম বগা দ সহরায় চাঁদো রেনাঃ খুন্টীও হিলঃ খনাঃ এতহব কাতে বাহা চাঁদো রেনাঃ কুনৗমী হিলঃ ইৗবি ক বঁগাঃ আ। জৗসতি কায়তে নওয়া দ কুনৗমী রেগে ক বঁগাঃ আ । পৗহিল উতৗর রেদ নওয়াদ জিয়ৗ হিলঃ সিরজন লেন তাহেৎ কানা। খুঁৗও হিলঃ অকা ক বঁগাঃ আ... অনাদক মেতাঃ কানা“গড়া কারাম।” নওয়া দ গড়া রেনাঃ উৗংরি খুঁন্টি ঠেন কবি-দা। অড়াঃ রে গাই কাডা মেরম ভিডি গাড় গাড় ক বীড় পেরেজঃ-মা অনা দিৗ কাতে গে নওয়া দক কৗমিয়া। নওয়া বেগর আরহঁ। পে লেকানাঃ কারাম মেনাঃ আকাৎ আ । অনা কদ হুয়ুঃ কানা, (১) ডৗওয়ৗ কারাম— নওয়া দ আতাে জাকাৎ হড় মিস্ কাতে ক বি-দা, অনাতে নওয়া দ আতাে কারাম হাঁক মেতাঃ আ । অকয় কদ নওয়া দমৗঝি কারাম হুঁক মেতাঃ গেয়া। মেনখান মৗঝি কারাম দ আর মিমি ঠাঁও করেৎ দ নাওয়া মৗঝি ক গটা কেদে খানগে উনি অকায় বিদা অনাগেমৗঝি কারাম দক মেঃ কানা। মেনখান বানার কিন রেয়াঃ কৗমি হরাগে এনখান আতাে রেনাঃ ভৗলৗই অঃ, অনাসেৎ দিশী কাতে গে । দসার দ বুঢ়হি কারাম, নওয়া দ যাঁহায় অড়াঃ করে কারাম বগা ক-ক ওফেল লেনখান উন অক্ত ক কারামঃ আ (নওয়া দ উপৗস কারাম হক মেতাঃ গেয়া)। আর অকয় কদ নওয়া দ উসৗদ কারাম হঁক লাই গেয়া। চেদাঃ সে কারাম গঁসাই এ্যা উসৗ আকান খৗতির গে ঘারঞ্জ রে নানা হুনৗরাঃ আনাট সিরজৗও আকানা, অনাতে নওয়া কৗমি তালাতে উনিয়াঃ মনে রাড়ে হ- কাতে রুওয়ৗড় আগু হুয়ুঃ কানা । তেসার দ গ কারাম -নওয়া দ গ গুর অড়াঃ রে ভাডান অক্ত ক কারামঃ আ (নওয়া দ মরা কারাম হক মেতাঃ গেয়া।) আর নওয়া দ যাঁহায় হড় জেওয়েৎ তাঁহেন রে কারাম বগা ঠেনে সাব হচ লেনা........, মেনখান অনা কৗমি রেনাঃ এ্যা গঃ ভৗরয়ৗ দহ কাঃ তাঁহেৎ অক্ত রেগে মেনেৎ দ অউরি কৗমি লাহা রেগেয় ভারা ভাট এনা। এখান দ উনিয়াঃ ভাঁডান রে অনা দ কৗমি হুয়ুঃ আ। আর মিটাং দ, অডি কিসৗড়ান হড় অনেয় গচ্ গুর আকান তায়ম আজাঃ ভাঁডান কৗমিঃ অক্তরে অনা দককৗমিয়া। গ আকান তায়ম কৗমি খৗতির অনাদক মেতাঃ কানা “গচ“ কারাম”।

 কারাম গসাই এম মানাওলে রেদ অড়াঃ দুওয়ৗর রে অনে হোড়ো চাওলে তে - পেরেজ সারেড়ঃ আ, ডৗংরি কাডা মেরম ভিডি কতে গড়াক অনে পেরেজঃ আ । নুই দ মারাং বুরু ই হপন এরা কানায়। নডে দ কারাম ইদি কাতে নেয়াম নেমাচার কদ বৗ অল লেৎ আ। বঁগা বুরু করেনাঃ কৗমি হরা, সেরেঞ আর বিনতি কাথা কদ ইঞাঃগে সাপড়াও “খেরওয়াল কওয়াঃ বিন্তি ভৗগতি” অনে কারাম বিতি পুথি রেপে এ্যামা। কারাম সাই ইদি কাতে হুডি মাছাতে মিষ্টাং থুতি অল পাশনায়েৎ কানা, অনাদ হুয়ুঃ কানা অকা লেকাতে নুই দ মৗনমী ক কঠেন খন দেবা সেবায় এ্যাম কে আ, আর বাং এ্যা ওফেলেনা ?

                ধীরতি পুরি রে মীনমী ক জানামেন তায়ম সরগ পুরি রেন উনকু দেব দেবালাে কদ নুকু মৗনমী কওয়াঃ তিতে দেবা সেবা হাতাও লৗগিৎ তে মিমি হড় মিমি লেকানা জাহরা ক উদুঃ লেৎ তাঁহেৎ । অনকাগে কারাম বগা ইমৗনমী কওয়াঃ তিতে দেবা সেবা এ্যাম লাগিৎ তে আজাঃ জাহূরা হয় জৗরি সদর লেৎ তাঁহেৎ কানা। “পৗহিল উতৗর রেদ চাও লে দারে খন অনে চাও লেগে গেলেঃ তাঁহেৎ । মৗনমী কদ উনরে আদ অনা ক-ক চাষ এৎ কানা আর বৗদ খেত করে খন চাও লে গেলে ইর আগু কাতে কটা ভিনৗয়েৎ কানতে বাং হুডুং বাং সেটে অনে টুকু দাঃ রে খাঁজ কাতে দাকা ইসিন কাতেৎক জম এৎ কান তাঁহেৎ। নিত-আন অক্ত লেকা হােড়াে খন চাও লে উডুকলৗগিৎ তে লহদ মে—তিকিয় মে, তাসেয় মে, রহড় মে— অনা তায়ম স-গ মে, সেটে মে মুচৗদরে চাও লেয়-তে; এন এনাগে ইসিন কাতে জমমে; নংকা লেকানাঃ অকা আনাট হঁগে উনদ মানমীয়াঃ বাং তাঁহে কানা। নংকাগে আডি কুশি-রৗদ্ধৗতে উনরে উনকু দ অনে দিন কক খেমাও পারম ইদিয়েৎ কান তাঁহেৎ। বঁগা বুরু ক সেৎ দিশী, স্যে উনকু ক দেবা সেবা অনা বাখরাতে অন্তে আক কওয়াঃ মনে দ একাল গে বাং-এ্যদৗড় এৎ কান তাক তাঁহেৎ। অনকান অক্ত রে কারাম গঁসাই এ্য ঞেল কে আ, এনখান মা নংকা তেদ মৗনমী কঠেন খন দেবা সেবা মা একাল গে বাং ঞামঃ আ ।নংকা তেদ নুকুদ একালগে বাংক মাঃনাও-বাতাও-আ। অনাতে কারাম গঁসাই দ মি দিনঃ অনা চাও লেগে গেলে আকান বৗদরে মৗর হেড়েয় এরাৎ আ। অনা হেড়ে এর সাঁও সাঁওতেগে আদ চাও লে রে অনাদ জেটে জিলৗৎ এনা। উন খনগে অনাদ আদ “হােড়াে” মেনতে তুমেনা। মৗনমী ক উনান অক্তরে অনা ঞেল কাতে ক হাহাড়ায়েন রেহঁ মেনখান উনৗদঃ বাংক হেতাওয়াং আ। নাসে নাসে তে উনরে উনকুদ অনা হােড়াে খন হেড়ে তেৎ সেটে ভিনৗ কাতে চাও লে কাতে জম ক সেঁড়া কে আ। অনাতে নাসেনাঃ খাটাও দ জৗসতিঃ কান রেহঁ মেনখান জমাঃ তেয়ার তে আনাট কদ উনৗঃ দ বাং সিরজৗওয়ঃ কান তাঁহেৎ। নাসে নাসেতে উনকুদ অনা কক সড়ক ইদি কেৎ আ, আর নাপায় তেগে উনরে অডি কুশি রৗস্কৗ তে দিন ক দক বিতৗও পারমেৎ কান তাঁহেৎ। কারাম গসাই উনরেয় ঞেল কে আ, অনা তেমৗনমী কমা একালগে বাংক চেন্নাও লেনা। অনাতে মৗ ঊনরে উনিদ আকরেন অৗসুলাকাৎ কক মেরম উৗংরি গৗই কাড়া বেগর, আকক চেতান রে অডি লেকানাঃ রুওয়ৗ হাসাে কয় সেটেরাৎ কওয়া। মেনখান অনাক উনৗঃ কাতে রেহঁ উনকু মৗনমী কদ, অকা খন চেৎ খৗতির চেৎ চেকাঃ কানা অনা কসেদ দিশী রেনাঃগে বাংক রিকৗলেৎ কানা। কারাম গঁসাই দ উনৗঃ কাতেই উনকু মৗনমীক বাং-এ্য হেতাও হচ দাড়েয়াংক খৗতির উনিদ আদ “তিজুয়” তেয়ার কে কওয়া। 

আর উনকু তিজুদ অনে মামী ক বাদ খেত করে ক চাস আকাৎ অনে হােড়াে দারে ক চেতান রেয় আড়াঃ গৎকাৎ কওয়া। তিজু কই অনে আদয় আড়াঃ গৎ-কাৎ-ক সাঁও সাঁওতে বীদ খেত করেনাঃ জতম হােড়াে দারে কক জম মীরুড় কে আ। অনাতে দিশম রে হােড়াে বাং হুয় লেন খতির অডি আট আকাল আদ সেটেরেনা। অনে অনা আকাল রে মৗনমী কদ দাকা দ চেদাঃ মিৎ ঠপ সিটৗ দাঃ তেৎ পারজাৎ উনরে বাংক জটাও দাড়েয়াঃ কান তাঁহেৎ। যাহা লেকাতে লাচ্ ভাতাও লৗগিৎ তে উনরে মৗনমী কদ ককয় উনরে আদক উড়ুক এনা। অনকাগে মি দিনঃ ধীরমু তুমীনি মিটাং হড়দ ককয় এ্যা উডুক লেনা। আততা পাকাড় খন অডি সৗগি কয় কয়তে চালাও এনে খীতির দমেগে উনিদয় লাগায়েনা। অনা লাগা আকান হড়ম তায় নাসেনাঃ জিরীওয়াঃ লৗগিৎ তে উনরে উনি মিষ্টাং ‘গাডা কাদাম’ দারে বুটী ফেডরে আদয় গিতি এনা ।

ঠাও দ তাঁহে কানা লুণ্ড বুরু ঘানটা বাড়ে খন লিজি হেচ্ আকান তুপুন নাই রেনাঃ টৗটি ঝৗরি গাডা ধারে রে। ধীরমু দ গাডা কাদাম দারে উমুলরে গিতি গিতি লাগা আকান হড়ম আদয় জৗপিৎ গৎ কাৎ আ। উন অক্ত কারাম সাইদ উনি ধারমু অনে কুকমু তে অঁডেয় লৗই আদেয়া, “এয়া ধীরমু ই দ কারাম সাই কৗনৗঞ। ইঞ দ মৗনমী ক দুক দুরিব খনি অওয়ার রাকাব কওয়া। ইঞ দেবা সেবা অঞ মে এনখানগে আমাঃ সানাম লেকানাঃ দুক দ আদ চাবাঃ তামা। চালাঃ মে বিরজু বিরতে, অঁডে মেনাঃ আন কারাম দারে খন ইঃ তুম কাতে বারয়া কারাম উৗর আও কাতে উতর দুখিন জকতে পানতে তে বিদ্ মে। অনা তায়ম আনা খােল রেনাঃ বেনাও তুমদাঃ, কারাম সাকামতে দালাতে, অনা তুমদাঃ রু আতে ইঞ ধারে ধারে তে এনে অচুর মে। এতে আনাগে বাড়ায় কাঃমে আমাঃ দ সানাম লেকানাঃ গে আদ নাপায়ঃ তামা। ধরম দিশী কাতে তাড়াম মে, খেরওয়াল ধরম রেয়াঃ নেয়াম নেচার ক মানাও বাতাও কাতে তাঁহেন মে, এঁড়ে খানগে ইদ আম সাের রেঞ তাঁহেনা। আর বাড়ায় দহ কাঃমে আম সাের রে ইঞিঞ তাঁহে লেনখান আমাঃ ঘারঞ্জ রেদ অকা আনাট হঁগে বাং সেটেরঃ আ। ইঞ দমৗনমী কওয়াঃ সানাম লেকানাঃ আনাট ইঞ ঢাকা সাহায় তাক তে আক সামাং রে সুক ইঞ সেটেরাকওয়া। যাঁহায় হড় নেয়াম নেমাচার আতে ইঞ এ্যা মানাও বাওয়িঞা,উনিয়াঃ ঘারঞ্জ রেদ হােড়াে চাও লে খন এতহব কাতে জমাঃ ওয়াঃ করেনাঃ অকা আনাট হগে বাং তাঁহেন তায়া। গীই উৗংরা, কার্ড বিতকিল মেরম ভিডি কই গাড় গাড় ক বীড় পেরেজঃ তায়া। মেনখান অকয় ইঞ বায় মানাও বাতাওয়িঞা, ইঞ এ্য লেপ্সা সাহা গিডি কৗঞা, উনি দডি হারকে অডি সাসেৎ এ্যা ামা। বাড়ায় দহ কাঃমে ধীরমু, করম রেগে ধরম দ মেনাঃ আকাৎ আ। অনাতে মেতাম কানা ধীরমু আমইনংকা বাংক অৗচুর বাড়া কাতে, ইঞমানাও বাতাও ইঞ মে। এখান গে আমাঃ সানাম লেকানাঃ দুক দ চাবাঃ তামা।” ধীরমু আদ টাটকা গে অনে জীপিৎ লেৎ খন দয় এভেন গৎ এনা। এভেন তরাগেয় উহহৗর আঁৗচুরেৎ কানা, এনেগে হালেয় ঞেল কেৎ

অনা কুকমু রেনাঃ কাথা ক। রেগে তে লা কমা জালপাৎ চাবা আকান তায়া। ইনকৗ তেগে আদ উনিদ অঁডে খন বেরেৎ কাতে অড়াঃ সেৎ জাড়মাৎ তাড়মাৎ এ্য মহডায়েনা। এন হিলঃ দ অড়াঃ রে সেটের তেগেয় অৗয়ুব গৎ এনা । সেটের কাতেয় লে দ অড়াঃ রেমা একাল গে জমাঃ বনুঃ আকাৎ আ। এখান বনুঃ রেদ আদ চেৎ এ্য চিকীয়া, রেগে জালা তে লা মা উনরে পুকুস পুকুসঃ কান তায়া । ইনকৗ তেগে উনিদ রেগে তে ঞিদী বিতৗও পারম লৗগিৎ তে মীর মিষ্টাং ঘাঁজলং পারকম এ্য বেল আনতে অনারে আদয় কুডলৗং নাপড় এনা। গিতি গিতি এ্য উইহৗর বাড়ায়েৎ কানা “হানে সিঞ বেড়া কাদাম দারে বুটী ফেড রেয় ঞেল লেৎ কান অনা কুকমু রেনাঃ কাথা ক। উইহৗর অচুর বাড়া অনে তিন রে- উনিদ আদয় জীপিৎ গৎ কাৎ আ বাং এ্য বাড়ায় ঞাম দাড়েয়াৎ আ।

ধীরমু দ দশার হিলঃ এভেন কাতে জাও লেকাগে আদ মেরম ক খুঁদড়ি খন লাগা উড়ুক কাতে বিরজু বিরতে অতি লৗগিৎ এ্য ইদি কে কওয়া। বির ভিতরিরে মেরম কয় আড়াঃ আকাৎ কতে উনিদ হানে কুকমু তে কারাম গঁসাই এ্যা লৗই আকাৎ অনা কারাম দারে আদয় পিছৗ এৎ কানা। পিছৗয়েৎ কান রেদয় সৗরি গে এনখান অনা বিরজু বির রে উনিদ অনা কারাম দারে হয় এম কে আ। আর কারাম সাই এ্যা লৗই আকাৎ লেকাগে উনি উনরে অঁডেয় লেদ মিস্ সেরে জড় তে অনারে বারয়া উৗর হঁ মেনাঃ আকাৎ আ । অঁডে এ্যাম কাতেৎ উনিদ অনাকিন উৗর দ দারে খন এ্য মাঃ ভিনৗ কে আ। অঁডে খনাঃ অডি জতন্ তে অনাকিন ডৗর আঁৗণ্ড কাতে উনিদ মিঠেন পাতে তেয় বিদ কে আ। অনা তায়ম আত্না খােল রেনাঃ বেনাও তুমদাঃ অনে কারাম সাকাম তে দালব কাতে অনা রু-আতে দমেগে আদ গটা ধারে তেয় এনে অচুর কেৎ আ । অক্ত জানি উনরে উনিদয় সেরেঞ এৎ কানা আরে-এ্য এনে অৗচুরেৎ কান তাঁহেৎ | আজাঃ অনা রু এনে সেরেঞ রাহাদ উনরে অতি বাড়ায়েৎ কান তাঁহে ক উনকু মেরম কহঁ ক আজম 4াম কে আ। খান গে উনকু মা দৗড় কাতেৎ আদ অঁডেক হে জাওরায়েনা । হেসটের কাতে গে উনকু কহঁ উনিয়াঃ অঁডেনাঃ এনে সেরেঞ কল্ েআর আঁজম কাতে মা অডি রৗসকৗ ক আটকারেৎ কানা। চেদাঃ সে অনাক ঞেল আর আঁজমতে উনরে উনকু কমা অতিঞ ক পাৰ্য্যাৎ ক হিড়িঞ উতৗর আকাৎ আ। ধরমু হঁ রম তারকাও এন রেদ দমেয় সেরেঞ কে আ, রু কেৎ আ আর এ্য দন আঁৗচুর কে আ। কারাম সাই হঁ অনাতেদ আদ অডি তে গেয় রসিকৗ এনা। অনকা গে আদ ইনৗ হিলঃ উনিদ বেড়া ডুবুজঃ কান এ্য অক্ত মেরম ক লাগা গুটয়ৗও কাতে অড়াঃ তেয় আঁৗগু কেৎ কওয়া। মেরম ক খুঁদড়ি রে খৗড় বাড়া কাতে গে উনিদ রেগে জালা আদ টুকু রে মৗডিয় হাতড়াও লৗগিদঃ কানা। উনরে টুকু রেনাঃ ডৗবনি অটাঃ কাতেগেয় লেদ, দিনৗম গে তাঁহেন অনে এখেন টুকু এন হিলঃ মা সেকে সেকে ইসিন দাকা তে পেরে আকানা। ধীরমু মা ঞেল কাতেগেয় হাহাড়া উতৗর এনা। আর কৗরমু

ধীরমু তাকিনা ঘারঞ্জ রেদ জমাঃ ঞয়াঃ রেনাঃ আনাহঁ এনহিলঃ খনগে আদ সাহা উতৗর এনা। ধীরমু দ দিনৗম গে অনকা উনকু মেরম ক বিরজু বিরতে অ

আতিঞ »ইদি কওয়া,আর অঁড়ে মেরম ক আড়াঃ গিডি কাতে কারাম এ্য বি তে দিনৗম এ্য এনে সেরেঞাঃ আ। মেরম কহঁ দিনৗম গে আজাঃ অনা এনে সেরেঞ ঞেল রেগে ক বীই ক খাতির অতি কদ ক হিড়িঞ উতৗর কাঃ আ। অনাতে উনকু দ দিন দিনতে অডি তেৎ গে আদক রগা চেঁড়ে ইদিয়েনা। অড়াঃ রে মেনায় উনি কৗরমুদ মি দিনঃ ঞ ঞেল কদ উনকু মেরম কমা করগা ইদিঃ কানা। ধীরমু মা দিনৗম গে আঁগা তরা উনকুমা অৗতি এ্যা ইদি কওয়া, এন্তেরেই উনকুদ রগাঃ কানাক চেদাঃ? এনখান অকা লেকায় দয় অতিঞ এৎ কওয়া অনা লে লৗগিৎ তে উনিদ মি দিনঃ উকু উকুতে অনা বিরজু বিরতে ঞে-ঞেল আদয় চালাও এনা। অঁডে সেন কাতেয় ঞেলেদ উনি ধীরমু মা কারাম এ্য বি আকাৎ আ। আর অনা বি আকাৎ এ্য কারাম ধারে ধারেতে এনে আর সেরে রেগেয় লাবাধিয়ৗও আকানা। আর উনকু মেরম কহঁ বাং অতি কাতে ঞে-ঞেল রেগে-ক বাই চাবা আকানা। উনরে কৗরমু আদয় আঁচ কে আ, অনা খৗতির গে মেরম কদ ক রগা চেঁড়েঃ কানা। অনাতে মীর উনিদ এদরে কাতে অনে ধীরমুয় বিদ্ লেৎ কান অনা কারাম উৗর দতুৎ কাতে রৗপুৎ খাচা খুচু কে তেয় গাডা দাঃ রেয় চাপাৎ গিডি কাৎ আ। উনরে অনা খৗতির গে কারাম সাই ই আদয় উসৗৎ এনা। উনরে উনিদ অনে অনা গাড়া দাঃ রেয় চাপাৎ গিডি কাদে রেদ—অনা হর তেগে এয়ায় নৗই হানা সাহা সামানম দিশম রে আতু চালাও কাতেয় তাপুঃ এনা। উনরে উনিদ অনা সামানম দিশম রে রাকাব কাতে অঁডে মেনাঃ আন চাঁদান বুরু রেনাঃ চাঁদান দারে বুটৗ রে আদয় ডেরা এনা। কারাম সাই-এ্য উসৗৎ এনখান গে কৗরমু ধীরমু তৗকিনাঃ ঘারঞ্জ রে আনাট মা আরহঁ সেটেরেনা। খান গে উনকিন দুকিন বাড়ায় তিয়ঃ গৎ কে আ, সৗরিগে কারাম বগা খৗতির গে অকিনাঃ অনা দুক দসা দ আরহঁ লেতাড়েনা। খান অনাতে উনরে উনকিন দ উনি উসৗৎ লেন এ্য কারাম সাই গেল সেরমা গেলবার সেরমা উপৗস তিরৗস কাতেকিন রুওয়ৗড় অণ্ড লেদে তাহেৎ। আর রুওয়ৗড় আগু কেদে রেগেকিন অকিনাঃ ঘারঞ্জ রেহঁসুক সুপুলুক দ সারেড় এনা। (বগাঃ বুরুঃ করেনাঃ নেয়াম নেমাচার, বিনতি ভৗতি আর সেরেঞ ক সানামাঃ গে অনে ইঞাঃগে সাপড়াও খেরওয়াল কওয়াঃ বিনতি ভাগৃতি অনা কারাম বিনতি পুথি রেঞ অল্ আকাৎ-আ।