সেঁদরা কাথা দ সানতাড় হড় কওয়াঃ জিউয়ী মনে সাঁও মেশা কাতে মেনাঃ আকাৎ আ । সানতাড় হড় ক চেৎ লেকা এটাঃ এটাঃ বঁগা বুরু ক, রোগ বিঘিন ক খন দোগঃ লৗগিৎ তে, নায়তে নাপায় তে তাঁহেন লৗগিৎ তে উনকু কক পেরেচ কওয়া অনকাগে সেঁদরা কারকা করে-সৗল সারাম হেতড়াও সাঁওতে বির বুরু করেন কুল-বানা ক সাঁও তাপাম তুপুৎরে দাড়ে কাতে নাপায় তি নাপায় জাঁগা তে অড়াঃ ক ক রুওয়ৗড় হে দাড়েয়াঃ মা অনা লৗগিৎ তেদ সিমৗ সাড়ে বগা আর সেঁদরা বগা ক পেরেছ কিনা। সেরা কারকা লৗগিৎ তে দ উনকুদ সিমৗ বঁগা হঁ মানত এ হুয়ুঃ আ । চেৎ লেকা তে মানত এ্য হুয়ুঃ আ অনা কদ লাহা সেরে অল্ মেনা আকাৎ আ । সেঁদরা সাঁও দ খেরওয়াল হড় কওয়াঃ আকওয়াঃ ধরম জপড়াও মেনাঃ আকাৎ আ। ‘খেরওয়াল ধরম” রেনাঃ দিশী লেকা তেকলৗই আকাৎ আ, যাঁহায় হড় জেওয়েৎ জনমরে পে ধাও সেঁদরা রে বাং-এ সেলেৎ আকানা উনিদ সানতাড় ক মুদরে “হেরেল হড়” গেয় বাং কানা। লৗই আকাৎ আকউনি হড় দ এঁগাৎ কুখি রেগে মেনা আকাদেয়া|
সেঁদরা চালাঃ রে উড়ুকঃ রেনাঃ নেয়াম ক— আতো রে সিকৗরিয়ী কড়া ক, আতো রেনাঃ ক গটা কাঃ সুতৗন টাঁন্ডি রে (যাঁহারে সেঁদরা বগা ক বঁগা আয়া) ঞিদৗ রেগে অঁড়ে ক উড়ুক চালাঃ আ । উড়ুকঃ অক্ত যাঁহায় সিকৗরিয়ৗ করেন এরা হড় ক মেনাঃ আন ক তাকওয়া, উনকু দ আকরেন এরা আঃ মেড়হেৎ সাকম তুৎ কাতে ক ঠেমা তরায়া। উডুকঃ অক্ত অড়াঃ রেন বঁগা বুরু ক-ক এম হট কাকওয়া। সুতৗন টাঁন্ডি রে তুমদা টামাক, আঁ-সার, কৗপি, তিরিয়ৗও বানাম সাঁওতে সাঁকওয়া ক-ক ইদি তরায়া। অঁডেক রৗকৗ রমজ-আ, সেতাগঃ সাঁও সাঁওতে সেঁদরায় লাগিৎতে বির বুরু সেৎ আদক মহডাঃ আ। মহডাঃ লাহারে দিহরি দ উনরে সেঁদরা বগা ‘টুসৗ” ঞুতুম তেয় বঁগায়া। মিষ্টাং সারজম সাকাম রেনাঃ বেনাও ফুড়ুঃ রে সুডু কাতে, অনাদ হাঁডি লেকা উনরেয় চডরা। উন অক্ত রেনাঃ বাঁখেড়........,
জহার গঁসাই টসৗ মা এনখান
নঃ অয় অনে সেঁদরা -ঞুতুম তে
টড়ঃ রাসা লে এমাম কান চাল আম কান গসাই,
সুকতে সাঁওয়ারতে আতাংকাঃ তেলা কাঃ সাই
নায় বাড়ে নাপায় বাড়ে গঁসাই......... .
মা গঁসাই তেহেঞ দনুকু সেঁদরা কড়া ক,
সেঁদরা বির রে বল তরা গে সৗল সারাম ক
পাতড়াও এম কাতে ক হেতড়াও গৎকমা বাড়ে।
যাঁহা সেৎ খন বাড়ি হয় হিসিৎ ক হিজুঃ রেদ,
আমগে অনাকদ টেকাও দারাম টাঠে দারাম মে গঁসাই,
নায় বাড়ে -নাপায় বাড়ে সাই............. |
দিহরিয় বঁগা কে খান গে, সেঁদরা কড়া কদ বিরতে রেলাও চালাঃ লৗগিৎ আদক মহডাঃ আ। উন অক্ত দিহরি মিষ্টাং কুড়িৎ রামা জৗলুম-ডৗর বাং খান কোরাে জৗলুম উৗর আর ধুবি ঘাস হর তালা রে দহয়ায়। সানাম সেঁদরা কড়া ক অনা জৗনুম উৗর আর ধুবি ঘাস তালম্ পারম্ কাতে ক চালাঃ আ। সেঁদরা চালাঃ রে দিহরি দক সঁগে তরা কায়া। সেঁদরা বির রে সৗল সারাহ্ যা গেক গচ্ কে কওয়া, রুওয়ৗড় সেন কাতে উনকুওয়াঃ জে দ সমান তেক গেৎ হাঁটি জং-আ। সেঁদরা জেল হাঁটি হাতাও রেনাঃ কাথা কদ লাহা সেৎ রেগে অল্ পাশনাও আকাৎ আ ।
> মি-মিৎ গটাং বির বুরু করে অনে সেঁদরা কড়াক দিহরি আনতে সিঞ বঁগা অঁডে সৗখী কাতে বির গাক ঞতুমতে অনে উনকু বধাও লৗগিৎতে সিম দাঁড়েক সামাং কাতে বঁগাঃ বুরুঃ কৗমিক চিকৗড়া। বির স্যে বুরু ভিতরিরে বল কাতে বগাঃ বুরুঃ রেনাঃ নেয়াম; সেরা লৗগিৎতে নেড়ামাহা গটা কাতে বিরস্যে বুরুতেক বল লেনরেদ, অঁডেই উনকু শিকারিয়ৗ কড়া কদ বির স্যে বুরু বগা ঞুতুম তে দিহরীয়াতে সিঞ বঁগা সৗখী দহ কাতে দাঁড়ে কঅতি কতে অঁডে উনকু দাঁড়ে কওয়াঃ মায়া উনকু বগা বুরুক দিশী কাতেক জর-য়া। বঁগাঃ অক্ত দিহীদ লাড় তানাতে জাগাক ছাঁদায় তায়া। বহঃরে টটড়বাঃ তেক হীরু এয়া । অনা বহরে হীরু টড়বাঃতে দিহরীয়া মেহা-দ বঁগাঃ অক্ত দ এসেরে তাঁহেন তায়া। অনকা কাতেগে দিহীদ মিটাং আরাঃ সৗডিয় গা লাহায়েয়া। উনি সাঁডিদ সিবগা দিশী কাতেগেয় অতি লাহাঃআ। সারে পুন গটাংদ উনকু বি স্যে বুরু রেক তাঁহেন বিরবগা স্যে বুরু বঁগাক দিশী কাতেকঅতিঃআ। পুইলু উতৗর তেনিউনি আরাঃ সাঁডিকঅতিঞেঅক্তক বাঁখেড়া— “জহারসাই সিবগা বারাং বারাং
মা এনখান জৗটি লেকাম আটেৎ আকান
কিয়ৗ লেকাম হৗরুআকান,
ধৗৰ্তী যাকাৎ গটা আগেম ডাবাও আকাৎ।
মা এনখান গঁসাই, যাঁহায় রীডি এরা,
হেমে এরা, অসিৎ আটেৎ সিৎ আকাৎ আয়,
অকয় অনেয় বা আকাৎ বঁদ আকাৎ,
উনিয়িগে সিরৗ হপন তায় বাড়ে
কুলঠেনে সিৰর হ-চ কঃ
আর ইরেন নুকু বাচ্ আকান
বঁচ আকান হড় কদ,
নায়তে নাপায়তে বাড়ে নওয়া বিরখন
অৗয়ুর উড়ুক, সোতঃ উডুক্ কাঈ-কমে গঁসাই,
জহার সাই মা এনখান নায় বাড়ে -নাপায় বাড়েগে গঁসাই।” -
অনকাগে আদ বাঁখেড় বাড়া কাতে অঁডেহঁ উনিদ বুলু মায়ামতে চাও লে গাবাও কাতে উনকু হুরুৎ কুন্টুৎ বঁগাক ঞিদা কাতে চাও লে জাং ছুড়য়ৗও আতেয় বঁগায়া। ফুড়ুঃরে আজাঃ সুডু আতাং কাতে অনা সুডু উনকু বির বুরুরেন বুল মায়ামক চাহাও অস্কান বঁগাক ঞিদা কাতেই উনরেয় চড-রা। অনা বঁগা বাড়া হুয় এ রেগে সানাম সেঁদরা কড়াক অনা বির স্যে বুরু সেঁদরা আদ-ক অৗৎরিয়া। এমলেক রেগে উনকু দ উনরে চেঁড়ে চিপরু, সীল-সারাম, কুলৗই এমান তিনকু ক-ক হেতেড় ইদি কওয়া। পুইলু যাঁহায়াঃ সাতে চেঁড়ে চিপরু, সাল-সারাম স্যে কুলৗই ক-ক ঘৗলঃআ, উনিয়াঃগে উনি জিয়ৗলী চেতানরে অইদৗর-দ জৗরিঃ তায়া। এনখান সারদ উনি জিয়ৗলী স্যে চেঁড়ে চিপরুজাঃ হড়-ম রে তাঁহেন মাগে বাড়ে। আর এন এনাগে অনাদ ঠৗওকৗ বুটৗঃআ।
চাগাৎ ফৗড়ি সেঁদরা কারকা রে গচ্ আকাদে সৗল সে জিয়ৗলিয়াঃ ফৗড়ি দক চাগাৎ গেয়া। সৗল দ অকয়ে তুএ কাও দেয়া সে গচ্ আকাদেয়ায় উনি দ উনিয়ি গে হুয়ুঃ আয়। মেনখান চাগাৎ হাতাও দাড়েয়াঃ ফৗড়ি দ অকয় গে লাহায় চাগাৎ হাতাও দাড়েয়াঃ-আ, উনি মি হড় গেয় ঞামা। মেনেত দ উনি তায়ম আদ অকয় হঁ উনি জিয়ৗলীয়াঃ ফাড়ি দ বাংক চাগাৎ দাড়েয়াঃ আ। বাড়ায় রে তাঁহেন মা চাগাৎ ফৗড়ি ই গাঁওতা রেগে ক সেলেৎ মেসায়া। জিয়ৗলী কওয়াঃ ফৗড়ি দ লাহা কিন রেয়াঃ গেক চাগাৎ-আ, তায়ম ফৗড়ি দ বাং। মেনখান চেঁড়ে কওয়াঃ দফৗকড়ৗঃ দ বাং কাতে অনাদ, জাঁগা ফাঁড়ি গেক চাগাৎ আ ।
গিপিতি টান্ডি – সেঁদরা কারকা চালাঃ রে, আডি গান বির বুরু সেঁদরা গে বাসা- আতে, সে জিরৗও আতে ক সেঁদরায়া। অনে অনা বাসা সে জিরীও অঃ লৗগিৎ তে মিষ্টাংঠাঁও ক থৗমিৎকাঃ আ। সানাম কগে ইনৗ হিলঃ লেকা তেদ অঁডে গে ঞিদা ক জিরৗও আঁগাঃ আ। অনা দ “সুতৗন টান্ডি”হঁক মেতাঃ আ। অঁডে দ মিদ ঞিদৗ তুমদাঃ টামাক আতে দোঁগেড় ক এনেচ-আ। তিরিয়ৗও বানাম আতে হড় হড় কুডয়ৗ আড়াং বির রাহা তেক সেরেঞা। সেঁদরা বির সুতৗন টান্ডি রে হড়ম জিউয়ী কেটে কুটলৗ রাকাবঃ লেকানাঃ বির সেরেঞ, (নওয়া দ হানে সাকরাত ঞিদা কড়া হড় ক অনে তালা টাঁন্ডি রে সেরেঞ অক্ত হঁক সেরেঞ গেয়া ...)
“সেরেঞ রাহা দ বির”
তাঁহা রেতা না-না তারনা
তাঁহা রেতা না-না-না
তাঁহা রেতা না-না না- হো
তিকিন তারাসিঞ কাথা মিলুওয়ৗ তালা ঞিদা রেম সেটের আদিঞা.............।
তুম্বী রে মেনাঃ চুটি থামাকুর
গড়া দুওয়ৗর রে সেঁগেল
চুটি ঞূতুম ঞতে...............।
দোসে মিলুওয়ৗ গাতে দো রুওয়ৗড় মে ।
গৗই তল তে....।তালা ঞিদা তে আধা ঞিদায়েন
কিদিঞ চেতান ইদ মিলুওয়ৗঞ হেচ আকান
ইঞদ মিলুওয়ৗ গাে বাচ রুওয়ৗড়া তালা ঞিদা বাচঞ চেতান ,
“রাহা দবির রাহা”
কুলহি মুচৗৎ বীরু বুটী ঠেন
চেতে সেঁগেল দ জুলুৎ এ্যা জুলুৎ ?
অহায় বাছারে, চেতে সেঁগেল দ জুলুৎ এ জুলুৎ ?
বাংদ বাংদ বঁগা সেঁগেল,
বাংদ বাংদ উৗন সেঁগেল,
তালা ঞিদা আধা দিৗ বীরু বুটী ঠেন জুলুৎএ্যা জুলুৎ.......
বঁগা সেঁগেল দ বাং কানা
উৗন সেঁগেল হঁ বাং কানা
মৗঝি কওয়ি গুতি কড়া বুলুতুল তুল...
বুলু তুল তুল হুকৗয় ঞু-ঞু কান।
বেগর আঁডিয়ানাঃ গে বাতােলা, নংকা লেকানাঃ কুঁডয়ৗ নওয়া ক সেরেঞ ক
আর কাথা কদ নডে বাং নাপায়ঃ আ লেকা মনে কে খৗতির বৗঞ অল লেৎ আ। মেনখান বাড়ায় রে তাঁহেন মা অনা ই আবওয়াঃ সাসতর রেনাঃ গে কানা। কুঁডয়ৗ আড়াং বির রাহা তে সেরেঞ রেনাঃ দাড়ে দনংকা মেনাঃ আকাৎ-আ যে, সেঁদরা লাগা মনে জিউয়ী পারজাৎ কেটেল কেটেলে কটাক্ টিহিগৗও রাকাব গৎ কাঃ আ। অনাতেগে পাহিলঃ অনে হাপড়াম কদনংকানাঃ লায়-লাকচার অনে আবন খেরওয়াল ক তালারেক সিরজৗও হটয়াকাদা।“ল মহল” বিচৗর কহঁনওয়া সুতৗন টন্ডি রেগে হুয়ুঃ আ। সেঁদরা বির রে সিরজৗও কঃ যাঁহানাঃ কৗইজৗ খাপৗরি ক রেনাঃ হঁ নডেগে সালা গটাঃ আ। ‘কৗলকৗ” ইনডে গেক উঠৗওয়া........। কলিকৗ উঠৗও ক রেনাঃ নেয়াম নেমাচার কই লাহা সেরে অল মেনাঃ আকাৎ আ—, অনা খাতির নডে-দ বৗ অলেৎ কানা ।
সেঁদরা বির খন রুওয়ৗড় হেচ্ কাতে – সেঁদরা বির খন সানতাড় হড় কক রুওয়ৗড় হেচ্ লেনখান, অড়াঃ রেন তিরলৗ হড় ক আতে অড়াঃ বলন লাহারে জাঁগা কক আঁৗরুব হচঃ আ। উনগে যাঁহায় হেরেল হড় ক আকরেন এরা কওয়াঃ মেড়হেৎ সাম-ক তুৎ তরা লেৎ আ, অনা দক হরঃ রুওয়ৗড় আকওয়া । মেড়হেৎ সাম তাে কাতে ঠেমা তরা রেনাঃ তেতে তেৎদ নওয়া কানা; অনা তালাতে মিৎ লেকানাঃ দাড়ে উনি শিকৗরিয়ৗ-আঃ হড়ম-জিওয়ীরে অরসং জুটিজঃআ। চেদাঃ সে সিঞ বঁগা, মারাং বুরু, জাহের এরা নুকু ক শাখী কাতে উনি আয়ে হড় দ মেহেৎ সাকম-এ ঞাম আকা আ। অনা জোর তেগে উনিয়াঃ মলং সিঁদুর দ জিয়ৗড় মেনাঃ আ। অনাগে তায় আজাঃ ধরম দাড়ে। আর অনা দাড়ে -; অনা তেগে উন অক্ত দ আজিজ ছাতা দারে ঠেনে অসং গৎ কাঃআ। আর অনে অনা দাড়ে খাতির গে উনি শিকারিয়ৗ ই পারুখিয়ৗ লেকা বির সে বুরু করে সেটেরঃ নে-হাপড়াঃ হাপড়া মানা বাধা কই হুটৗস পাটুব কাতেয় পারম হিজুঃ আ।
বাড়ায় দহ লৗগিৎতে নডেঞ ঝা তরা কাঃ কানা, আততা রিনি নায়কেদ উনকু সেঁদরা কড়া কদ গ আগুয়াকাৎকক জিয়ৗলী কওয়াঃ পটা জে আর ইন-বর রেনাঃ মিৎ কুটরী অনে বঁগা বুরুক বাখরাতে আঁড়গো কাঃ লৗগিৎ তেক এমায়া ।
- হুডিঞ মাছাতে
0 Comments