সহরায় পরব আবো-আঃ গরব
সানতাড় হড় কওয়াঃ অনে সহরায় পরব দ আডি সরেশ আনাঃ মিটাংপরব কানা। নওয়া পরব দ ডাংরি, কাড়া অনা সাঁওতে মানমী কওয়াঃ হঁ পরব কানা । নওয়া পরব দ সানতাড় হড় ক সেরমা রেনাঃ আকওয়াঃ এটাঃ এটাঃ পরব ক খনাঃ দ নুনৗঃ গে লাঠু ক মনেয়াকাৎ আ যে, কাথা তেই অনা দক লৗই উতৗর আকাৎ আ “হাতি লেকান সহরায়”। মেনেৎ দহৗতি সাঁওক তুলুচ্ আকাৎ আ। সহরায় চাঁদো রেনাঃ উমৗস হিলঃ নওয়া পরব রেনাঃ এতহব দ। সহরায় পরব বাখরাতে মানাও ইদি কাতে-দ, পেয়া মাহা তে হাটি আকানা। এতহব মাহা দ উমৗস, ইনৗ হিলঃ দ আততা হড় ক গট টাঁন্ডি রেক বঁগাঃ বুরুঃ আ। আর দিৗ অক্ত দ কাড়া ডাংরি ক-ক জাগাও কওয়া। দসার হিলঃ দ “আড়াঃ দারাম”, ইনৗ হিলঃ দ আপিন অপিন অড়াঃ করে ক বঁগাঃ বুরুঃ আ। ডাংরি কাড়া ক হলং তে বেনাও খড় খ্ৰীড তে জাঁগা পাঁজা কক আয়ুর বলয় তাকওয়া । উনকু কওয়াঃ অনা বলন অক্ত রে খুঁড়রে জমাঃ ক-ক দহ ইদি কাঃ আ। তেসার মাহা দ “খুন্টীও” |অনা খুন্টীও হঁ বার হাটি তেক হাটি আকাৎ আ, মিদ্দ আতো খুন্টাও আর দসারাঃ দ দিশম খুন্টও। দিশম খুন্টৗও দ, অনে অকা হিলঃ খুন্টৗও মাহা কলৗইয়েৎ কানা অনা দসার। অনা দ জত আতো রেদ বাং হুয়ুঃ আ। খুন্টৗও পরব রেদ সানতাড় হড়ক আকওয়াঃ অঃ দুওয়ৗর রিলি ফিলিক ফারচায়া। হপন এরা, মিশরা কক নেতা আগু কওয়া। নিতঃ দ মিমি মাহা রেনাঃ কৗমি হরা ক পাশনাও সাঁহি ইঞ অল এৎ কানা।
উমৗস মাহা - ইনৗ হিলঃ সিঞ মারসাল দ আততা হড় ক “গট বগা”ক বঁগাঃ আ।নওয়া দ“গট সিম” হক মেতাঃ গেয়া।নওয়া বগা দ জাহের থান রেদ বাং ক বঁগাঃ আ। হানে আতো রেন ডাংরি কাড়া ক অকা পুড়য়ৗ রেক গঢ় কওয়া অনা গট টাঁন্ডি রেক বঁগাঃ আ। ইনৗ হিলঃ দ আতো রিনি গােডেৎ সেতাঃ খনগে, আতো অড়াঃ রেন গিদরী ক সঁগে কাতে অড়াঃ অড়াঃ মিটাং কাতে সিম-বুসৗঃ সা কওয়া ।
উন অক্ত গে গট টাঁন্ডিরে সােড়ে লৗগিৎতে কঁড়া চাওলে হয় উঠৗওয়া। বুলুং সাসাং কঁহ হানে মাসিম অক্ত লেকাগেয় উঠৗওয়া। নায়কে ই বসিয়াম সাঁও সাঁওতেগে তেকে সবৎ ফারচালুগড়ি তে পাঠেকাতে,হাটাঃ হেরমেরে হানে মাসিম রে সাপড়াও লেন লেকাগে সাপড়াও কাতে, গট টন্ডি তেয় উড়ুক চালাঃআ। আতো হড় কই নায়কে সাঁওতে গট টীন্ডিক সেটেরঃ আনওয়া “গটসিম” বঁগাঃ দমাসিম লেকাগে।নওয়া রেনাঃ খড় কই মাসিম লেকাগে, আর উনকু-ক বঁগা তুম ভেগে তেয়ারঃ আ । নওয়া বঁগাঃ রেহঁ সৗগুন ঠিলি আর বারয়া সিম বেলে, বঁগা থান লাহা সেৎ রেক দড়মা। হানে মাগসিম জম অক্ত সিম বুসৗঃক অকা লেকা নেয়াম কাতে অতি হুয় লেনা, অনকাগে নায়কে দয় আতিঞ কওয়া।
লাহা দ মারাং বুরু এতুম তে উন অক্ত রেনাঃ বাঁখেড়...
জহার গঁসাই মারাং বুরু মা এনখান
নঃ অয় গট সিম তুম তেলে
এম আম কান চাল আম কান গসাই.........,
সুকতে সাঁওয়ারতে আতাং কাঃ তেলা কাঃ গসাই
নায় বাড়ে নাপায় বাড়ে গঁসাই। মা গঁসাই
আলে জত কাঁড়া মৗনমী
যা গে অনেলে কুড়ৗও আন্টাও আকাৎ ....
অনা গেলেশ সোর আম কান সামাং আম কান গঁসাই,
আম ই কুসি মনে তে আতাং কাঃ তেলা কাঃ গঁসাই
নায় বাড়ে নাপায় বাড়ে গঁসাই।
মা গঁসাই আলে করেন মিই মেরম, কাড়া বিতকিল ক
নাপায় হড়ম জিউয়ী তেক তাঁহে কঃমা
গাড়-গাড় অড়াঃ পেরে ক বীড কঃ মা বাড়ে।
মা গঁসাই আলে কহঁ তেহেঞদ জম আলে ঞূয়ালে
লাজ হাসাে বহঃ হাসাে বাড়ে আলে ক মুদরে
আলম সিরজৗও হচয় ভিড়ীও হচয়া গঁসাই,
হেচ সেটের আকান তালে ক পেড়া পৗহড়ৗ কঠেন হঁ,
যাঁহানাঃ বৗড়ি ক আলম সিরজৗও হচয় ভিড়ীও হচয়া-গসাই
নায় বাড়ে - নাপায় বাড়ে গঁসাই.............. ।
[ মারাং বুরু আঃ জুগু তেগে, মৗনমী কদ মড়দা টৗন্ডি রেনাঃ কাদাম দারে বুটৗরে জানাম লেন-ক মিই মেরম ক-দক এম লেৎ কওয়া। কার্ড বিতকিল কহঁ উনি মারাং বুরু গে মড়দা ঝরনা খন টবঃ ডাং তেয় টাবুঃ রাকাব লেৎ ক তাঁহেৎ ।]
মারাং বুরু ঞতুম তেনি দাঁড়েয় আতিজ্ঞ লেনখান গে নায়কে দ কৗপি তে হটঃ রেতা তপাঃ কাতে খড়রে বহঃ তেৎ এ্য দহয় তে, রেতা তপাঃ আকাৎ হড়ম খনাঃ খুঁড়রে মায়াম এ্যা জর হচয়া। খুঁড় রেনাঃ বহঃ ঞ চাক লেখানগে নায়কে দ অনারে তিতে দাঃ এ্য চুডরুজাঃ আ আর এ্যা গঁডাঃ আ ।নংকা কাতে জাহের এরা মড়ে কতুরুয় ক হানে মাসিম রে অকা লেকা বঁগা হুয় আকানা অনকা নেয়াম তালাতেগে কৗমি-দ চিকৗড় হুয়ুঃ-আ। বাঁখেড় এতহব রেদ “গট সিম তুম তে এমঃ হুয়ুঃ কানা”নওয়া লই কাতে “মিই মেরম বাডঃ রেনাঃ” কাথা ক লৗই কাতে তায়ম সেৎ দ হানে মাসিম অক্তরে অকালেকা বাঁখেড় আকানা, অকা লেকাগে অনাদ লৗই হুয়ুঃ আ। সিম ক বগা বাড়া হুয় এনখানগে নায়কে দ মাসিমরে অকা লেকাতে অনা কৗমি কয় গুড়য়ৗও লেৎ কানা, অনাহঁ অনকাগেয় গুড়য়ৗওয়া । আরহ লৗই তরায়াঃ কানা, জাহের এরা তুম্ তেনি দাঁড়েয়াঃ হটঃদ আল তপাগঃ মা বাড়ে। অনা তায়ম মারাং বুরু এতুম কাতে আদ ফুড়ুঃ তে হাঁন্ডি ক চডরা। উন অক্ত রেনাঃ বাঁখেড়.....
জহার গঁসাই মারাং বুরু, নঃ অয় গটসিম ঞুতুমতে
ঝার দাঃ তাপান দাঃ লে এমাম কান
চাল আম কান সুকতে সাঁওয়ারতে আতাং কাঃ তেলা কাঃ “গঁসাই
নায় বাড়ে নাপায় বাড়ে গঁসাই......
(নওয়া তায়ম সেৎ দ হানে লাহা তেনাঃ বাঁখেড় রে মেনেৎদ সিম আতিঞ অক্ত অকা কাথা কলৗই আকানা-অনকাগে লৗই ইদিয়াঃ হুয়ুঃ আ ।)
বঁগা বাড়া হুয় লেনখান মাগৃসিম অক্ত লেকাগে নায়কে দ দাঁড়ে কওয়াঃ বহঃ জেল সসাড়ে, আর আততা হড় কদ দাঁড়ে কওয়াঃ হড়ম জেল সােড়ে ক জমা। অনা তায়ম বঁগা থান রেনাঃ সিম বেলে দ আততা জাকাৎ রেন গট ডাংরি ঠেন ক লেবেৎ পচর হচয়া। অনা বেলেকিন অকয়িচ ডাংরিয় লেবেৎ পচরা, উনি দইনৗ সেরমা রেনি নাপায় মলং আনি হড় ক মনেয়েয়া । অনা লৗগিৎ তে উনি হড় দ দসার সেরমা গট সিম বঁগাঃ রেমিটুকু হাঁন্ডি এমঃ হুয়ুঃ তায়া। অনাকৗমি সীত লেনখান আতো হড় ক আদনায়কে ইদিকাতে অড়াঃ সেৎকমহডাঃ আ । বঁগাঃ টাঁন্ডি খন অড়াঃ সেৎ মহডাঃ লাহারে নায়কে দহলং দাঃ ইরচি তালাতে অনা করেনাঃ হুঁত এ্য ফেড়াও হট কাঃ আ। অড়াঃ তে নায়কে সেটের লেনখানে অড়াঃ রেন তিরলৗ হড় কতে উনিদ জাঁগা ক আরুব এয়া, অনা তায়ম আদ অড়াঃ এ্যা বলনা।নতে আদ আততা রেন কড়া হড় কদ টামাক তুমদাঃ কক সাজাওয়া, ঞিদী বেড়া অনে ডাংরি জাগাও উডুকঃ লৗগিৎ তে।
আয়ুবঃ সাঁও সাঁওতে অড়াঃ করেন তিরলৗ হড় কদ গড়ারে সুলতৗ সেঁগেল ক জুলা, আর কড়া হড় কদ ডাংরি কাডা ক দেরেঞ করে সুনুম কক অজঃ আকওয়া । সহরায় রেদ ডাংরি কার্ড ক, খুন্টৗও মেসা পে মাহা বাংখান মড়ে মাহা দেরে রে সুনুম ক অজঃ আকওয়া। ডাংরি দেরেরে অনে সুনাম অজঃ আক খানগে অড়াঃ খন হােড়াে চাওলে এটাঃ হড় বাংক এমা কওয়া আর অনাদ একাল বাংকতিকিলহদা।কড়া কঞিদৗ বেড়া কুল কুলিয়াতে রীও রীও কাতে ডাংরি জাগাও ক সেটেরঃ আ । উনরে উনকু কদ তুমদাঃ টামাক কক রু সাডেয়া আর ক সেরেঞা
অহি............রে...........
দাঁশায় চাঁদো পারম এনা ... সহরায় রে চাঁদোয় বলয়েনা,
সেটের এনা উমৗস ঞিদা দ............
জোল পেসে এগো আয়ো গড়ারে সুলতৗ সেঁগেল,
কুঁইডি সুনুম তে জো আগায় পে ।।
গড়া রেনিচ মারাং ডাংরা উনি লাহা জাগাও এপে, অনা তায়ম গীই ক,
পেঁঠাড় ক ।। অনা তায়ম জাগাও কপে মিহহু মেরম ক, মুচৗৎ রেদ কাড়া বিতকিল ক ৷৷
জাগাও জাগাও জাগাও আবন ... উমৗস দিৗ দ মি দিৗ বন জাগাও আঁগায়া..........।।
উমৗস আঁবাবৗসিয়ৗ)
সেরেঞ মুচৗৎ লেনখানগে জতম কতে ক কুল কুলি গৎ কাঃ আ, অনা তায়ম তুমদাঃ টামাক কক রু সাডেয়া।নংকা কাতে গে অনা উমৗস দিৗ দ ডাংরি কার্ড কক জাগাও আগা কওয়া। অড়াঃ রেন হড় কদ গড়া রে সুলতৗ সেঁগেল কক জু আঁগায়া। নওয়া দসার রেনাঃ মাহাদ হুয়ুঃ কানা আড়াঃ দারাম মাহা। নওয়া দ অনে জিরাও মাহা হঁক মেন গেয়া।
আড়াঃ দারাম মাহা – উমৗস দিৗ জাগাও আঁগা কাতে দসার হিলঃ সেতাঃ এনা, অনাদক মেতাঃ কানা আড়াঃ দারাম মাহা। অড়াঃ করেন তিরলৗ হড় ক উম তােপাে ফারচা কাতে, অড়াঃ কক গে গুরিচ ফারচায়া, আর সেতাঃ খনগে পিঠা উঁবােঃ কক ইসিনা। হেরেল হড় কই তােলপা উম ফারচা বাড়া কাতে অড়াঃকরেন বঁগা বুরু কক দেবা সেবা কওয়া। গড়া রেন বঁগা কক বঁগা আকওয়া। তিরলৗ হড় কদ অড়াঃ ছাটকা খন গড়া দুওয়ৗর হাবি হলং দাঃ তে গঁড় কক বেনাও-আ। আর অনা খড় খুঁড়তে জমাঃ কদহ ইদিয়া । অড়াঃ রেন ডাংরি কার্ড কওয়াঃ জাঁগা রেনাঃ পাঁজ অনা খড় খড়তে ক আয়ুর সাঁবাও আ।গড়া রে বলন অক্ত উনকুডাংরি কাডাক অনা খড় রেনাঃ জমাঃ হালাং হালাং তেক আয়ুর সাঁবাও অঃ-আ। ডাংরি কাডা অড়াঃ তেক বলয়েন খান গে, জতম ডাংরি কার্ড কক জাঁগা দাঃ কওয়া। অনা তায়ম মিষ্টাং থৗরি রে ধুবি ঘাস (তাসাৎ), রৗইমুদি হােডড়া, হােডড়া গেলেতে গালাংকাঃ ধাওয়া, সাকাম রে সিঁদুর আতে তিরলৗ হড় কদ গাই কাডাক চুমৗড়া আকওয়া। চুমৗড়া অক্ত থৗরি রে সুলতৗ সেঁগেল দ জুলুঃ আ (চুমৗড়াদ বাপলা অক্ত লেকাগে)।লাহা দমারাং ডাংরা,অনা তায়ম গৗই কাড়া, বিতকিল কক চুমৗড়া আকওয়া। মলং করেক সিঁদুরাক তে ধাওয়া কক তল আকওয়া । ডাংরি কাডাক হলং আর সিঁদুর টিউৗঃ কাতে ছাছক সাজাও কওয়া। ইনৗ হিলঃ লেকাতে ডাংরি কাডাক দেবা সেবা রেনাঃ কৗমি কদ অনকা কাতে আদ অঁডে গেক থুম হাপে কাঃ আ। -তাকওয়া। হপন টলারেন কুড়ি গিদরৗ আর ঞিদী দ পারমঃ ,অনা তায়ম আদ মৗনমী কওয়াঃ জম ঞ আর রৗস্কৗ রমজ লেতাড়ঃ এরা, মিশরা, জাঁওআয় গমকে ক-ক রসিকৗ রমজ আ । আতো ক সাড়পা কক এনে আ নংকা কাতে গে ইনৗ হিলগাঃ সি আ। আঁগা লেনখানগে অনা দসার দ খুঁন্টৗও মাহা। চুমৗড়া অক্ত রেনাঃ মিটাং সেরেঞ
“এগাে ধনি সাজঃ মে চুমৗড়া লৗগিৎ দ
নসে গাে ধৗনি লগন সাজঃ মে ।।
সাজাও সাজাও সাজাও মেসে সেপে মেসে থৗরি রে,
ধুবিগর ঘাস ধৗনি রৗইমুদি হােড়াে তে........
সুলতৗ সেঁগেল....মৗলিরে সুনাম আতে ......।
মাড়াং তে চুমৗড়া আয়মে মারাং ডাংরা দ
অনা তায়ম গাইকমিহক.. মুচৗৎ রেদ কার্ড বিতকিল ক।
চুমৗও রেনাঃ অরজ দ ঞামঃ গেয়া ধৗনি গো
বৗডঃ আক গাই কার্ড বিতকিল
বৗডঃ আকমিহহু মেরম ক...............
খুঁন্টীও মাহা - ইনৗ হিলঃ দ ভৗংরি কার্ড কক খুঁন্টৗও কওয়া। অড়াঃ ছাটকা রে সেঁড়া সেঁড়া খুঁন্টি কক বিদ্-আ। তারাসি খান গে আপিন আঁপিন রেন ভৗংরি কার্ড কক তল্ কওয়া। ইনৗ হিলঃ দ ডৗংরি গুপি মাহরা ক অডি তে গেক রৗৗয়া। তুমদা টামাক আর মিষ্টাং রহড় হারতা আতে উৗংরি কাডাক চারহাও কওয়া। লাহা দমৗঝি ছাটকা রেনি ক চারহাও এয়া।
ডাংরি সে কাড়া ক তল আকাদে ঠেন সেটের কাতে সানাম রুসিকা হড় কক কুল কুলি গৎ কাঃ আ । অনা তায়ম আদক সেরোঞা
অহিরে......... এনে মেসে এয়া রৗগয়ৗ,
খেলােন্ডদ উদু মে......
তেহেঞ দসৗরি সহরায় খুঁন্টাও।
মুমিন দিন এম তাঁগি লেৎ
মুমিন দিন এম ধেয়ান লেৎ
অনা দিন দ তেহে সেটের এন ।।।
দেরেঞ তে রগ মে
রীগয়ৗ পূন জাঁগা তে এনে মে
দন আতে খেল উদু মে
ডিগির ডিগির ঘুড়ি দ অটাং মে।
সেরেঞ মুচৗৎ সাঁও সাঁওতেগে জতম রুসিকা কক কুল কুলি গৎ কাঃ আ । অনা তায়ম টামাক তুমদাঃ রুক এতহব আ। ডাংরি কাড়া চারহাও পারুখিয়ৗ কদ কাড়া উৗংরি ক গুড়দৗম আতে ক চারহাও কওয়া। হেরেল হড় তিরলৗ হড়, সানাম কগে দমেল দমেল কাড়া ডৗংরি চারহাও ক লাে। ঞেল লেতে আয়াে হড়-ক ঝিলৗও আতে উনরে সহরায় ক সেরেঞা -
চেতান টলা রেমা গাঁই ক তলে কান (২)
লাতার টলা রেমা কাড়া ক তলে কান।
গৗই ক তলে কান মানা জীড়ি জতে তে (2)
কাডা ক তলে কান মানা সিলি সুতৗম তে।
গৗই ক চারহাও একান মানা ধুড়ি গেয় ডিগির এৎ (2)
কাড়া ক চারহাও একান মানা চাওয়ার এ্য লকায় এৎ ।
হােমৗলি ফুল কারাম উৗর................
কাড়া ক চারহাও একান মানা চাওয়ার এ্য লকায় এৎ ।
আদ সেরেঞ মুচৗৎ রে টঃ সাঁহি কাথা কলৗইয়াঃ আ, “জিয়ৗং বুঢ়হি মালহান লেট।”
অনে অনকা গে আর মিসেৎ রে জুরি কুড়ি কিন সেরেঞ এৎ আ—
“মৗঝি কওয়াঃ ছাটকা রে
জারে কিসনি বাহা আকান
জারে কিসনি বাহা দনা চিকৗ তেলাং তিয়ুগ আ
বাতা তেক বাতা আকাৎ
জৗনুম তেক রামফাঃ আকাৎ
জারে কিসনি বাহাদনা.. তিকৗ তেলাংতিয়ুগআ.......... ..... ?
হােমৗলি ফুলকারাম উৗর...
জারে কিসনি বাহা দনা.........
চিকৗ তেলাং তিয়ুগআ...।
অনকাগে আরহঁ তারকাও রাকাবঃ -আ -
-----সেরেঞ -----
তঁাহা রেতারে না-না-তারনা
তাঁহা রেতারে না-না-না-না
তাঁহা রেতারে না-না-না- হো
তাঁহা রেতারে না-না-না- জো।
পিয় ...পিয় হাে রেগে পিয়.......
পিয়...পিয় হাে কিসৗড় পিয়
আলে অড়াঃ পিয় চালাঃ মেসে
জড়া মুতুল পিয় রাজগড় বাঁদ রে ।।
তাঁহা রেতারে না-না-তারনা
তাঁহা রেতারে না-না-না-না
তাঁহা রেতারে না-না-না- হো
তাঁহা রেতারে না-না-না- জো।
অপুঞ তেক পিয় রাজ রাপাজ
বারে তেক পিয় বাবু ভৗইয়ৗ,
তওয়াম জমা পিয় তওয়া এমাম
দাহেম জমা পিয় দাহেঞ এমাম
হো মৗলি ফুল.. কারাম ডৗর
দাহেম জমা পিয় দাহেঞ এমাম ।।
খেরওয়াল জাতি হড় কদ নংকা গে রৗস্কৗ রৗকি তালাতে অনে অনা হাতি লেকান সহরায় দক পারম হচয়-আ। নওয়া সহরায় রেগে অনা খুঁন্টৗও মাহা হিলঃ অডি হড়গে গড়া রেক কারামঃ আ । অনা দক মেঃ কানা “গড়া কারাম।” নিয়ৗ ক লাইকাতেৎ গে অনে আদ সহরায় রেনাঃ কাথা দু মুচৗৎ কে আ। বাড়ায়রে তাঁনেমা সহরায় রেগে ডানঠা, কারাম, রিঝৗ আর সাড়পা কক এনেজা ।
0 Comments